森屋

营业中

休息中

有時食晏晝都唔想虧待自己，就會想搵間坐得舒服，食物質素唔差既餐廳試下。今次就揀咗呢間——森屋。入到去嘅環境好有日本風，好似日本居酒屋一樣，傢俬係木造，牆身掛左木牌Menu。因為我地只係食lunch，所以無單點小食，我見佢仲有單點menu，應該係午市/晚市都嗌得！我地一行三人，嗌左兩份網燒牛肉同一份香草羊肉。一個餐包主菜、一碟沙律、一碗麵豉湯、一碗飯。正常女仔食一定夠飽，唔需要再免費refill飯，男仔就算應該會refill飯啦😂。沙律 - 係日本常見既沙律，有生菜、粟米、豆腐、小蕃茄。醬汁方面，應該係餐廳特別調配既，有別於其他餐廳一尾加胡麻醬落去。麵豉湯 - 正常，有海帶、豆腐。味道方面唔會好鹹，飲完之後唔會覺得自己飲緊味精湯😗！飯 - 珍珠米，可能因為本身佢一碗飯份量唔算多，所以可以免費refill一次。網燒牛肉 $ 82 - 必食，超好食💕💕，感覺佢係明炭燒，即嗌即燒。個牛肉拍得上平時比$400-500一位係牛角任食個啲。佢嘅好處可以分開三部份來講，第一，牛肉嘅質素好好，油脂分布平均，食落去又唔會過分油膩，啲肉無根仲入口即溶🤤！第二，醬汁好好食，餐廳調味做得好好，並非中式嗰啲一味得

本身趕時間就叫咗份外賣點知原來佢地外賣都要+1服務費我又未見餐廳內有任何標識寫外賣都要照+1咪問個女收銀會唔會入錯個收銀話佢地當計飯盒錢我當場無語⋯咪飯盒錢咪輪飯盒計嘅咩？都不至於收10%咁掛？個男店員又鐘上來問咩事以為佢會解答到我問題結果佢聽完態度好差咁話：「你自己問老細啦」咁我又再問會否考慮係餐廳收銀處寫清楚外賣+1嘅提示字眼「佢話唔會喔 我地不嬲都係咁」我從來都未試過咁不愉快的就餐經歷我只是想問清楚收費明細又不是要同佢地攞番果幾蚊句句都咁窒個客唔通就係你們的待客之道？以前經常到店堂食 店內個女服務員姨姨都好好人 點解要請d咁嘅人翻來讓客受氣 真係不得而知

話說今日lunch time 同老公去森屋食午餐，係寫字樓工作，當然盡量準時食完返office ,以免影響下一更放飯嘅同事。 我地12:10pm到達， 點左2份網燒牛肉定食， 但係等左成30分鐘有多， 都未有餐送到。 眼見旁邊幾張枱嘅客人遲入座過我地，紛紛都有餐送到...我哋就忍唔住要催下個店員... 老公：請問我地嘅餐幾時到？ 我地趕時間呀！ 黑背心男店員： 你趕時間？咁咪幫你轉外賣囉！ 嘩！ 我老公聽到把鬼火！老公：你咩服務態度？ 我地等左好耐啦！ 黑背心男店員： 咩話？要等架啦！聽唔明呀？我地廚房位置有限wor! 最終我地嘅餐係12:45pm 送到,估唔到食個lunch 要等足35分鐘， 仲要受到極不禮貌的對待！ 野食好食又如何！ 請左d咁嘅waiter ,簡直係趕客！

之前同同事去咗食呢一間lunch 平時都比較多人排 我去當日就唔算太多人 入到去之後佢大部分都係食燒烤類嘅嘢食 我揀咗燒鯖魚 我同事揀燒牛肉定食佢個set有兜沙律 有碗湯 魚同飯 都算多嘢食 我試佢個鯖魚 無乜腥味 而都算幾香口 我同事同我share食啲餸 覺得個牛肉相對再好食啲 但係魚都算係ok 其他各樣都係中規中矩 以100蚊內嚟講都算係好食嘅餐廳 值得再去食

