影片
招牌菜
又系阿女一年一度嘅生日party. 今年个party系以狗狗为主提, 所以特别揾师傅做咗个狗狗蛋糕! 师傅手工一如以往, 做出0黎嘅蛋糕只有比想像中更好, 不用担心货不对版! 赞!! 蛋糕上的小狗不只是cream, 而系鲜忌廉什果蛋糕, 一点都不腻, 味道一流! 除咗蛋糕之外, 本人十分喜欢饼店提供嘅送货服务! 就算系屋企搅party都可以轻松自在! p.s. 上次妹妹个Pepper Pig Party忘记share相片, 而家补番. 蛋糕上的相片系可食用嘅朱古力, 够特别, 唔系间间饼店都有架! 0个次仲特别揾师傅做咗piglet burgers 个burger卖相特别之余, 芝士火腿肠仔又咁晒小朋友口味! 赞!!
继续阅读
我老板6月2日生日，我同个同事帮他庆祝。6月1日上网search到Uncle David Bakery (Cake online) 已经感觉不错。觉得蛋糕应该几好食，就胆粗粗试下订2磅黑夜浓情(Double Chocolate)俾老板做生日。到6月2日个蛋糕攞左回公司，大家见到已经流晒口水，因为卖相好attractive。滑溜和光亮的面层朱古力，见到即刻想咬`落去。个个系度等..时不时又去睇下个蛋糕...到真系食时.....哗...想死!!!!!!系好食到想死呀!!!! 全公司人都话超正...又滑、甜度适中同埋朱古力味香浓。所以HKD210.00, 值呀! 好嘢!!! 好食就系享受嘛...
继续阅读
刚过去的端午节 Uncel David 举行了粽子义卖, 老板将全数收益捐出帮助四川灾民. 虽然我事后才知此事, 但我对此举十分欣赏和敬佩!此店老板亦经常为客人制做健康糕饼同面包.推介: 无反式脂肪曲奇
继续阅读
原来openrice 有呢间uncle david’s bakery 既资料, 果然系非一般既饮食网站, 我在丽城花园返工, 所以经常光顾呢间面包店, 有时仲会早餐, 午餐都去买佢地既面包或蛋糕, 无论系第二期, 还是第三期既店舖, 佢地都有自设厨房, 所有面包和蛋糕都系出自佢地既厨房, 所以产品既新鲜程度当然高过连锁式面包店, 不过, 以我既观察, 有某些面包蛋糕, 会由第二期运往第三期, 某些又会由第三期运往第二期, 不过路程只需五分钟, 而且全程都有用盖盖好, 所以不会影响产品质素!佢地既面包都几软熟, 不会干僧僧, 份量适当, 价钱亦合理, 而种类亦逐渐增多! 蛋糕类别, 例如纸包蛋糕, 蛋白蛋糕都系我既心头好, 够软熟, 不甜腻, 至于冻饼既种类都有好几款, 我只试过其中既一两款, 例如芒果卷, 黑森林卷等, 不过, 唔算系好好, 比较普通, 味道亦只属一般, 但销量却唔差, 有时收工经过, 见佢地既冻饼已卖得七七八八!另外, 佢地仲有曲奇饼, 都系佢地自家制, 几香脆架, 我d同事好钟意食!
继续阅读
估唔到丽城的Uncle David's Bakery都可以在Open Rice找到，确有点愕然，不得不赞OR编辑们的神通广大。早餐仍然是自已顾自己，在楼下的面包舖买。没心水，只拣了两件独立包装的蛋糕仔，扮叹左英式Scone。蛋糕仔没有馅，只有几粒提子干舖面，买牠也只贪其独立包装。吃一口，也不错，几松化咁，提子干更增加口感，实在不错。两件松饼，一杯热啡，又是一个醒神的早上。
继续阅读