森美餐廳

营业中

休息中

成日見人話佢係性價比高嘅西餐廳尤其午餐 但我食完 又覺得還好而已🙈.🍖迷迭香羊脾扒$70🍖第一啖真係好似牛柳 係近骨啲位先重啲羊羶味加上醬汁太搶味 同期望有啲落差🤭.🍝明太子三文魚意粉$70🍝呢個好食好多🤣醬汁濃郁亦creamy 份量剛好沾滿所有意粉意粉亦唔會太淋 明太子同三文魚都好足推薦🥳.🍗雞扒意粉🍗好正常 勝在好大舊😂.Anyway餐包好好食呀🍞

好多Cafe通常主打舒服和飲品賣相吸引作賣點，經常都忽略食物質素同份量。而呢間位於荃灣嘅cafe，龍難認為值得推薦喇，因為你睇到這些相就個知份量大啦！味道如何呢？粟米湯：👍不解釋沙律：呢個招牌沙律份量十足，在四角有吞拿魚薯仔片，個人認為這個可以不用點醬吃。而看似這個沙律平平無奇，但其實廚師很有心機調較了一個芝士沙律醬，淡淡得芝士味又不會搶過配料的本身味道，還有在菜中你會發覺甜甜的，因為廚師加了少許蜂蜜來提升味道的層次。炸豬手：肉嫩多汁，不會太咸。最好還配有燒菠蘿，燒蒜頭！以這個價錢跟味道，很多地方也吃不到。講到咁好食都要挑剔一下就雖然豬手皮也有少許脆，但也太硬了嘅，要花一點力度才可以咬開。炸魚薯條：切炸魚的時候趣到嗦嗦聲，魚柳沒有跟脆槳分離配上他他醬，已經算合格了，還有薯條像不用錢的那麼多。（不過較可惜的是薯條不夠熱）雜腸拼盤： 這個相對來說會較失色，但其實有一條好像腸中有腸似的，也幾特別。（不過較可惜的是薯條不夠熱）。點解強調咁多次薯條不夠熱，因為基本上如果薯條再好一點的話，實係十分抵食！！

今日同朋友喺呢間餐廳補祝生日，不過我地無預先book位😂😂 原來森美餐廳有兩間，一間喺2樓一間係地下。我哋去到嗰陣2間都好full，我地就排左地下嗰間餐廳，因為環境寬敞好多，都幾chill咁！都真係要等一段時間先有位。點左個沙律🥗，我覺得ok既，不過有啲太單一同唔太喜歡佢個texture，可能係我個人問題😂😂雞翼幾大隻，都幾香架！🐥至於扒都唔錯，我地叫左五成熟，出到黎都係符合既。仲幾香👍🏻👍🏻呢個墨魚汁意粉就有少少失望，無墨魚味🦑只有顏色，好普通。。 帆立貝幾香的！

公眾假期生日真係好慘，細個學校放假唔會有同學上上下堂比驚喜你，出左黎社會番工更加唔會有同事記得你生日，出街食飯又永遠都要捱貴價。今年生日同朋友過左個好平凡既一日。今年生日希望繼續幫襯黃色經濟圈，朋友就係黃店地圖搵到叫間餐廳，下晝先打電話訂位，可惜太遲訂6點半就要食，不過唔緊要啦，下晝食得唔飽去到已經餓。我地重要去錯另一間分店，服務員好好帶左我地去番地下既分店。講番食物，我地叫左羊架、炸豬手、蜜瓜火腿、炸軟殼蟹。羊架好嫩唔騷，得4舊唔係好夠喉！炸豬手就失色左少少，普通貨色唔係好驚艷蜜瓜火腿好好食，火腿鹹香味好重，同哈密瓜既味道好夾，擺盤都好靚！我係好中意食軟殼蟹，覺得點整都係咁好食，上菜熱辣辣又香脆真係好正叫左兩個主菜送左兩個湯同埋餐包，餐包好食，湯係南瓜湯，都好香濃叫左支Rose Lemonade ，玫瑰味好濃又唔甜，後來睇番相，原來之前去英國旅行飲過生日點少得蛋糕，佢地既cake唔貴，廿幾蚊都帶一件，份量適中唔算大舊，可以試多幾款，我係唔中意食甜野既，不過佢蛋糕真係唔算甜，芝士蛋糕真係大推啊，芝士味好香濃！我地係3個人食既，食到抱住個肚走，埋單唔洗500蚊，性價比好高！我會為左啲蛋糕