灣仔近排要搵食真係好鬼難因為限聚令嘅關係，所以得返一半座位可以坐，想食日本野，又想搵位坐，就要早啲去霸位啦今日去到譚臣道，朋友喺附近返工，介紹左食呢間森屋<照燒鯖魚套餐$73>望咗埋個餐牌，一個套餐加埋一大概$100左右正常日本嘢嘅價錢啦套餐包咗一個味噌湯同雜菜沙律，味道正正常常雜菜沙律啲菜就唔太新鮮照燒鯖魚份量都份量都幾多，有兩大塊，女仔食完鯖魚都應該幾飽味道不過不失，食完唔會特別記得，$100套餐，水準算係正常

朋友生日約食飯，大家都喜歡吃日本菜，於是朋友帶我地嚟食呢間話食過幾次質素幾好前菜沙律一啲都唔媽敷，有蛋白、車厘茄、粟米、生菜，面頭加上芝麻醬好口胃網燒牛肉丼牛肉用上嘅醬汁燒得非常惹味，甜甜地鹹鹹地咁，加上生卵拌入令到整碗飯更加豐富而且滑溜明太子玉子燒係今晚最期待嘅菜式，果然冇令我失望，玉子非常嫩滑，中間仲有小小呈現半熟狀態甜度適中，加上面頭既明太子真係好正好正！！！牛油果軟殼蟹沙律牛油果大大kai咁真係好滿足，軟殼蟹雖然捲起而且面頭淋有醬汁都依然好香脆用米紙卷包起感覺好新穎仲有好多其他燒物都好正，例如荔枝腩肉串，荔枝好好甜好多汁，配上腩肉味道真係一流

同同事食過呢間，覺得好好食，所以帶屋企人黎食。但係因為小朋友怕食燒肉太熱氣，所以叫左薯仔煮牛肉，點知一樣好食。薯仔煮牛肉啲汁好甜，好岩小朋友食。蘿蔔好林同入味。牛肉粒好林，但肥牛有啲硬。鯛腹定食啲汁有啲甜，但好岩小朋友食，唔腥。白飯飯好香而且熱騰騰，超好撈汁。汁燒牛定食牛肉燒到卜卜脆，加上生蛋，撈上白飯同蔥，真係可以食10碗都得。味噌湯足料，一啲都唔咸，小朋友都岩飲。前菜沙律Lemon sauce又清新又爽口，超開胃。小朋友都食得好開心，見佢咁開心，我都開開心。

次次來森屋都要等，不過可能因為師傅堅持即燒既原因，多單做唔切啦。我平時來多數都係食照燒雞塊餐，而同事都係食薄燒牛肉餐。對於我呢啲唔食牛嘅人來話，薄燒牛餐最吸引應該係隻蛋。😂😂😂😂😂照燒雞係用串燒形式上枱的。食起上來好有炭燒香，夠晒Juicy 又無燶，厚身有咬口，整體來説覺得幾好。。唯一係通常一上枱就覺得得2串好少，但好多時食完係夠飽的。😂😂😂另一款今日食既係吉列豚，我覺得呢個好。好。食👍🏻👍🏻👏🏻👏🏻👏🏻真嘅，個炸粉唔厚，又脆，好明顯係鮮炸。不過都有少少肥，可以接受。個豬扒汁很不錯，送飯好好！👍🏻🤪🤪不枉我等左40mins。。。不過話説，Lunch 1個鐘，去到餐廳10mins，個餐來到我基本上得5mins食。如果下次可以快啲就好了。😂😂😂另外，我想提提大家，千祈唔好叫一啲唔係Set Menu 上嘅餐點。我上次唔信邪，多口叫左個拉來，結果中伏。😂😂😂 仲有，個餐會包麵鼓湯同沙律的，幾好飲咖，啲菜都幾好。不錯不錯。🤪🤪🤪

呢間日式餐廳係位於灣仔譚臣道嘅，小編同女朋友一入去都係照舊Order咗兩個set啦，首先有網燒牛肉定食同埋自家製吉列豚定食。網燒牛肉整得幾好，不過有少少偏鹹，但係抵讚嘅就係飯同溫泉蛋同牛肉撈埋一齊係一個好嘅配搭，至於自家製吉列豚方面，小編就會覺得炸粉好似多咗少少，不過豚肉都唔錯嘅，另外值得一讚嘅就係呢間日式餐廳嘅麵豉湯，湯入面好足料，飲完一啲都唔口渴，味道適中，小編飲完一碗好想encore多一碗，不過都係留待下次再encore吧。

