楚撚記大排檔 (寶光大廈)

营业中

休息中

光顧了很多年，一直以為係親民派的食肆 ，特登由港島區入去土瓜灣光顧。 以前都會送糖水，其實唔係價錢的問題，而係每次象徵式都會喜歡佢哋窩心嘅糖水。 今晚外賣自取，同我講啲糖水已經送曬，咁啱俾我見到佢啲同事仲送緊俾其他客，我就問：但係我仲見到你啲同事俾緊其他客 wo.. 佢話現場嘅仲有得送, 外賣嘅就已經送曬， 真係十分無奈. .. 以前都唔係咁.. 自問三百幾蚊一張單兩個人食，唔係大銀碼，亦都唔係cheap到咁細銀碼 ，一碗糖水，你要我俾返錢都唔係俾唔起，但係唔好講呢啲咁嘅技巧性大話，好失望， 覺得好唔公平， 希望制度以後會改進 定係分店越開越多，質素真係越嚟越下降？ 香港人唔係會一齊開心share嗎？

6點唔洗book位就順利入到去每次見到條人龍你都咪話唔驚😂所以記得要book位呀👌🏻土瓜灣搬左新鋪地方勁大勁舒服舊鋪食過一次依家終於有機會再食有啲新菜式仲係土瓜灣店限定🫶🏻✎拔絲焦糖香脆燒腩仔 $98拔絲整到成個圓柱體咁圍住啲燒腩仔勁靚燒腩仔個皮炸到勁脆 肥瘦均勻 連埋拔絲一齊食甜甜地都幾得意.秘製香辣水煮花甲 $128會有個爐興住個鑊仔 可以熱住咁食除左花甲 仲有粉絲同豆卜 索哂啲辣汁好夠辣.楚撚記秘製鳳爪 $68個汁都係偏辣既口味 鳳爪煮到軟硬適中.生炒糯米飯 $39糯米飯粒粒分明 擺左一陣先食都唔會痴埋一舊配料亦都炒好夠香 有臘腸 冬菇 花生等.黃金炸饅頭 $40饅頭炸到金黃色 唔會過硬 食落又唔會成口都係油 點煉奶好夾 .蕃薯糖水 / 綠豆沙清心丸試哂2款糖水都好好味👍🏻👍🏻👍🏻蕃薯煲得夠腍糖水都好重薑味 食落有小小薑辣綠豆沙係用無皮既綠豆煲出黎 清心丸夠哂煙韌

要搵一間坐得舒服，食物味道夠晒傳統嘅大排檔真係唔容易，偏偏就被我喺土瓜灣遇見佢。自從屯馬綫通車之後，去土瓜灣真係方便咗好多。去到先知原來楚撚記已經搬咗去一間更加大更加靚嘅舖頭。雖然座位數量有好多，不過排隊嘅人仲多。因為預先同老婆book咗位嘅關係，我哋去到大概等咗5分鐘之後就獲安排入座。員工都好有耐性同我哋介紹食物，同埋兩種豬油撈飯嘅分別😂😂 (陣間再講)。我哋order左以下嘅餸菜1) 啫啫唐生菜煲- 啲人成日話最容易整嘅餸菜最難整得好食。佢哋嘅生菜真係非常出色啦！唔會太生亦都唔會太淋，醬料亦都豐富，加埋蝦乾去調味。係一個非常好嘅開胃菜。😍(2) 燕麥金沙蝦球- 黃金蝦球就食得多，即係炒香啲鹹蛋黃再同鮮蝦混合。呢度嘅金沙蝦球做得好好食，燕麥就係佢哋嘅靈魂，完全吸收晒鹹蛋嘅香味，再配埋啲新鮮嘅蝦肉，用嚟撈飯真係冇得頂🥰🥰(3) 秘製熱辣辣麻辣雞煲- 本身我唔係太食得辣，所以店員亦都好好特登安排小辣俾我。雞肉冇雪藏味，蓮藕，洋蔥，蒜頭，芫荽等等嘅配菜都係決一不可。我老婆本身唔食蓮藕，佢都話好食😙😙如果食得辣嘅話肯定更加正🙈😭(4) 懷舊豬油撈飯 (復刻版)- 懷舊同埋新嘅其實有咩分別呢？

