桃苑海鮮酒家 (已結業)

事前知道桃苑不是屬於酒店的飲食部，要求自然下降，這反而有驚喜。一如所料，裝修及氣氛均不是酒店的級數，頂多是中等的"街檔"。但人山人海，如不是訂了位相信都要等一段時間。點了干炒牛河，鳳爪，咸水角以及叉燒腸；牛河賣相不錯，沒有"乾柴柴"的感覺，牛肉亦不會太"靭"；鳳爪就很有味道，沒有雪過的痕跡；咸水角夠"煙靭"；而腸粉則中規中矩。總括而言，食物質素不俗。是次朋友埋了單，不知要多少錢，但聽說都不貴。

d野食幾ok, 四川鴨舌幾入味, 個韓國特級燒牛肉, 好入味仲現場幫燒俾你食, 一個字, 正, 再黎一個海鮮南瓜盎, d汁夠味又唔會太濃, 料又足, 85分, 加個岩哂呢幾日轉涼一定要食架羊腩煲, 都ok喎, 2個人食好夠, 行開去個邊可以去試下不過個男部長...落單都黑面...唔知佢係咪輸左馬呢...不過d阿姐態度仲好過d Captain....食物搭救啦

呢間酒家我去左幾次都唔駛等位,閒日2pm後有特價,勝在係落單時間計,點心款式算多,而且都ok好食....琴日我地兩個人1:30pm去到即有位,準時2m落單,叫左6個點心:香芋鴨腳扎、灌湯餃、芋絲春卷、涼瓜腸粉、潮州粉果、小籠包....連茶錢貼士$70埋單

與女友又來晚飯,再試小菜.9時到達剛好有吉檯一張.平日都好爆.叫餸食飯:好奇地order 士多啤梨骨有碎既strawberry加入果jam炒成,豬肉味道不錯,外脆內腍.但碎骨頗多咬時要好小心.配上果jam味道幾怪,薄脆底盤反而用黎點jam幾好食.整體太前衛,唔arm我食!都係食慣果jam配麵包!骨都係沙拉骨較好,如果就咁沙律漿茶麵飽又係怪.所以真係有時好講match得黎是否協調!(唔合格)由於本來行過新開阿郭咖哩冇位,黎依度都試番個咖哩海鮮補數,隨碟送上香蔥缾一塊.咖哩太稀又咸.極度失望,配中式香蔥餅又係亂黎!唔係油鬆餅又唔係印度薄餅!反而塊餅就咁食就好香口.海鮮有珊瑚、桂花蚌,帶子,蝦,鮮魷,算係足料,海鮮好食,蚌類好爽口.依類hotpot料始終好好.(咖哩汁唔合格.用料合格.香蔥餅好食,但我叫咖哩喎,即係大主角唔掂!整體唔合格!老實講,附近既永興茶餐廳既咖哩牛腩都好食過依度好多.)金姑扒豆腐,同張menu demo相差少少,冇左d菜心圍住豆腐少左綠色既感覺,原來都會影響成個菜既賣相.顏色對引起食慾有時真係起住重要既作用!豆腐好滑,唔會一咬就散開.冇乜金菇!菜心放晒係底要自己挖番上面

真係唔知係唔係上左癮.竟然又黎依度打多次邊爐.狂風大雨.同個fd兩條友決定唔到食乜.我提議依度.去地鋪食.又係蕃茄牛腩湯底.牛腩煲得太耐會韌.要留意.本身有d 爽腩有d就好腍另外order:1渣西瓜汁.依舊的淡.起晒沙.又證明冇加糖.夠天然.墨魚滑.有蟹子係面.今次中規中矩.唔錯四寶丸.千祈唔好叫.好唔掂!!!蝦丸極怪好腥!鯪魚球新鮮但極差咬口!豬肉太腍冇肉味.珊瑚蚌.好味.爽口.有鮮味,但桂花蚌好食d.美國肥牛,半肥瘦.有咬口唔韌.好正油麥菜夠晒兩個人食.新鮮金姑都正.同自己買果d差唔多.兩條友食到好鬼飽.但兩人食好貴下.建議4人先好黎可試多d野.服務今次好好.阿姐不斷添水.讚呀

