橋底雞煲 (已結業)

和同事去了朋友推介的雞煲。 3個人點了半隻雞，其中一個同事唔係幾食得辣，唯有叫小辣....一見到個雞煲裏面有好多配料，真係喜出望外，好豐富啊！雞嫩皮脆，真系好好味。除了雞煲之外，我們叫了幾種配料。本地手切肥牛，脂肪雪花平均，看來非常美味。加拿大A級珊瑚蚌和AA級桂花蚌，色澤已經非常吸引，食落爽嫩鮮味，令原本已經很喜歡吃桂花蚌倍感開心。墨汁花技丸，指天椒牛丸，兩樣都還是第一次試，之前在其他地方都未見過有的。墨汁令花枝丸的味道更濃，裏面還有花枝粒，令口感更爽滑彈牙。指天椒牛丸有指天椒的辣香，再加上用麻辣汁鍋底煮過，令香辣味道更強烈。下次一定會再encore😋

前兩天探望居住在佐敦的老朋友，實在很久沒見，因此找間附近的餐廳閒聊及共進晚飯。老朋友甚好港式雞煲火鍋，特別推介這所餐廳是因為價錢合理，火鍋配料款式極多，自家製的餃子丸類創新。雞煲 $238 + 鴨舌 $38因為人數不多，雞煲只點選了半隻雞的份量。雞煲特別之處是麻度和辣度是可以分開選擇的。老朋友知曉小弟不能太辣，所以點選小麻小辣。但這位老街坊的老朋友硬著頭皮地堅持點選鴨舌，還是決定他的決定。雞煲麻辣程度相當野味誘人，越吃越想吃。雞件彈牙可口，蠻富雞味。因為老朋友甚愛鴨舌，全讓他慢慢細嚐，就不多描述了。本地手切肥牛 $268經過雞煲一輪的洗禮後，吃火鍋又怎樣缺少 肥牛呢？ 肥牛呈鮮紅，脂肪肉質分佈均勻，相當吸睛。經過雞煲滾熟以後，肉質稍為結婚煙靭，頗具口感，肉味濃厚豐富。加拿大 A 級 珊瑚蚌 $98珊瑚蚌呈鮮橙色的，可見新鮮嫩滑。滾熟後，雖有相當的收縮，口感煙韌彈牙，味道相當鮮甜可口。加拿大 AA 級桂花蚌 $98完全不曉得評級的標準，但A 級珊瑚蚌及 AA 級桂花蚌應該是優質的食材。桂花蚌呈淡黃色的，感覺相當新鮮。滾熟後，也有少許的收縮，口感也是煙韌彈牙，味道鮮甜美味。脆鯇腩 $98脆

朋友約晚飯，是在柯士甸道，說是吃雞煲。雞煲除了之前吃過外，其他的會有什麼不同風味，會有什麼不同感覺？來到店舖，時間還早，只有一兩枱客人，枱上已經準備好。坐下後，我們先要了飲品，是自家製竹蔗茅根水($38)，清甜順喉，並不太甜。雞煲有多種配搭，麻與辣有多種程度，雞也可以半隻或全隻。我們選了雞煲要半隻雞，並是小麻小辣，因我與另一位朋友都怕麻辣的麻，多得朋友的相讓，好讓我也試一下麻辣雞煲的滋味。我們要的雞煲還未上枱，旁邊食客的雞煲，已經傳出陣陣香味，雖不知他們麻辣的程度，那道香味已經令大家唾涎，滿心期待。我們的雞煲上枱，滿豐富的，好像很吸引。店員為我們服務，將內雞塊攪拌好，香味雖沒有旁邊食客那麼濃，想必是與麻辣的程度有關，可是香味也不少。攪拌好，再煮一會就可以食用。入口味道不太麻，不太辣，對我來說還是可以接受，那種香辣，有增進食慾之感。除了雞煲，我們多要幾種配料，那是吃完雞塊後，當作火鍋一般。本地手切肥牛，脂肪雪花剛好，看來非常美味。麻辣汁煮過後，去除肉羶味外，更提升肉味香，似乎麻辣汁會令肉類更可口。加拿大AA級桂花蚌，半透明，帶著天然色澤，非常吸引。入口爽，很有咀嚼感，麻辣汁也有雞的味道，

