夢工房の七福神迴轉和食料理 (已結業)

 呢間日本餐廳一年前同媽咪食過一次, 當時散叫, 記憶中當時叫o既壽司同埋脆豆腐都好好食。不過餐廳就無乜客人咁。事隔一年, 話說逛團購時見倒屯門有日本放題, 好似幾吸引, 當日又唔知點解睇唔倒個地址就係呢度, 買左之後先發現, 原來係呢間餐廳, 立即上黎openrice望下食評先~嘩...都幾多差評不過買都買左, 又懶得退, 又近自己屋企~ 於是就抱住即管試下o既心態黎試試...當日book左2位, 黎到完全唔需要等位。餐廳商場內入口位置多數係迴轉壽司位, 行入小小就係卡座。店員安排我地坐左入雙人卡座, 雖然係2人位, 但唔迫, 旁邊放曬手袋大褸都仲有鬆動, 唔錯。跟以前裝修有小小唔同, 感覺呢度裝修都幾花心思。食物落左order後黎得好快。刺身-新鮮, 三文魚肥美, 其他刺身我一向不太愛吃, 朋友話好鮮味, 即時再order！蟹子沙律-好味燒蠔-個汁係沙律醬汁+芝士等風味, 好味, 隻蠔就太細粒, 再order o既時候有兩隻大隻少少, 即時覺得好好味, 另外一提開蠔開得唔好, 有蠔殼>.<雞軟骨串-我好鐘意食雞軟骨, 每次食日本野都一定叫, 估唔到佢燒得咁好, 唔乾

因同事介紹話佢抵食 (可能係講緊放題！)我夜晚成 9 點先入去，已經冇乜人，得返少貓三兩隻，但因為湊住對B，冇可能慢慢食放題！唯有點 2 個麵 + 散叫壽司啦得幾個客，但烏冬都等左 20分鐘先第一碗到，再等 10分鐘先第二碗黎 (即30分鐘)d 餸少到喊, 1. 叉燒拉面, 得4舊, 好多肥位, 仲比勁多唔好食既菜！ D 拉面又"林"晒, 發脹咁！2. 豬扒拉面, 炸得太勁, 炸粉多過乜 .. D 烏冬好普通 ..d 散叫壽司仲衰, 舊飯勁大，d 飯好硬。全部都係靠豉油1. 三文魚壽司, 三文魚 d 勁細 .. 2. 熟蝦壽司, 舊蝦好似擺左好耐咁, 好乾身！冇蝦味！3. 紫菜卷 d 紫菜"林"晒, 都唔知包左幾耐！4. 櫻花魷魚 / 黃金魷魚, 紫菜包住, 但 d 櫻花魷魚 / 黃金魷魚直頭少到數得出得幾多條！面頭望落去見到有飯添！可惜我帶住d仔去，冇時間影相 post 上黎！如果我係放題，我就會預左！(但得幾個人，冇理由唔知我係散叫)但我係散叫！又等得耐，d野食又差！

係雅X團購放題,係食過最難食既日式料理店! 刺身有雪藏同腥味,天婦羅皮厚餡少,串燒又乾又硬,火鍋肥牛唔新鮮同硬... 比較好食既係甜品,因為唔係佢整,係買番黎 不過Dreyer雪糕得4隻味,自己挖,空左3桶都唔換 我同朋友一齊食,由於佢D串燒同天婦羅太難食,我地只食入到口既部份,例如唔食烤硬左既串燒皮同天婦羅皮,食肉食餡,點知店員指責我地浪費食物,要求我我地食番已同食物殘渣放埋一齊既皮,否則罰錢 ,好核突,差差差~ 我地都唔係食開好野,放題都係食開百幾蚊,但呢間真係完全唔店,仲令我要食兩日粥清腸胃,真係中哂伏

星期六晚上同老公食放題, 因為第二位有半價, 超抵! 原來最近裝修過, 氣氛還不錯. 最緊要有卡位, 可以坐得舒舒服服.食物算多選擇,刺身壽司和食都很多款. 刺身也很新鮮.最愛他的自助甜品櫃. 鍾意幾時拎都得~ 等緊正餐時可以食住甜品先, 唔洗等... 正下次會再幫襯~

