楊記麻辣魚館 (長樂街)

营业中

休息中

麻麻辣辣夠開胃!夏天胃口真係一般，可能太熱搞到口淡淡，晚上同同朋友經過佐敦，決定入黎食辣開開胃😋四川扣肉雖然夏天想食啲開胃野，但都阻止唔到我同朋友想食扣肉既衝動😂肉質煮得又香又腍，甜甜地一啲都唔油膩泡椒田雞田雞既菜式好少見，可能少人食同埋難入貨。田雞食既唔係啖啖肉，係佢既鮮味! 田雞幾新鮮，肉質都幾甜，加埋泡椒去煮，入口幾惹味👍四川名菜宮保雞丁! 見到紅卜卜既辣椒，口水已經流不停聞落仲香味十足，唔好睇佢雞肉好似好乾，其實又滑又juicy，又辣又香夠開胃😍

以前呢個位係一間好好味嘅茶餐廳，轉左手之後變左間特式川菜餐廳。今日試左個$50麻辣牛肉飯，加$3有凍飲，麻辣汁有得要bb辣，bb辣岩岩好，惹味得黎又唔會覺得辣到噴火！不過上菜先知麻辣牛肉唔係牛肉，係麻辣牛展🤣但係都好食嘅！下次好想試埋其他菜！

食得麻辣抵得渴，唔知點解身邊啲朋友咁鬼鍾意食麻辣嘢，好彩我又唔係完全唔食得辣。今日佢哋就帶咗我嚟呢間食四川菜嘅菜館，一睇餐牌當然係麻辣嘢居多，不過都有唔辣嘅四川小食。. 朋友最鍾意係👄四川涼粉大熱天時嘅天氣仲要食辣嘢其實真係好辛苦，會滴曬汗。涼粉辣得黎仲透心涼，好鬼正😋重點係辣椒油唔會好多，唔似出面其他餐館，有機會食完之後個胃頂住頂住。. 至於我呢個食得辣，但係又唔係非常好麻嘅人，我力推呢個金銀饅頭。金銀代表啡色同白色，亦即係炸饅頭同蒸饅頭。每個饅頭嘅大小啱啱好， 炸饅頭外脆內軟，唔會好油膩；蒸饅頭雖然冇咁香口，但係亦都唔會好乾，點樣食最好？個人推介食法， 夾上有醬汁嘅肉類，另類滋味😋. 酸菜魚🐟最近喺香港同內地兩邊都極流行，變成網紅食物。至於一個好味嘅酸菜魚又會係點？我覺得酸味必定要係最出眾嘅味道，但係又唔可以蓋過魚嘅鮮味。呢度酸菜魚份量剛好，好怕出面嘅酸菜魚大大份，食完唔使再食其他，但係呢度嘅份量比你有機會試更加多唔同嘅食品，而且價錢合理。.麻辣嘅味道真係見仁見智，呢一間就正中我嘅心意😋💕

今日同屋企人出街食飯因為好似好耐都冇食過辣野所以我哋就揀咗呢一間麻辣魚館見到上網嘅評語都幾好 就諗住喺度試吓食黎得魚館 我哋叫咗佢嘅招牌酸菜魚啲魚嘅份量都幾多 開頭以為會好腥食落口都幾嫩 唔會話一大陣味 同啲醬汁撈埋一齊 好夠辣可以嗌幾碗飯嚟食都得另外叫咗手撕包菜 都幾新鮮要用手摵嚟食 有啲酸酸地幾開胃食幾啖酸菜魚再食呢個 個感覺都幾得意最後叫左麻婆豆腐 煮得好入味啲豆腐唔會話好易爛 配合埋啲油條脷都食到麻麻辣辣咁 又係另一送飯佳選鍾意食辣嘅人可以試吓

星期日一家人出街食飯，但天氣炎熱，應該搵乜嘢食呢！個仔話去打邊爐，爸爸話去食中菜，我就提議去了佐敦道（楊記麻辣魚館）食四川菜， 因這餐廳有我喜歡食辣味道的美食，今晚就由我嚟決定啦！拍青瓜，本身不是太喜歡食青瓜 餐廳用了秘製醬汁再加上辣椒，再張青瓜拍至扁身，能夠索曬所有醬汁，令到青瓜食起上嚟入曬味道，同是十分爽口 。翠綠色的西湖牛肉羹。西湖牛肉羹，本身已經超喜歡食芫茜，所以這道菜是我最喜歡，材料分別有主角，大量芫茜、碎牛肉、豆腐等，食起時要再加上 白胡椒粉及麻油，十分配合。夫妻肺片，炆得夠淋身，再吸收埋麻辣的味道，食起時十分惹味，要叫碗白飯先。

