校長燒肉日韓料理 (西裕街)

营业中

休息中

都好幾年冇嚟過元朗，今日趁屋企人生日我哋去元朗食餐飯。去到環境都幾大。咁食物嘅擺位都好有條理。首先講吓燒肉個方面好多款選擇：雞扒有麻辣同原味仲有印度風味嘅雞翼。雞軟骨都有唔同嘅口味有印度咖喱味等等。啲調味都做得幾特別。咁如果唔想慢慢燒又想食下小食嘅朋友你可以去炸物嗰度拎食物，有洋蔥圈啊、麥樂雞、雞翼同埋薯格，都可以頂下癮。我幾欣賞佢呢度個爐，佢有塊底紙，咁要換嘅時候就唔使成個鐵盤換，更加方便清洗同方便客人。之後我哋就可以開始打邊爐，咁佢有餃子雲吞等等而我就揀咗唔同嘅蔬菜類，有好多我鍾意食嘅菇菌，鮮冬菇，雞髀菇，金菇等。而飲品方便除咗有平時常見嘅罐裝飲品之外我好鍾意餐廳有佢自己調製嘅低糖綠茶。比起平時嘅包裝飲品嘅無糖茶呢度有少少糖調味就會更加飲得開心同順口，個綠茶味都幾重同埋幾香濃，我都飲到的停吾到口，如果啲茶葉嘅雜質少返少少就更加好。係食燒肉嘅時候飲綠茶咁就可以冇咁油膩同埋又係低糖比較健康。 食到最後咁我哋就去揀甜品食，不過要夜晚先至有雪條或者雪糕供應。晏晝嘅時候就有布甸或者啫喱等，其中可以自己加其他配料例如蘆薈粒椰果自由配搭自己鍾意食嘅嘢。呢個都幾好而且環境夠大，舒服自在。咁簡簡單單

之前幫襯過西菁街嗰間校長，猶記得質素都唔錯，搬咗過嚟新舖呢邊之後咁耐都未試過，今日就過嚟試下。新舖呢邊比舊舖大好多，估計都可以坐多兩倍嘅人客，間舖頭大咗，食物嘅區域又大咗，連款式都多過以前。 坐低之後首先就梗係猛攻一輪刺身壽司先啦，刺身有三文魚、吞拿魚、帶子、螺肉、蟹棒同埋甜蝦， 每次每款限取三片，走多幾轉，保持新鮮。 壽司同卷物方面都有成十個八個選擇，特別鍾意火炙三文魚腩同埋鰻魚壽司，前者夠肥美，後者有我至愛嘅鰻魚汁，無得輸。燒肉方面都有十幾廿個選擇，每款試一塊都飽到食唔哂，其中個美國特級牛扒真係令人喜出望外， 雪花均勻，口感豐腴，絕對唔似放題會食得到嘅貨色。 雞翼都醃得相當出色，蒜香咖哩孜然麻辣，總有一款啱你口味。 滿足完一輪"肉"望之後，甜品除咗放題唔少得嘅西餅泡芙啫喱燉蛋之外，仲有比較少見嘅冰菠蘿同冰西瓜，為今晚畫上一個圓滿嘅句號。新舖比起舊舖有過之而無不及，可以番兜。

之前去過荃灣嗰間校長燒肉，我見元朗都有一間，今日咁啱有事要入去做少少野咁就一於同老公再試吓啦，呢一間嘅分店比荃灣大好多而且作為都舒服好多闊落！每人都係$170左右帶食物同質素方面CP值都好高，款式種類好多而且每一樣嘅菜式都尚算新鮮，最出奇嘅居然有點心，疫情期間都好耐冇去酒樓飲茶啦喺呢度過癮下都唔錯，至於壽司方面都幾新鮮，總括來講每一樣食材都唔錯咁嘅價錢食到好飽又滿足，疫情過後一定要再嚟幫襯過呀！！

這日，和爸媽一起到位於元朗嘉城廣場附近的校長燒肉晚餐，全因朋友說，元朗店面積比荃灣店更大，食物選擇更多，一於去看個究竟。我們選擇在黃金時段入座，2 小時任飲任食，足夠了。烤肉，炸物，自助餐，甜品，火鍋，啤酒， 汽水， 雪糕，通通都有，好吸引呀～入坐後，發現食物比想像中更豐富。熟食方面，竟然有：蒸鯰魚柳～味道甜甜的。清蒸倉魚～新鮮且肉質結實。甜酸咕嚕肉～ 酸酸甜甜的，好開胃。蒜蓉豆豉蒸排骨～排骨蒸得入味，不會過鹹。日式蒸蛋～入面有點蝦干，感覺似家庭式蒸蛋。碗仔翅～內有粉絲，雲耳， 冬菇絲。有趣的是，先生什麼都不食，進場就取一支雀巢甜筒，和包裝好的冰凍豆腐花，放題有甜筒，我也是第一次見，哈哈。生肉的種類也不少，有常見的豬牛羊雞，魷魚塊，多春魚等，最欣賞，是職員預先包好的金菇牛柳卷，有心機。其他還有蒸點心，雜果沙律，炸洋蔥， 炸魷魚鬚，炸春卷，冬瓜人參雞湯， 泡菜， 紅油筍塊， 鰻魚壽司等等等...海鮮有凍蝦，長腳蟹，青口。食的時候，枱面有剪刀，可以先把硬殼剪開再食。刺身有吞拿魚，三文魚， 八爪魚，希靈魚等，我最喜歡的，一定是甜口的帶子和個頭大的赤蝦，滿滿的蝦肉，爸爸不食生蝦，把蝦隻放進鐵板

