楠天Kitchen (已搬遷) 新店位置

呢間私房菜日日午飯時間都大排長龍，排到出店外面，因為佢價錢唔係好貴，食物都幾大份，絕對會飽飽。雖然大排長龍，但係佢 dequeue都幾快，裡面空間唔係好大，不過佢都有露天座位。不過大部分人都係來買外賣。雞比飯都有唔同種類，有炸有油比。蛋都係大大塊。仲有魚香茄子飯都幾特別，外面會將炸既魚香茄子分開，唔會好似其他食店咁一堆pat落個飯度，到你領到目的地打開 個飯盒食既時候都唔會lum baad baad，如果想食健康d仲有藥膳湯飯，都係唔錯既選擇。價錢一般50$有找

每次去科學園食飯都一定係揀食楠天! 因為係園區入面最好味既餐廳一到食飯時間就算早黎搵位都係好多人排隊... 買野食條隊更加係排到出去出面, 可想而知個味道都真係唔錯先有咁多人排排隊等買野食都等左大約15分鐘, 加埋等野食大約25分鐘~ 趕時間既真係要早少少或者等到2點先好黎~ 餐廳有分室外同室內, 因為呢日落雨,所以唔少人都揀左坐室內,而我地就坐室外, 仲有涼風同景睇~好彩食到尾聲先落大雨所以我地都雞咁腳咁走

今天閒逛科學園, 周圍都充滿著休閒的氣氛, 正值LUNCH時間, 眼見此小店排隊排至門外, 但地頭蟲依然井井有條, 默默排著等ORDER, 我當然都排埋一份~! 叫了一份雞脾沙律, 一個咖哩吉列豬扒飯, 心想: 都只是快餐店常有餐單, 應該不過不失吧?? 跟朋友找個地方SHARE, 先吃雞脾沙律, 雞脾調味足, 而且是即叫即炸, 好脆好JUICY!!!真的令我又驚又喜, 估不到在這裡, 可以品嘗到如此美味的快餐, 沙律份量超充足, 好冰凍, 而且好多生果, 吾似出面大部分都只有薯仔的沙律~! 好正!!之後的咖哩吉列豬扒飯, 我還以為自己去了高檔日本食店, 咖哩汁調得好出色, 你感受到是熬了很久有薯仔蓉, 羅白, 肉碎等等….而吉列豬扒炸得出色, 豬扒鬆化!我和朋友一同KO, 一滴汁都不留, 汁與飯的份量剛剛好!! 下次再來科學園, 一定要再試試其他菜色!  

有驚喜的私房菜！純天然、無添加、不放味精！材料新鮮，船家的珍貴龍躉，非一般的沙巴龍躉！ 魚皮夠厚又彈牙、魚腩夠滑、魚肝夠濃味、蒜頭燜頭腩！甜品是燉門鱔膠，夠滋潤！

一場來到但未齊人又未夠鐘開 show... 食個 Tea 先~ 買完野食拎住收據等叫 number~ 呢度既員工都好 nice... 如果有需要收據 for 免費泊車都可以問下佢地...炸雞脾薯條唔會炸到乾睜睜... 粗薯條正~ 好少會食炸雞脾... 炸到個皮好脆雞肉都滑喎~最搞笑係婆仔周圍搵茄汁... 一問... 原來要問廚房出餐個個... 要咁多茄汁好似嚇親佢... 凍奶茶呢度沖既奶茶都唔錯... 唔會茶味過多~常餐朋友叫既常餐... 未叫得切就已經拎走左半去多士...朋友點左個中餐... 婆仔無試不過就聽到朋友話好食喎~

之前黎過科學園, 又貴又唔好食.  星期日踏單車黎到, 實在太肚餓, 冧住求其食D野再去大埔先算. 點知科學園多了好多新餐廳, 我地行左幾間鋪, 見呢間楠天, 完全不起眼, 但見很多穿制服的工作人員在食飯, 心冧呢間應該可以的,  最重要價錢唔貴.  積管試下啦.  叫左粟米魚塊, 蒸魚, 雞睥沙律.  超值!  好味!  真系要讚下自己觀察力強. 

踩單車係沙田友指定假日玩意。禮拜日人多車多去科學園hea 下都不失為一個選擇。小弟今日只想食個茶餐廳般的下午茶。又唔想食平日已食太多嘅大快樂。誠意為大家推薦，楠天kitchen。 平民價，十八蚊仲送熱飲。響科學園邊度揾？油占多我俾85分。 薯條散叫大大碟，都係22蚊。係我最愛的曲線薯條。老闆和員工們殷勤的服務和笑容，才更令呢個下午茶食得舒舒服服。tips:1. 低調地在日本餐廳旁，唔好行錯。2. 單車人士可選外面幾張枱，方便睇車。