【再訪土瓜灣人氣大排檔🔥楚撚記】-放學想食大排檔❤️‍🔥即刻諗到楚撚記😜於是一落堂就搭車嚟土瓜灣🥴😋想睇返之前嘅食評請按➡️ #楚撚記為食貓 ⬅️-土瓜灣店好大間🤫有成二三十張枱生意好好😗一到七點幾就好多人排隊👩🏻‍🤝‍👨🏼👭🏻今次多咗啲冬日限定嘅菜式🍲一於試吓佢地先😜-😋楚撚記脆皮燒BB鴿🕊 $64乳鴿皮脆、肉滑😌超香口點埋淮鹽同黑醋就夠晒味個底仲有啲炸到脆卜卜嘅芋頭絲😝好味指數：🌕🌕🌕🌕🌘-😚 豉椒鵝腸 $105個豉椒汁好惹味👍🏻夠晒鑊氣鵝腸好爽口嫩滑😎啲青紅椒同洋蔥都好甜😌呢個餸飯一流😛好味指數：🌕🌕🌕🌕🌖-😋 生炒臘味糯米飯🍚 $39呢個係㊙️❄️冬日限定❄️㊙️糯米飯賣相吸引🍳上面鋪左蛋絲同蔥花飯入面有臘腸同花生🥜飯粒分明帶點黏糯口感好味指數：🌕🌕🌕🌕🌘-😋黃金炸饅頭(半打)$40炸饅頭外脆內軟😗非常香脆🥰點埋煉奶食😌yum!好味指數：🌕🌕🌕🌕🌘-😋 椰香荔芋油鴨髀煲🍲$138呢款都係㊙️❄️冬日限定❄️㊙️睇個樣好似普普通通💁🏻‍♀️味道都唔錯油鴨髀充滿鹹香😗加埋椰奶中和返冇咁濃味荔芋既軟糯又香😝仲有好入味嘅冬菇暖笠笠好啱冬天食好味指數：🌕🌕🌕🌖🌑-😋忌廉🥤 $13枝-餐廳敬送飯後甜品二揀一😙1️⃣

聽講佢搬左鋪，特登過黎試下。冇book台話應該有排等人。8點半入座。見話好多人話飯後有送，但今次冇送，唔知太晏派哂定點。拔絲咕嚕肉，梅頭肉每件都啖啖肉，唔太識品嘗旁邊的焦糖塊，覺得硬左d，對個拔絲有d 失望，雖然賣相ok。總體平平。菜乾豬肺湯，份量十足，6個人每人都飲到2碗，湯料亦都唔少，見到湯面唔會好油，清肺一流。豬油撈飯，有趣，新一代人甚少咁樣食法，入口而冇想像中既油膩。要親飯重有熱力撈埋d 豬油。蜜椒薯仔牛柳粒，落完order，去完廁所既時間已經上左菜。快手上菜係好事，但食物明顯地唔夠熱。另外無論薯仔定牛柳份量都唔算多。鳳尾蝦多士，差，只係得微暖，表面亦唔夠脆，如果係返熱返個多士既話有點失望。黑松露蓮藕墨魚餅，呢個係最後一道上菜，唯一一個感受到大排檔溫度，煎到金黃色岩岩好。咬開重有煙。黑松露個味好夠好出。蓮藕夾埋墨魚口感爽脆層次豐富。特別的汽水，香港製造，就真係唔似可樂，幾種唔同既甜味混合而一咁。但試一次夠。總體食物有好有壞，裝修有風格，但不太感受到食物有大排檔既鑊氣小炒feel。如果追求快出餐，只可算係好少少既茶記。

