梅丘壽司の美登利総本店 (雅蘭中心) (已結業)

飛唔到去總店，唯有喺香港食番餐彌補一下思鄉之情 🍣🍣🍣原來想去試一吓佐敦嘅壽司郎，但未夠十二點已經要等成100 個籌，如果繼續咁等，可能到一點鐘都未有得食，既然係咁不如落旺角去美登利啦。雖然唔算係經常來光顧，由佢開業至今相信一對手數得晒嘅 🤣🤣 美登利嘅質素比千両／板長好，但價錢就相差不遠，所以想吃高質D，呢度確實係一個好選擇，至少暫時仍未試過有失望而回嘅體驗 😚入座後，每位客人都有一個口罩套，帶位的小姐禮貌地提醒客人，食物未到前要繼續佩戴口罩以配合食肆的防疾措施，果然細心 👍🏼👍🏼極上吞拿魚盛合 $265 吞拿魚新鮮而且仲要厚切，起初睇落去以為有筋位，點知入口即溶每一口都係大滿足 😌蟹三貫 $98蟹肉加蟹膏放在壽司飯上面用匙羹裝好 😋鮮肉蟹腳及熟蟹腳壽司各一件，各有千秋，但同樣的有蟹肉的甜味，正 😋😋海老三貫 $78牡丹蝦頭經油炸，連殻咬成隻食晒，一D都冇浪費。兩件蝦壽司上面放了黑色蟹子做點綴，另外一件係火炙芝士配熟蝦，同樣美味。火炙油甘魚 @$20火炙帶子 @$28　熟松葉蟹 @$38火炙壽司如果可以再燒燶一點更好，這個純粹個人喜好 🤣🤣因為壽司火炙過，魚油會帶著燒嘢香味落在壽司

同老公又去左食好西 ，呢間食壽司真係一流 好似去左日本咁食第二次 味道都係keep得好好 食材新鮮無得彈。唯一不足之處係等位時間較耐。又無得留電話。搞到企係到戇居居等左好耐。不過好在上菜都快嘅，環境同服務都唔錯

之前見到有朋友嚟過呢一間餐廳食嘢，好似全部都好好味咁，所以就嚟咗試吓啦🤣雖然價錢唔係話好平，但係我覺得都物有所值嘅因為啲材料真係好新鮮呀，我哋叫咗兩個套餐第一個吞拿魚雜錦丼入邊有拖羅啦後設嘅吞拿魚粒啦真係好好味，跟餐仲會送埋一個玉子茶碗蒸添😀另外我哋仲帶咗另一個差咁佢係有得加$30轉做升級版嘅吞拿魚茸三文魚子同埋海膽嘅蕃茄一個烏冬真係幾好味，我哋仲叫咗一個幾特別嘅蟹膏軍艦甜，食入去真係好有蟹嘅先美真係好好食呀

今晚同男朋友去咗呢間日本餐廳食，等咗十五分鐘就入得，比想像中快👍🏻我地叫咗特選手握壽司盛盒、鹽漬檸檬手握壽司盛盒、火炙三文魚芝士同三文魚三貫。全部都好好味😋我地最鍾意鹽漬檸檬手握壽司盛盒，味道好特別。仲好快就到，唔係等好耐👍🏻職員仲不停主動添茶☺️加分👍🏻值得一試😋

服務態度惡劣 上至經理 下至侍應 你等到就等啦~餐廳漏單情況嚴重 等左30分鐘以上都無野食 問個侍應 佢行左去5分鐘先覆返原來張單未落 問你等唔等 等唔到都無辦法 更稱客人投訴為發脾氣添依個價錢有更好選擇 何必要受氣呢

上個禮拜突然想食壽司， 諗起雅蘭商場的梅之丘美登利壽司店， 因為曾經幫襯過東京的總店，記得那裡壽司質素很好， 因此充滿期待。去到被安排坐bar檯, 由於只有兩個夥記， 要等好耐先搵到人落單， 等了約十五分鐘壽司，麵豉湯和蒸蛋上枱， 看上去賣相是不錯的， 魚生感覺是大大片， 可惜食落去魚味很淡， 壽司飯的調味和質感一般，感覺這個價錢和質素是不合比例的，一田超市的盒裝壽司比這裡的好食啊！真的懷念東京的美登利總店壽司， 價錢便宜又好食。

