桃園制作粥麵餐廳 (慈雲山中心)

营业中

休息中

衛生絕對係致命傷，食左一半的五香肉丁米線突然發現一隻小昆蟲….全屍咁出現，大家睇相吧…………..即刻無食兼反映，店員即刻收走，最終取消左個餐…並提議換過個餐，但個一刻已無胃口食了… 腦海只有小昆蟲……….以前食都無咩問題，近來發現漏單，加等待時間勁耐，可能多左人堂食，好多時要等好耐先來齊食物，但而家連衛生都出現問題…唔只係環境，直頭出現起食物內……..最後直接把餐廳黑名單了，畢竟商場都仲有不少選擇…

連同小朋友一家四口，去開呢度食飯，唔同時段都試過，啲侍應都認得我地，但係今次真係令我想鬧人，無論食物定衛生都差到接受唔到。今次下午茶時段，我地叫左腸粉走醬，兩個焗飯（黑松露汁焗雞扒飯+茄汁焗豬扒飯），一個豬扒炒公仔麵，加碟油菜。呢啲全部係食開。首先講食物品質：1.腸粉走醬，無問題，正常可食2.兩個焗飯都可接受，可食3.菜正常4.豬扒炒公仔麵，平時老公同小朋友都好鍾意食，今次我老公食先發現成盤都係燶味，所有爆香料同麵都燶左，見到有焦黑左，完全無辦法入口，老公仲話食到火滾，真係我啱啱開始學煮時期都無咁誇張，仲話我都可以開餐廳，實好好賺。同侍應反應，佢地態度好好，好有誠意咁建議再炒多碟出嚟，我地已經差唔多食完想走，叫佢直接轉做外賣。點知過左2個鐘返到屋企打開想食，又係一陣燶味，好明顯見到啲食物係有燶左真係想問係咪咁趕時間？爆炒啲料炒到咁大陣燶味都無為意，直接上枱俾客？老公真係炆到想第二日丟返成盒野俾個廚師自己聞下，睇下佢食唔食得落另外衛生問題突然變得極差。我問侍應拎兩個細碗，結果兩個好明顯無洗過，因為上面係有大條魚骨喺度，我同侍應講，佢即刻換個洗得好乾淨嘅俾我，可惜已經嚇親我，我完全唔敢再用

外賣等左3個字 時間算正常 但發現我個外賣係一早整好左放左係餐車 無人理 號碼要出到938 我先問員工個外賣有未 我先知餐車個外賣係我嘅 仲要打開無蓋放係度 又多人出入 放左咁耐都唔衛生 要左多飯多汁又無做到 飯壓到好扁 食完都唔覺得飽 以前都會有啲蔬菜係飯到 而家無 雖然講係外賣 但我行返屋企都唔洗十分鐘 外賣只係微暖 要我返到去再叮熱 而且咖喱個味道得死咸 又唔香又唔辣 比以前食個時 真係完全係2隻味黎 咁嘅質素咁嘅價錢 我不如去食大快活仲好 唔會再食呢間餐廳…..

今日黎慈雲山食午餐我叫左蝦仁抄蛋飯$53，抄得好好，佢係用一大塊蛋包住，入面有飯同蝦仁，蛋抄到金黃色😋😋而佢個飯跟個醬汁，你可以自己決定落幾多👍👍午餐仲跟杯飲品，我叫左熱華田，熱飲唔會細杯左，抵贊👍👍整體評分：4/5味道：4/5環境：4/5

冇得輸，真係冇得輸。第一個豬扒飯，大大份，味道又好食，價錢唔貴只係50幾蚊，有一杯嘢飲，午市因為佢夠晒大又唔使等位，真係好多慈雲山人成日嚟嘅聚腳之地。大家如果黎開慈雲山記得去試吓。

在家附近買餸前吃個下午茶，第一次幫襯桃園，內部環境整齊，暗暗的，3位侍應生，服務也殷勤。和太太二人點了酸辣米線餐黃金魚片大路貨色，便談下香煎雞扒吧。香煎雞扒酸辣米線賣相討好，湯頭酸辣適中，米線也煙韌軟滑。但雞扒便沒什麼味道，又煎過了火，皮脆，但肉不嫩有點硬。35元一個簡單茶餐，可以了。

幫襯咗午餐，覺得overall質素都好好。叫咗三個餐包括京都焗豬肉排、薑蔥豬潤米粉、皮蛋瘦肉粥年混醬腸粉，3個人share食。個人好喜歡混醬腸粉覺得都幾好味😋、腸粉幾好食，配皮蛋瘦肉粥真係正嘅。薑蔥豬潤米粉個米粉就比較奇怪，質地係比較硬，唔係平時喺街食開嗰款。呢間食物質素總括嚟講都幾高分，但係負責執枱同埋準備餸菜嘅職員實在太少，人手嚴重不足😖，可能等待送餐嘅時間要耐，趕時間者並不適合。

去左桃園食lunch. 唔洗等位突然之间間想食蒸飯，發現午餐餐牌上有好蒸肉餅，所以叫咗佢啦另外系餐牌上有得加18定19蚊有一隻咸肉粽，想食所以都叫咗蒸飯話要等大約等十五分鐘左右佢哋家嘅白飯系會藜麥所以感覺上會健康好多十五分鐘左右，餐到啦～肉餅質地系半肥瘦，所以唔會太硬亦都唔會有林pet pet（加咗葱）（来一个近鏡吧!!!底下有佢嘅肉汁精華）隻粽系最先到嘅，不過賣相就有些少唔吸引人（好濕潤嘅感覺. ..）賣相唔吸引，可能食落去嘅感覺唔同呢. 食左落去之後冇太特别，就系粽一隻嘅感覺. ....(有綠豆/咸蛋黄/五花肉系入面)

$30食得啲乜嘢？如果喺旺角銅鑼灣，食碗粥都$30啦，食個冇餸嘅麵都差唔多呢個價。但係慈雲山大大份有米粉有多士有炒蛋仲要有杯嘢飲都係廿零蚊， $30有找，去邊度搵呀？嘢食質素仲要幾好，睇嚟慈雲山係好適合食早餐嘅地方。

桃園在慈雲山開了好幾年，以前試過堂食普通，因為疫情關係叫多左外賣，偶然一次試過覺得唔錯，自始就成為我地一家嘅飯堂。早餐、下午茶、晚餐都試過晒，食過幾十次，水準幾平均，偶然一兩次失手，唔知係咪果次轉左師傅。總括嚟講係值得食嘅。不過今篇唔係想講嘢食，而係想特別讚下啲飲品，呢間係少數嘅餐廳因為想飲佢嘅飲品而食🤩 最初我哋飲開奶茶同凍奶茶，係好飲嘅，後來試過凍檸水，佢杯檸水係打碎檸檬肉嘅檸檬汁整，好好飲，無諗過茶餐廳會咁有誠意，超級驚喜😋 之後我哋試凍咖啡，咖啡味香濃，唔苦，咖啡及奶嘅比例剛剛好，似出面cafe飲到嘅凍啡味，我同老公都覺得非常好飲😍 平時我哋出街食飯好少叫凍啡，因為凍啡好多餐廳都唔好飲，一係偏苦，一係偏酸，太多奶/太少奶，太甜等，但係呢間茶餐廳嘅凍啡真係好出色！忍唔住要寫個post真心讚下今日為左影相特登叫左個外賣，有機會大家不妨一試，可能你都會愛上

