森美餐廳

营业中

休息中

呢排老公工作辛苦了, 趁佢生日就同佢食好D 啦! 森美餐廳一向都係我哋喜愛O既餐廳之一, 貪佢餐廳內環境不錯, 食物性價比高又就腳。黑色O既門面, 加上落地大玻璃, 令餐廳喺晚上變得特別顯眼。門外已經有MENU, 睇到啱食先入去! 晚上冇套餐, 不過可以加$30 有一件CAKE (冇得揀, 隨機) 同一杯非特飲飲品。先上餐飲 - 西柚可樂, 特別, 可惜冇COKE ZERO。餐湯 - 青紅蘿蔔忌廉湯, 冇乜特別; 餐包係熱上的美國安格斯西冷牛扒 - 老公生日就食豪D D, 佢揀咗美國安格斯西冷牛扒 (MEDIUM) 我記得對上一次叫西冷牛扒係一年前, 果次係失望而回的。所以今次老公諗住點時, 我都有猶豫。不過今次就冇令我失望啦! 首先講講塊扒都幾大塊, 切開又真係做到MEDIUM, 調味方面都好不錯! 令人好想食完一舊再一舊。$228 O既價錢, 有呢個質量, 我覺得好OK!扒底有薯蓉, 有燒菠蘿, 燒粟米, 筍, 同燒蒜頭! 一見到個燒蒜頭, 我就好開心 (我老公就唔太開心啦, 因為佢好怕蒜頭味)! 因為外面餐廳好少有, 而森美餐廳就有提供! 我真係好鍾意食蒜頭架! 另外, 燒菠蘿真

$70 迷迭香羊脾以上呢個價錢係午餐，仲要包餐湯、麵包同埋嘢飲，凍飲都唔使加錢🥳講一講個主角羊脾，夠淋，唔會太過韌。不過冇乜羊嘅膻味。個汁方面好味，味道特別而且唔會過鹹，同個羊都幾夾！可以揀飯/意粉/薯菜，今次揀咗薯菜。夠熱但唔夠脆。⭐️$68 香煎牛肉眼扒呢個都係午餐價錢我走咗汁，所以冇得評價佢個汁。至於塊牛方面，薄薄地，少許肥膏我覺得食牛扒係應該要有少少肥！（個人口味）牛味方面就差少少！環境闊落，乾淨！坐得舒服，而呢個價位，食物有呢個質素，我覺得係抵食👍🏻

同屋企人食咗兩樣野。一個蟹肉沙律。另外一個鵝肝集菌意大利飯沙律幾新鮮。不過我嫌佢沙律醬太多。下次少返少少可能好啲意大利飯。口感做得好好但鴨肝如果煎得再香口啲就完美了甜品芝士蛋糕。柚子味好好食

今次是一個月內第2次來食呢間良心小店，選擇再Encore一定有原因😋！今日同屋企人來慶祝生日，雖然有屋企人唔食牛肉，亦有其他的選擇，今餐分別叫左1. 森美沙律2. 墨汁虎蝦帶子意粉3. 芝士蟹肉大啡菇4. 炭燒黑毛豬5. 德國脆豬手太多太多野想試，例如炸魚薯條、斧頭扒、Rib eye steak、Angus steak、羊架等等😋下次一定會再返來試👍🏻👍🏻👍🏻另外，餐廳仲有個set (drink + dessert)只是$30，可惜胃部已經無多餘的空間了！埋單無加1，又好味，又大份，環境又舒適，適合大班朋友疫情過後聚餐，或情侶用餐！雖然用餐是星期三晚，但都接近全場爆滿，建議要先訂位。

森美餐廳 💛荃灣💛-喺荃灣平價黃店西餐💛 一入到門口就見到全牌公仔都戴上口罩，真係好吸睛😍 環境唔錯，lunch time 來講價錢正常。係嘢食方面，個人覺得餐湯有啲稀，就咁睇賣相都睇到比較水。三文魚柳嘅話份量合理，正常發揮，但冇咩話特別出色嘅地方。餐飲估唔到竟然有果汁選擇，仲要係鮮榨嗰隻，勁吸引😍-Lunch set（包餐湯餐飲）🔍 柚子汁香煎三文魚柳 $70-📍森美餐廳 (荃灣)荃灣西樓角路178-184號華都中心地下A2號舖