作為一個人超級鍾意搪膠公仔既我每次去到都超級興奮，因為好多公仔之餘仲好好味D嘢食（雖然有時視乎佢忙而定段D食物有無下降）但係好少，幾乎次次去都好味，係有一次因為好多人，個明太子帶子意粉啲帶子硬左少少。不過都好好味。同埋D嘢飲甜左少少（睇個人口味啦）。 佢地既明太子帶子意粉真係冇得輸，好入味！😁仲有個考雞都好好味，好嫩。值得推介！ 好開心香港有間中價之餘仲好好味既餐廳。加上係黃店更加要支持！良心行先😁香港人！加油！

幫襯森美餐廳嘅日子已經係一月頭，當日約咗自稱中立嘅家姐食午餐，佢揀咗三間食肆，一黃一藍一綠，於是我二話不說就決定去呢間。叫咗份香煎肉眼扒跟薯菜，首先上枱嘅係餐包同忌廉蘑菇湯，餐湯正常水準，雖然唔算 creamy 但都有菇味，餐包則略嫌偏硬。跟住上枱嘅主菜，肉眼扒雖然超過咗 order 嘅七成熟，肉質未算嫰滑，但煎得好香口，亦有牛味，唔錯。不過有時會諗，喺呢啲食扒出名嘅餐廳食個平價 lunch 就去評論，其實唔係咁公平，應該要喺晚市再幫襯多次，先至可以有較中肯嘅評論。

食店除收銀有點禮貌其餘服務員態度一般，其中一個店員其差，點餐後告知她稍後才叫飲品，先不禮貌回應 ‘吓’重複說話後愛理不理，還和其他店員學是學非。送餐好像派貨，差過快餐店，一點素質也沒有！望老板看到評論可以提升整體服務質素，不然的話管你是黃店或其他，只會建立惡性循環一直走下去.........

今日朋友帶我去荃灣一間cafe食午餐係一間黃店嚟，門口同裡面都有文宣同埋店裡面有好多有趣嘅公仔，好得意㗎！位置有少少偏僻，係朋友食過先識嚟haha估唔到又幾多人幫襯，我哋下晝一點半左右到都要排2張枱先入得，大家都好支持黃店啊💛坐低後店員有講低peak hour限時一小時不過食個lunch好快姐，唔緊要啦～朋友叫咗豬扒拼薯條，豬扒軟腍好味😋我就叫咗柚子汁煎魚柳拼薯條，少少柚子味好開胃朋友十分推介呢度嘅蛋糕，佢上次嚟食又平又好食蛋糕menu係要問店員另外拎嘅～我哋叫咗朱古力蛋糕同伯爵茶蛋糕🍰兩個都係我最鍾意嘅海綿蛋糕嚟，好好味啊！朱古力唔係死甜，伯爵茶都好香茶味！

坦白說，如果不是支持黃店，絕對不會幫襯 😩。之前試過早餐，侍應服務態度一般。今次去更加沒有禮貌，而且食物質數更........唔通仲要堅持支持 ？🤔諗住叫塊牛扒，點知”半生”架 😩, 草草 10 分鐘食完個意粉就走。

今日荃灣尋找有西式早餐嘅餐廳後來發現這間比較多人就入去試一下。餐牌選擇唔多，有近似常餐嘅湯粉面 ，亦有西式嘅扒餐。我點了一個炸魚柳配包同炒蛋，再加一杯凍朱古力，成為$60。朱古力外表非常好加$10係值得嘅但飲落去可以再濃多少少朱古力味。主菜沒有牛角包轉了另一種包中間含有芝士餡，入面芝士又熱又溶好食！炸魚柳唔係一般嘅炸將，佢係天婦羅個種好好味。我朋友就點了牛肉通粉加包同煎蛋，牛肉有啲似牛肉乾味道，包就一樣OK。呢個餐就勉強OK啦$35。其他午餐晚餐就未試過講，不過可以再嚟食過。