今日係佐敦成班朋友一齊決定食下中菜，見大家都會食下辣野今次就試一試呢間楊記麻辣魚館。黎到魚館當然要食下酸菜魚架啦，成日食酸菜魚都好怕成大煲但冇魚，但係呢到材料十足，酸菜味都算突出，魚肉嫩滑，個湯汁送飯都係一絕。下一樣想介紹既係夫妻肺片，麻同辣味都十足，成道菜火喉十足，肺片爽口入味再加上火辣既感覺好上癮。西湖牛肉羹，上面有好多牛肉碎，食羹最正係有一種順滑既口感，呢到做到個口感同時牛肉碎有鮮味。總結其實同一時間都仲叫左好多唔同既小菜，成餐飯都好有鑊氣同時啲麻麻辣辣既感覺食落真係好過癮，服務質素不錯，一大班人有機會黎到佐敦都可以一試。

難得約埋一大班朋友去食飯，有朋友提議去食川菜，我哋就決意去佐敦長樂街嘅「楊記麻辣魚館」，因為我哋喜歡佢夠地道夠正宗。菜館裝修簡單，勝在座位闊落同地方乾淨，牆壁上都貼上食魚，就吃水煮魚的解釋及內容，相當專業同講究。嚟到大家都紛紛點菜，我哋就點了四川涼粉 、青笋臘肉、酸菜魚、大盤花菜及四川扣肉。四川涼粉 - 涼粉煙韌爽口，浸透了麻辣紅油醬汁，十分惹味。青笋臘肉 - 青笋爽脆，臘肉惹味，配上辣椒炒後更增香口。酸菜魚 - 是菜館的招牌菜，大大盤份量十足，魚肉夠滑，麻辣味搶口，入口先感麻後漸漸辣感就出來，辛辣感有好層次。大盤花菜 - 椰菜花及豬肉片炒得好有鍋氣，遠遠都聞到香味，味道夠辣， 辣得嚟都幾過癮。四川扣肉 - 一層肥一層大瘦的豬肉，十分吸引，夠入味而且很香濃，入口油脂滲出，相當香口，配白飯一齊食超正，邪惡指數滿份。

今日去一間川菜館食飯，因為有一班朋友喜歡食辣一齊品嚐美味菜式，為什麼這樣說因為之前食川菜得個辣字，少了食物味道，第一個推介是食尖椒魚頭+米粉，魚頭煮起來好滑脫脫一定要叫少辣，因為如果你們食得辣也要先試了辣程度先，因為大辣是非常非常辣的你們要小心留意，還有一口串羊肉也好軟淋淋，有一個菜是咸肉炒菜是好有鑊氣味道好適中，一定要試吓，有個炆鴨也有個不錯味道，皮蛋也是一定要食，因為好有皮蛋味加少少辣也不錯的選擇。

其實同朋友甚少食川菜，所以即興同朋友去食楊記麻辣魚館，由佐敦地鐵站B1出口步行3分鐘左右就到達。環境光猛企理，雖然餐茶廳格局，但都坐得舒服，冷氣亦夠凍，因為食川菜會食到出晒汗，而且價錢亦唔貴，份量都大大碟～～大盤花菜-入面有椰菜花，豬肉片，用辣椒炒，又香又辣，味道好濃，送飯一流呀手撕包菜-要用手把菜撕成均勻的小塊，不能用刀切，爽脆微酸，口味鲜美。四川扣肉-以個送飯都一流，肉質肥而不膩， 脂油晶瑩剔透

