楚海鮮火鍋飯店 (已結業)

初初行过见佢咁豪华既装修,谂住好贵,之后睇睇佢门口张纸既价钱,咁低?!系真唔系呀?!入去会一会佢先!!入到去坐低拣o野食既时候,有个伙记拎住碟醉蟹钳行过o黎,做特价$28,就试试佢先......哗!好味!!相机都未拎出o黎已经差唔多比我地食晒!老细见我影碟蟹钳,仲问我驶唔驶拎多碟出o黎比我影,我当然唔好意思啦,o野都未点!!我地都系食d好普通o既野,不过有几款真系要推推佢...雪花肥牛,$20有找,通常第二度食既都系无乜牛味,但佢o既肥牛d色好靓好红,食落都唔系得个样,有牛味!!我地四个人叫左6碟下次要试下佢个手切牛(我去到已经卖晒)碟圣子拎到出o黎,只只都好生猛,真系忍唔住要拎部相机出o黎影影佢!!今次都系叫d普通o野食,其他食物都好好,下次要叫多o的海鲜试下!!整体o黎讲,装修靓,味道好,价钱平,四个人饮埋啤酒汔水,一人都系$150!!以后食火锅都唔驶再谂去边食!!…查看更多

昨天跟一大班同事们到这间从未去过的餐厅吃晚餐,哗! 居然很惊喜!:) 一去到其舖外已有政府表位,非常方便 ! 刚步入【楚】之舖内,看到其富丽的装潢,不禁望一望舖外说:「这里真是土瓜湾吗?」 这晚我们是坐一间以蓝色为主色的VIP 房,从房内望出其店内大堂,看到其特色的装饰,可见店主的心思果真值得一赞！再由一位同事选择佳肴美食后,我们便开始谈天说地了! 不久,第一味菜入房,这就是.....新鲜空运超正【松岛生蚝】了! 根据店主跟我们说,这些松岛生蚝昨天还在日本海里游,今天已落在我口,那种新鲜的口感,难以用笔墨形容, 只能口里说出一句:「正呀!」 一点鯹味也没有的生蚝,在香港其他地方实难以找到,非常值得一试。 Very Good !!! :) 第二款佳肴就是 ~ 【活多宝鱼并黄𫚭䲝刺身】, 配以一个透明巨型龙船托盘,份外显出其活鱼之气势,每啖活鱼刺身都百份百好味,再加些日本手磨Washbi,完全无懈可击! 口里又只能说出一句:「正呀!」 第三款佳肴就是 ~【圣子皇刺身】,利用巧妙的井字形排列,令其更美观之余,更显贵丽。当我放第一啖圣子皇刺身入口,就像整个人跌入海中,那种新鲜的感觉再度浮现,Very Nice !! 好了,生肉吃过了,要吃些熟食了,第四款佳肴就是 ~【辣酒煮花螺】了,这碟𩠌真的是十分辣,但又果真十分好味,我另一位同事因为食得辣,就连煲内的辣汤都渴清,可想而之有多好味! 又是值得推介。 之后就到脆口野,这两味𩠌菜就是【炸鲜虾丸】、【炸甜蜜瓜】及【椒盐鱼骨腩】，这虾丸为其店自行购买上等新鲜虾手打制成的，非常好味；:) 炸甜蜜瓜含有重蜜瓜味，一食落口便停不到口；:) 至于椒盐鱼骨腩，不用使用任何调味品，已达到上品的水准，又是一味一件接一件，没办法停口的佳肴。 之后就到【芝士焗海黄𫚭䲝】、【什茶煲】及【元蹄】出场啦！在这三味𩠌中，最值得推介为元蹄。元蹄这上海菜看似很大件，但一刀切落去就好像蛋糕那样松化，口感极正，估不到广东酒楼能做到如此出色的杰作，又是那一个字: 「正!」 而芝士焗海黄𫚭䲝则拥有无敌芝士味，完全没有"溜"的感觉，越食越想食，Nice ! 什茶煲虽普通菜色但制作绝不马虎!! 最后店长特别为我们送上特色甜品 ~ 【锦鲤布甸】，虽然每位同事都是很饱，但看到这甜品都不能不试，除了卖相精美，味道亦不太甜，可谓刚刚好，我用两啖便可食完一条【锦鲤】，非常滑溜，正！大家千万不要误会，为何我由文章开始一直赞到尾?又为何我附上的相片有些后期制作? 我是否是其中一名老细？对不起，我都想能成为老细但我不是，而执相只是我的兴趣呢! 而我当晚亦有幸看到老细真人，他非常友善，而他的厨房班底绝非简单，这样才能做出这么多非凡的菜色呢！而这店的食品价钱真的非常合理，看到食品的质素，再看回张单，一D都唔贵呢！现借此机会向大家推介，希望大家欣赏! :) 愿主祝福大家 !! :)…查看更多

一行5人黎到新开张既"楚"饮早茶.....鲜虾腐皮卷---好多虾肉..好脆..不过油腻o左dd..虾饺皇---一一笼三只....每只虾饺内有差唔多5只中虾.... size大得惊人... 味道都唔错.....系胡椒粉味重o左d....蟹子烧卖皇---又系好多虾...不过都系胡椒粉味重o左d....粉果----皮厚o左d....萝卜糕---萝卜落得足.....好甜萝卜味:)仲叫o左其他点心.不过无咩特别....不过5个人有成10笼野...先百五到..都几抵食....…查看更多

见开左一个月到,一于黎试试,今晚4个人去打边炉,d食物好新鲜...推介星级手切肥牛另外汤底都值得赞....我叫左番茄薯仔粟米汤,好好味,打到落尾都仲有味...good!4个人埋单$489下次会再黎,可以试下早茶!…查看更多

是日除夕, 原本想同女朋友去食 "胡须安", 但无位. 结果黎左呢间试下, 又唔错㖞!是晚食材如下:1) 醉鸡锅半只 - $58有半只鸡连汤底, 加上肉质不俗, 都几抵2) 手切肥牛 - 有牛味! 正!!3) 墨鱼滑 - 唔够弹牙, 唔算出色4) 花甲 - 原来无打算叫, 因为总觉得喺火锅店叫海鲜会 "比人㓥". 但食食下有个亚姐拎碟嘢过黎sell, $28差不多有廿只 (可能系临收工所以平d), 唔太贵就试下. 点知又几鲜甜㖞!5) 三文鱼刺身 - 一般般啫. 不过佢个 "安格斯牛肉刺身" 我又真系想试. 不过得2个人, 下次先6) 唐生菜&海鲜菇 - ok啦总括黎讲真系唔错, 如果有埋炸腐皮卷同肥牛粒就仲好!:)不过佢d海鲜望落去都好新鲜, 如果有特价, 我谂我会试下 (如似花甲咁).顺带一提, 佢都算系我去过装修得最靓嘅火锅店! 睇得出店主落左一番心机:)希望佢可以愈做愈旺啦!…查看更多