森奈兒

我在九龍城長大, 看到團購有九龍城的店, 便試下.在 Groupon用$138買下二人套餐，同之前的網友一樣. 有以下5道菜:-面鼓湯 X 2前菜 (以下2選一)辣酒螺/白酒青口6隻生蠔主食 (以下2選一)牛扒/青魚甜品未去前, 看過openrice 的食評. 決定不堂食. 改為外賣. 致電預約都要成個幾月後某日才有餐取.終於到期取餐. 選了辣酒螺及牛扒(五成熟, 回家再焗熱少少就剛剛好)面鼓湯 X 2 : 普通. 辣酒螺 : 辣酒做得幾好, 螺有大隻有細隻. 約有7-8隻.6隻生蠔 : BB 生蠔. 都鮮甜架.牛扒 : 肉質鮮嫩, 是優質牛肉, 有heart 有心對顧客的表現. 厚切後都有四五塊. 甜品 : 擬似豆沙餅.二個人淨食呢個餐就一定唔夠飽, 不過叫下其他野食當為小店打氣, 都值得的.後話: 第一次踏入鋪頭. 感覺良好. 可能老闆係度, 所以侍應服務都幾好. 下次夜少少時, 就試試堂食.…查看更多

是日是特別為朋友慶祝生日的 ,我們一行4人食左個所謂4人餐 ,仲要唔係團購價要成$6xx ,先來一盤12隻生蠔 ,超細隻之後=> 一人份量的烏冬 ,係 ,的的確確係一人份量 二人份量的牛扒 ,一塊過 ,四人分了得一少少塊 炸墨魚餅==>好似係 ,唔係好記得仲有幾串串燒,重點係....d串燒係每款得1串咁大把 ,之後仲要加錢加多少少野食,講真 ,味道方面就不過不失 ,但價錢同份量就一d都唔值 ,我地食完個所謂4人餐係冇一個人滿意lor ,最後我地要走去搵嘢再食過 ,所以......一定一定唔會有下次…查看更多

因在Groupon用$138買下二人套餐，不知是Groupon定係間餐廳出錯，明明買Groupon時，有以下5道菜:-面鼓湯 X 2前菜X 2 (以下2選一)辣酒螺/白酒青口6隻生蠔主食X 2 (以下2選一)牛扒/青魚甜品之後，收到Groupon的EMAIL話前菜同主食得一客，都算，照去食，當$138去食半打蠔。因為就算真係有兩客，加埋都唔似二人餐份量，點都會再叫其他野食~當時我地抱住去食10蚊蠔的餐廳優惠~我同老公加另兩位朋友，BOOK左6點，用兩張GROUPON去到門口，冇人的...入去坐底...前菜...少得可憐個WAITRESS話D蠔在MENU係冇...在USA的唔知咩蠔...我覺得似埃塞俄比亞返來...仲細過我去小肥牛的石蠔食完呢PART蠔...我地覺得唔多夠就ORDER MENU的蠔啦~我地CHOOSE左3款，一款係10蚊蠔，一款係15蚊蠔，一款係18蚊蠔~個WAITRESS落完單一陣返來同我地講...廚房冇晒貨....咁我問佢，仲有咩可以CHOOSE，佢答我地，如果想食法國蠔就有呢D呢D...我再問佢，10蚊蠔仲有邊隻，佢話，呢地我地得番呢度以下的蠔!! 不過D蠔全部OVER 25蚊囉~我地係第一檯客...6點鐘咋，所有10蚊蠔已經賣晒?! 仲要係得番D 法國蠔，成間鋪價錢最貴O個幾款......如果真係冇貨，坐底時，個WAITRESS係俾MENU時，又唔見佢同左我地講先?! 到了主食...我地點左牛扒...兩個人SHARE一塊比我手掌還要少的，我隻手真係好細，個個都話係小朋友手~~呢個係二人餐定一人餐呀! 我地食左半個鐘多D...要走去九龍城街市食泰菜~不過坦白講，呢間野的食物味道中等同新鮮~但D份量就...仲要...銷售手法不認同囉~如果我係8點O個轉，冇晒D蠔，我明白~但...我地係第一檯客呀~~~我真係十萬個唔明~~…查看更多

個日同成班好友去試新嘢, 係呢度慶祝阿妹生日!我地6個人叫左兩打生蠔, 2隻煙肉芝士焗生蠔, 2隻芥末焗蠔 (㕑師推介), 燒羊肋, 芝士汁燒聖子, 清洒煮青口, 2串燒年糕, 6 串煙肉香蕉卷, 清洒煑花甲, 2串燒牛舌, 冷烏東, 2串燒牛柳, 2個 燒三文魚飯團,3隻 燒虎蝦等等等等.....個晚叫左勁多嘢食! 唔錯的係, 唔洗等好耐就有得食 (可能個晚唔多枱客)除左生蠔即叫即開, 本人幾鍾意的呢度的芝士汁燒聖子, 清洒煮青口, 芥末焗蠔和冷烏東! 正正正~ 食物好味, 生蠔生鮮, 食得開心, 服務ok好~ 總之...正~ 一定會返去.加上個呢度會介紹咩好食, 有咩推介, 仲有wine service 同介紹生蠔, 又提我們記得訂位, 正係好好好好好~ …查看更多

由於看到報紙介紹這裡星期三, 五,六, (日, 唔sure) 都有$10生蠔任叫，所以決定和老公來試。除了生蠔外，這裡的其他食物如串燒和刺生等選擇不多而且偏貴，例如雞軟骨要成$25一串 白酒就唔算貴, 約$300 一支.生蠔第一round叫了3款蠔，Coffin Bay, 偏咸，第二款忘記了名字，第三款係Pacific Rock, 好味，有aftertaste的，好鮮甜，開頭微咸之後甜甜地不過這些$10蠔size都好細。但我個人認為最緊要好食，大隻但唔好食又有咩用呢~最後我和老公二人叫了3打生蠔和少量串燒。不過, 這裡的侍應應該係新手, 問咩都好似唔知咁, 未瞓晒咁, 要改善. 但為了$10生蠔, 都值得我再次幫襯嘅.…查看更多

坦白說，我都是上個月才不抗拒 吃生蠔，今晚，便於九龍城來個「蠔 們 夜宴」。男朋友的同事們 上星期訂枱了，在1+1 的情況下，我也有幸結識這班有趣的「同事們」。說回食物吧。我們一行七人來的時候是周日晚上，這裡人客不是很多。一心只來吃蠔，店員也努力的逐款介紹。是日有五款選擇。什麼是海水味道濃郁，什麼是aftertaste，什麼是青草味，我是 完全不懂，初哥的 我 只慬知道 「蠔」吃起來 是 滿 清怡爽快，飽滿肥美的。但compare with kudos 的buffet，我和男朋友都一致認為，「森奈兒」略遜。綜合所得：「同事們」是晚吃這個「森奈兒」並不甚滿足，「同事」更笑說我們是「Close Eye」神秘食家，因為這裡的合心水的食物選擇不很多，雖有了各國的食物，魚生，串燒，等。但卻以法國菜作定位，「雜」而不「精」，不是我們「正餐」的選擇，加上酒水也不便宜，所以只吃蠔，也沒試這裡的其他食物便「Close Eye」離開了。…查看更多

以前去過Exchange Square 的ONE CAFE 食 $10即開生蠔, 然後又試左同一集團山頂Cafe Deco$10-12即開生蠔(Tasmania)幾次,之後食過尖沙咀Delaney推廣即開生蠔....同最近Cucina$388 Buffet 任食即開生蠔(Tasmania, Kumamoto, Coffin Bay) with Ham/前菜等 and other hot dishes (推廣搞到九月底咋)...... 今次真係最差最差一次! 最失敗唔單只係D蠔,一坐低問侍應日本酒邊D係大樽(720ml or 1.8L)邊D細樽(350ml),佢唔識答並比個餐牌叫我自己睇,唉....唔係呀馬! 之後問佢有mug白酒,佢建議澳洲or智利,我就問佢係mug白酒,又唔識答,好喇...Ling埋個樽埋黎,唔係啊馬,Chardonnay 同 Sauvignon Blanc 都唔識,點做西餐廳呀兄台??唉,反正坐低就求其叫枝Sauvignon Blan 啦, Chardonnay 果味重基本都唔係好襯生蠔.....Order 左特價$10生蠔每人每樣一隻(3種),黎左之後問佢生蠔叫mug名,佢話一隻係美國,一隻係紐西蘭,一隻係澳洲子,再問佢即係mug野蠔呀,佢又真係唔知道,call晒人都唔識答!死啦,你知唔知自己鋪頭買僅mug駕?連Fanny Bay, Pacific Rock, Coffin Bay 都唔識,番屋企啦! Fanny Bay 完全冇未味,Pacific Rock 麻麻地,Coffin Bay 似有D味啦, 但就一定唔係即開貨色....開左枝白酒,就叫多一打Coffin Bay 生蠔,....40秒都唔駛就出黎,好勁播!!!,食落口......感覺完全只係Buffet半開生蠔而唔係即開,Creamy冇mug味,真係唔係路,冇即開生蠔鮮味!!!! 大家都知道即開生蠔同 Buffet 生蠔(半開急凍)完全係好唔同班及價錢GA啦! !!!!!失望之餘,都叫左D燒雞翼同燒牛舌頂下肚,唔係一流但係都唔錯播! 其實真係唔駛搞埋D卓頭! 一定唔會再黎la~…查看更多

之前睇雜誌見九龍城有間野食生蠔幾平一於試試～據雜誌所講，每日會有三種生蠔特價，只售＄10仲不限數量任叫～暫時睇似乎每日都係呢三種咁....分別係澳洲既coffin bay美國既fanny bay紐西蘭既pacific rockbook左8：30枱但結果7：45就到左問左一問，侍應都照幫我地安排位置～抵讚先order每種兩隻試試先不過似乎staff唔太熟悉蠔種只係以“美國”，“澳洲”同“紐西蘭”黎形容佢地供應既三種蠔等住食再慢慢睇menumenu上既食物選擇唔多以串燒同小食為主無主菜，感覺似居酒屋menu串燒價錢屬中價，總之就唔平款式亦唔多，普通既大葱雞肉串， 雞皮串都無加上menu影既相唔靚....吸引力頗低生蠔上枱size偏細，始終呢個價錢唔求得咁多配佢地自配既cocktail sauce，味道唔錯既～蠔非常新鮮，滴上檸汁仲識得有反應（書係咁教）蠔身都算飽滿～coffin bay鮮甜fanny bay有D咸…唔多啱食pacific rock則爽身，味唔及coffin bay濃試完味之後決定encore coffin bay + pacific rock 各半打要加串燒，有海鰻，雞肉，鮭魚飯團，牛舌，香蕉煙肉卷先食串燒海鰻驚喜度極高無骨，厚肉，爽口，鮮甜～～真係勁得！！仲要唔算貴！強烈推介！雞肉比想像中大舊同多味道不俗，燒得夠香夠脆亦無死人雪味以呢個技巧燒雞皮一定超正.....可惜係無既！牛舌佢分本地同和牛價錢相差接近一倍....縮骨既情況底下叫左本地但事實絕不欺場！用舌心做既燒牛舌就算本地貨都好爽口，味道亦鮮甜好味！煙肉香蕉卷出面真係未見過，點都要試試香蕉燒得爛熟，又香又軟煙肉燒得香脆一個脆，一個軟，一個咸，一個甜～～～2種味道，2種口感～爽！！推介！！燒鮭魚飯團醬油燒飯團包住三文魚碎單係燒醬油飯團已經夠晒正啦加埋個三文魚碎～～大滿足！如果個三文碎唔好溶晒咁就仲正！跟住再嘆蠔.....又清一打清完決定再encore各半打！再整多兩串串燒算係完結左今日既第一個晚餐～燒海鰻同埋燒和牛海鰻唔洗講啦，encore得都知正啦！個和牛串係用澳洲M9中間貨色上枱遠比想像中大舊燒得5﹣6成熟，無得頂仲見倒入面既油脂....半透明咁....呵呵～～～四十幾蚊，有四大舊，仲要有質素......夫復何求！星期日晚....間野都唔爆鋪面唔吸引…menu唔吸引staff唔專業…但食物上，睇得出呢度既廚師好有heart!估計係老細黎添每樣野都做得好好好好.....衷中一句....有實力都要注重門面，包裝，宣傳我會再黎，希望你地會有所改善…查看更多

兩星期已經book好位, 今日嚟到唔知係咪因為係星期日所以大家都book得比較晏(我地book咗6:00pm). 早咗15分鐘到, 好彩姐姐比我地早d入座(佢地開6:00pm), 入到去二話不說是日特價$10蠔每款一人一隻, 等咗一陣蠔到, 姐姐細心介紹完同教我地食蠔嘅次序後開動. 雖然d蠔唔算好肥, 但勝在夠新鮮, 因此是日同損友兩人共同消灭咗32隻. 其實可以再食, 但因為驚食得太多肚仔唔受得, 所以唯有留待下次再戰.…查看更多

收到食友的消息，據聞在九龍城新開的一家售賣日式串燒和生蠔的店舖，逢星期三、五、日都會以優惠價$10供應生蠔。剛好過去的一個星期天，我就實地去考察一下，果然有三款生蠔以$10優惠價出售。餐前小食是醬油漬牛蒡，牛蒡爽口，不過略嫌鹹了點。牛蒡是非常健康的食物，它含有大量的纖維素，可以刺激大腸蠕動、幫助排便，而且能降低體內膽固醇 (對我很有用)和阻止毒素與廢物在體內積存。家人最常拿來煲湯，不過製成漬物最好吃。分別有美國蠔Fanny Bay，澳洲的Coffin bay和紐西蘭蠔。以$10的價錢，就算加一都只不過是$11，三款的蠔味都不算濃，但是是新鮮的。奉上檸檬跟cocktail sauce，而且有人開蠔，這個價錢比自己買回來慢慢開更享受啊～不知道這個優惠到底幾時完？想吃的要快手了～單吃生蠔不太好意思，我們還另外單點了一條燒紅鰂魚和一客燒年糕。燒年糕外層有點焦焦的，愛吃年糕的友人沒說什麼，大概是普普通通吧。另外那條燒鰂魚等了超過半個小時，店員解釋因為是直接由生燒成熟的，所以需要比較久。燒出來的魚，肉質算鮮甜，不過始終不夠泰式燒魚般嫰滑多汁，想吃燒魚還是去泰式燒王吧。…查看更多