梅 日本料理

营业中

休息中

最近好多朋友都去日本旅行，搞到我都心思思想食日本野，見駱駝漆有間新開嘅日本餐廳，就決定上嚟試下。依度星期六晚市都唔算太多人，崴餐廳裝修充滿日本風格，啱曬三五知己一齊上嚟食飯傾計。餐廳食物選擇超級豐富，壽司、丼飯、拉麵都有，連小食嘅選擇都好多。我見餐牌嘅壽司set幾吸引，就叫咗個壽司盛盒。我朋友唔食魚生，就叫咗個丼飯set。梅壽司盛盒套餐（$139）依個壽司set超抵食，有成12件壽司，仲要大部分都係魚生。魚生件件都好厚切，特別係個帶子壽司，超級厚身，而且好鮮甜。個set仲包咗個細沙律同雞肉棒串，個沙律超多蟹籽，個雞肉串啖啖肉，完全冇因為跟餐就送就hea 人，女仔食曬成個餐都幾飽下。鹽蔥燒牛肋肉丼（$86）依個飯係我朋友叫嘅，偷食咗佢一啖個牛肋肉，個牛肋肉好淋好香，有成五塊之餘每塊都幾大塊舊，加埋撈咗蛋黃嘅飯真係好好食。個餐除咗跟個麵豉湯同沙律之外，仲有兩個泡芙做甜品，真係好抵食。

是性價比非常之高的日式餐廳！絕對會推介俾其他人。三文魚肥美。魚籽又勁好味。仲要又多又大碗！沙律又係好好味，飯同送比例好好。坐位也寬敞，上菜都快，打工仔中午去食都唔會太趕。

梅 日本料理💮@plum_japanese_restaurant 每次去駱駝漆都要等好耐先入到𨋢😮‍💨 所以今次決定搭𨋢去到最頂層12樓，再慢慢由上而下行落去洗樓睇下食咩，行到10樓就發現呢間新開嘅日本餐廳🎏梅壽司盛盒 配蟹子沙律 雞肉棒串 🍱三文魚｜呑拿魚｜油甘魚｜帆立貝｜辣汁三文魚｜海老蝦卷一次過可以試到6款唔同嘅壽司，總共13件，平均一件$10左右，超抵食‼️除左壽司套餐常見到嘅三文魚同呑拿魚之外🍣 比較貴價嘅魚生都有，仲要係厚切添😍 油甘魚魚味甘香肥香，肉質結實爽口🐟 大大粒刺身帆立貝，肉厚鮮甜🐚辣汁三文魚係切成大大粒，正正方方咁🟧 唔會話堆埋啲切淨好碎嘅邊位出貨🔪 份量好多，差唔多跌出軍艦以外🛳沙律有蟹籽、車厘茄、粟米同沙律菜， 再淋上日式胡麻醬，清新爽脆🥗 以配菜嚟講，份量絕不吝嗇！日本居酒屋嘅必食🏮 啖啖免治肉，肉質滑順，配埋香甜嘅日式照燒汁🍖鐵火拖羅蓉卷🔥粉嫩嘅拖羅上面堆滿蟹籽，壽司飯中間塞滿拖羅蓉同青瓜🍙 唔似平時嘅卷物咁用上青瓜粒，而係將佢切成細絲，口感更加豐富🥒卷物嘅飯粒握得夠緊密👍🏽 夾起來唔會好易散開，所以最滋味一定係一口一舊🥢 不過因為大大舊好足料，但又唔想分

平時去觀塘都會去駱駝漆個邊搵下野食，見到呢間新開嘅餐廳裝修幾日系又唔貴，就試吓。油甘魚蟹膏海膽丼 $128好足料！厚切油甘魚好重油香味，海膽鮮甜唔會得2啖仔。最驚喜係蟹膏多到可以撈曬成碗白飯，一個人都未必食得曬。套餐仲送泡芺，估唔到係流心架。鐵火拖羅蓉卷 $52 🍣估唔到咁大舊，一啖食唔曬，要分幾啖。面有塊吞拿魚同玩蟹籽，壽司飯包住嘅拖羅蓉超多，真係啖啖都有拖羅蓉。鰤魚 $20 開始唔知係咩魚，原來外貌有啲似油甘魚，但佢嘅肉質更加紮實，清啲。火炙三文魚 $20火炙三文魚永遠唔會令人失望，更加帶出油香味。.炙燒左口魚裙邊 $20成日覺得左口魚裙邊一定要燒一燒，魚裙邊油脂融化咗超正。食咁多野都只係兩百幾蚊，真心抵😍

週末時間係駱駝漆大廈行下啲小店，晚餐就打算隨意搵間鋪頭食，食完可以講價錢味道都優勝過連鎖壽司店，超值得黎食！油甘魚蟹膏海膽丼 $128大大片油甘魚，仲有好多既海膽，又有玉子配搭，用料完全唔慳！最重點個蟹膏真係勁多，撈飯可以令到每粒飯都金黃色，夠曬味道！飯量都好多，可以話係兩個人食既份量。鐵火拖羅蓉卷 $52一口都食唔曬，份量好充足，而且係火燒過厚切拖羅包住大大舊飯，再包住滿滿拖羅蓉，雙重口感勁吸引，大份又好食！鰤魚 $20質感有啲似油甘，但冇油甘魚咁油香，質感都好肥厚。火炙三文魚 $20炙燒燶邊三文魚，油香味一咬慢慢散出。炙燒左口魚裙邊 $20同樣熱辣辣燒到好香口，最重要條邊真係脆口好食。

✨海膽燒牛肋肉丼竟然唔使$100已經食到咁高級嘅丼飯！啲餸鋪滿晒啲飯面好滿足！牛肋肉接近入口即溶，油脂分布好平均！值得一讚，就係海膽好新鮮，一啲都冇腥味！而且撈埋好邪惡嘅蛋黃食好正！✨火炙三文魚超級厚肉，而且食得出都幾新鮮！壽司飯唔會太實，係幾正宗嘅壽司👍✨ 南蠻炸雞溫泉蛋丼雞嘅份量都幾多！而且啲皮都幾脆不過又唔會太熱氣！雞肉都算有汁同埋柔嫩！撈埋溫泉蛋一齊食飯都幾香😝✨鰤魚呢款魚通常唔多日本料理舖頭有得食，朋友點左呢個話幾厚，同埋新鮮！覺得唔錯！呢間餐廳裝修都幾靚，係日式現代風格，同朋友嚟傾吓計食飯又抵食，又坐得舒服

今日同同事放lunch，收到樓下姐姐派嘅一張傳單，原來10樓新開咗一間日本料理餐廳。見佢裝修都幾有日本居酒屋風味，而且新開唔使等位，啱晒我呢啲打工仔只有一個鐘頭食飯時間🤣佢嘅餐牌都幾多選擇除咗有壽司刺身、仲有丼飯烏冬等等不過我梗係嗌佢嘅午市定食啦，性價比都幾高蟹籽三文魚配辣三文魚粒丼 $68整體嚟講都幾好食份量幾足，午市定食丼飯仲配左麵豉湯🤪另外我仲加咗一支蜜桃紅茶，都只係加$6，甜甜地又可以解渴🤭值得一題佢哋嘅服務員都好好人，會周不時過嚟添茶，我個座位咁啱信號收得唔好，仲提供Wi-Fi俾我🤩