影片
招牌菜
呢间日本餐厅一年前同妈咪食过一次, 当时散叫, 记忆中当时叫o既寿司同埋脆豆腐都好好食。不过餐厅就无乜客人咁。事隔一年, 话说逛团购时见倒屯门有日本放题, 好似几吸引, 当日又唔知点解睇唔倒个地址就系呢度, 买左之后先发现, 原来系呢间餐厅, 立即上黎openrice望下食评先~哗...都几多差评不过买都买左, 又懒得退, 又近自己屋企~ 于是就抱住即管试下o既心态黎试试...当日book左2位, 黎到完全唔需要等位。餐厅商场内入口位置多数系回转寿司位, 行入小小就系卡座。店员安排我地坐左入双人卡座, 虽然系2人位, 但唔迫, 旁边放晒手袋大褛都仲有松动, 唔错。跟以前装修有小小唔同, 感觉呢度装修都几花心思。食物落左order后黎得好快。刺身-新鲜, 三文鱼肥美, 其他刺身我一向不太爱吃, 朋友话好鲜味, 即时再order！蟹子沙律-好味烧蚝-个汁系沙律酱汁+芝士等风味, 好味, 只蚝就太细粒, 再order o既时候有两只大只少少, 即时觉得好好味, 另外一提开蚝开得唔好, 有蚝壳>.<鸡软骨串-我好钟意食鸡软骨, 每次食日本野都一定叫, 估唔到佢烧得咁好, 唔干, 啱啱好脆身, 而且椒盐味适中。烧和牛寿司-和牛烧得好, 唔会韧, 个汁亦好味烧三文鱼寿司同鳗鱼寿司都好好味烧羊架-ok, 烧得唔韧, 味道亦好牛肉粒-一般, 稍为韧左啲~蕃薯天妇罗、吉列炸虾-好食, 脆身, 唔厚粉=]年糕鱼饼-好 好食~! 好特别o既口感炸芝士、炸西兰花薯波、炸鸡- >.<呢几样好难食, 层皮劲厚呢, 又厚又硬, 咬唔开咁滞... 本来薯波入面个薯蓉味道好好, 因为个皮所以完全扣分。希望迟d佢地会改善一下个炸浆... 天妇罗同吉列系完全无问题o既, 点解其他炸物会搞成咁?其他食物仲有牛油粟米、炒杂菜、面豉汤、三文鱼鱼胶...等等, 全部都属正常至好味, 唔再详细讲。饮品除了有汽水, 有啤酒, 仲有三个口味o既梳打, 我点了巨峰梳打, 朋友点了水蜜桃梳打, 不过味道偏淡, 如果浓返少少就好味。食到好饱, 最后出去甜品柜望下先~~只系9点钟, 个甜品柜已经比人扫得七零八落, 得返一款芝士饼, 几杯啫喱, 本来有5个口味o既Dreyer's雪糕, 只剩芒果同士多啤梨味=0= 其实时间唔晏, 11点先close, 建议见客人食晒D甜品, 应该添置返少少。食左杯啫喱, 都几好味=]走o既时候见倒大门口有个价钱牌, 即日5pm前订座有9折, @@其实唔买团购黎食o既话, 都差唔多价钱, 团购上写一位正价$4xx任食5小时, 有点太过了啊~!今次好有惊喜, 下次会再黎试多次 亦有兴趣到同集团o既元朗&葵芳分店试下。
继续阅读
因同事介绍话佢抵食 (可能系讲紧放题！)我夜晚成 9 点先入去，已经冇乜人，得返少猫三两只，但因为凑住对B，冇可能慢慢食放题！唯有点 2 个面 + 散叫寿司啦得几个客，但乌冬都等左 20分钟先第一碗到，再等 10分钟先第二碗黎 (即30分钟)d 𩠌少到喊, 1. 叉烧拉面, 得4旧, 好多肥位, 仲比劲多唔好食既菜！ D 拉面又"林"晒, 发胀咁！2. 猪扒拉面, 炸得太劲, 炸粉多过乜 .. D 乌冬好普通 ..d 散叫寿司仲衰, 旧饭劲大，d 饭好硬。全部都系靠豉油1. 三文鱼寿司, 三文鱼 d 劲细 .. 2. 熟虾寿司, 旧虾好似摆左好耐咁, 好干身！冇虾味！3. 紫菜卷 d 紫菜"林"晒, 都唔知包左几耐！4. 樱花鱿鱼 / 黄金鱿鱼, 紫菜包住, 但 d 樱花鱿鱼 / 黄金鱿鱼直头少到数得出得几多条！面头望落去见到有饭添！可惜我带住d仔去，冇时间影相 post 上黎！如果我系放题，我就会预左！(但得几个人，冇理由唔知我系散叫)但我系散叫！又等得耐，d野食又差！
