椰林閣餐廳

突然想食牛扒，又不想去太遠，附近就只有這間店舖。反正很久都沒有去過，唯有試試看。環境舒適，但服務態度就有點不太友善。像廣告一樣，今時今日咁既服務態度，真是有點不行。我們兩個人一個點選了西冷牛扒，一個點選了麵豉 鯇魚腩蒸豆腐。因有個apps點選做會員，會有杯凍飲贈送，就是這問題而問服務員，好像欠佢錢咁贈送特飲華田爆脆，這杯特飲唔錯，很多脆脆，味道不是太甜這店舖中湯和西湯都很多材料，這是值得一讚。而且味道濃郁，感覺好好。如果跟餐，還可加14元加一個甜品，就是藍莓芝士蛋糕，這個甜品都唔錯。雖然感覺不是自家製品，但都可以接受。西冷牛扒我點了5成熟，牛扒很大塊，配菜也很充足，蒜蓉汁也可以，不過飯就不夠軟身，這點有待改善。另一中式套餐麵豉鯇魚腩蒸豆腐，味道唔錯，而且足夠份量，有魚有豆腐，非常好食，而且夠新鮮。大至上這店舖問題都不太大，而且收費也大眾化，是服務有點需要改善。所以都值得一去的店舖。…查看更多

下午茶叫左個迷你野菌芝士焗長通粉，其實唔太餓預左佢迷你，但母親一睇成碟粉得一粒半既所謂野菌，問個waiter係咪正常分量，佢唔識答，話使唔使換第二個餐，我地樂意接受。點知過兩分鐘一個貌似經理拎返碟粉過來，話正常係咁，啲汁撈埋菇係咁多架咋，態度唔使問講到好似我地錯咁，我嬲嬲地同佢講你唔使解釋，如果你夠膽同我講呢個份量係正常我無野好講，我唯有照食。其實呢間野啲服務一向唔使期望，但呢條友咁既態度咁唔專業，我自己做服務業都引以為戒，佢鸁左場我唔想同佢嗌既交，但佢老闆一日唔知係佢手上輸左幾多個客。…查看更多

本人對中午飯個要求係比較高，因為我認為工作都係為左食飯，咁我覺得椰林閣都算係半高級，但冇諗過食焗豬扒飯，個焗豬扒飯係唔熱囉，同焗到飯焦都冇，真係有少少失望，希望可以改善下…查看更多

今日下午3點鐘。。到了柴灣椰林閣食左個tea 黑椒牛柳絲意粉。很遺憾當個麵出到來後。。有點涼我相信已經放左超過5分鐘。。之後叫女經理來。。比本大meun 我點知佢比左個tea set 真唔明佢有無做過飲食。。再留意張枱。。牙籤筒得4支牙籤真係每位每支牙籤.而枱卡既活動又係過左期無去更換。。證明管理問題十分有問題…查看更多

簡直係失敗之作！簡直貼錢揾難食……從未試過食一碟西蘭花帶子炒鮮鱿ge味道係苦澀……麻煩貴店請給我一個合理ge解釋？please...係西蘭花冇煮熟or處理食物過程出現問題？西蘭花，冇鹽味！鮮鱿係苦澀味！帶子ok，算正常……磨菇係苦味……得紅蘿蔔似番D味之外…… …查看更多

今天，我的親友從內地遠道而來，來到之時剛剛是下午，於是就到椰林食下午茶，在椰林閣食下午茶餐一定要懂得點餐，否則就會覺得唔抵食之餘，亦唔好食。今次我點了那個小食三重奏，完全失望到不得了，奉勸各位勿試。反之，我親友點的芝士咖哩雞扒焗飯則大件夾抵食，味道仲好好，結果我唔夠飽仲要分享親友的焗飯。小食三重奏真的只有三件小食就是泰式春卷，司華力腸和串燒，連一點配料也沒有，醬汁都欠奉，味道亦極為一般。對比之下，芝士咖哩雞扒焗飯則味道較好，份量很足夠，咖哩味很香濃，雖然熱氣，但都很值得嘗試。焗飯是炒底的，有蛋花，因為有咖哩汁，飯唔會太乾身，但又唔會感道太濕溜，雞扒是煎過的，雞皮煎得很香，雖然好似唔太健康，但偶然食點對自己也是一種獎勵，雞肉的肉質也想不到的很嫩滑，芝士蓋在咖哩和焗飯之上，亦令焗飯更香，更有層次感，儘管有點油膩，但味道很好，令人有種幸福的滋味，下次到來必定要點這個焗飯。…查看更多

