椰林閣餐廳 (已結業)

今日去柴灣拜完山，到附近商場行吓，見到呢度有間椰林閣，老公話應該係近期先開嘅，雖然剛才拜山已經食咗燒肉同糕點，不過仍然想坐下吃點東西，於是便決定喺呢度試吓。揀咗兩個 lunch set.黑森林野菌汁牛仔柳配意粉 ($38) --- 啲牛仔柳OK嘅，夠腍又夠大塊，如果多啲汁就更好喇吉列魚柳沙律 ($34) --- 塊魚柳睇嚟好靚，炸到金黃色，點知食落個邊位好硬，唔多鬆化，比起越棧嘅吉列龍脷扒就失色不少，好彩啲沙律都唔錯，中和番個口感每個餐都包餐湯、餐包及熱飲一杯，個餐湯同餐包就一般啦，至於杯熱咖啡雖然已經落咗兩包糖，仍然有苦澀感覺。另外見到凡惠顧任何套餐 +$12, 可點咖啡芝士蛋糕一件，愛吃甜品的我又豈會放過呢。可惜件蛋糕令人非常失望，size 比起餐牌上幅圖細好多，而且咖啡及芝士味都不濃，亞仔仲話面層過酸，所以並不建議大家點吃這件甜點。 因為有加一嘅關係，埋單$92.至於個標題係由老公提供嘅，佢話啲人拜完山去搭地鐵，通常都會經過呢個商場，但去完椰林閣吃飯有無損失，就由閣下定奪喇。