放工的時間，我約了很久沒見的朋友去佐敦吃晚餐，我們都想吃雞煲火鍋，我們經過這間餐廳看到有雞煲火鍋吃，看見食物的種類很多，而店內環境舒適寬敞和清潔衛生，給我一種舒服的感覺，便決定入去試一試本地手切肥牛($268)肥牛的份量非常多，牛肉的質素非常高，非常軟彈煙韌加拿大a級珊瑚蚌($98)珊瑚蚌質素非常高，非常爽彈鮮美，份量非常多墨汁花技丸($24)花技丸軟彈煙韌，顏色像墨汁一樣的顏色，十分特別指天椒牛丸($24)口感十分特別，有一粒粒的指天椒在牛丸裡面，牛丸爽口微彈新鮮魚雲($78)魚雲十分清鮮甜美，軟彈煙韌，份量足夠多娃娃菜($29)娃娃菜十分清鮮甜美，爽口微彈，份量足夠多雞煲($238)雞肉的份量非常多，非常新鮮，雞肉十分嫩滑細密，微辣中帶少許甜，十分惹味自家製竹蔗茅根水非常清甜解渴，適合夏天身體會因為出汗而流失很多水分的時候飲用整體來說，食物的選擇很多，食物的質素非常高，食物的用料非常新鮮，價錢相對非常合理，店員有良好的服務態度和有禮貌，而且會幫我們攪拌雞煲服務十分好，所以我認為這間餐廳值得再去惠顧

尋晚同男朋友一齊放假行街食飯，見到依間雞煲有得打邊爐又有串燒食幾別，就入黎試下。叫左半隻雞少辣少麻，隻雞一黎到未開蓋已經香噴噴，食落隻雞好夠味，加埋洋蔥同莞茜完全係正。我個人比較鐘意食內臟，不過完全無諗到雞煲可以加鴨舌一齊炒，鴨舌同雞煲又夾到，又唔覺得奇怪。我同男朋友食到差唔多就開始叫職員加湯打邊爐，雖然佢地唔係做任食，但價錢都合理，唔太貴。又有得分半份或者一份，岩晒我依啲眼闊肚窄嘅人可以樣樣食少少，但其實半份嘅份量都唔太少，兩個人食岩岩好。我最鐘意佢地有自己煲嘅竹蔗水，唔太甜，好好味。仲有依家店有自己調嘅秘製辣醬，岩晒一枱有人食辣有人唔食辣嘅可以自己點醬食。依餐飯食左唔算貴，估唔到晚上8點前埋單仲有7折優惠，最岩我依啲為食嘅早鳥去食，我同男朋友有飲啤酒又打邊爐，食左450蚊左右，打完折300幾左右，平均人頭唔算貴下次可以再試下，我同男朋友都幾滿意😊😊😊下次一定要試下食串燒，我係店入面都見幾多人食。

我地2個人去。叫左2個全隻雞煲。一唔辣一大辣。我好好心機數住。雞頭。雞爪。雞翼尖每樣2件。但雞中翼就得一隻。雞臂肉。數理數去。都砌唔到2隻出黎。點睇都唔夠一隻雞 屯門分店係咁 估唔到尖沙嘴分店都係咁。