💕楚撚記喜愛大排檔風味嘅朋友想必都聽過楚撚記呢個名，除咗土瓜灣總店📍西環同荃灣都有分店，難得嘅係開咗分店後依然保持水準餐廳裝修走港式懷舊風，經典的綠色鐵閘裝飾十分有年代感，同佢哋嘅撚手小菜一樣咁有特色❣️🔸秘製熱辣辣麻辣雞煲估唔到有雞煲食，幾有驚喜😍夠晒熱辣辣，最吸引之處係佢煮得夠香，一上枱已經聞到香濃麻辣味🌶有大、中、小辣3款辣度揀，見到裡面嘅辣椒、花椒、洋蔥、蒜頭就知醬汁係落足料🤤雞件嫩滑之餘吸收晒醬汁嘅麻辣香，食落幾惹味，而配料有蓮藕同豆卜，索晒辣汁嘅豆卜同雞肉一樣咁正！🔸拔絲焦糖香燒脆腩仔賣相好靚仔，焦糖+燒腩仔呢個配搭，一鹹一甜原來都幾夾，燒腩仔肥瘦適中唔會膩， 脆皮放耐咗依然脆口🔸啫啫唐生菜煲一打開煲蓋香氣四溢，唐生菜翠綠得嚟爽口又入味，配料仲有蝦乾添，必點🔸懷舊豬油撈飯（復刻版）砵仔飯蒸得剛好，米飯粒粒分明有口感，呢個復刻版係用固體嘅豬油，撈落熱辣辣嘅飯入面，飯粒變得更油潤，超吸引🍚配埋蔥花芫荽，淋上豉油，更香更完美。🔸黃金炸饅頭伴煉奶邪惡得嚟超受歡迎嘅小食，香軟饅頭加上煉奶，大人小朋友都鍾意🔸番薯糖水飯後每人奉送一碗糖水💁🏾‍♀️糖水帶點薑味甜度剛好，番薯煮得軟綿綿

大排檔就食得多，今次同朋友去咗呢間新式嘅大排檔，勝在有冷氣同埋冇咁嘈🤣🧀手工脆炸雙色芝士波波 $72雙色芝士波波用咗黃色同白色兩種計時，啱啱上枱嘅時候熱辣辣，一咬落去就做到拉絲嘅效果，面頭仲有啲芝士粉，所以有超濃郁嘅芝士味😽 呢個記得要趁熱食❕🐟芫茜皮蛋鯇魚片濃湯浸時蔬$98鯇魚最怕就係好大陣泥味，呢度嘅鯇魚唔會☺️ 芫荽同皮蛋令成個菜味道昇華左😁 嗰日嘅時蔬係白菜仔，份量好多😃 個湯底清甜，唔會好鹹🐔秘製熱辣辣麻辣雞煲(半售）小辣 $158一上台就聞到麻辣嘅香味，但又唔會好攻鼻，一揭開個砂煲啲煙就即刻湧出來🤣🤣 啲雞好嫩滑，份量都好多😄 配料仲有蓮藕、豆卜、紫洋蔥🧅，蓮藕爽脆，豆卜吸晒個煲嘅精髓，好入味☺️ 洋蔥好甜同煮咗好淋😊呢個雞煲送飯一流😍🍞黃金炸饅頭(半打）$40炸饅頭有六隻！個表面係金黃色，炸到外脆內軟，點埋煉奶食一流🫶🏻 值得一題呢度比煉奶比得一啲都唔孤寒，食完六隻饅頭仲有剩😛🍚懷舊豬油撈飯(復刻版）$25呢度嘅豬油撈飯係自己落手撈，可以根據自己嘅口味落豬油、豉油、芫荽同埋蔥花😉 撈完之後飯粒充滿油香，粒粒分明，食落好惹味😙🍺藍妹（大枝) $33同朋友仲叫咗支啤酒嚟飲，兩隻戰

早幾日黎土瓜灣睇完中醫, 順便醫肚~~黎到好多朋友介紹既楚撚記，終於都食到!!排左一陣隊, 好快入左去, 原來入面好大!望下menu 都有好多野想食～先左個七味黃金炸一口金磚豆腐，外脆內軟，好正呀～另外當然要試下個鳳尾蝦多士，鮮蝦配合小麵包以油炸成，蝦肉非常彈牙，多士又脆口，唔錯！主食點左熱辣辣麻辣雞煲，雞肉份量都好多，而且麻辣得黎又嫩滑，好惹味！仲點左個懷舊豬油撈飯(復刻版) , 豬油撈飯以砵盛著，上枱時連豬油、豉油、葱花、芫荽分開上，自己按份量撈，每啖飯食落油脂濃郁，正！黃金炸饅頭香口又飽肚！！最後食完仲有甜品送，蕃薯糖水同清心丸，成餐飯都大滿足～～overall 都好滿意~ 下次可以試下其他野！

