森記粥店 (麗閣商場)

营业中

休息中

🍜森記粥店📌長沙灣東京街12號第一次到麗閣商場是因為他們大番新之後商場以貨櫃商場為特色，吸引了不遊人及商戶進駐。昨天再到訪，昔日的店舖好多已不在，午飯時段food court 仍有不少店舖未營業。有一舖位特別多人等外賣，我也隨便買了皮蛋瘦肉粥及炒麵堂食，食物質量一般般，是可以的，但一邊吃一邊看著店員對顧客的細心，有坐輪椅來買外賣的，她細意地遞交到他最方便的位置，對長者及小朋友也如是，會放慢一點動作，一間有愛的小店。

釀青椒釀一半、釀燈籠椒用個頂釀俾你、腸粉啲料2粒一條、鍋貼直接唔包、成餐飯最有料嘅係鋼絲刷（真係成口都係）呀廚呀廚，麻煩你執咗呢間之後唔好再做廚房為害人間喇，呢啲嘢食得多唔好

如果無咩要求但求飽肚都可以幫襯。幫襯過幾次，食物選擇多，雖然味道普通，無係特別好食或者難食，但都夠飽，價錢實惠。不過無咩服務可言，今次去到等呀姐得閒行埋門面落order,一開口，後面有個客又一齊開口落單，咁啱大家都有炒麵，但因為我落多個粥，呀姐就直接做俾佢先，咁都算，呀姐好似撞聾咁又重覆問我兩次要咩，堂食定外賣，最後裝左個炒麵俾我就直接收我兩樣野錢，我提佢仲有個粥喎，佢就駁我整緊呀，一肚氣都幾飽肚。

諗住病病地叫粥食，叫左外賣一攞到打開個蓋都已經聞到兩杯豆漿超大陣燒焦味，完全唔明點解職員可以照倒入杯，完全係劣食，再睇番其他食評先見到間野咁差，早知睇左先，各位小心。。。👎

咁大個仔 未試過食咁難食既粥同炸兩Lunch叫左個套餐艇仔粥+炸兩個粥底同飲水係冇分別 稀到呢 而且一d調味都冇 同飲水係冇分別配料份量極少 只係得2條豬皮 3條魷魚 同幾粒蔥 個炸兩簡直驚為天人 我已經浸完個豉油 但係都硬到食唔落肚 唔知整左幾耐 三十幾蚊雖然唔貴 但食d咁既野對我黎講簡直係一種侮辱

咁大個人真係未食過咁難食的粥和炒麵……..食2啖巳經極限！普通食得落的，我都不會浪費的，但今次真係食唔落！粥，水還水米還米，料，冇乜，感覺似不新鮮的，仲有陣怪味，炒麵，凍冰冰的，咬落似橡筋……要知道粥和炒麵要整到好難食是好難的，但呢間舖做到晒呀，好嘢👍

麗閣商場個food court其實已淪落到「食之水無味棄之可惜」嘅階段，不過由於距離最近有得食，而且又方便輪椅，唔使求人幫手，所以時不時要去麗閣邨都會嚟到；今次偏偏地就試下食艇仔粥加蘿蔔糕套餐，再加多條油炸鬼，開埋單41蚊。開艇仔粥其實冇乜料，魷魚口感好差，完全唔似魷魚，個粥就好似得啲豬皮似啲樣，雖然都啲誰濕濕；而個粥底又好稀又冇米香，所以真係一次就夠。套餐之中嘅蘿蔔糕雖然都算大舊，但係冇乜味，冇咩蘿蔔亦都冇咩其他餡料，就好似食緊一團粉，真係有啲失望。套餐之外用$9加購嘅油炸鬼反而有驚喜，雖然唔系啲咩即炸油炸鬼，一啖咬落去都算脆，而且有口感，唔會淨係得面頭嗰色層。

頭先晌陳儀興牛什粉麵食完碗豬手粗，諗住食埋夜晚果餐，於是晌森記粥店叫碗艇仔粥＄20同爽滑炸兩＄12。睇舖係得一個姐姐仔，收銀煲粥都係佢。晌等候取餐期間，見到前面個熱柜放住一條半油炸鬼，呢半條油炸鬼已經收晒身縮咗水，唔知放晌度做乜唔掉，擺晌柜度展覽。環顧成個場都坐咗好多無乜點幫襯既老人家，後生仔好少。大部份人志在嘆免費冷氣。開餐起筷就先夾件炸兩食，豉油是熱的，腸粉保持室溫，唔爽兼鞋過阿媽塊面。到咬腸粉入面件油炸鬼，簡直係窮鬼都唔會食，又凍又硬容乜易哽死。我唔係老人家，平時咁貪食亦只能頂咗3件，其他全部剩低晒。艇仔粥係生滾粥，我係親眼睇住佢煲，粥底還可以，可惜啲配料太少，免治牛肉都唔多見，魷魚鬚好細條。要讚係放晌粥面果幾粒花生特別香脆，可謂妹仔大過主人婆。開舖難，守業更難。如果時光可以翻轉頭，我情願晌陳儀興食多一碗豬手麵。

