棋哥燒鵝 X 炯記餐室 (已結業)

好多時係銅鑼灣等人，唔知食咩好，通常都係茶記今日就試新野，听聞呢间D燒鹅好正，加上炯記撈麵，应該冇得輸原本想叫个2人套餐，但望見对面台D人一台食物，份量好多，怕食唔哂，所以都係散叫2个餐算佢个豬手鵝油撈粗，豬手好鬼好食，好淋，又入味，係唯獨D麵太油，但麵質好食既而燒鹅，份量多，但個人覺得皮唔脆，又唔太有鹅香，D肉唔易咬開，但算合格啦呢个價而值得賺既係呢到既員工，好好人，好有禮，勁耐心帮个婆婆，相信婆婆应該係熟客仔而家咁既服務其實好少有比个叻叻豬佢

做完gym又唔知食咩，經過棋哥燒鵝crossover 烔記餐室。其實棋哥之前食過佢地d燒鵝，不過不失啦！係是是但但食d野之下，又唔知炯記餐室係咩，於是入去試一試。🍜燒鵝撈粗🍜麻辣手絲雞撈粗賣相確實不錯，先試撈麵，嘩！d梘水味勁到一個點，用鼻都嗅聞得到，確實難頂，真係無可能成碗食哂。😖😖😖👎🏼👎🏼👎🏼燒鵝一如往常，不過不失。但佢地d燒鵝皮係比較深色，唔同出面d燒鵝皮顏色。麻辣手絲雞不過不失，有麻味，有辣味。

OpenRice 話有但去到只收現金，好不方便。冇支付寶就唔好寫有啦！唔會再去 食品味道還可以但份量少，價錢不平。絕對不會再去。有更多更好的選擇，去太興燒味好過。完

各位我一星期都食棋哥三兩日；但越飲飲不對路；由有腳變冇腳；又有舊肉變冇肉！想點？我地只想飲啖好湯！叉燒希望棋哥再考慮下做不做；買不起依個價啲叉燒。你係頂級燒味鋪；叉燒等於茶記杯奶茶檸茶；吾掂就反得屋企真係。叉燒👎🏼👎🏼👎🏼

今日朋友話帶我食好野，就係嚟試吓呢間係銅鑼灣開業不久嘅棋哥燒鵝x炯記撈麵，門面乾淨企理，吸引到人行入去喎！我後來先知棋哥燒鵝係出名既！入面地方算大，都坐到好多人，話哂新開不久，乾淨企理，坐得舒服😌。呢到其它燒味例如雞，叉燒，燒肉都有得食。不過話得燒鵝x撈麵，黎到一定係食燒鵝鵝油撈麵！我地仲揀左唯一既鵝油撈飯-太子飯！所有飯麵都跟熱飲一杯，又幾好喎！我地好奇點解出名食燒鵝既佢，枱面既餐枱紙係叉燒⋯⋯呢碗係燒鵝拼叉燒鵝油撈麵，賣相得體👍🏻鵝油撈既撈面比起出面既味道係多左個層次，好好食！燒鵝好食到不得了，真係有荔枝柴香味！！叉燒唔記得叫半肥瘦，肉質都算淋，正常啦。之後呢碗係太子飯，想試鵝油撈飯，一係叫淨鵝油撈飯，一係就叫太子飯，無第三個選擇。呢碗飯個樣係普通左啲，有豬腳，牛肚，雞絲，仲有少量酸菜，中間嗰啲係炸蒜蓉。首先讚個飯煮得軟硬適中，跟住鵝油+甜豉油撈飯真係不得了！ ！ ！ ！比起粗麵更勝一籌！雞絲肉質出奇夠淋，牛肚豬腳好食入味，豬腳仲炆得好淋好淋。不得不提辣椒油，豆豉味嘅，有別於普通嘅辣椒油，辣嘅，但好好食，食面記得一定要落。總括來講，佢呢啲質素嘅食物，收呢個價錢，我覺得好抵食喎。呢間

下午茶時間路過依間餐廳，睇睇餐牌，下午茶價錢唔算貴，入去試下。我之前食過棋哥燒鵝，所以今次試下叉燒鵝油撈麵。雖然係下午茶，但分量都同正餐一樣。撈麵賣相都幾靚，鵝油好香，麵條彈牙，有少少鹼水味。叉燒半肥瘦，好軟腍，偏甜。熱奶茶香滑，唔加糖都飲到，唔會苦。餐廳侍應都有禮貌，值得一讚。每個位都有櫃桶放筷子、餐巾等等，好方便。

唔係第一次食呢間crossover左嘅棋哥。燒鵝出名，撈麵都無得彈。但今次外賣就唔好喇！唔明點解外賣要加錢?搵暈成間舖都無寫喎！問個老闆，老闆話下午茶已經好平，所以外賣要加錢。講食物嘅味道，好食！但覺得唔老實。因為等外賣嘅時候到其他人外賣無加錢。是否海鮮價就有待觀察，因為會再挑戰多一次。

今日同同事一齊去食晏，同事推介新開嘅燒味茶餐廳叫「棋哥燒鵝 X 炯記撈麵」以我平時去食燒味鋪頭嘅經驗，我對燒味茶記冇咩特別嘅期望，不過同事介紹到，咁就一於去試吓啦！我哋一行5人都係女仔，為免浪費，先叫一個二人餐，諗住唔夠再單點其他！點知原來一個二人餐已經夠曬5個人嘅份量！後尾見到隔離枱啲叉燒靚，又加一碟叉燒飯，攪到個個攬曬肚。埋單計數，人均消費都係六、七十蚊！係銅鑼灣一個游客區嚟講算係正宗抵食夾大件！而且個別嘅食物質素高，唔會因爲係茶餐廳而將貨就價！真係多謝同事美食推介！一定會再encore!

原本諗住食譚仔，點知俾D花牌遮住道門，原來中秋佳節提早收鋪。見到隔離有間新開張鋪，第一次試食，朋友叫左太子鵝油撈粗，我叫左金牌太子飯，有驚喜！原來雞絲有辣味揀，正！豬手夠林，牛腩入味，本人覺得錦上添花既係飯上加左炸蒜醬油更香！配菜係酸菜無乜特別，應該係醒胃作用銅鑼灣晚市兩人埋單百零蚊有找，抵食！因為係附近番工，午市晚市多個選擇，下次過黎試埋佢個太子鵝油撈粗！老闆話可以試埋佢D燒鵝，話係用荔枝柴燒出黎，有陣煙燻味道，推介，可再黎！

佢第一間係喺荃灣，真係好遠，之前慕名而去食過一次，對佢驚鵝油撈粗一直念念不忘，佢講明係用棋哥燒鵝燒出嚟嘅鵝油做的，本身我自己已經十分喜歡吃棋哥燒鵝，估唔到用嚟撈粗麵都十分好食！你唔會覺得佢好油膩，我住銅鑼灣，去荃灣食真係對我來講實在太遠，但是不是都諗起佢嘅鵝油撈粗十分出色，好想再去試！最近銅鑼灣終於開咗啦！所以即刻過嚟要試一試！今日星期六，下午茶時間兩點半開始，有下午茶餐牌， 40幾蚊一個下午茶，連飲品，唔算貴，但餐牌同荃灣嗰間有啲菜式係冇，本身想叫生腸，因為之前在荃灣嗰間食十分爽口美味，但銅鑼灣店沒有。咁唯有淨係叫粗麵吃，最多人係叫麻辣手撕雞鵝油撈粗麵，手撕雞麻油香有點辣，不錯！粗麵當然撈左鵝油十分美味！另外我哋仲叫咗叉燒鵝油撈粗，忘記落單時叫佢落肥叉，因為我自己鍾意較肥嘅叉燒，擔心瘦的會好乾又鞋，最後嚟咗碗係瘦叉燒，不過口感出奇地淋身，一點都不死乾，不錯！燒味應該都係棋哥出品，所以有水準！另外加$8有例湯，不錯，同棋哥的例湯一樣！依家銅鑼灣開咗呢間鋪頭，以後唔需要再心掛掛，間唔中可以過嚟食邪惡又美味嘅鵝油撈麵了！

係荃灣炯記食過佢出色既鵝油撈麵，聽聞炯記同另一間店合作，當然要去試下，當日未夠一點去到已座無設，好在唔係等左好耐有位，原來是剛試業，環境有多少混亂，可能夥計還未熟悉，招待有少少唔係咁週到，不過唔緊要我都係你食嘢姐，點了一個手撕雞豬手撈粗，太太點了燒鵝叉燒雙拼和一碗正瀬粉，上菜都很快，先上一口鵝油撈麵，感覺比在荃灣店失色，但整體也滿意在吃一件燒鵝，不得了，皮很趣燒鵝散發陣陣荔枝柴的香味，义燒就不過不失，整體上也很滿意，以後食鵝油撈麵唔使去到荃灣咁遠