香港川菜，正如麻辣火鍋一樣越滾越愈紅。提起川菜，除了有大家認識的老字號川菜店如三希樓，近年也有不少過名店江龍、新派川味相繼登場，令人着迷的不僅是湯紅油亮的水煮魚或麻辣鍋，還有更多華麗精緻的變奏菜式，將百菜百味重新演繹。（楊記麻辣小館）於佐敦設有分店，乃是典型傳統的川菜館。水煮魚 水煮魚這道菜就可以滿足一眾辣迷，由於魚片完全吸收辣湯湯汁，食起來會食到啖啖辣味和魚肉，而且可以根據個人口味點選辣度。楊記的做法湯汁份量會比較少，故意突出魚肉身的雪白滑嫩。另亦會放入更多的辣椒粒，火紅色襯上白雪色，澎湃的視覺效果讓味蕾胃口全開，形、色、香三者兼備，畫意相當震撼。火爆腰花-火爆腰花是用豬腰制作的一道家常菜，屬於川菜，質地細嫩，咸鮮醇厚。

經過來這裡吃，因為性價比很高，一個飯才40-50元，外邊很小這樣便宜了，而且辣得好岩我，不吃辣的寶寶也有不辣的菜可以點。水煮牛肉🌶️🌶️🌶️一大盆辣椒都在面，味道很香辣，不是死辣的，辣椒其實很合適香港人吃，辣椒能援解壓力，上班後來吃特別有精力💪🏻四川涼粉 🌶️🌶️紅油浸著粉皮非常入味，爽滑的口感麻辣香味，令人忍不住馬上開動， 一瞬間就吃光光了鐵板田雞😍香港很小地方可以吃到田雞，味道醬香的，不吃辣的朋友都覺得很滋味連續吃了幾件

天氣熱辣辣，無咩胃口，最好就係食下麻辣岀身汗，消下暑都唔錯喎。黎到佐敦呢間楊記麻辣魚館，坐底睇下有咩好食先。干鍋肥腸，除左有麻辣既味道，仲食到芫茜既香，肥腸夠爽夠入味，正！夫妻肺片，牛雜夠腍身，切得大大塊又薄，吸收晒麻辣味香。毛血旺，鴨血又滑又嫩，豬血係代替唔到既。亮點係午餐肉，從來冇諗過午餐肉用呢個方式岀現，同麻辣湯係咁夾既。今日食到碟碟四川麻辣風味，仲要清晒，原來大家都好辣得下，夠辣夠正宗，好好味呀！

平日都好少食川菜，今日因為要招呼朋友，就黎到屋企附近呢間餐廳食飯。餐廳環境係一般茶餐廳嘅格局，店員幾有禮貌，上菜速度亦都快手，對佢哋嘅服務係滿意嘅👍🏻以下呢三款食物係我覺得今餐最好食嘅。手撕包菜上枱嘅時候非常之香，令人食指大動。包菜炒得岩岩好，唔會過火，唔會太老，口感爽脆微酸。宮保雞丁有大量花生做配料，食落口感更加豐富，而且啖啖肉。味道辣中有甜，入口既時候先有香辣既味道，然後有少少甜，唔會係令人好辛苦嘅辣味。四川扣肉係比較重口味嘅菜式，味道比較濃、香，肉質香軟，重點係肥而不膩，食完冇飽飽滯滯既感覺，撈飯食相當唔錯！

近排嚐辣意興奇高，同好友工作中間地點係佐敦，於是搵到呢間～ 話明魚館梗係必點水煮魚。 果然係招牌，麻辣融融❣️😆 魚有魚味又夠嫩滑～除左辣嘢，梗係要有拌口小食啦～ 食得最開心嘅係食金銀饅頭，沾上煉奶，甜美可口遳遳脆😆😋🤤🤤 扮埋甜品都仲得～ 好食於是又食左好多個，差啲食埋朋友嗰份😆😂而另一最愛就係鐵板田雞～鐵板田雞炒得香，辣得嚟好惹味，又唔會太辣～ 田雞肉大粒夠嫩滑 😋😋😋 啖啖肉呀～～～～食左勁多道菜，抵食❣️開心❣️

偶然行街經過既一間小店，行街行到攰，就叫左兩款小食當下午茶祭五臟廟。金銀饅頭份量驚人，估唔到有咁多件，而且件件都有半隻手掌咁大。金銀饅頭既「金」同「銀」分別代表兩隻顏色。饅頭炸得剛剛好，外層香脆，內裡鬆軟。饅頭同煉奶絕對係不敗既組合，我由小到大都好鐘意食炸饅頭，炸饅頭脆卜卜，加埋香甜既煉奶真係無敵，而且好岩同朋友一齊 Share ！四川涼粉係四川既人氣小食，涼粉口感香滑，醬汁味道酸辣，開胃醒神，夠曬香口，唔錯呀！