星期六下午5pm去到門口冇乜人等，照攞飛。長髮員工check完張飛,然後帶我們入座。未坐低即被另一短頭髮女員工要求我們行返出去門口等！！！並大聲話我們自己走入去坐＋沒有取票！我們向她説是她的同事帶我們入坐，並顯示取票給她看。她仍然堅持要我們出去！其實當時舖頭並不是忙碌，亦有其他空閒位置，她可以即時作出安排！過程中語氣態度不好，亦絕對令客人難受！我們亦唯有立刻離開。今時今日咁嘅服務態度真係極度趕客。

今日黎到哩間日本過江龍食日本料理雖然美登利係香港已經開左業一段時間 但人流仲係好多門口經常大排長龍 好彩我地今次去得早等左一張飛就到我地 食到一半已經見到門口嘅人龍想食嘅朋友記得早少少去排隊啊見到好多其他食評都推介蟹膏沙律我地梗係要試下啦估唔到半分都有咁多 真係幾抵食味道方面 蟹肉鮮甜 蟹膏味道濃郁食完之後 甘香嘅味道仲繼續係口入面回蕩好味到飛上天茶碗蒸都非常好味蛋蒸得好滑溜 底部嘅蝦肉彈牙冇冇任何可以挑剔地方跟住我地嗌左個海鮮丼丼飯非常足料 有13款配料其中我最鍾意嘅係原條穴子穴子肥美 魚刺已經事先被挑走啖啖肉真係好正另外 玉子都好好味 厚切得黎 甜度都適中非常出色不得不讚嘅係餐廳對食物品質嘅堅持海鮮丼原本係配上海膽 但因爲當日海膽品質一般所以餐廳換上吞拿魚茸代替好欣賞日本餐廳嘅哩種職人文化跟住我地仲叫做大拖羅壽司大拖羅超級大條 有2件壽司咁長而且非常肥美 好好食醬油漬三文魚壽司都好好食醬油味唔會太濃 剛剛好可以調出三文魚嘅鮮味好推介哩個壽司大蔥吞拿魚卷都非常正餡料多到要分開3啖先食得曬每一啖都超級滿足 yumyum😝

今晚做完運動打算去美登利吃過刺身丼就回家休息，因為都吃過好幾次來到旺角我首選吃他們家。在門口看到等的人也不多等了一會20:30左右入坐，坐下后因為我餓了立即下單叫了個雜錦刺痛身飯，同時入位還有另一位客人，我們下單時間差不多，問題我等了二十分鐘看他一直吃而我在玩手機，那開始有點不耐煩主動問一下我的單如何，他們員工過來說看看，然后看到一張單出現了20:53才落單，那漏單其實很正常那我再等等.....然后到了21:10左右有職員走來問我last order有沒有想加，我回了一句什么都沒吃過，他們說了「這樣呀」就走了但沒有主動幫我看看發生什么問題，然後我再找了另一位職員問下我的單子有沒有？他說要幫我看看，回來說了還等要五分鍾，我真的忍不住了說「不要了」，他跑了去廚房說了客人不要之后再去點單系統取消了我的單后也沒過來和我說任何話，要我主動找職員問「我是否能離開」他只回「對呀」，一句抱歉的說話都沒有......真的第一次吃日本野吃到一肚子火，這店真的要拉入黑名單，不是食物問題是員工態度的問題😡😡😡

限聚令期間午市只限兩個人而且晚市仲只准外賣所以好多食店都少左好多人今日咁啱出去尖沙咀可以試試平日嘅人龍店搏下可唔可以少人啲試到揀左過江龍美利登只係等左一張已可以入座正！餐牌好多選擇揀唔到可以揀佢嘅套餐我地叫左一個午市定食有迷你雜錦刺身飯同迷你烏冬仲可以加錢加天婦羅set散叫都唔平，加少少錢就有喇！抵！天婦羅炸粉夠薄，熱辣香脆蔬菜天婦羅都好味！有片炸紫蘇葉好特別！迷你雜錦刺身飯都算足料鋪滿晒飯面茶碗蒸好滑～烏冬都爽滑彈牙我地仲另外叫左壽司火炙三文魚好正超長三文魚🤤🤤帶子好鮮甜赤貝好新鮮，係無雪藏嘅鮮貨

