校長燒肉日韓料理 (沙咀道) (已結業)

諗住下午五點鐘冇咁多人，去到就算訂咗位都要先攞飛排隊， 提前五分鐘就可以被安排入座。其實以$118收費， 又唔會要求佢嘅肉類好有驚喜， 比較有印象嘅有秘製叉燒同雞扒。至於熟食，有個炸芋泥丸我覺得幾好食， 泡菜都ok。原來五點鐘時段雪糕櫃暫停，只有軟雪糕供應，時日有蜜瓜味同乳酪味軟雪糕，可配上不同小糖果， 例如有棉花糖和朱古力。 軟雪糕水份比較重，我前面個小朋友話呢杯唔係軟雪糕，似刨冰多啲， 我都有同感。飲品櫃選擇都唔少，有蜜桃梳打冇咁甜， 亦有酒精飲品可供選擇。

校長係元朗都有分店，不過一直都未有機會試，今晚係荃灣買完野見到荃灣都有，仲有好多人排緊隊，羊群的心理，見人排，我又排，咁就俾佢吸引左入去。食物質素很好，超多款式揀，性價比高，我地7點開始排隊，7:10分開始安排入座，放題時段係7:15-9:15，限時120分鐘，$198/位，未計加一。荃灣分店超大間，今晚雖然係平日，但都坐滿9成。呢度係採取自助形式，所有食物、飲品、醬料都係自己出去拿，以為只有韓燒火鍋放題，估唔到連刺身都有，刺身有三文魚腩、帶子、八爪魚、希靈魚、甜蝦、蟹棒、仿鮑片等等。仲有好多熟食、沙律、甜品、雪糕等等，飲品都有超多款式揀。刺身肉類醬汁區火鍋湯底火鍋配料熱食甜品及生果雪糕櫃飲品估唔到維他奶都有

每次經過荃灣都見到有長長的人龍，搞到我心思思都想去試吓，點知一試就中伏。店入邊嘅裝修都幾好幾有心思，入到去嗰下都覺得感覺幾好但係發現食物選擇比較少，佢唔同一般嘅日式燒肉，提供既都係黑椒牛扒，香茅豬扒，雞翼等比較平嘅食物。而且啲食物感覺係好唔新鮮😔唯一讚既係呢到都有幾多甜品種類，同埋雪糕可以揀見到有好多人都係讚呢間燒肉好抵食，質素好好，但係我覺得都係有啲吹大左😔😔而且我食嘅時候係晚市7:15 ，成人要$198一位仲要有加一，略貴，可能係體驗麻麻哋所以覺得有啲貴，只可以講呢個食物嘅質素真係唔值呢個價錢。有d失望😞

去一田購物，預早做好資料搜集，Openrice 評價好高，所以訂定枱，7:15入座，但7:00已經要到樓下排隊，仲要行樓梯上兩層到達目的地。餐廳好大，一入去係刺身部，每人每次限選3款，因為有好多其他食物選擇，所以刺身部唔算好多人。熟食又有好多野揀，有炸物、湯、蔬菜，店員添食物的速度好快~雪糕選擇多，仲有甜品。燒烤食品種類都好多，有用唔同醃料醃的肉食、有蔬菜、腸、餃等等。仲有一個火鍋角落，自助準備湯煲湯底，仲可以一邊燒一邊滾，節省時間食多D好野。飲品櫃都有幾個，除左一般紙包及罐裝飲品，仲有酒精飲品，熱茶、果汁等等。兩個鐘真係唔係好夠時間食，價錢便宜。

啲餃子🥟超好味，而且啲餡料都好多，又唔會剩係得啲皮味，啲韭菜都好多啲炒飯都好好食，啲料都多，唔會正係得好多白飯金茹肥牛都好好味三文魚飯，的三文魚都好多啲炸物都唔錯，選擇都好多