今日收工 肚餓諗緊食咩好 本身去到椰林閣想食個下午茶炒牛河 但竟然比我見到牆上有我最鐘意食嘅福建炒飯！ 嘩！我真係太耐冇嚟食 成個餐牌都轉哂！有中有西 唔錯唔錯 啱啱炒起 真係好香 賣相都唔錯 帶子同叉燒都好大粒 好帶帶子有用油泡過 好爽有咬口平時食開太興嘅 7-80蚊一個 當然好食啦 但呢度只係50 真係好抵食 加多杯凍檸茶都平過太興 整體嚟講 呢個價錢真係唔錯 不過有樣野真係要改善下 就係電話訊號收得好差 如果可以加個wifi就好 希望下次再嚟會有啦 …查看更多

唔知大家有冇發先，椰林客閣換左餐牌呀?換左之後選擇好似少左。不過加入左新野，今日就試下先。芝士伊麵居然可以喺呢度食到!叫黎試下先!啲伊麵同平時酒樓食果種唔同，比較幼。而芝士都幾香濃，凍左之後唔會好sticky,可以撈到尾都仲有汁。反而塊豬排唔得，似放左好耐咁樣，雪味重皮完全不脆。整體合格既…下午茶既海鮮烏冬，叫左30秒就黎，超快!但熱度唔夠呀，唔通係人地叫錯左之後俾我既?NVM啦。個鳥冬唔彈牙，有啲粉粉地，而所謂既海鮮差唔多全部都係魷魚，另有一隻蝦米同兩隻手指尾頭咁細既蜆肉。求飽肚，都ok既。最抵讚係好立克，冇溝水，好濃味!…查看更多

$64個餐，轉脾加$5，仲要無餐飲，嗌杯凍鴛鴦$17，總數$86埋單，竟然俾埋啲咁嘅垃圾我食？雞油飯無雞油味，無香茅味，乾掙掙，雞又唔起骨，又擺到風乾晒，加$5都係俾得半隻脾，碟醬料就用豆板醬當雞醬，仲敢話自己係正宗？俾個good你👎…查看更多

柴灣有幾間椰林閣，這問比較好味，如果去新翠果間，不如行多兩步去興華村呢間。沙律餐，真的好大份，成碗沙律，還有成件煙鴨胸。有些地方的沙律餐，只得3匙沙律，或者得幾棵生菜，完全冇野落肚，騙人的....這裏食沙律，食到飽。…查看更多

記得這間分店的食物和服務都是一般，所以一直都是光顧新翠那間分店。不過，新翠那間的油煙味頗大。想起很久沒光顧此分店，於是今晚來這間試試，看它的食物和服務比幾年前有沒有改進，油煙味又是否會較少。兩個人，叫了兩個餐。餐包 x2：不算軟熟，好在是微暖，吃下去感覺還不錯。忌廉湯：［沒試］羅宋湯：十分多油，不過配料配多，我只吃掉配料沒喝湯。黑松露菌醬海鮮雙色意粉 ($68)：露筍很乾也很多渣。海鮮是兩隻中蝦、幾隻細蝦、蟹棒、魷魚、蜆仔和一隻青口，雖不是新鮮材料，但味道還可以。醬不太鹹，但很膩。意粉爽口。燒春雞拼三文魚 跟意粉 ($60)：三文魚很大件，燒得很漂亮。燒春雞外表燒得漂亮，但雞肉乾了一點。汁料吃不出是什麼汁，味道一般。熱檸茶：茶味尚算足夠。還算可以。凍檸茶 (+$2)：［沒試］埋單連加一$143，價錢還算合理。但店員沒笑容，問他們檸蜜是否要加錢及請他們酙水，他們的反應很慢，服務真是一般。餐具有漬，很不乾淨。四周的油煙味十分厲害，比新翠那間分店的情況還要嚴重。唉，以後還是光顧新翠那間分店了。…查看更多