上年去日本睇啲達人介紹過呢間在涉谷有，但我吾識揾冇去到……現在疫情下，香港分店冇乜人排隊，摱到車邊有人請我去呢度食lunch，好開心可以試吓……二人不用等位，見到餐牌，都有幾款set選擇，我哋叫咗兩set share……1. 特盛手握壽司盛合~壽司上嘅海鮮好新鮮美味，沒有食到有筋/渣，即使蝦頭也沒有腥味……都幾鮮甜2. 天婦羅烏冬御膳~天婦羅炸得薄又脆，香口好食，魚生飯的魚生也很新鮮，赤麵豉湯好香濃，好飲，茶碗蒸也好好味……這裡服務好好，我感覺到服務員會留意每枱客人嘅需要，而馬上過去幫忙，希望吾會係因為冇乜客先咁啦

每次來到雅蘭中心3/F都發現有很多人在排隊等壽司 美登利], 這次我特意提早來到拿票, 很快便成功入坐經理很用心介紹集團正在招募新會員, 我查看了一下, 發現另一家我想吃的鰻魚飯專門店也是同一個集團的, 於是我便入會了(1) 刺身拼盤以性價比來說, 我甚少會在日本茶廳order刺身拼盤, 因為我看到壽司師傅很專業地制作壽司和刺身, 而且presentation非常地漂亮, 更驚喜的是, 刺身好新鮮. 沒有任何腥味, 可以安心試這個刺身拼盤(2) 吞拿魚蓉壽司, 拖羅, 吞拿魚筋我很欣賞這個 吞拿魚蓉壽司, 吃的出是用上等的吞拿魚做, 拖羅也相當肥美, 油脂味重, 吞拿魚筋就很個人口味了, 個人來說我不是特別喜歡, 因為有點韌和渣(3) 三文魚拼盤限時特價推薦, 超高性價比, 刺身超大件, 味道一流(4) 炙熱三文魚壽司祭燒也是非常出色, 沒有燒焦的情況, 燒汁惹味!! (5) 燒帶子壽司帶子無雪味, 吃的出是用上等食材總的來說, 梅丘壽司 美登利是值得吃的一家店, 難怪這麼多人, 想試的話, 不去旺角店也是可以, 人會比較少點。

雅蘭中心2樓呢度有好多間餐廳，食日本嘢都有幾間，呢間都叫做幾受歡迎，而且午市定食都有好多選擇！ ➡️ 三文魚盛合 (附送赤味噌湯及茶碗蒸) ($145) ⭐️⭐️⭐️⭐️💫 六大件嘅三文魚，有成10cm咁長，而且食落好肥美，灸燒三文魚直頭入口即溶！另外仲有六細件嘅三文魚小卷都唔馬虎，好足料！ ➡️ 鰻魚柳川鍋定食 (附前茶2種、味噌湯、白飯) ($128) ⭐️⭐️⭐️ 麻麻哋，鰻魚得7小片，蛋有啲過老而且唔係好滑，可以唔洗叫。 ➡️ 香蔥呑拿魚腩卷 ($55) ⭐️⭐️⭐️⭐️ 超吸引，吞拿魚茸嘅高度仲高過壽司飯，份量十足，大力推介！ 梅丘壽司の美登利総本店 地址📍: 旺角彌敦道639號雅蘭中心2樓202號舖 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 抵食💰: ⭐️⭐️⭐️

上次同朋友去見唔多人排隊 所以就去試一試我地叫左個極上吞拿魚盛合($256) 入面有哂赤身，中拖羅，大拖羅可以試到吞拿魚唔同嘅部位 由入口甘香到入口即溶呢個價錢有呢個質素 真係好抵👍🏻仲有我地都叫左碟5點刺身盛合($288)入面總共有5款刺身 而個人最鍾意食係油甘魚同帶子 油甘魚嘅油脂味好香 帶子都好鮮甜 其他刺身都唔錯🤤

平時都好多人排隊，好耐無黎喇！一開始就叫咗個蟹膏沙律！🦀咁多蟹膏都只係「半份」咋😆全份真係不敢想像！😂超級抵食！$48既手卷有齊海膽三文魚子同埋拖羅蓉😍一啖食落去真係好滿足！今日仲叫左池魚刺身！條魚好新鮮！記得問侍應拎酸汁點黎食！好食過點鼓油好多嫁😆漬物三食同拖羅卷係我每次黎既必食項目😍😍又大舊又新鮮！拖羅卷上面係拖羅蓉，但係入面既係一舊舊小小既拖羅刺身！今次試左火炙油甘魚壽司，佢岩岩燒起，仲有微溫，醫汁配半生熟嘅油甘魚都幾夾！