今日去左楚撚記食晚飯，次次都要排隊，大約排左20分鐘。叫左個黃金椒鹽粟米好好食，好香，好夠味，次次尼都會點既野食之一秘製麻辣雞煲雞唔夠滑，不過味道就夠既。但冇咩肉食，可以唔洗叫了。黑松露手打蓮藕墨魚餅香口，爽口，幾好食，有小小黑松露味黃沙豬膶杞子浸時蔬比較清淡，冇咩特別，豬膶有點過熟，硬左小小豬油撈飯正，因為本身哩樣咁邪惡嘅野，點整都好食餐廳都好爆，服務都係自助落單，服務正常環境乾淨，光鮮，唔錯。最後既蕃薯糖水都係我最愛之一好夠薑味，正😄

#wetdodo_土瓜灣 #wetdodo_荃灣 #wetdodo_西環楚撚記真係聽過好多次都聽聞勁難book位但可能係因為預約閒日晚上早兩星期book都好順利就有位既然有得預約鼓勵大家早啲打電話去留位☎️土瓜灣鋪一直都有但呢家搬左鋪位重新裝修同一般大排檔比又真係闊落同好坐啲同埋全室內位都坐得舒舒服服❣️Btw最後仲有糖水送～唔洗諗下場糖水了😂會飽到食唔落😋———————————————————————💛原隻脆皮炸豬手 $159😋：8/10份量好多 而且都幾多肉而且外層都幾香脆調味恰當唔會太咸呢個算係幾抵食～💛豉汁排骨陳村粉 $102😋：8/10好耐冇食陳村粉～難得見到即點！陳村粉入口好滑又掛豉汁 呢個唔會太咸幾好排骨同粉既份量都多如果想叫個粉麵飯既都推薦試下呢個🤭💛椒鹽鮮魷 $103😋：7.5/10驟眼睇似避風塘多啲😂整體有啲啲過咸但鮮魷口感爽彈 都唔錯💛蜜椒薯仔牛柳粒 $113😋：7/10呢個啲牛粒同薯仔粒都切得好細😂如果大粒番少少會更開心黑椒味夠濃 薯仔同牛粒都夠軟身💛豬油撈飯 $23😋：7/10第一次食豬油撈飯😂可己自己調教落既份量 亦都好啱打卡🤭豬抽同豉油撈埋幾香不過記住要襯熱食

呢間餐廳嘅中式小炒非常好味款式選擇亦都好多價格亦都好親民今次已經係第三次回訪不過今次去土瓜灣總店大好多想食嘅朋友一定要預早book位因為真係好快full🤣🔸拔絲焦糖香燒脆腩仔 $98🔸秘製熱辣辣麻辣雞煲（半隻）$158🔸黃金炸饅頭伴煉奶 $40🔸懷舊豬油撈飯 $25🔸椒絲腐乳炒時蔬 $72首先登場嘅係拔絲焦糖香燒脆腩仔，佢個拔絲真係好壯觀，金黃色嘅拔絲圍住新鮮出爐嘅燒腩，真係睇到都流哂口水🤤腩仔皮燒得好香脆，腩肉肥瘦平均，真係好好味呀😆 椒絲腐乳炒時蔬份量都好多，時蔬可自己選擇想食嘅蔬菜，我哋就簡咗通菜，通菜同腐乳真係絕配，配埋椒絲就仲香，通菜炒得好爽脆，亦都好有鑊氣🤤秘製熱辣辣麻辣雞煲係土瓜灣總店新推出嘅菜式，有得選擇適合自己嘅辣度，上菜時瑋打開個煲蓋已經聞到好香嘅麻辣味😍，我哋簡咗小辣，都好適合D唔食得辣嘅朋友，雞肉食落好嫩滑，醃得亦好入味，餸飯一流😋豬油撈飯好正宗，有一兜仔豬油、香蔥、芫荽同秘製醬油，撈埋一齊非常惹味🤤最後仲有黃金炸饅頭，一份有6嚿，炸得金黃香脆，點埋煉奶食好好味😍

星期日和家人們去位於土瓜灣嘅人氣大排檔-楚撚記…特登早點過去攞位，免得等太耐！我哋叫咗脆皮BB鴿、乾炒牛河、菠蘿咕嚕肉、啫啫唐生菜煲。脆皮BB鴿-外皮香脆、肉感鬆軟，值得一試…乾炒牛河-整體感覺有點油膩、醬油味太重，口感一般！菠蘿咕嚕肉-賣相吸引，伴碟整得幾靚，醬汁調得酸酸甜甜，容易入口！口感好食落不會淋淋地！啫啫唐生菜煲-唐生菜不會煮得太老，每條菜都很入味…少少辣！飲品提供支裝汽水，飲得更爽！！！