Book左枱夜晚去食，一入到餐廳覺得環境都幾唔錯，野食方面整體而言都好唔錯，份量好大碟 牛扒我order咗5成熟，間餐廳佢煎得啱啱好，牛同魚都有配菠蘿，非常開胃👍🏻 除咗牛扒之外 我仲叫左雜菌意大利飯同帶子意粉，兩樣都好味，個汁幾好味而個飯同意粉都唔會太淋，大啡菇同魚柳就相對一般 想食薯條但驚叫多個burger 會食唔晒，於是我叫左個芝士薯條，點知份量超大份！最後都食唔晒 整體黎講唔錯，坐得舒服，服務都好

經常荃灣出沒搵食，都唔知原來荃豐行過去幾個細商場地下有咁多小店！朋友話係黑蚊蚊商場😄原本計劃食另一間cafe但實在行嚟行去都搵唔到，最後見到呢間門面光猛望入去都坐得舒服就決定呢間！下午茶時間唔多人唔使等位，裝修佈置好靚，影相打卡一流。選擇比較少，因為我食咗午飯就只叫甜品，朋友食漢堡。甜品味道太甜，朋友說漢堡薯條味道很不錯，印象最深係杯iced mocha,大大杯飲完好滿足！唔需要等位有個地方慢慢坐傾下計，絕對會再幫襯。

前幾日去開荃灣睇魚🐠當然要順便支持下未去過既小店啦💛可能因為星期日 所以本身想去個兩間都比較多人等位最後我地放棄左 去左鋪位比較大既森美餐廳等位~~雖然排我地前面大概有8-9個人 不過我地大概等左10分鐘都冇就有位😀店入面有好多玩味figure!連d figure都乖乖抗疫 帶哂口罩😷menu都畫得幾靚~~見我去個日既menu 同openrice上面其他blogger upload既餐牌相唔同就知道menu係會不時轉既! 👍🏽Lunch Set價錢 $68 - $98已包餐湯 + 餐包仔 + $25或以下既飲品 🤩餐湯有紅/白湯揀雜菜湯同南瓜湯都正常發揮!最有驚喜係個餐包! 竟然唔係甜餐包而係硬豬‼️仲要俾左兩粒唔同既硬豬我地 有烘熱過 外皮脆卜卜 我就鍾意有燕麥個個多d size細細粒 似係自己整👍🏽鍾意食硬包既我表示好滿意 想食多幾個啊! 😛 主菜方面💁🏽‍♀️🥑牛油果烤雞沙律 ($70)呢個沙律就係半個牛油果同埋4-5塊烤雞加係凱薩沙律上面!牛油果生熟程度岩岩好 好creamy! 🤤烤雞唔會鞋口到入唔到口凱薩沙律醬唔會太多 ☺️生菜都幾新鮮 整體不錯吃! 👍🏽🍝風腿卡邦尼意粉 ($7

政府宣布放寬晚市堂食，即刻約咗朋友星期六晚去試試呢間餐廳，我哋晚上六點去到，已經坐咗好多枱客人，好在walk-in仲有位😋我同朋友兩個人都大食，叫咗1個starter+2個main course: 芝士焗生蠔，巨大版炸魚薯條，脆炸鹹豬手，加兩杯嘢飲。份量相當足夠！最先嚟嘅係餐包同西湯，個西湯都ok好飲，然後巨大版炸魚薯仔好快就到，估唔到香港都有咁大舊炸魚，真係難得！而且薯條份量好多，又幾脆，兩個人好夠食。之後嘅芝士焗生蠔都幾新鮮，芝士咸度都適中，可以一試。最後上埋脆炸豬手，已經切件，唔使自己切一大餐，抵讚👍 豬手最怕整得太咸，同埋外皮唔夠脆，今次呢隻啱啱焗脆，好脆，配菜有薯蓉同菜，好夠食！見到人地叫黑松露意粉都好吸引，下次去再試！

