影片
招牌菜
第二日要返工，通常吾会想去甘远食嘢，所以就近有椰琳阁，又冇人排队，环境都ok,甘咪入去叫至爱既烧春鸡。点知冇，谂完一阵改叫套餐，因为包左青口，抵小小。好快平凡既餐包同忌廉汤就到左，之后香煎鸡扒拼三文鱼同青口都到齐。个包真系冇嘢讲，一冻左hai到吾想掂，何况食。听个名，以为鸡扒同三文鱼好正甘，份量够两个人食(望落有三块鸡扒，两块三文鱼扒),事实上，鸡扒煎干到去晒油，好似紧鱿鱼丝；三文鱼接近就干涸，幸运地留返中间层鱼油，食落先知系三文鱼。青口肉质几好，但太咸，中间系好似薯蓉既嘢，个食落系酸，我觉得吾食好啲。其实呢间嘢吾系样样差，之前几次食烧春鸡都系接近个头甘大，仲好有肉汁，两个人都食吾晒，要打包。其他嘢食真睇吾敢乱试，次次都强差人意。今日纯口痕想食烧春鸡，失望。
继续阅读
未试过食早餐食到咁唔开心。食物水准差，基本食物都做得唔好。餐蛋面淡而无味，面质差无咬口，求求其捞埋一碗上枱。咸牛肉蛋治是冰冻的-无论块包定里面啲馅都系全冻、咁大个仔都未试过。（烘底仲要加$2）最有水准嘅系碗麦皮，有甜味我经己心满意足。埋单仲要唔系平，如果唔系马鞍山无餐厅选择嘅话，应该都无乜人帮衬！
继续阅读
马鞍山真系好多人, 就算我地未肚饿, 都要早d食, 因为晏咗就周围都冇得食...........未够七点, 好多快餐店已经坐满咗, 咁啱去厕所经过, 见佢仲有位, 就入咗去食, 食完先知点解会冇乜人帮衬.......呢度扒餐价钱八十几, 饭/意粉就七十几, 仲要加一, 所以有得选择, 我都宁静选择隔离果间快餐店啦~ 罗宋汤+餐包 罗宋汤超多料, 除咗平时见惯的什菜外, 仲有好大旧牛肉, 不过偏辣~ 餐包因为系叮返热, 所以会暖暖地, 但d牛油就溶鬼哂........ 牛柳拼吉列大虾配薯菜 牛柳得一旧仔, 外表煎到好香好脆, 但d肉质好假, 怪怪地咁~ 佢原本系配黑椒汁的, 但我改做蒜茸汁, 个味道其实同洋葱汁都系咁上下, 而且我食唔出有蒜茸味lor~~ 吉列大虾有2只, 个炸粉系好脆, 但佢同d虾都系冻的~ 薯菜好唔掂, 又冻又硬 鸡扒拼炸软壳蟹配意粉 鸡扒有2块, 但超肥, 又煎得唔够香 炸软壳蟹得半只, 个粉好厚, 个蟹唔知有冇清干净? 意粉一般, 好食过茶餐厅咁啦~ 冻奶茶+热柠水 冻奶茶冇味又甜 热柠水个杯洗唔净, 仲有成条怀疑系糖渍的物体, 即刻同侍应讲, 佢say sorry后即刻同我换个杯, 唔知洗杯果个系咪就咁冲一冲就算?
继续阅读
我和家人到马鞍山分店食晚饭，因为系星期五, 佢只得一个set menu选择, 但食物份量都几多~ 味道还可以啦!但同一晚遇到几件不愉快事件!1.当我们举手示意叫待应来落order，在场侍应竟然视而不见。当时情况根本不多客人，侍应们都只是站在吹水。2.落order时，因我爸听不清侍应所说的，重覆问了一句，侍应郤摆出不耐烦的咀脸，点头回应作罢。这是什么服务态度?3.我们请侍应拿几杯暖水来，侍应郤说：［一系热水一系冻水！］这是什么逻辑? 算! 于是我们叫侍应会热水和冻水来，侍应又草草回应作罢... 最后，那杯热水到埋单都未有!除了食物，相信服务也是非常非常重要吧!
继续阅读
家庭日来到了近近的马鞍山，一家人食什么好呢，饮茶该是最佳的选择吧。可是，马鞍山咁大个社区，饮茶既地点绝对不多，无论好食唔好食，贵或是平，星期日点都要有超强耐性才能够杀入茶楼食点心。经过多年的测试，我们近几次出马鞍山渡周日，都放弃了饮茶这一个环节，是日为了泊车优惠而来了新港城，亦选了连我太太也认为不好食的 Y.L.K....无办法，马鞍山是一个你左想右想，最后都是决定要食返连锁式餐厅既鬼地方。四大一小，就每人食一个餐，忌廉汤用了鸡汤底，所以由小儿来享用，这一个忌廉汤，滑是滑，香是香，带少少油脂，但没有太多的料，总之同金宝汤不相伯仲，过得去既。 太太的素食意粉是黑松露菌酱忌廉野菌意粉，看似是一个无配料的意大利粉，因为粉多过菌，幸是忌廉同黑松露菌酱的味道相若，有奶油香同黑松露香，是可以接受的。 焗野菌龙虾汁龙脷柳饭，热辣辣的焗饭永远是吸引的，但大家都嫌汁太多，肉幸好不少，味道就偏咸了少少，而且绝大部份是味精的味道，鱼香味也被龙虾的味道覆盖了。重味道、重口味，失去了传统焗龙脷柳饭的清香。 今期的冬日 special，焗芝士喇沙挪威三文鱼海鲜汤饭。后知后觉，这一个又芝士、又喇沙、又海鲜的味道，完全地糟榻这一份挪威三文鱼。两种不同的咸味，海鲜与芝士也许很配合，海鲜单独去配喇沙也是配合，芝士配喇沙就令我觉得味道有点怪，一味得个浓子，口味重的人才啱口胃，但我们吃不出三文鱼的味道。好一条三文鱼，就此被糟榻了。 铁板三重奏之鸡扒，牛肋骨同照烧鲭鱼，是一个非比寻常的 Fusion。一个浓浓的烧汁淋了上去，只可以配以牛肋骨，但就令鸡扒同鱼一起失色了，幸好，鲭鱼一向不是我喜爱之列，点评我都不会大赞好，而鸡扒，鸡味本身已经没有，再加上那一个浓得非常的汁，我食到的，只是那个汁同牛肉的味，单点牛扒好过，完全没有三重奏的味道感觉。 朋友同太太都曾经劝吁我不要考虑 YLK，这一次硬要吃一次，的确是有点问题，幸好只是糟榻了食材的味道，没有连食物也糟榻掉，始终这是是能放入口的味道，若是把味道也糟榻了的话......
继续阅读