係灣仔返左2個月工，無咩同事陪我食飯。上星期搵返個舊同事，於是佢決定帶我好食西。今日就黎左森屋食野。一入到去陣陣既燒肉香味，好想影相，但驚驚。12點半已經滿晒，等左15分鐘先入到去，仲諗緊食羊定雞，朋友過牛定食超正，於是就跟左朋友。沙律佢唔係用沙律醬或胡麻醬，應該香草加檸檬汁，除左菜好新鮮爽口，最正係有洋蔥，雖然食完會口臭，但係，太香口，我都食晒。牛定食佢燒到啲牛好香，卜卜脆，加上蔥花、洋蔥同佢另上既一隻蛋。立即攪拌，將啲蛋同牛肉燒汁撈好，又香又好好有肉味。不過我覺得牛肉太脆，食唔到牛肉味，不夠滿足。味噌湯十 分足料，好多白蘿蔔、洋蔥等蔬菜，好正。大滿足，下星期再食！

呢間食過好多次，第一次就係食香草羊肉飯，朋友揀咗網燒牛肉飯，一試難忘！所以我再嚟當然要叫網燒牛肉飯啦！飯到之前會有一兜細沙律，幾fresh就咁睇相都見到有好多牛肉，完全唔洗驚食到最尾冇哂肉仲有隻生雞蛋俾你撈飯食，超正，我一嚟就撈勻哂啲料，一啖肉一啖飯，超好食呀！好輕易就食哂成碗飯，對於我地呢啲成日食剩飯嘅人嚟講係好勁每次飯癮起都一定會嚟呢間食不過次次去完呢間成個人都會有好大陣燒肉味呢間仲有串燒嗰啲，打算搵日夜晚嚟試下

已經不是第一次去這間店了，是灣仔不錯的日本菜。燈光薰黃，點上酒意，蔓延美好的晚上。叫了一客吉列豬扒定食，鬆脆的外皮，包著充滿肉汁的豬扒，配照燒汁和沙律醬，好好食！為何說驚喜浪接浪呢，另一個網燒牛定食，更好吃！調味剛剛好，加上生雞蛋撈飯，牛肉的香味出曬黎。另外必點既一定係串燒，之前來吃過串燒雞皮非常好吃，不是全燒乾那那一種，是還保留有雞皮的嫩滑。可惜今晚已經買光了。今次點了串燒雞軟骨和牛油翠肉瓜，還有酥炸墨魚嘴小食，送酒一流！

Here I come, again.Okay, I know I have been here many times but just can’t help. It is so relaxin and cozy here that’s I just feel like home. But today we ordered something new. Octopus with wasabi as appetizer. The spiciness is just fit to stimulate your taste buds and prepare you for the upcoming main courses.We also ordered my favourite grilled dried shellfish/puffer. I tried it in many restaurants but this is the first time I have it here. It is good and with the salad dressing, just an impe

成日喺灣仔經過呢間未有機會試 今日中午有機會就即刻入去，入面唔算多人，即刻叫咗個牛肉定食。落完柯打好快就嚟做個沙律，冇幾耐就成個定食嚟咗。 個沙律做得唔錯， 有少少豆腐蕃茄菜 。定食有隻生蛋喺度， 自己好少食生蛋唯有擺落夜飯都撈埋食。碗飯度份量唔算多但牛肉 份量就好好夠，只係牛肉有少少韌。想講下個是玩嘅設計， 小弟預期本來係長方形盒定食，但來了一個比較深的碗，飯同牛肉 放埋一齊。 佢只係畀咗 筷子 我，我亦都冇再問佢攞匙羹， 作為食家就覺得比較麻煩， 要好似食中餐咁攞一隻碗扒飯， 只是個人少少嘅意見!!總結食物一般，$82 加一， 埋單九十蚊一個午餐。 但我相信呢間餐廳 仲有些改善空間！

今日5個同事一起食午餐，由我話事食日本菜。到了餐廳見不太多人等位，非常高興，但等了10分鐘都未有，决定分枱一坐，2人和3人各一張，一會兒就有位。居然4位同事都叫了鯛腹定食，非常美味，入口即溶。但我同事叫了網燒牛肉定食，牛肉只是火煱的肥牛，不太喜歡，味道一般。