自上次食過hotpot後,今次與女友試試小菜.依度侍應數目少過部長咁.不過個個都好有禮貌.order了3餸一湯1.素鴨，味道幾好，外皮不是全腐皮炸成，卻應該混合了雲吞皮或春卷之類，點o急汁幾好食。2.娃娃菜魚湯,幾好飲,d菜同冬姑加金菇飽魚菇,奶白色既湯好鮮味.但唔甜,反而d味係入晒去津白果度,食到d金菇反而鮮甜過湯.可以一試3.xo漿帶子象拔蚌炒西蘭花. 帶子大大粒,用黎撈飯會好食.4.韓式石頭鍋雞,只係普通jerjer雞但用可扮韓國菜既石頭鍋上,本身都ok,太甜.整體唔錯.可以一試.

朋友生日介紹黎依度,我住左太子成年都唔知依度有間地鋪火鍋.依度係油店一部份.可食hotpot或叫炒食一行6人到達,室外34'c,室內就20'c,全間野有4台客一個waitress.d野食由酒店拎過黎.湯底蕃茄薯仔牛肉.最正係薯仔同蕃茄,好新鮮,薯仔食落好似炸薯條d味,牛肉略韌.叫左珊瑚蚌兩次,因為好爽好正.同酒家果d好唔同.墨魚滑,一個竹筒上審左好多蟹子. 爽滑又好有鮮味美國牛肉,不過不失冇驚喜生蠔好大隻好肥美.四寶丸款款都好重料魚皮餃正常水準.豬肉青係敗筆既一款.熟左得肥膏冇肉冇咬口.皇帝菜(同唐ho一樣味)油麥加金菇,新鮮但金菇略少!西瓜汁一渣.好淡.不過證明佢天然冇加糖水冇溝野.6個人total$700,有tv睇.整體新鮮好味某d海鮮亦有驚喜.你waitress得一個所以慢d.冇俾tips,單手俾番張單我.扣少少少分.但整體黎講值得一試.而且裝修幾靚唔太嘈.

佢d茶係太子咁多間茶樓最靚o既一間午市比早市好食..佢d楊枝金露用西柚..唔係用6柚,唔苦ga比好多甜品店仲好食呀~

FAMILY 鍾意係呢度食晚飯,過節因為就腳,有保證咁我都食過呢間野三,四次其中一次仲係包左街果個room由於親戚係熟客,所以招呼周到每次都送幾樽果汁講番d野食,其實都係普通酒樓o既菜式,做冬果日食條紅斑魚幾好味,但係d龍蝦唔得,好似唔係好新鮮咁今晚可能因為太多人,嗌個包翅o既套餐比d 差do既翅,唔好味,但係上次平日食o既翅又好d好記得有次食個士多啤喱生炒骨(個名可能唔exactly)幾好味吖仲有佢有時會送d布甸金魚,可能熟客先送,幾好味,又趣緻喎...哈哈...17個人食左三千幾蚊...都唔知係抵定唔抵at least佢d 菜都夠份量o既

正！點心有水準！我每周必去飲茶架！很好吃，蝦腸、咸水角、肉丸粥必吃！價錢合理！但地點唔方便，場地太少waitress不足~此外，基本上十分好！

我屋企人好鍾意來桃苑飲茶同食飯，而我都知呢間酒樓口碑好好!!我都幾經想去桃苑飲茶，因為D點心好新鮮~~最最最正係碟<<生煎包>>，真係可以話係我食過數一數二好味的生煎包，個包好軟淑，我每次都食起碼兩個~另外值得介紹的係碟<<兩面黃牛肉炒麵>>，D汁係同D麵分開上，D炒麵係真係十分好食十分香脆!!!不過禮拜六日通常要等位!!ANYWAY....~值得推薦~

好難講幾多錢一個人，因為真係好視乎你食乜!我上次一家成十二人，有東星班，有鮑魚，有龍蝦，仲叫左小菜，食到好飽!!埋單都係$900~

IS IT REALLY CHEAP<br />HOW MUCH FOR ONE PERSON AR

海鮮好新鮮...小菜都好好...我平日去食，間野好旺下!!好抵食，係酒店都只係街坊價!正~~

Very good food