桃園制作粥麵餐廳 (慈雲山中心)

营业中

休息中

個日岩岩瞓醒就想搵啲野食 就落左去桃園食飯 叫左份咖哩牛腩飯食 一入去坐左門口附近一張卡位 張枱未抹過 我即刻叫個Staff幫我抹 都接受到個飯到左之後 想拎匙羹食個時 裝銀器個兜兜入面無匙羹同紙巾 又係叫人即刻換比我 不過都係無紙巾 我就用私家貨首先 個咖哩好好食 辣度有啲唔夠 味道整體都比你地平時出街食嘅咖哩高質 牛腩食落去都正常 咖哩入味 薯仔我就欣賞佢無削走個皮 好有質感 幾特別 而個飯我就 可能係 人地收工關係 飯都放得好耐 所以好多飯都硬嘅 我見人地收工就無叫人換 唯有係咁 ps 落單時叫個staff幫我 多飯多汁 都無做到 非常唔夠食 呢個價錢 份量都咁少 可以改善下 整體黎講 都好食嘅 值得一試

一家三口食下午餐。行高多次都無時間試。就今日試試吧。裝飾都幾吸引我。小小舊式裝飾好似去番50年代茶餐廳。地方乾淨。我都要求給張bb登比我小孩子。員工都好快手給我。看看餐牌。點了黑鴨腿湯飯同鮮茄牛麵餐。價錢合理。都快手送上。鴨腿飯分開湯同飯上。望就已經想食。先飲啖湯。得湯味。完全飲唔出鴨湯味道，失望。只覺得係普通湯味道。再食啖鴨。鞋同有雪味。我只係飲湯同食飯鴨腿無食。到謝生番茄牛肉麵。望又係好味。但食落去無味。又係失望。反而佢餐上包同蛋都過得去。奶茶都可以。但下次可以唔再考慮。

平時放假超級唔鍾意食茶餐廳, 因為返工一日都食足三餐㗎啦 , 不過呢間桃園製作係靚啲嘅茶餐廳, 我放假都唔知第一次食佢啦。 今日又再次嚟食佢今次食lunch ,嗌左一個咖哩薯仔牛腩飯, 另一個就嗌咗黑松露叉燒蔥花炒飯, 呢度如果嗌嘢飲凍飲就加三蚊, 不過呢度好在呢如果你跟咖啡佢係即磨咖啡嚟嘅。 因為我唔鍾意飲過啲港式咖啡比較酸, 我只飲即磨咖啡。現場環境坐得舒服嘅茶餐廳價錢又唔係特別平不過而家食飯係咁上下價錢佢賣相ok不過今次就少少失準角牛肉咖哩冇乜味呀淨係得個辣味杯茶今日好淡。。。。個炒飯冇黑松露味道 , 啲叉燒粒仲要乾到好似啲臘肉咁唯一今日冇失手嘅就係呢杯即磨咖啡同埋今日嚟食真係有啲失望因為好多烏蠅周圍飛我食一餐飯起碼撥手撥咗20次。😞😞

本人居住於慈雲山，對本區的食店沒有甚麽高要求，今次我真的要讚揚桃園制造這間餐廳，當然到餐必定是吃東西啦！由於這間餐廳閞在這個老人區，開幕時就有很多老人去佔領當茶博士，之後這餐廳不容許這種佔領行為才有座位吃東西，我决定到這餐廳一試跟大家樂比較，因為我比較喜歡魚柳所以點了魚柳早餐，當早餐送到我面前，魚柳真的很有份量，厚多士真的是厚，而且卜卜脆又熱配咖啡簡直是一流，而價格方面只是比大家樂多兩蛟，但份量和質素有差天共地之分。先講桃園的魚柳，本人光顧了幾次份量除了大之外，魚柳炸得香脆而炸粉又少，反而大家樂時常說用可持續捕捉的魚，不過每次上碟的魚柳細到好似條魚營養不艮錦樣，炸粉超多魚肉死實，去除炸粉，實際魚肉好似打邊爐果啲魚片禁上下，果然香港人賺到盡人工又少仲每年加價多次。我好奇地問桃園的員工，他們给我一個好的答案就是，魚柳早餐魚柳就是主角自然份量足，畢竟最好的是不用好大家樂那樣，要玩佔領行動先有位座，其實可能佔領行動都是由這些老人創造出來的。

呢間桃園之前都食過㗎啦, 今次就兩個人去食, 其實我好少可茶餐廳係放假嘅時候去食嘅, 不過上次食完都好食 ,今日又諗唔到咁是但食下啦, 但係今日嗰個質素明顯地下降, 應該嚴格嚟講係唔ok。 只係嗌咗兩樣嘢啫, 一個就係咖哩牛腩飯有隻溫泉蛋 另一個呢就係咩蒸鯇魚。 咁好啦 嗰隻焗牛腩飯嚟咗先嘅 , 隔咗一陣呢個蒸鯇魚都到埋啦 , 咁等咗陣都冇飯到喎 , 跟住我哋就問啲侍應。 原來呢個只係淨餸啫冇跟飯嘅, 我哋又眼大睇過龍睇唔到佢嗰粒米咁大粒嘅字, 唔緊要啦咁咪另外嗌個白飯囉。 最失望呢係嗰個焗咖哩牛腩飯 ,乾到呢無汁不特止啲飯呢都焗乾曬, 即係啲飯呢食落口係會乾到痴牙同埋好急吉嘅真係都乾到唔識形容碟魚就真係普通到唔普通囉唔知今日係咪唔同師傅啦杯奶茶實在太多奶啦咩叫個白飯之前張單環境都有心思嘅不過啲座位就唔係好舒服雖然闊落