前幾日出咗尖沙咀,約左男朋友仔行街街。行行下無端端落大雨,咁就搵過地方避下雨仔啦。開頭諗住搵間coffee shop 坐下，但望下隻錶都成7點幾8點,男朋友仔話不如搵地方食埋飯。咁我地就諗下食咩啦,咁啱聽到有人叫“雞煲火煱”咁咪好奇去睇下去到門口就聞到好香嘅辣味我地就入去,啲職員見到就招呼我地坐係2人枱,而且介紹佢地嘅招牌雞煲,咁我就問兩個人食唔食得晒個煲架,職員就解釋雞煲有半隻嘅份量,兩個人夠食,仲可以叫火煱配料,而火煱配有分1份底半份,每款丸類餃類,1份係8粒,半份就4粒,除左雲吞,1份6粒,半份3粒我心諗都唔錯喎有半份叫,啱晒啲唔大食或兩個人黎食咁我地叫左半隻雞煲,同埋啲丸類配料,咁係等雞煲時間,我地聞到一啲燒烤味,好奇望下,原來係到仲有燒烤串燒食,咁我地就同職員詢問及落呵打啦,叫左燒芝士腸,叫墨魚丸,佢地啲燒烤唔算貴,叫做可以接受,同出面食開啲串燒差唔多,都係一串兩粒$12~$14,不過依度都好細心咁將啲丸類會切半,咁我地就係咁食左2粒鐘,就埋單走人埋單都係4百幾5百有找因為得兩個人,冇叫到佢地嘅本地手切肥牛下次約埋班朋友仔黎食

同女朋友尖沙咀行完街街，行過有間食雞煲，係門口望下佢啲menu，跟住有條友行出來介紹，又話唔好食唔收錢，甘串咪試下囉，叫左半隻雞煲同啲火鍋配料，首先個雞煲，隻雞真係細隻左小小但係都幾滑，同埋都好入味，幾香，值得讚下👍🏾，其他火鍋配料就普通正常野無咩特別，平時兩個人打邊爐最慘就係叫得唔多野食，不過呢邊有半份叫，半份每樣有四粒度，價錢十幾至廿幾元半份，唔算貴，最重要係可以叫多幾款野食下，呢樣都幾細心，比個讚佢👍🏾，最後兩個人食左三佰幾元，尖沙咀黎講價錢可以接受

同樓上苦主完全相同感受另外補充，叫了串燒烤丸，全部一串共4半粒(把四半粒還原砌返，其實只有完整2粒)$12一串，即系要$6粒，全部 取巧，也叫了 雲吞和韭菜餃。。，原來每客得3-4粒為一客，所有食物 偷工減料又取巧，永不 幫襯

見近排涼涼地,就約埋幾個朋友去食飯打邊爐。有朋友提議不如去食雞煲,唔駛咁Dry,咁啱朋友公司附近開咗間新雞煲店,就提議去試下咁我地就黎咗這間橋底雞煲店試,當晚我地相約晚上7點半係店鋪地,店舖內尚算寬闊,座位都算ok,店舖職員安排咗我地4個人坐低後就主動黎介紹雞煲及講解埋點樣叫法。依度嘅雞煲有分大,中,小,微辣 ,同埋麻香都分為大,中,小,微麻,可以俾客人選擇,唔會清一色一個味,這個方法算唔錯,而且仲有鴨舌可以加落個煲都同埋佢地嘅雞煲醬一齊煮,都幾特別。我地唔係食得咁辣,就叫咗個小辣微麻嘅雞煲,開頭諗住叫半隻雞煲份量,再叫其他打邊爐配料食,但店舖職員就講解返話佢地去冰鮮雞而且細隻啲,如果4個大人叫半隻未必夠食,咁我地都聽職員講叫咗一隻份量嘅雞煲職員都講返製作需要15~20分鐘,可以叫啲前菜食住等,咁我地就叫做咗個涼拌青瓜食住等等左約15分鐘,雞煲終於出場,職員放下個煲打開個蓋雞煲的香味已經散發出黎,職員仲好細心咁同我地撈個雞煲,同提醒我地撈煲時會有啲汁彈出要小心啲,完成後,我地就品嘗雞煲,職員講得冇錯係啲雞係細隻啲但夠入味,唔會唔平均,不過最搞笑係有埋雞頭同雞屁股,我問返職員可唔可以唔要