继续阅读
系雅X团购放题,系食过最难食既日式料理店! 刺身有雪藏同腥味,天妇罗皮厚馅少,串烧又干又硬,火锅肥牛唔新鲜同硬... 比较好食既系甜品,因为唔系佢整,系买番黎 不过Dreyer雪糕得4只味,自己挖,空左3桶都唔换 我同朋友一齐食,由于佢D串烧同天妇罗太难食,我地只食入到口既部份,例如唔食烤硬左既串烧皮同天妇罗皮,食肉食馅,点知店员指责我地浪费食物,要求我我地食番已同食物残渣放埋一齐既皮,否则罚钱 ,好核突,差差差~ 我地都唔系食开好野,放题都系食开百几蚊,但呢间真系完全唔店,仲令我要食两日粥清肠胃,真系中哂伏
继续阅读
星期六晚上同老公食放题, 因为第二位有半价, 超抵! 原来最近装修过, 气氛还不错. 最紧要有卡位, 可以坐得舒舒服服.食物算多选择,刺身寿司和食都很多款. 刺身也很新鲜.最爱他的自助甜品柜. 钟意几时拎都得~ 等紧正餐时可以食住甜品先, 唔洗等... 正下次会再帮衬~
继续阅读
求求其其的一餐半餐饭我已经不会再写，但今早食这个面餐真是食到我火都黎，不发泄不行﹗因为住在附近，以前周不时也有在这里吃早餐或下午茶，不过自从餐价和份量的比例差距越来越大后，已经好少过去食。早前听妈说早餐又回复当年勇，今天便拉著妹妹去吃，只因早餐有拉面食，放假，想食一些平时返工吃不到的东西。A3咁大张的早餐牌，字体特大，可让老人家看得清楚，其实这集团的老板也算有善心，由开业至今都推出十元扶老携幼餐。以前吃拉面餐还配有一份杂果沙律，我每次都会退回，所以今次拉面餐已没附加，更好，不用烦。麻辣鸡扒拉面(可走辣,可选乌冬)，是全场最贵的早餐，卖二十五元。看到餐具全部换过哂，面碗又是那种大大个容量特细的那款，心想应该是FOR跟餐的粉面吧，拉面餐是正价餐㖞，我相信不可能用那个碗的﹗(加上以前拉面餐是用正常汤碗上)等了好耐先有得食，哇，真是乌鸦口，原来拉面餐都是用这种呃秤碗。妹妹吃走辣的麻辣牛肉拉面，肥牛肉有四﹑五片，拉面只有一饭碗量，半只蛋，少少海带，几粒粟米及一片呜门卷。连不大食的她也觉得太细份了。之后才有我点那碗，配料一样，但主菜更少!!!!!!!!一块鸡扒已分开五件，看似有五件，其中两件是鸡皮来，(这一刻我好想XYZ...加即场退货﹗当然我没有这样做...orz)，那三件鸡扒我不应该用件去度量，而是用片，薄如纸的鸡扒我真是第一次见，三片串起来才等于外面吃到的一件鸡。味道都不想有什么形容，我对食要求不高，入得口已经OK，而且入得来就预左是食港式拉面啦。只不过今天不想吃蛋，才不点那些配套多多的西餐....看到旁边食客点的'和风扒餐'，有大大块扒，有蛋有多士有焗豆添，而跟餐的汤粉仲大碗过我们面前的拉面!!!!!都只是二十四元。店方如要拉上补下也不应那么著眼吧，最后食完只有五成饱，惨~我去大家乐食好过了!!!今次中伏鸟。
继续阅读