求求其其的一餐半餐飯我已經不會再寫，但今早食這個麵餐真是食到我火都黎，不發洩不行﹗因為住在附近，以前周不時也有在這裡吃早餐或下午茶，不過自從餐價和份量的比例差距越來越大後，已經好少過去食。早前聽媽說早餐又回復當年勇，今天便拉著妹妹去吃，只因早餐有拉麵食，放假，想食一些平時返工吃不到的東西。A3咁大張的早餐牌，字體特大，可讓老人家看得清楚，其實這集團的老闆也算有善心，由開業至今都推出十元扶老攜幼餐。以前吃拉麵餐還配有一份雜果沙律，我每次都會退回，所以今次拉麵餐已沒附加，更好，不用煩。麻辣雞扒拉麵(可走辣,可選烏冬)，是全場最貴的早餐，賣二十五元。看到餐具全部換過哂，麵碗又是那種大大個容量特細的那款，心想應該是FOR跟餐的粉麵吧，拉麵餐是正價餐喎，我相信不可能用那個碗的﹗(加上以前拉麵餐是用正常湯碗上)等了好耐先有得食，哇，真是烏鴉口，原來拉麵餐都是用這種呃秤碗。妹妹吃走辣的麻辣牛肉拉麵，肥牛肉有四﹑五片，拉麵只有一飯碗量，半隻蛋，少少海帶，幾粒粟米及一片嗚門卷。連不大食的她也覺得太細份了。之後才有我點那碗，配料一樣，但主菜更少!!!!!!!!一塊雞扒已分開五件，看似有五件，其中兩件是雞皮

某日同老公突然之間好想食放題, 但係又唔想出到去咁遠,而且屯門又無乜幾個食放題既地方, 所以就近近地黎左呢間食!!!無記錯既話好似係138蚊一位, 再加一一入到去, 咁大既店面, 但係無咩人, 心諗可能因為時間尚早姐 !!到點野食個陣, 終於知道點解, 點餐紙係有好多張, 但係選擇真係少到呢.....手卷類同seven 平時買到個d款差唔多, 睇都唔想睇,壽司同刺身類, 連最基本個d 好多都無, 得三文魚, 吞拿魚, 北寄貝 個幾樣一個放題, 連帶子都食唔到一粒, 想點 ??! 翡翠螺又無 !!三文魚, d肉食落去感覺係放左幾日, 梅梅地咁, 一d都唔新鮮 !!所以刺身類, 我地食得最多既居然只有甜蝦 =3=" 熱食類, 印象最深刻既係叫左個炒牛柳粒, 一食落去真係咬到牙都甩, 硬成咁點食呀??但由於餐廳有寫明浪費食物要計錢, 所以都免為其難食左幾粒, 到真係完全咬唔到個陣, 無辦法, 唯有叫個侍應埋黎, 同佢講, " 唔好意思呀, 因為呢個牛粒真係完全咬唔到, 所以我地唔要啦 "個侍應個樣好似好不可思議好似有d唔滿意咁, 大佬呀 !!! 依家係呢客牛柳粒不可思議d囉 !!! 今次係食

昨日同老婆行經蝴蝶村,肚餓就入去試試,,當時係14:20,服務員要我等10分鐘才有下午茶,服務員禮貌好好,我第一次幫襯都覺得禮貌一流,唔知d食物點呢,到左14:30,下午茶開始,完來壽司碟碟$5,真係好平,我馬上同佢摶命,食呀食,不過一分錢,一分貨,d壽司賣相就差dd,紫菜又林,但係款式都算多,$5一碟邊度有,我下次會試下佢個任飲任食,睇下水準點

其實一早已經睇到呢間食店,門面不錯,上次就同同事去試下去到睇下d回轉壽司...真係好似擺左好耐甘...唔夠新鮮...好啦.之後去睇下菜單有咩食...因為本人比較喜歡魚生,所以同同事一同叫左個魚生飯...誰不知,奇怪的事就來了...d飯好熱...應該係暖飯吧...而且魚生得六薄片......................................成50蚊一個餐...我真係覺得唔抵囉...我接受唔到囉!!!

好耐都無去夢工房食下午茶,不是老友說起,我幾乎忘記此店的存在.哈哈.入店時剛見到捧著一碗麵的女服務生掃跌半棟杯子的一刻,見她沒和兩位阿頭道歉仍衝衝衝,他們唯有蹲下來去執杯子,嗯?這是什麼世界?哈雖是屋村店,但假日下午茶時段都有很多人的,剛好有位不用等.下午茶餐全部改哂更加增添好多元素.有一個擺明是抄元氣壽司的'午後之三食'.我簡簡單單要碗蟹柳拉麵,如配飲品要加六元,既然熱水龍頭就在枱邊就無謂多使錢.有一份是十蚊特價小食,最後忍不住口要個中華沙律.中華沙律,螺肉和芝麻八爪魚我都好鐘意食,由於後兩者在此店迴轉帶上見過其模樣是:成劈漿糊...中華沙律叫最正常了.中華沙律來到後都估不到有這樣多!仲以為得一小碗.而且放到幾好樣!!上面有少少蟹子,底部墊了白蘿蔔絲用手隔空感覺下,都OK凍(唔想食熟野都有事).食到半路開始有水出現了,始終不是雪得太凍,要快食快食~拉麵的份量和早餐的一樣,只有半個湯碗,仲無左半隻蛋.不過既然主打蟹柳拉麵,蟹柳條數會不會少了點?總計只有兩條半!都係用平貨給多兩條都不會蝕吧?配菜是海帶,粟米粒和嗚門卷.麵底正如以前我所寫,都是偏淋,但未至於會吃到劈劈漿口感.落單這位女服務

ｗｏｏ　ｗｏｏ～終於等到今晚喇．．我同屋企人計埋我有４個人去食，我地叫左３文魚，甜蝦刺身～頭個ｒｄ黎個ｄ３文魚深色麻麻地，但裡面個ｄ係淺色令紋黎～正！！甜蝦都好好食之後叫左炸帶子同炸蟹鉗＆炸生蠔，除左炸蟹鉗裡面有ｄ粉粉地，其他都好好食仲叫左炸魚頭，炸魚骨，串燒，粟米，蟹子沙律，但呢姆樣我正係食左炸魚骨，幾好味其他我ｄ屋企人都話ｏｋ～飲品任飲螺肉都好味．．１４０　１位都幾抵．．

因家住附近，所以在這間夢工房，早餐和下午茶都吃過幾次的了。見今次影左張相，就來發表一下。初初開業時，多是下午茶時候去，湯麵的份量是預期之外的多!到後期連早餐都在這裡吃，也是一樣豐富的呢!味道雖是不過不失，但廿零蚊就食到飽一飽，所以周不時都去幫襯。屋村餐廳，服務我不會要求什麼，雖則他們木口木面，但只要識得將出爐食物即送來我面前，就已經足夠了。到近期，發現她有所改變了!第一)食物份量少了，同一個拉麵早餐，7月那碗是多料多麵，多到吃不完；8月那碗，料和麵都少了一半!吃完都不覺飽!第二)服務劣到令人發火!8月中有次吃早餐，幾位女服務生完全不理人，全部匿在一邊傾計，食物來到後，餐具沒送上來，我和媽咪需要的2對筷子和2隻匙要吹了N次，她們都要分三次才拿齊來!攪到我媽咪也有點勞氣呢!然後吃完後，我行去收銀處付帳，剛好有位高大的男服務生向我這方快走過來(他目的地是我背後方的餐廳門口)，我幸好則到身閃開他的「衝鋒陷陣」後，估不到他回頭望一望我，然後黑哂面向我發出’吱’一聲!!!!!哇!我當堂嬲到震!!!現在是你衝過來，唔好意思都不說我都算，還’吱’出聲?!!如果不是我媽媽在場，我一定會還口的!圖片中的拉