楚撚記之前開係位於內巷則，現在由細舖搬去大舖， 重新裝修， 坐得更加舒服！其實巳經街之巷聞。未到晚上六點，已經出現人龍 ，等了一會，終於可以開餐。進入舖頭，地方夠大，牆上掛滿一些懷舊式的大型餐牌，吊扇，非常懷舊。翻看餐牌，菜式多不勝數，最後揀左家常二人小菜餐。小菜是椒絲腐乳炒時蔬，招牌菜係避風塘鮮魷，及香爆黑椒牛仔骨煲。配非一般白飯，係豬油捞飯，very old school, 自家製醬汁及豬油一併放在白飯上，香口無比，別有一番風味。至於餸菜很快就到面前，先來牛仔骨煲，熱棘棘香味撲鼻，先嚐一口牛仔骨，入口香，牛仔肉嫩，配料多，正。再黎腐乳通菜，菜夠翠綠而且獲氣夠，果然夠撚手。腐乳咸香濃而不膩，非常過癮。避風塘鲜魷香脆可口。粉漿夠薄身，炸起上黎口感好脆！唔會太油膩，炸蒜粒非常香口又夠惹味，香味滲到鮮魷，寧舍好食！最後食埋糖水，係大家至愛嘅番薯糖水和青心丸最後埋單只係300幾蚊，價錢真係大眾化。離開時還有多人在門外等候， 認真厲害。

»《楚撚記》香港人的大排飯堂土瓜灣分店早於7月搬到新鋪擴展當年隱於後巷的小店真的很難才吃到現在空間足足大幾倍 (7,500呎) 等候時間大大縮減 不過都建議大家先預訂枱！新店雖然大了 但到訪的人也比以前多每天晚上都絕無冷場 香港人除了喜歡高級日料 也對大排擋有種情意結～⚘ 燕麥金沙蝦球$113八大粒鮮蝦球放在燕麥下金沙色的鹹蛋黃包住蝦球啖啖肉爽口彈牙，香口但不油膩鹹香蝦球 無敵組合 拌飯一流～⚘ 黃沙豬膶杞子浸時蔬 $86蔬菜和黃沙豬膶份量多上湯味道剛好，不會過鹹感覺健康無負擔 黃沙豬膶比普通豬膶特別嫩口感更爽脆 去除腥味方面做得不錯～⚘ 秘製熱辣辣麻辣雞煲(半隻) $158嗜辣者的大家要挑戰這道麻辣菜式麻辣雞煲用鐵沙鍋呈上 上菜時滋滋zaza 聲麻辣香味直撲過來 煸香的洋蔥及辣椒香氣直滲入雞件雞件稍稍煎香、貼近煲邊帶出微微焦香雞煲仲可以選大中小辣～⚘ 豬油撈飯(復刻板) $25復刻版的懷舊豬油撈飯以60年代的味道為藍本食用方法非常簡單，把白色半固體豬油放在蒸飯上豬油在熱騰騰的砵仔蒸飯上瞬速溶化配上蔥花 荽芫及豉油點綴，色香味俱全～一大班人聚餐 家庭聚會都非常適合鑊氣小炒不令人失望 C

美食攻略2022 #楚撚記 #大排檔 #港式風味 港式大排檔必食豬油拌飯/ 黑椒牛仔骨煲/ 秘製雞腳/ 黃金饅頭/鳳尾蝦多士先上雞腳,甜中帶辣,原隻雞腳好誇張,有D食唔慣個賣相咁完整,但味道出色又香又辣~鳳尾蝦多士,原隻蝦釀多士炸脆,蝦鮮肉爽,多士脆口,點少少酸甜汁食味道更加豐富黑椒牛仔骨煲,件數好多,原煲上,出曬煙好吸引呢汁香肉嫩,骨細肉厚,大大啖食得過引又惹味,汁撈麵或飯都好岩食黃金饅頭,脆皮咬開鬆軟,點練奶食味道更突出豬油自家練製,油香脂甜,拌以蔥花等食材,香氣迫人,絕不油膩但滿足感大平均消費$200 評分8/10要訂位 #EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger