棕櫚閣西餐廳

营业中

休息中

蟹腳還可以，刺身就不敢恭維學Fiona話，有d野大係未必好彈完兩樣，係時候讚下啦，自從喺mira食過一次鵝肝之後，念念不忘，想食，但係又貴到飛起，今次竟然可以食到差唔多水準:主打不愧係主打，外硊內軟，又唔係好肥膩x10魚翅忌廉湯，又係正，飲左2碗，d魚翅多到好似唔駛錢咁最後又一水準之作，蛋好香，甜得嚟好清，唯一扣分就係差小小滑總括嚟講，呢間野算唔錯架啦，75折左每人二百八十幾，出面四百幾都係呢d質素，我特登開個A/C讚佢嘅希望再有優惠啦

咁岩見到呢到有新buffet，媽媽話今年團年飯唔食中菜，改食自助餐好彩訂左位，全場坐滿人 首先食沙律，掛住食，冇影相tim沙律好多選擇 之後食頭盤左下角個脆批好得意，呢個配搭唔錯 蝦同墨魚都好爽口 刺身好快俾人夾哂，不過refill得好快 鵝肝壽司到今次既主角，鵝肝加飯呢個配搭唔錯，法日fusion菜好香，亦冇左好油既感覺同埋真係放係到任夾，不停有人拎，廚師就不停煎 魚翅湯今次冇左隻龍蝦仔不過依然好香龍蝦味 今次都係冇生蠔不過凍螺比上次大隻，都好爽口 綠茶燕窩燉蛋比起上次食既原味更香，同上次有d唔同，今次既燕窩好似放埋一齊焗好鐘意食綠茶既野，仲有埋燕窩，正! 任食雪糕 原來開心果味好好食 今次又開左紅酒爸爸話唔錯主菜同甜品又唔記得影

1人去,不用等位餐廳若9成滿,座位不擠迫,拿食物地方有點迫餐廳,我看不到雪榚供應,感覺有些缺憾食物味道好,怪不得,其他食客也給高評分客人,大多是家庭式,去吃自助餐大家去吃後,一定可以飽飽滿意離開

要食得舒服唔世同人迫和唔需要同人搶野食,係我選擇餐廳最主要之一,Openrice 找到這間棕櫚閣西餐廳食評都幾好,而且地區重就我家左近,所以選了這間試下. 當晚六點九就到,原來地方不算大,但環境都幾清靜不會太嘈. 至於食物方面不算太多野食,魚生,凍蝦,長腳蟹,青口,小龍蝦,熱食都有,但種類不算太多. 今晚剛剛是二月新主題,法日鵝肝,燕窩自助餐,咁就試晒主題食物先.鵝肝同燕窩焗蛋都幾好味,剛剛煎出來鵝肝夠熱,食落比較油D,但加少少汁食落口即溶化那種感覺難以形容. 法式燕窩焗蛋,味道不算太甜,蛋面看見都有幾多燕窩,食幾杯都不太飽....... 有一個一定要試,就係龍蝦魚翅湯,味鮮而且真係有龍蝦肉同魚翅,重要加熱一個煲仔上好味 燒蝦同燒

之前約左幾個朋友食Buffet知道呢度有龍蝦食既~~好似好吸引咁我慣性一開始食沙律先既都有幾多選擇，有成10款左右啦我試左少少，勁鐘意個茄子，好好味另外個椒絲三文魚沙律都幾有口感，好特別跟住到刺身環節原本出面擺得都幾靚架但係俾人夾左一陣就無咁靚喇~所以無影到選擇唔算太多~但係基本都有三文魚，劍魚，墨魚…… 好新鮮~仲有少少壽司選擇本身我都無乜興趣架喇但係竟然有我最鐘意既牛油果壽司~~我至愛不過提一提，呢度無生蠔，有少少可惜食完一輪頭盤，終於到主角出場喇芝士焗龍蝦~~每人可以憑張卡去拎半隻好好味~~芝士味好香~啖啖肉唯一唔好既......就係得半隻~唔夠喉好彩~~原本個翅湯都有龍蝦..........仔~補返數個盪好好味呀~配埋塊Garlic Bread~仲正！跟住再拎左D熱盤食下我鐘意個免治羊薯容，好好味，羊唔會太"So"我個人都係鐘意食羊架喇，所以....我都好鐘意個羊架好好味~~都係唔"So"Kekekeke~~最後到Dessert Time佢有個燕窩燉蛋架，不過我無食到，因為唔太大興趣不過聽朋友講話都幾好食既我就揀左Blue Berry Cheese cake同埋 Dreyer'

每年九月至十月期間，因為公公、婆婆、嫲嫲生日&中秋節，令到我要連續同親戚食足四星期飯...重點係食完d四餐飯後令我增肥不少，害我俾班學生笑Miss要減肥了><嫲嫲生日係最後一餐生日飯，每年都會選擇食Dinner Buffet，而今年都吾例外；所以上星期六我地一行十六人就去左九龍維景酒店「棕櫚閣西餐廳」食Diner Buffet。今次Buffet主題為「龍蝦．魚翅．燕窩自助晚餐」，感覺上差極有限♥我地around 6:30pm就去到餐廳，地方不太大，但安排嘅坐位當中都有近窗位置，所以二話不說就俾我霸住左XD 安頓後第一時間就出去行個圈睇下有咩龍蝦/魚翅/燕窩嘅好野食，結果係海鮮吧發現好多蟹腳食♥ 我d個「乖乖女」即刻拎左好多俾baba食，目的係等Baba剝俾我食；再拎左少少頭盤就返埋位等食蟹腳，d蟹腳好鮮甜好好味，食到停吾到口。食完頭盤&蟹腳就去左海鮮吧後面拎魚翅湯飲，但1d都吾覺得好味=='' 我前兩個星期去酒樓食個d仲好味，只少無左d腥味。同時間我望住左佢地個光波爐好耐，因為裡面有芝士焗龍蝦食。吾知係咪我望得太誇張，跟住就有個Staff行埋黎每人派1張換領芝士焗龍蝦（

前幾天男友生日，同幾位朋友商討後決定食自助餐慶祝!見呢間有男友最愛的魚翅湯同我最愛的燕窩甜品，故此二話不說即刻上網訂位因為預先訂位，去到唔洗等，即刻入得刺身款式都算多，八爪魚仲好大隻 呢到既刺身可以自己任夾最怕其他果D要師傅慢慢切，又唔洗怕尷尬可以一次過樣樣夾齊!頭盤唔算好多選擇，推介西柚蟹柳! 好清甜，好開胃!!煙三文魚夠肥美，不過士多啤梨果杯就麻麻呢個價錢預左冇生蠔，不過有我另一至愛-- 凍螺凍螺夠大隻，又爽口，忍唔住食完3隻又3隻 亞拉斯加蟹腳好鮮甜，平時懶得剝蝦殼既我都食左幾隻 可惜青口就麻麻 黎到男友至愛，龍蝦湯都幾鮮甜魚翅分量都算多，仲有隻龍蝦仔男友飲完2碗之後大叫滿足，哈哈奶味都算香，甜度適中，岩哂怕甜既我!有機會任食燕窩，同行既女仔都一人食左2碗以上 每人半隻，都幾爽口最後甜品時間，款式都算多，不過朱古力慕絲就麻麻，好甜仲可以飲食DREYERS雪糕開左支house wine，都幾易入口另外推介佢既羊架，不過掛住食冇影相男友非常滿意呢一餐，仲話下次要再黎過

我都係當日早上先訂坐位,都比到坐位....可能係3號風球!XD熱嘅食物,,都有少量,,,食物質素都可以這自助午餐,有煙三文魚,魚生,青口,提供都算是唔差甜品種類都有不少,,之後還有新出員工服務好好,,一叫即做收拾餐具都算快提供新食物的速度都幾快不過,,就沒有雪糕...夏天來說就......整體都幾好,,值得一試

當日先打電話去book位,個小姐話明坐得比較遠拎食物的.去到地方係細d,食物款式係少d,坐得係遠d。。。但我覺得好舒適啊!入座後派左換鮑魚券(一人送一隻)冇生蠔，有龍蝦仔，翡翠螺，蟹腳，凍蝦，青口，不停refill的!三文魚刺身都算新鮮. 有即場鐵板燒烤，燒牛肉，蝦，燒羊架，魚柳 最鍾意就係... 可以無限添咖啡或茶。有機會會再黎^^而家都回味緊!不過成晚望到個埸好似得5~6個人收碟.有時放左兩三隻碟都未有人黎收

約左2個朋友話想放假前食Buffet~見有都一段時間無黎過九龍維景食而且今期有燕窩~好似幾好咁於是過黎試下啦最鐘意呢度D刺身任你自己夾想夾幾多都可以而且呢度D魚生勁厚切呢度D沙律都算多選擇我食左幾款最鐘意佢有一個有D生洋蔥，有D菇，有D椒果個沙律好特別好好食~食左無耐就有Waiter拎份海參俾我地喇每人一份佢用蕃茄蛋花配上海參呢個配搭真係好特別，我以前都未試過咁食加上條海參都算幾大條，而且有D嚼頭幾好~呢個畫面好勁咁佢每碗翅裡面都有一隻龍蝦仔個翅既味道係海鮮濃湯勁好味~不過隻龍蝦我就無食喇~嫌麻煩~~佢既鐵板燒我都係最鐘意食羊架真係好好食架~記得要落埋D 薄荷醬超好食~~呢個芝士夾餅熱辣辣~~裡面勁多芝士好香~仲要配埋我最鐘意既牛油果醬真係好Match呀最後食甜品時間~um.....個布甸一般但係個Cheese Cake勁好食不得了仲有主打燕窩雙皮奶燕窩份量都算ok個雙皮奶就拍得住義順好香奶味~呢度有橙汁、蘋果汁、咖啡、茶任飲記得上Openrice download張Coupon有"電視框"架!!

終於又完左一個sem, 一班同學決定要食返餐好黎慶祝一下，哈哈最後選擇左buffet dinner!先黎頭盆，雖然冇生蠔，不過都算幾多選擇特別係長腳蟹&三文魚刺身，又不停refill，食到我都停唔到口，餐廳仲好細心供應埋食蟹既胶剪&籤長腳蟹剪開外殼後，裡面真係啖啖肉，好鮮甜三文魚刺身都算新鮮，仲幾肥美平時既buffet供應既湯，多數都係忌麻湯之類，估唔到呢到會有魚翅湯，仲要分量不少，絕不欺場，終於輪到食熱盆，樣樣都試下有鐵板燒羊架、大蝦仲有粉絲蒸扇貝，雖然唔算好大隻，但都好入味鵝肝梳乎里係今期buffet既主打呢個組合都幾新鮮朱古力心太軟就食得多，芝士心太軟就第一次試，仲要係現場即焗，拎到埋位仲熱辣辣，切開中間有芝士餡流出黎，好好味，我忍唔住口食左2個總括黎講，都算係抵食。環境都幾好，我地張檯靠窗，可以望到街景，都唔錯架。周圍都唔算好嘈，反而可能我地係最場最嘈既一檯，hahaha

一個下午，與幾位友人來此吃了一頓不錯的自助午餐。這酒店餐廳推出的「國際美食自助午餐」，每位只是 $138，而且以多張信用卡簽帳，包括匯豐、恆生、中銀等，還可以有八五折，價錢可算甚為相宜。雖然收費不貴，這兒自助午餐的水準可真不錯。冷盤雖然沒有生蠔供應，但主打的三文魚刺身十分肥美新鮮，紐西蘭青口也有鮮甜味，質素不俗，而且其他的冷盤款式也多。熱盤方面，雖然比較普通，沒有什麼令人留下深刻印象的菜式，也算中規中矩，選擇不少。這兒令自己特別感到滿意的食品除了三文魚刺身外，還有甜品。這次幫襯，自己試了幾款蛋糕與甜品，全都水準不賴，當中自己最喜歡的是「德國芝士餅」和「軟朱古力蛋糕」，「麵包布甸」雖然酒味稍濃，仍算好吃。也愛這兒可以無限添飲果汁及咖啡或茶。雖然果汁只得橙汁與蘋果汁可揀，總比只得清水可喝好得多。在這間環境頗為寧靜，地方也算寬敞的酒店餐廳裡，與友人談吃邊談，度過愉快而悠閒的個多小時，忙裡偷閒，實在不錯。

睇完食評去試一試個午餐11點多打電話訂位 12點準時入食到2點半開頭個個走去夾三文魚先大盆任你夾 大件夾肥冇雪味三文魚愛好者食到你嘔其他粉粉飯飯肉肉沒什麼好講甜品 細杯芒果MO士 本人覺得很ok其他沒什麼特別服務員態度ok 地方清潔環境舒適有會員卡 85折 $13x 左右整體良好 ok之上 可以一試

一家人吃自助餐其實是一個非常高消費的行為，尤其現在通脹猛如虎，如果能夠有間便宜一點就更盡慶！不過老老實實，價錢和質量永遠成正比，大眾化價錢的，又何必用五星酒店的質素要求去評分？之前一路唔知有九龍維景和旺角維景，上次盲"中中"見到個九龍維景鮑魚自助餐廣告，直頭WALK IN去旺角維景，坐底唔對路喎！食完.............唉！今次終於無BOOK錯，即日早上BOOK都有位，不過聽講7點後WALK IN都無位。吸收左OPENRICE 網友的食評，第一次早到坐係LOBBY等入座，LOBBY有免費上網，時間都過得OK快。明明話6︰30入場，搭三就俾我地入去，不過就堅持唔俾攞O野食。其實個自助餐食物種類以呢個價錢呢講算多，我地見無人就影左D食物相。種有鐵板燒牛、魚同羊架，家人都話好好食。不過遲黎坐出面大廳係易攞O野食，不過我估都幾大煙。我地早到，被安排在較入的廳房，感覺良好。我自己覺得最好食係個魚翅湯，齋食呢個同鮑魚都回本了(我個人)最後埋單用左COUPON，每位$283.1；如果多於2日前BOOK位，係8折唔係85折。講真，以呢個價錢我覺得真係物有所值。加多句，D職員收碟都唔慢，我覺得好快

琴晚屋企人心血來潮，見到呢間自助餐有優惠券，八五折。計落價錢都OK啊！今日朝早就打去訂位。訂位果時佢講到明話好爆人，有位但係個位就唔近拎野食，不過對我黎講無所謂啦！到正題^^ 一家人準時六點半已入座，一開始就食冷盤(龍蝦仔，翡翠螺，蟹腳，凍蝦，青口)同剌身(三文魚，北寄貝，八爪魚，原條活魚，吞拿魚......) ，都算幾新鮮。六點半開始無耐已經無晒蟹腳同龍蝦仔，不過龍蝦仔就成晚都無補加過，其他都有。仲有熟食款式唔算多，但勝在唔算係蝕本野黎，好多都係海鮮類。仲有個黃燜魚肚魚翅湯，好足料！本人都飲左五碗啊！拎湯隔離仲有三個檔，一個係蒸鮑魚(入座前一人有一張換鮑魚券)，隻鮑魚好"林"，好鮮甜，而且都幾大隻。仲有即場鐵板燒烤，燒牛肉好好食，夠味，肉汁多。仲有燒中蝦，大大隻，好香！仲有燒羊架同魚柳，不過我就無試。食到九點左右，其實現場d野食都掃得七七八八，咁就食埋個甜品，即焗心太軟。味道不錯，雖然夠熱但切開後無野流出黎，只可以講係一件整熱左既蛋糕。其他甜品賣相不錯，但我已飽到食不消。總括黎講，呢個價錢算唔錯，只要食多幾條蟹蟹同翅湯就應該回到本^^