森記牛雜粉麵

营业中

休息中

森記係一間街坊粉麵店，雖然話而家好多食店減價吸客，不過森記嘅價錢可以話倒流返去廿年前，雲吞麵$26，炸醬麵$30，小菜配湯同飯都唔洗$50，但份量完全冇欺場，如果喺附近搵食真係冇唔幫趁嘅理由。東瓜冬菇鴨腿泡飯($42) - 泡飯湯同飯係分開盒裝，白飯好大盒，如果食唔晒可以叫佢少飯。鴨腿都幾多肉，煮到好腍。湯飲得出冇味精，完全唔油，健康得黎又好味。除左鴨腿，湯入面仲有幾大舊東瓜同幾塊冬菇片。鮮蝦雲吞麵拼魚蛋加紫菜($39) - 粉麵雙拼加$8，我另外仲加左紫菜。雲吞有兩三粒，雲吞皮幾薄，入面豬肉同鮮蝦比例各佔一半。魚蛋好彈完全唔粉。雖然湯同麵冇分開裝，但隔左幾個字拎到返屋企，雲吞麵都唔會太腍，不過就索左好多湯，如果怕浸腍嘅建議揀撈麵。秘製沙嗲醬雞飯($45) - 小菜全部有配白飯同湯，餸同飯係分開裝。雞球份量都幾多，沙嗲醬帶啲甜味，都幾惹味。酸甜咕嚕雞肉($48) - 咕嚕肉好腍冇骨，雖然外賣炸皮腍左，但酸酸甜甜味道都可以。凍檸茶(跟餐加$8), 凍奶茶(跟餐加$8) & 凍檸檬蜜糖(跟餐加$10) - 檸茶茶味夠唔會澀，奶茶外賣返到黎都冇乜淡到，茶味仲好濃， 檸檬蜜糖唔會太甜。總結，價

因為今日要返一返公司，就決定係附近食個LUNCH咁岩心血來潮想食牛腩/粉麵就入左呢間有室內室外2個地方選擇既粉麵店見天氣有D凍，就冇坐到室外，但感覺好舒適食煙既朋友岩哂先點招牌既牛三寶飯有齊牛腩牛筋牛雜岩哂貪心既我牛筋好有口感，軟淋得黎仲有咬口好有膠質牛腩半肥瘦好香口，肉味濃牛雜清潔得好乾淨，食得好放心紫菜四寶河可以滿足4個願望，有魚皮鮫, 墨魚丸, 貢丸, 豬肉丸全部都好食秘製沙嗲腩片自家製既沙嗲好惹味，甜得黎好香岩哂中意甜既我咕嚕雞球咕嚕醬甜度剛好，雞好嫩滑附送既紫菜湯都好有誠意唔係味精，好清甜

-🔸淨雙丸 $36🔸牛三寶 $100🔸韮菜豬紅 $25🔸祕製沙嗲雞球 $45🔸祕製沙嗲腩片 $48🔸祕製沙嗲豚肉 $48-呢間嘅沙嗲汁絕對可以稱為係隱世美食，睇我叫晒三款沙嗲嘅淨餸就知啦！呢度祕製嘅沙嗲汁好重花生醬味，而且好杰身，配搭各種肉類都好掛汁，超級惹味好食！牛三寶有齊牛肚、牛腩同牛筋，炆得非常稔身同入味，牛腩汁用嚟送飯都好一流。淨雙丸可以自己配搭，我就揀咗雲吞拼牛丸，再食埋好耐冇食嘅韮菜豬紅，非常滿足啊！

每晚都幾乎外賣飯盒，食到都悶悶地，今日放工經過聞到好的牛腩味，即刻食蟲上身，外賣了份牛腩返去。牛腩用了坑腩部份，肥瘦均勻，炆得入味又夠腍，而且有濃郁的肉香；牛筋更是入口溶化，膠質豐富；另外附送了一條牛腸，非常爽口。紫菜四寶有幾款丸及魚皮餃，魚蛋彈牙有魚肉鮮味；魚皮餃外皮煙韌；墨魚更是彈牙有粒粒的墨魚粒。雲吞撈粗份量十足，雲吞一口一粒，裏面有半肥瘦豬肉及新鮮爽口的蝦仁，粗麵不會煮至太腍。手打牛丸拼墨丸麵有六粒丸，手打牛丸彈牙，唔會溝了太多粉，真是有牛肉香及質感；墨丸彈牙。另外餐廳還有多款泡飯及小菜，泡飯好似幾吸引，下次再幫襯過。

今次經過長沙灣，見到係晚飯時間就去咗森記牛雜粉麵買晚餐返屋企食。依度有一部分係戶外地方，週不時都會見到有放狗嘅人仕坐喺度食嘢，而餐廳入面就有舊香港風格嘅設計及圖畫比較特別。我今次order咗沙嗲雞球、日式炸豬扒、酸甜咕嚕肉 郊外菜心同埋一碗牛筋麵。佢哋每樣菜式嘅份量都好多，特別係個牛筋河，牛筋超入味超冧而且有咬口，值得推介。沙爹雞球嘅沙嗲因為係自家製關係，個味道辣中帶甜有少少似馬來亞沙嗲嘅風味。日式炸豬扒金黃色超大塊，同埋特厚，而且豬扒好juicy，點埋特製嘅沙律醬色簡直一流。甜酸咕嚕肉就超醒胃，而且啖啖肉絕對冇肥膏，連d配菜都炒得好香口。菜心就用咗腩汁浸過特別有風味，而且得翠綠色啱啱好。呢度除咗港式小炒、牛雜粉麵等，仲有泡飯、港式豬手及炸醬麵，同埋撈麵，仲有火鍋配料例如魚蛋、牛丸、魚皮餃、雲吞、水餃、魚滑等等可以訂購。因為佢哋係自己廠房出品，所以特別新鮮。另外一提，佢哋嘅沙嗲醬及辣椒醬都係自家製，兩種醬都好惹味，而且調配得好啱香港人嘅口味。