Home office有度好，就係可以瞓晏啲、食少啲。慳返每日來回嘅車程，每日瞓多兩粒鐘不知幾爽，而且食完個大早餐，我通常可以捱到五六點先再食 #下午茶，咪以為咁樣可以瘦咗... 好多時下午茶都係食啲junk food👉🏻👈🏻 哈 鬼叫自己唔忍得口咩？🤪呢日答應咗 #媽媽 幫佢去商場買啲嘢，咁啱「桃園制作粥麵餐廳」就係附近，一於食個 #茶餐先做嘢啦🤪 餐牌上嘅食物鬼死咁邪惡，不過我最終都揀咗 #炸雞髀 拼 #西多士，#餐飲 再嚟杯 #紅豆冰... 你話肥唔肥吖😅 食物應該係 #即叫即炸 嘅，所以都等咗一段時間🤤 熱度就夠喇，不過隻 #炸雞髀 有啲雪味，件 #西多士 反而唔錯，厚厚嘅 #方包 中間搽上 #花生醬，面頭再淋上 #糖漿，口感夠晒豐富🤤 不過食埋呢餐，果晚真係唔敢再食晚餐喇🤨

今日同同事去左附近商場嘅餐廳食飯。今日去嘅係桃園，呢個都係我哋其中一個飯堂。佢lunch都幾抵食，有時候唔想食咁多野剩係叫粉麵都好平，30幾蚊。我今日叫咗牛番茄牛肉湯米線，佢可以轉公仔麵或者米粉，我自己都覺得幾好食，同事話呢個蕃茄湯又變濃咗，埋單同埋40幾蚊，仲有炒蛋同埋多士(雖然呢塊有d lone)。野飲加幾蚊叫左個呢排新出既特飲，係桂花荔枝，好香同埋好好飲，又唔會太甜。加埋都係50蚊唔駛，正呀。佢個menu有好多選擇，唔會好易悶！

呢排天氣熱，多左上黎慈雲山搵食，今日就試下桃園先。事實上，外賣自取優惠，係桃園真係唔算多，而我選擇左佢有個餐，有：蔥油雞同芥菜炒肉片，盛惠九十八元正，而我再加多二十元配藜麥飯同湯。以份量黎講，真係唔算抵，九十八就真係只有兩個餸，雞的份量無半隻，芥菜炒肉片份量都唔算多，但兩者的味道都係唔錯的，而湯係猴頭菇湯，味道還可以，但飯就真得好少好少藜麥吧。整體而言，我真係嫌份量同價錢唔成正比，九十八元至少都有埋飯同湯吧。

大節過後，又係時侯 #清清地😏 不過如果要我餐餐食「草」似乎又寡咗啲... 落街食碗 #粥 都唔係太過份啫😚 勁鍾意食 #蠔豉 嘅 #小秘書，一直都好想試吓 桃園制作 嘅 #瑤柱蠔豉豬骨粥，今次機會嚟喇🥳#粥餐 可以自由配搭 #混醬腸粉 / #豉油王炒麵，可惜 #腸粉 已經賣哂，即係我無得揀啦😅 咁我要求 #服務員 喺 #炒麵 上加啲 #甜醬 啦。但係 #服務員 居然答我「無㗎喎」... 當時實係好想問佢咁 #餐牌 上嘅「混醬腸粉」係咩嚟㗎😏#炒麵 無咩味道，不過口感唔會太油膩，算係咁啦😌 至於碗 #瑤柱蠔豉豬骨粥 就認真麻麻，味道太咸，完全食唔出有 #瑤柱 / #蠔豉 嘅味道🤪 #豬骨 呢？無肉嘅、得層皮😅 好在 #粥底 煮得幾綿... 就當填飽個肚啦😏

星期日晚去桃園制作食晚餐,不用排隊,很快有位,桃園制作餐廳環境装修都好有香港特式,坐得舒服.晚餐的碗碗碟碟和餐具要自取,最like佢D熱水好夠熱,而且加左檸檬.晚餐的選擇都好多,但價錢唔算親民,我們叫左個晚市自悠選,一個主菜,三個小菜,另加一碟炒蜆和燉湯.個燉湯都算足料,大部份的餸都比較鹹,一定要餸飯,炒四季豆都爽脆,但馬拉盞炒通菜牛肉,D通菜好多渣,炒蜆都好夠辣,但唔夠鲜甜,全晚最好味是條鼓汁蒸鱼,蒸到剛剛好,超级滑,好味！