對於腸粉質素我要求好高，因為試過好多間食店的腸粉都好難食，一係質地硬，一係就唔夠滑同有彈性，暫時得3間腸粉係入到我心目中好食的清單中，呢間係第4間，平時食開我鐘意唔落醬食，可以食清楚腸粉的質素，估唔到呢間粥店比到我驚喜喎，叫左蔥花蝦米腸，齋腸粉，炸兩，腸粉一望就知道係靚腸粉，蒸得通透，食落口感柔嫩有彈性，蝦米腸味道咸香野味，炸兩就麻麻地，油炸鬼唔夠脆，腸粉好食會再幫襯，希望下次食仍然保持到呢個質素，另外值得贊的係，姐姐好有禮貌，因為係即蒸，我明白即蒸需要時間，所以我無催促姐姐,但姐姐驚我等得耐，仲同我講左幾次唔好意思要再等等👍👍😊

今日小編晏咗放工，冇時間去買嘢返屋企煮，之後出咗去麗閣邨搵食。其實麗閣邨翻新裝修後，加入咗好多新元素，多咗好多食店，令多啲後生一輩去消費，增添多啲生氣，唔好令到條邨變成個老人邨。麗閣邨商場內外都有多間食肆，泰日中西任由選擇。商場內有個 Food Court，都有十多間食肆。今晚揀咗呢間森記粥店試吓，粥店內油炸器差不多賣晒，但見到個煎堆係圓圓地形狀，唔係完全扁晒落嚟。之後，叫咗個碎牛粥及皮蛋芫荽腸粉，等咗一陣就做好了。個腸粉係即蒸嘅，一夾開就聞到陣芫荽香味，夾埋皮蛋嘅味道，幾特別味道幾好。而碎牛粥一用匙羹拎起，就知道呢間粥店好細心。一般九成粥店嘅碎牛粥，都係預先將碎牛放入碗底，再放入味粥，加上花生及葱碎。但森記粥店是碎牛同粥混埋一齊。顧客食每一口粥，都會食到粥入面混咗嘅碎牛，呢一點多數只在家內煮的粥才會咁做，所以呢碗粥食得出有細心，同感覺到好似屋企煮嘅粥。👍🏻😊

第三次幫趁，咁啱寫食評又睇到其他人的食評，有好有壞。我自己就覺得，唔係「嘩！真係好好食」但就真係「嘩！好平」20幾蚊有個粥+一個炒米粉，粥係碎牛粥，炒米粉係好大盒。粥係勁熱，有誠意既，最怕食唔熱既粥，濃稠度就不能同homemake比較，係有D稀;炒米粉唔多料就預咗，整體好食既。我覺得勝價比高，去連鎖粥店$20-$30幾蚊先有一個粥。店鋪有幾個唔同組合既餐都勁平，啱唔啱食就因人而異。而家廿幾蚊食夠飽，真係窮人恩物糧尾救星。

下午兩點多叫了鮮牛粥同炸兩，店內只得一個人。炸両係凍嘅，應該整好咗一段時間。鮮牛粥的牛肉好柴，𡁻極都唔開。我全部還返俾佢，冇攞返錢。佢一點反應都冇，收咗去掉。完！

叫咗兩次外賣不知所謂，第一次魚腩粥啲酒多到好似飲緊酒咁，豆漿無味！今日俾多次機會佢，油炸鬼隔夜硬到死，豬肝粥喊到完全食唔到，艇仔粥淡到無味🤦🏻‍♀️今日仲送漏米粉！d 醬料仲要開野漏哂出嚟！唯一可以稱讚的就係小蝦米腸粉有總店水準。深水埗總店好好食，各樣都好好食，仲以為分店唔會差得去邊，點知，完全接受不到啊！Uber ear 及 delieroo 已經無左深水埗店😭😭只可以叫長沙灣。不會再有第三次🤬

麗閣商場翻新後，食肆種類選擇多近期試緊區內唔同店嘅芝麻糊睇吓邊間平靚正呢間賣粥為主亦有糖水好多糖水都冷熱同價見佢招牌寫自磨豆漿，糖水就試試芝麻糊（熱）先先見店員從雪櫃取出一大瓶芝麻糊然後開火，即刻滾返碗比我我有講：如果你要額外開火煮，我要凍就得店員話：唔緊要外賣或堂食都係同價我外賣$20勁大碗同埋都幾滑基本上，味道正常如果可以再濃啲香啲，同埋微甜就最好不過整體算OK我自己返家，再加幾粒鹽等個味有啲層次又未話好稀，可能凍食會濃啲同埋凍食，個感覺伯冇咁甜下次試凍嘅