係長沙灣要搵野食唔難，但要搵到好食又岩自己心水的就要比d 心機搵多幾間， 今次比我搵到森記牛雜粉麵， 呢到除左牛雜外，竟然仲有小菜食喎， 岩哂我屋企人啦！因有d 鍾意食粉麵有d 鍾意食飯， 我唔洗周圍去買外賣，一間搞掂哂。⚛ 王牌八寶肉碎泡飯 ～ 天氣凍仔仔就想話食d 熱野， 見到呢到有泡飯，就叫返個食一打開有幾款丸和肉碎係湯到，飯和牛雜果d 係另一盒，佢地主動幫我分湯真好， 材料夠哂豐富，食完仔仔話好好味又溫暖。⚛ 五香牛雜撈麵 ～ 牛雜有齊牛胃、牛腸、牛肺、牛肚， 入哂味好香濃加點蠔油撈麵夠哂滋味， 我仲點一點店內的招牌辣椒油， 一點即再加分，辣得夠香。⚛ 食得粉麵我點都會加碟油菜，今次選擇芥蘭， 滾熟程度剛好， 唔會太腍。⚛ 脆炸蜜糖雞翼 ～ 估唔到食落又有大排檔嘅風味喎， 咬落有雞翼有一點點蜜糖拉絲， 甜甜地又脆。⚛ 秘製沙嗲醬雞球飯 ～ 出奇地呢個最最最正， 佢個沙嗲醬炒得好香，仲要有粒粒花生係裡面，每件雞球都沾滿醬汁，配飯食一流。

今日嚟到長沙灣攞cookies，走個陣行經見到呢間粉麵舖，聞到陣陣香味，天氣凍凍都心思思想食啲有湯嘅美食，於是買咗外賣返屋企慢慢享受☺️五香牛腩河&麵 ($32*2)- 牛腩煮得好出色，肉質燜身得嚟好入味，咬落一啲都唔黏牙，牛腩肉質都幾嫩，唔會好柴，食到舔舔脷- 腩汁湯底好香濃，鹹度適中，香鹹得嚟好惹味，一口接一口😋五香牛雜麵($32)- 牛雜多樣，一碗就食到晒唔同嘅牛部位，而且牛雜調味好到位，口感爽口食落層次都幾豐富霸氣牛三寶河 ($44)- 一碗河粉就可以試勻晒牛肚、牛腩同牛筋，配搭一流，彈牙入味- 河粉好足料，軟硬適中，唔會過軟，唔會一夾就斷鮮蝦雲吞河 ($28)- 鮮蝦雲吞好正，鮮蝦彈牙，皮薄餡靚，口感好豐富- 湯底飲落好鮮甜，麵嘅份量都好足，一碗一個人食都好滿足餐廳內部環境設計幾有心思，有舊式香港嘅風格，而且整體粉麵質素都好正，食得好滋味，同埋有其他粉麵以下嘅菜式同小食，下次有經都想食埋😋

今日放工買外賣回家吃經過這一間小店 見到餐單價錢不貴 就入去叫幾個晚飯小菜 叫咗酸甜咕嚕肉秘製沙嗲腩片自家製蘿蔔牛腩每個小菜也配上飯同湯 在等候期間 ～侍應非常熱情 告知我們所有很多醬汁都是自家製包括沙嗲醬汁和辣椒油等等 如果喜歡的話也可以自己買一罐返屋企出邊亦有一個開放式空間， 寵物也可以在外邊一起坐，購物滿指定金額還有免費雞肉呢！回到家後 打開一看每碟餸菜分量十足 咕嚕肉炸得剛剛好，酸酸甜甜的，非常好送飯秘製沙嗲腩片 ，果然沙嗲醬一流，非常有花生味 微微辣 好正！蘿蔔牛腩 蘿蔔非常鮮甜 牛腩大大件 沒有什麼渣， 不會太肥這間小店分量多又便宜，侍應態度非常一流，下次要帶狗狗一齊去食🥰

今天，我又來到了深水埗工作。到中午時分，肚子覺得特別餓，不經不覺，走到這間牛腩粉麵店鋪前，牛腩的香氣飄進我的鼻子。 二話不說 ，我走進店舖，先找個位置坐下。店鋪的環境十分乾淨和舒適，我馬上叫了一碗牛雜河。牛雜河 $30送到桌上，牛香再次湧進我的鼻子，份量也很多，有牛肚、牛腸等等，全部都是我最愛吃的牛內臟。河粉方面，它很滑身，很有米香呢！哈哈，才30元，便吃到大大碗的牛雜河，實在是太便宜了！！下次一定要再來！

見佢開張唔係好耐就試下啲牛雜、點知咁就出事出左兩次個麵都係錯既、明明叫米線又變左河粉、我都唔敢再換怕員工嫌我麻煩個通菜又煮得過份淋驚喜既係佢啲牛雜都可以、都好入味！