原打算約朋友放工去食元氣下午茶的，但來不及趕在5:30前到達，但6點都未到又很難接收到咁早食“晚餐”。就即管試了試旁邊的◇桃園制作◇，向店員確認下午茶餐是到6點，就抱著一試無防的心態進店了。店內樓底很~高（以前曾經是超市），空間感十足。而店內燈光雖然偏暗黃，但燈光就坐桌椅上的上方，感覺不會很累人又有氣氛。大概是未到晚市時間，店內偏少人，店員安排了我們去坐卡位。坐定定回回氣之後，就各自點了一份「炸雞脾薯條」、「炸雞脾碗仔翅」及餐飲。同朋友聊了一回，店員就先送上餐飲，然後吹水不知時間到，兩份炸雞脾餐亦上菜了。雞脾熱辣辣，外皮脆脆，雞肉甜甜的，肉質偏爽實；而碗仔翅足料，啖啖肉絲粉絲木耳絲。食完碗仔翅回頭才吃炸雞都仲暖暖的，雞脾炸得剛剛好，用圓刀都可以把雞軟骨那骹位切開。三十零左右的炸雞脾餐大概有4款配對（忘了影餐牌 ）加上跟餐飲，同快餐店同價，但美味卻更勝一籌。突擊試吃的下午茶，令人有驚喜。加上店內氣氛不錯，邊吃邊聊又到了店員換餐牌的時候。驚見晚市一份鼓椒炒花甲才38元，反正想坐多陣又嘴饞，就多點了這份小菜。上菜時店員亦很有禮貌地問是否需要配白飯，我們婉拒後另要求送上兩杯水，亦爽快送上。然後

因為工作的關係，途經慈雲山中心。我又餓又累，發現已到了午飯時段，只想找一間餐廳飽餐一頓。找了一間座位較闊，坐得較舒適的餐廳坐下。餐牌上的選擇不算太多，點了ㄧ客香煎豬扒魯肉燥飯。飯餐送上來時，被它的大份量嚇了一跳。厚厚的一層飯鋪滿了碟底，而飯上面是一層魯肉燥和配菜。最上層是ㄧ大塊把所有飯和菜都完全覆蓋的豬扒，碟邊還有一隻一分為二的魯蛋。雖然我十分餓，但肯定吃不完這碟飯。不管了，馬上開動。先咬一囗豬扒試試，豬扒煎得外脆內嫩，一點也沒有韌的感覺。一口咬下時，滿口都是味道香濃的肉汁，很好吃呀！而肉燥是半肥瘦的豬肉碎，口感不會太亁，伴飯吃一流。最難得的是糖心魯蛋。魯蛋做得很入味但不會太咸，因為是糖心，所以感覺特別嫩。這裡的價錢大眾化，還有學生餐，怪不得能吸引這麼多顧客。

早前同男朋友屋企人去左慈雲山中心食Lunch，見有間新開的型格餐廳，所以入左去試試。店內的裝飾非常現代，唔似一般餐廳的Design。男朋友要左份漫泉蛋焗咖哩牛坑腩飯。黎到的時候，見到芝士高低起伏，係剛出爐的現象。將匙羹一插，就見到流心的蛋黃。不過飯底有待改進，如果係炒飯底，並乾身少少會更好。另外，蕃茄味可以更濃。另外，身為芝士迷的我就叫左一份芝士雞球豐盛脆麵。個麵等左30分鐘到先上到枱。一見到炸麵底的份量不禁嘩了一聲。另外，芝士雞球的芝士汁係超級濃郁！食落其實都可以，不過一個人真係食唔落了，兩個女仔應該剛好。另外，屋企人叫左一份香煎雞扒•滷肉燥•滷水蛋飯。雞扒都煎得幾香，滷水味還可以 。不過肉燥份量多少少黎撈飯，會更正。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

年30 吃午餐，到此嘗試新開張桃園制作餐廳.食裝修, 唯一好處是上菜很快.味道不值一提，鴛鴦仲要加好很多奶，一點啡味都沒有！點餐加油菜可以同你講唔識下單，最後不了了之！價格在慈雲山來講算貴！冇下次！

見呢間茶餐廳新開無耐，過來試下。第一次來呢間茶餐廳試早餐，早餐時間去到11:30，有10個人係出面等，發現入面有好多空位都叫人係出面等，有個阿姐唔耐煩都話佢地之後落單，叫左個沙嗲牛肉麵+腸仔，熱奶茶$32，個阿姐好似唔識落單咁，一定要叫number 16024，講左沙嗲牛肉麵+腸仔，佢就話叫左沙嗲牛肉，唔可以加腸仔，我話餐牌寫住喎，跟住佢先話係，再問我米線定乜，我話沙嗲牛肉”麵”呀。個沙嗲牛肉麵一啲味道都無，無沙嗲味，牛肉好乾，無諗過公仔麵可以咁難食，熱奶茶亦都好淡，無下次。