已經有一段好長嘅時間無寫過食評，終於有間嘢要迫我出手啦見天氣轉涼就同兩個朋友打吓邊爐食吓雞煲啦見呢間橋底雞煲新開張就梗係要嚟試吓新嘢啦見其他食評寫個雞煲咁好就梗係要叫煲試吓啦點知就中伏了😡。我哋三個人叫咗一隻$238雞煲諗住夠食啦，呢個價錢都唔算平，點知煲嘢得雞頭、雞頸、雞尾、雞翼尖、雞腳，其他部分唔超過十舊，無雞腿同雞胸，究竟d雞肉去哂邊😤？隻雞細都算，叫一隻起碼都比番一隻嘅份量呀，有食評仲話唔係冰鮮雞、無味精，根本就係冰鮮雞，又咸，個口乾到第二日仲乾緊，食完都唔知食過d乜😒😒食完個雞煲唔飽就梗係要食火鍋料啦，點知第二個伏又嚟啦😣。叫咗個特級肥牛$98，應該唔會係任食肥牛嘅垃圾質素啦，原來沒有最差，只有更差，三份二係肥，三份一係廋，我唔係要特肥肥牛囉，個侍應話要叫貴d嘅牛先唔肥架，完全明白了，$98嘅特級肥牛都係屬於垃圾級別。仲有其他配料都已經係叫全份，份量真係少得很，好想知叫半份係咪即係一人份量？真係越食越慶😡😡我明白新店開張有打手唔出奇，但係唔好吹到咁大囉😒，你要人哋中伏一次以後唔再去還是長做長有，真係要名乎其實囉，如果想試吓有幾伏都可以試一次，試完之後記住叫親朋戚友唔好再浪費金

星期六去食，七、八點都唔太多人。空間寬敞，職員好好態度，會提你小心熱。雞煲嘅雞都好味唔太重味精，叫左鴨舌同娃娃菜都好好味。見其他食客都食得幾開心，會再來食，試下肥牛！

同一班朋友食野，最好就係打邊爐，食雞煲！今次選左呢間新開既橋底雞煲！黎到當然先試雞煲，一個辣一個唔辣，辣有分唔同程度，呢d基本野啦最正係原來有串燒刺身食！我地試左羊架，聖子，雞軟骨，羊架係水準之上！多肉而且羊味夠，reorder左一次～另外叫左象拔蚌刺身，價錢雖然高，但真係超！好！食！好爽口！正題雞煲！雞份量感覺對男士黎講唔多夠，味道方面夠曬味！好正！食物新鮮種類多，特別係牛拼盤，好好味！不得不讚既係炸魚皮，同出面唔同，味道喊點野味點仲有個辣味牛丸，好彈牙好味掛住食，好多都無影相！完美快樂既一餐老闆都好好招呼，經常走黎問野食如何會再黎幫襯

我本身唔鍾意食雞煲，但個麻辣味真係正到冇朋友！佢個辣唔算勁，我覺得係微辣only! 但佢嘅麻香好正！當辣味過後，麻味會留係口！佢嘅牛肉併盆雖唔平，但食落一流！脂肪分佈平均嘅，入口即溶！淡色果隻唔知乜...爽口彈牙！最底果隻，牛味香濃！魚皮必食！脆得黎，竟然魚味重！好好食！海鮮選擇多！象拔蚌鮮甜，爽口我自己最愛佢燒茄子，夠曬多蒜蓉好多燒烤食品選擇雞煲黎講！佢都叫貴，但野食質素高...同地段好！

之前試過屯門橋底雞煲，已經覺得唔錯，不過此終係屯門，地區對我黎講有啲遠，所以都係食過一兩次但一知道尖沙咀開分店就約埋班朋友落去試啦，一去到已經聞到雞煲的香味，可能新鋪，唔駛等位，因為之前食開，所以都唔駛點介紹，立即落個小辣雞煲，等左約20分鐘，雞煲就出現，一開蓋啲辣味已經發出,聞完就急不及待夾一舊雞試下味，一試就知冇揀錯，仍然保持屯門鋪水準，惹味可口試完煲，就試啲新野，尖沙咀分店有刺身食，三文魚，吞拿魚等，最特出嘅係，有象拔蚌刺身，不過價格比較高，所以冇叫到而燒烤食品都仍然保持水準，不錯不錯飲品方面多左幾款啤酒，果味1664,艾丁格，黑，白麥啤，蘋果酒嗰晚食左約$1000,除開5個人都係每人$200