本來都唔想寫得咁衰 見佢係黃店...但今次食到嘅嘢食頗差 感覺十分不良好我哋叫咗兩個全日餐 係炸魚薯條同安格斯牛肉芝士漢堡落咗order之後侍應都同左我哋講呢兩個餐製作需時大約要等25分鐘 所以我哋都諗住玩下電話 飲個餐湯先但係個餐最後用咗50分鐘先送嚟 時間俾我哋預期嘅長太多 我覺得好唔合理等左咁耐 諗住啲嘢食應該係新鮮準備嘅...嘢食嚟到賣相的確唔錯 份量都好大吓 尤其啲薯條都好多炸魚薯條入邊個炸魚炸得都OK 但係條魚只係微溫薯條簡直係放咗好耐、冧晒嗰隻唔明點解擺咗咁耐嘅薯條都可以上枱呢份burger嘅薯條一樣都係放到好冧嘅薯條🤯🤯而burger入邊嗰塊牛肉完全係鞋到無倫 佢雖然仲係紅紅地 完全唔係主導10成熟咁 但係去牛肉好韌好韌好難咬得爛話就話係安格斯牛肉 但係食落一啲都唔似 好失望好失望🤦🏻‍♀️🤦🏻‍♀️🤦🏻‍♀️🤦🏻‍♀️😤😤😤最尾兩個餐都冇食晒就走左😥😥😥😥

森美餐廳喺荃灣好似有幾間，今日嚟華都商場地下呢間，出咗商場轉右就見到。裝修非常有格調，我本來有心理準備食茶餐廳，點知係文青咖啡店風格。三點左右去到冇乜人，大家要多多支持。叫咗個羊髀扒薯菜，跟餐有餐湯、餐包和飲品。餐湯是蘑菇湯，有口感，幾香，唔會感覺係用好多粉開出嚟。餐包比較細，微暖，口感算軟熟，味道普通。羊脾扒迷迭香味道重，有少少羊味，但係肉質好明顯有落鬆肉粉，呢個價錢可以接受。薯條一般，無特別香脆，不過又唔會好油。飲品揀左伯爵折木骨花茶，有啲甜，好彩唔係藥水味， OK。埋單$70，無投訴。

印象中森美餐廳開左好耐一直以來都係食樓上裝潢較舊個間因為黃色💛經濟圈而先發現有分店——————————————————————尼間走型格路線好黃好潮👍🏻一入門口好多潮流公仔而店內空間感好大燈光都幾舒服👍🏻去到時候岩岩2點半下午茶所以叫左個tea set☕️Tea 黎講份量都算大意粉軟硬度適中茄醬🍅酸meimei幾開胃面頭灑左好多芝士粉👍🏻但個人覺得肉丸咸左小小蜜桃🍑紅茶就欠左冇大大舊蜜桃係入面失左色但都有細細粒既肉唔太甜，唔會蓋到冇左茶味都幾好飲

太耐無出過街啦，我地見今日天氣好好就出黎荃灣食個nice lunch🍽上網知道呢間係黃店cafe,就黎幫襯支持佢地💛呢間餐廳好有feel，餐廳有空間感，擺設design都好有feel，我本人好鍾意。食物種類多，價錢又唔太貴（完全平民價錢）。我地分別叫左2個lunch set- 餐包配餐湯 （白湯x1 紅湯x1): 餐包有誠意，唯獨餐湯份量有點少- 燒牛肉眼扒配意粉🍝- 燒羊扒配意粉🍝- 凍西柚紅茶 （有果肉👍🏻）- 凍蜜桃紅茶 （唔係死甜，有果肉👍🏻）加分位：餐廳有搓手液同漂白水share俾有需要嘅人，發揮守望相助精神😊

森美餐廳嘅環境以唔同主題嘅figure為主 燈光好足夠💡令到成間餐廳嘅格調加晒分☺️森美餐廳附近就咁數已經有幾間黄店 有轉角見 留白 小廚美食 等等嘅店鋪 可以流水式幫襯🤫.👉🏻香煎牛肉眼扒($65)一個set嚟 餐包質素拍得住出面西餐外面好脆 入面個包就好軟熟😛.餐湯本身叫左雜菜湯 但嚟到煙肉忌廉湯先話冇晒紅湯 有啲失望😢個湯暖暖地 但稍嫌煙肉碎太少 .肉眼扒薄切 食到有牛味 但個質感有啲淋 可以改善一下 意粉軟硬度適中.👉🏻伯爵接骨木花茶個餐包埋幾好🤩好香花茶味！——————————————森美餐廳荃灣西樓角路178-184號華都中心地下A2號舖