以後唔會去d定食唔算好食壽司材料明顯唔夠新鮮本身成日去..因為呢頭冇咩好食不過有日叫左個鍋燒烏冬點知食食下有隻烏蠅其實都係細細隻..個到d人都肯唔收錢咁都冇咩野最差最差最差最差係個到d人既態度試過見到個細路埋單計錯數..唔知佢自己計多左定計少左個收銀即刻串佢話佢數學考試唔合格!冇病人呀而家?人地俾錢你出糧俾你仲要咁串?連小朋友都蝦我以後都唔會去食..唔會俾錢佢搵

哩個商場俾領匯入侵後，已經改頭換面，所有親切0既食肆已經全部結業，整個商場完全轉形。估唔到會開間迴轉壽司，當然要嚟試一試，環境ok，最滿意佢有二人迴轉卡位。入去時完全冇人理，自己搵位坐低，首先望吓迴轉帶上0既壽司，賣相唔多吸引喎，攞咗三文魚壽司、鰻魚壽司、螺肉等，麻麻地，都係叫餐牌的穩陣d。本來想叫蛋包飯，點知佢話冇做，最後叫咗牛肉鍋、炸豬扒拉麵餐+三文魚刺身&雞軟骨棒，有個侍應好新，已經驚佢落錯單而重複咗幾次，點知最後都係落錯咗-_-'''牛肉鍋 - 都幾多料，可惜個湯底完全係冇味，浪費晒三文魚刺身 - 午餐加錢要，都幾新鮮，ok炸豬扒拉麵 - 豬扒冇問題，但個麵好唔掂，一咬落去好大陣皂水味，而且湯底都係完全冇味雞軟骨棒 - 好好味，個汁好味，有口感總括咁0既價錢咁0既質素都ok，有時口痕想食吓三文魚都可以頂吓癮0既

上星期6一條友去試,叫o左個咖哩豬扒飯，之後有個人自己搵位坐係我隔離（because門口冇人帶位）佢食o左個曼魚飯＋3碟壽司，到佢埋單時待應問佢係咪2位，我地係咪一齊，咁梗係唔係la~之後出單收佢$90幾，但收完$又唔執d壽司碟喎，到我埋單佢收我$50幾，我睇睇張單原來佢淨收我3碟壽司，我話唔係喎～我冇食壽司，佢地又問我係咪2位~~結果1輪擾攘終於搞番掂！但又比我聽到對面叫咩A餐C餐，明明menu冇架，問ＤWaiter 咩o黎架，佢摷摷ｄmenu，先發覺我坐緊果行成行都派漏lunch menu~不過發覺都太遲LA~成２點囉！其實佢地lunch d食物冇咩唔妥，我覺得佢地個Manager 唔係好掂囉，唔睇住d細o既，搞到倒潟籮蟹咁～

Jan 9, 2009 ~ Lunch好耐無嚟呢個商場 lu , 今日去開嗰頭整頭髮 , 剛到商場門口 , 發現開咗一間迴轉壽司 , 入去食D嘢先整頭都好 !門口帶位個妹妹好 Nice !因為剛食午飯時段關係 , 非常`爆滿 , 我被安排坐在迴轉壽司檯的一個角落 , Order 了一個九州叉燒拉麵 , 期間見到我很喜愛吃而貌似新鮮的北寄貝壽司經過 , 忍唔住拿了一碟 , 急不及待放入口 , 北寄貝果然新鮮 , 壽司飯味剛好 ! 只售 $9 平 ! 靚 ! 正 ! 超值 品嚐過後碗麵剛剛好送到我面前 , 時間啱啱好 ! 碗拉麵內有日式叉燒3 塊頗多筋 , 還有 2 件獅子狗卷 , 1 件日本魚蛋片 , 少到得 1 隻手指公咁長的海帶 , 3~5 粒栗米 & 奇怪地有 2 條蜜豆 , 麵底普通 la , 湯底就唔係好得 ! $38有加一服務費 ! 有件事值得一讚 :送上拉麵前 , 服務員還在後面不停提示小心 , 小心熱 , 係咪叫咗叉燒拉麵 ! 放低後還禮貌地說 : [ 小心熱 , 慢慢食 ! ] 咁嘅服務態度非常得 . 注意當天本人所見整體員工都非常有禮貌 & 好有團隊精神