日日行過這間“韓式燒肉”都排隊等位，上網睇到食評都唔差，好似幾正唔咁，所以襯星期六晚一家三口嚟試試；我自己早啲嚟攞定飛，嚟到7點未夠都要等成大半個鐘先至有位，之後就越嚟越多人，至少4-50人等入場；我地齊人有位就入去開餐…裡面基本上是滿座，好在個場夠闊落，坐落不會有擠迫感；食品方面韓燒、日式放題基本上有嘅嘢都有，都幾新鮮，太太細路都話唔錯，都今時今曰咁嘅價錢、咁嘅食物質素算係抵食，當然、較為大食嘅我就覺得好抵食；食完埋單都成九點幾，樓下仍然有不少人等位，下次再嚟真係要電話訂位先!

幾名朋友相約在校長燒肉晚餐，中午特地食少點飯，因為要留肚食 燒烤火鍋放題 在樓下 已經聚集很多人群等7：15分上樓。餐廳環境好大，全場滿座，咁受歡迎未食已經知道一定好味道，熱鬧的氣芬亦令人 胃口大開。選擇非常之多，肉類， 丸類， 蔬菜， 海鮮通通都一格格整齊放好，名字也清楚排列每一枱都送贈了一盤豐富的海鮮肉類拼盤 甜品，炸物應有盡有 一定要推介三文魚 刺身，全部都是 魚腩位置，油份充足帶子刺身也鮮度十足😍😍😍熟食方面我最喜歡是咖哩炒蟹，豆豉炒海蜆也是頂呱呱， 最值得讚賞的是食物補充得很快，就算宵夜時份也不會 缺少選擇。飲品選擇也超級多，除了酒類，茶類，一般的 汽水之外， 竟然還有麥精維他奶，很是驚喜

在幾個月經過元朗已經見到有一間校長燒肉店，我在外看見店內坐無虛席，但由於當時已吃了晚飯，心想下次會試吓，到上星期終於可以試吓因為我住在荃灣而校長燒肉店在荃灣開多一間分店，真好彩我們等了不久就可以入內，店內如一般的燒烤店一樣林林種種的燒烤、火鍋食材外另外還有湯、熟食、棘身、甜品、飲品，所以真的很多食物供應任君選擇，令我較心刻印象就是有很多花茶選擇，食完一頓豐盛晚餐後和朋友傾談慢慢嘆一杯花茶將一日工作的疲累舒解了！我個人覺得將燒烤店和自助餐混合一併，二百剩元的價錢好低！

校長燒肉竟然有早餐我就專登去探一探，睇下有咩食竟然有無限添飲！！一杯菊花蜂蜜之後仲添飲左奶茶仲可以有咖啡，檸茶，檸水四個人嗌左三個餐，個人認為韓國麵唔錯其次螺絲粉都唔錯係fb有活動，第二個餐仲可以半價

承蒙朋友邀請來到一間集放題，燒烤，火鍋三合一嘅料理店。我哋吃7:00pm, 大排長龍, 裝修很特色，去到已分開唔同嘅類別，有火鍋料區，燒烤料區…有老火湯，有多種類飲料，有甜品，生果，包羅萬有… 五顏六色嘅腸，丸類，青椒啦，菠蘿啦等等供火鍋燒烤亦可。甜品類别令我垂涎欲滴還有雪糕機可以玩耍，有我最愛嘅鹽味雪糕球等。有梅酒清酒任斟唔嬲。他的日式刺身亦很正，三文魚腩肥瘦均勻。 不得不提燒烤類别像虎蝦咁大隻又彈牙又新鮮，牛肉唔肥脂肪分佈均勻，有牛肉味，燒腩肉更是出色脆脆的邊口又香又脆。食到滯滯地仲有花茶，沖返杯花茶消滯又心曠神怡。價錢又唔貴，200元樓下，集放題，火鍋，燒烤的不二之選。