位置稍為偏僻嘅森美餐廳之前幫襯過2樓嘅晚市 羊架牛排都非常滿意 價錢又不貴森美餐廳有兩間係同一個商場一間在地下面向馬路 裝修較新較漂亮一間係搭電梯上兩層 裝修相對有歷史嘅港式西餐今次食下午茶叫了二人Set 有芝士沙律 三個burger仔 碎蛋沙津牛角包同兩件Cake 除了burger 稍嫌乾身其他都不錯 野飲Earl latte 朋友很喜歡不過呢個Set 真係兩個女仔食Tea嘅份量 🤣大食或者未食Lunch嘅就要點多份所以我地再叫咗份香蕉窩夫好食！甜得黎唔會濟！仲有啲焦糖脆脆 食完非常飽足 係一份食完會變開心嘅甜品🥰😊絕對會再食呢間餐廳下次想試佢個重量級炸魚薯條見到其他客人點 份量超超超多而且好香脆咁～希望盡快食到晚市𠻹！

我今天到了森美餐廳吃早餐，那個羅宋湯很好味😋，沙嗲牛肉通粉都好好味😋，但是好似太大碗我吃唔晒。整體嚟講，都係ok啦👌。如果你唔算好大食，我就唔係好建議你去呢間舖頭食嘢。

🎗炭燒黑毛豬扒🎗肉汁豐富，夠爽，配菜有菠蘿、車厘茄、粟米、薯蓉，好fresh，而且個汁另上，要幾多完全自己控制，正！🎗大啡菇芝士漢堡🎗兩嚿大啡菇夾住層芝士，完美融合埋一齊，包夠脆，重有蕃茄、酸瓜、生菜配襯，層次分明。薯條夠粗，正！💛森美餐廳地址: 荃灣西樓角路178-184號華都中心地下A2號舖電話: 24147177營業時間：星期一至日：0730-2230💛其他分店：（1）森美餐廳地址: 荃灣西樓角路170-184號華都中心2樓30-60C舖電話: 24147711（2）森美餐廳地址: 荃灣荃昌中心昌安商場地下6號舖電話: 24147711

公司晏晝都會有巴車落荃灣,今日冇咁忙就落左去搵野食. 其實森美餐廳已經幫襯過無數次,今日見冇乜人排隊咁難得就食佢啦~餐廳環境舒適,唔係會坐得好密果種.叫左平時食開嘅迷迭香羊脾扒配薯菜跟餐再加$10轉杯涷嘅焦糖latte.中午lunch set都會跟湯同麵包仔.今日係甘筍湯同自家製嘅包. 本人好鍾意食森美嘅包,熱辣辣好新鮮仲有牛油配.主菜真係超大份!唔知廚師係咪都知道我今日好肚餓呢羊扒唔會好蘇,比較薄身同唔係全熟關係所以都好多汁同唔會太硬.焦糖咖啡都幾好飲,加$10嚟個質素都算係唔錯!Overallcafe嚟講$80有羊扒食仲有咖啡飲都唔算好貴~期待下次返公司時可以試埋其他set

森美餐廳嘅地舖喺三棟屋對面，舖位好大所以坐得勁舒服！一路食一路聽住餐廳播嘅粵曲（aka. 粵語流行曲），真係好有歐陸得嚟又好本土嘅感覺。早餐嘅牛角包真係一試難忘！ 😋 芝士火腿牛角包+香橙紅茶 $35 先講個牛角包，脆脆的！芝士溶咗喺火腿同牛角包中間，牛角包嘅牛油味超濃，夾埋少少鹹嘅火腿一齊食真係滿足到三個願望🤪 牛角包都幾大個，長35 cm，早餐食個牛角包加啲沙律菜都夠飽。杯嘢飲就不得了，睇menu有香橙紅茶，以為係求其用啲橙味糖漿再加紅茶，點知原來杯紅茶真係有兩件香橙，仲要唔篤個橙係無橙味，純正嘅天然無添加😚

疫情緩和，放寛限聚令下跟閨密聚餐，一間食過好幾次既黃cafe，食左以下四款食物：森美沙律：一擺上枱，一致認為好精緻，即刻手機先食，味道清新，夏天啱哂芝士蟹肉焗大啡菇：芝味濃，菇夠大又juicy美國Prime 牛肉眼扒：牛有牛味，雖然熟左少少，但都好味唔韌蕃茄蟹肉意大利粉：濃蕃茄味，多蟹肉，正常口味這餐廳由於太多訂位，所以用餐時間90分鐘，真係食飽就即走，不論午餐定晚市都係咁，可以坐耐啲啲就perfect。