好友陪妹妹到青年廣場看展覽，難得她千里迢迢入來柴灣，相約火速吃個午餐。地鐵站附近選擇不多，她揀了裝修較為骨子的椰林閣。黑森林汁野菌雞扒飯：賣相雖然討好，味道卻不敢恭維。雞扒很冷，醬汁過濃，野菌失蹤。法式香草汁魚柳意粉：友人並非嘴叼之人，見其吃剩很多，便知出事。一試，魚柳超超超超鹹，難怪啦！這裏唯一可取之處，是餐包送上時還微暖。相信在短期內，我不會再來光顧了。…查看更多

因為就腳, 今日黎呢度食生日飯..叫左2 個sets湯: 好濃番茄味! 同埋都幾多料!餐包:好鐘意佢地既餐包, 因為每次都係暖既! 而且好軟熟!咖哩雞飯: 之前都食過佢地既咖哩, 好香咖哩味! 都唔會太spicy! d 雞都算滑!羊架配意粉: 羊架好肥, 無咩肉, 但都幾好味! 意粉既醬汁比較小, 唔係好夠味!配菜唔係好夠調味!!整體服務唔錯, 鐘意佢地既地方夠闊, 夠乾淨!…查看更多

今次放左學去搵爸爸,然後同佢去開一開工,然後同爸爸食下午茶真係諗唔到食咩,m記果d又唔想食,我又食左lunch,飽飽地,我爸爸又鍾意食野,是是但但就入左黎ylk入到ylk,佢既環境又真係唔錯既又平,睇到佢d下午茶,我又真係冇咩邊隻想食..咁爸爸推介就係呢個包,平時食呢d包好乾架嘛,竟然呢道又唔乾喎,仲有肉汁,又香,個包又少少脆,d菜仲新鮮tim不過有骨既:(好彩用刀叉食姐,唔係牙都甩…查看更多

見此店新開，又期望它會比新翠那間分店好，於是與家人來這裡一試。三個人，叫了兩個餐和一個沙律。牛柳餐(跟餐湯、餐包、餐飲)：〔沒試〕飯很少，牛柳的樣子還算ok，但家人說始終不及xx之王的質素。三文魚柳拼龍脷柳焗飯(跟餐湯、餐包、餐飲)：比起一般的焗飯大碟得多。三文魚柳很薄、龍脷柳大件，兩款魚柳都有魚味，至少沒有雪味。不過，魚柳上面有一pat橙紅色的醬，味道怪怪的。白汁味道OK，而且鋪滿飯面，很漏。餐湯配料多，味道一般；餐包尚算軟熟；餐飲加錢轉特飲芒果飲品，是芒果汁加芒果爆珠，味道一般，但好在不會太甜，還算可以。大蝦鮮果沙律：有三款醬可選，我們要黑醋汁，但送來的是拌勻了沙律醬的沙律，於是我們立刻向傳菜的女職員反映。其後一位男職員（應該是店長或經理）拿了一小兜黑醋汁給我們，說：「......這款沙律本身就有沙律醬的......黑醋汁是額外的......」，然後立時離去，似乎是恐怕我們再追問。我真想說：「我們不是那麼無知的......黑醋汁和沙律醬是不會撈在同一碟沙律中的......其實明明是入錯單，又不老老實實告訴我及道歉......還給予這兜只有兩茶匙的黑醋汁企圖補鑊？太過份了吧？！」然而，為免生事端和令自己勞氣，於是我沒有再追問，照吃那碟沙律。份量多，但配料只是十分普通的蘋果、菠蘿、薯仔、紅蘿蔔、青瓜、生菜，所謂的「鮮果」很少；大蝦五隻，味道一般；沙律醬太多，十分漏。如果是黑醋汁便不會這樣...... 整體來說，環境雖還可以，但食物只是一般，而且職員沒有笑容，入錯單又沒有道歉......不會再光顧！…查看更多