由於好想食燒肉加火鍋，去了位置荃灣呢間嘅校長燒肉日韓放題。我們一行兩人，食17:00時段，準時開始，位置喺2樓。燒肉方面：好新鮮，很多種不同類型的食物，例如可以燒嘅肉類有好多不同種類而且預先調味料，就算不加醬料也很夠味。燒烤爐更配備牛油紙，減少烤焦了的風險。火鍋方面：湯底可以選麻辣，豬骨，壽喜燒。我們選了壽喜燒湯底，不會過甜，而且香濃。火鍋配料有數十款，由菜到肉到丸類，仲有熟食例如炸物，好豐富。而飲品都有好多類別，有酒精類同汽水/菜類。

這店的食品種類十分多，幾乎說得出的都有。不但有韓燒，又有各類刺身、不同的熟食，還有火鍋😶...燒肉的種類真不少，而且好味。牛肉不肥，脂肪分佈均匀，我最怕就是一大片肥膏，見到就不想吃，但這裏的絕不會過肥，而且很有牛肉味。蝦亦很新鮮，肉質爽口，又大隻，頗有口感。這裏的刺身質素也不錯，尤其是三文魚魚腩，每片都是厚切，脂肪紋理相間清晰，十分有口感，又新鮮。帶子也不錯，很鮮甜，墨魚片值得一讚，入口十分爽脆，不腥。火鍋生料選擇也不少，吃燒肉吃膩了，吃些火鍋也不差。這裏的響鈴幾好味，不會太林，魚腐也不錯，幾彈牙。吃些青菜調和一下果真不錯。而這店的熟食味道不錯，挺有水準，真有些意外。豉椒炒蜆十分惹味，辣得來很香，廚師抵讚。又有我喜愛的炸物，尤其是芝麻雞翼，外皮香脆，内裏仍有肉汁，不錯！還有不少甜品，又有很多款雪糕、雪條，最重要的有我愛吃的海塩雪雪糕。平均每人不用二百二十元，都算抵食，真是大快朵頤！

My families and I went to a restaurant called “Captain BBQ buffet”(校長燒肉日韓料理) located in 2/F, Jade Plaza, 298 Sha Tsui Road, Tsuen Wan（荃灣沙咀道298號翡翠廣場2樓）.The buffet costs HKD$198 each adult.Customers can enjoy Korean BBQ with several dozens of protein such as beef,chicken ,pork ,fish and squid...etc.I recommended the bite size beef cubes（一口牛）which is very juicy and sweet. Not bad!There are also a dozen of Japanese sashimi provided on an unlimited basis.I highly recommended the thick cut salmon (厚切三

女朋友住係荃灣甘耐，食黎食去都係果d，不過都好好好enjoy, 太多美食反而好難揀。難得explore 下新野，已經好興奮。食之前，睇左食咩，見到又燒肉，又邊爐，又刺身，簡直係出奇過出奇蛋，滿足哂三個願望。一去到，坐底，好乾淨，好多野食揀，當然一開始要食拒過主菜-燒肉，拎左雞扒，chicken wing, 牛扒，牛肉粒，豬扒，紅腸，雞軟bone, 多春魚，好味好yummy. 到飲品，又係super 多選擇，仲要有啤酒，燒肉加啤酒，人生一大樂事。之後，食埋刺身同邊爐，仲有甜品，已經飽到講吾多野......

朋友介紹左一排，琴晚終於約左試校長燒肉，期待以久🤘🏾我地book左9:30個輪，去到未夠鐘出面都已經好多人等緊💁🏾‍♀️ 一上到去，地方幾寬敞，兩個人坐卡位一啲都唔迫！一入到門口已經係食物區，係韓燒，打邊爐，魚生放題三合一呀😍勁多選擇！我唔太好肉，所以韓燒夾左雞軟骨同內藏，仲有菇同牛油粟米🤤燒雞軟骨實在太好味，勁脆同好有咬口👍🏾食食下又忍唔住去拎個鍋打邊爐🤩腸呀菜呀丸仲有冬菇都正！竟然仲有扭扭粉，我最愛！最後食左兩枝童年回憶牛奶樂作結！抵食！