身為屯門人，成日過元朗搵食，因為選擇真係多好多😝😝今次同朋友平日黎lunch，放題有3個價錢選擇，任燒肉就最基本，另外可以加任食火鍋，或者任食刺身，我地揀咗最便宜$88既任食燒肉 90分鐘相比起牛角等既放題，肉既質素一定無得比架喇，但係呢到選擇好多，吾同味道既牛、豬、雞，仲有少見既雞軟骨、魷魚鬚、三文魚腩，實有岩食既野👍🏻👍🏻除咗燒肉之外，壽司都可以拎，三文魚、燒三文魚、腐皮、蟹柳壽司，refill得好快仲有熟食同炸物，炸物都吾錯，芋圓波波雖然係啲飽肚野，都忍吾住食咗3粒熟食就得個人蔘雞湯好飲，筆到底仲有成隻雞🤣🤣，其他就馬馬地喇，每樣試過下，吾會想encorelunch無雪糕，淨係得啲奶涷、啫喱，吾係幾吸引總括嚟講，呢個價錢食到咁多野，算係好抵，加上服務都唔錯，可以再戰！

校長燒肉係我同朋友既飯堂之一 貪佢選擇多 燒肉 刺身 炸物 甜品 飲品多元刺身有三文魚帶子 同時仲有長腳蟹tim 都算新鮮甜美Sushi就試左蟹肉壽司 火灸三文魚壽司 同 曼魚壽司 質素都OK 唔話會硬班班自助區燒肉料應有盡有 有扒類 雞翼 腸仔 豬腩片等等 不能盡錄 醃味夠口感有 燒完加生菜/飯上 可中和油膩感同時亦有炸物區 有薯角 炸雞粒 章魚丸子等 都算夠熱夠脆甜品就更令小朋友們開心 最特別係有西瓜冰 另外亦有海鹽雪糕 Dreyers甜筒 整體來說性價比高 加上選擇多到可岩唔同口味既人 食物環境亦OK 推薦!

呢間校長燒肉真係好多選擇 有火鍋 有韓燒 亦有日式刺身壽司放題 我地就揀左韓燒同刺身放題 價錢方面又唔貴 cp值高韓燒方面 選擇有好多款豬方面特別既有豬仔粒 姐係一粒粒方形既豬肉粒類似牛柳粒 食落易入口又彈牙juicy 另外又有辣韓式豬扒同豬頸肉等等 選擇多到餓你花多眼亂雞方面有秘製巴西辣雞翼 另有原味選擇仲有唔同味既雞扒可以揀 有辣有唔辣 辣味唔算太出 但醃得好香 雞扒大塊又juicy 另外仲有雞肉串，雞柳等等可以燒 有好多選擇醬汁方面亦有好多款 有辣椒醬 芝麻醬 醋 連柚子蜜都有 可以自製各種唔同款式既燒肉 我地就用左個柚子蜜來整柚子蜜雞翼 唔錯枱面都有啲粉比得地燒緊個陣加落去飲品亦有好多款 有汽水啤酒等 而另一邊亦都有一d特別既酒可以揀 例如係梅酒同清酒 特別既係佢仲有花茶可以自己沖 配搭上係好多款式甜品方面 雪糕只得晚市先有 午市得啫喱tiramisu 仲有自製既果凍等等 選擇上都好多

這次跟太太及外父外母來到元朗，試一試這家校長燒肉，跟荃灣的有什麼分別首先，這裡的店員態度不錯，帶位的非常有禮貌，而他們收碟或換燒烤紙時都很有效率環境方面，餐廳面積頗大，座位有足夠的相隔距離且坐的很舒適而放置食物的區域同樣空間很大，令人不覺塞迫這家是任飲任食的餐廳，食物的分區很清晰飲品區這裡有很多選擇的汽水及罐裝飲料，同時亦設有花草茶及日本酒自取刺身壽司類有各式魚類的刺身，更有虎蝦的刺身而壽司份量較小件，方便客人多試幾款前菜冷盤類選擇很多，冷盤有海鮮類如長腳蟹、凍蝦等等前菜及沙律種類亦多，其中有秋葵及甜番薯仔湯品類有冬瓜盅及清熱的薑湯熱葷類熟食種類比荃灣多，有蒸魚、豬扒、咕嚕肉、避風塘炒蝦等，取完後更會換上不同的菜式呢炸物類有章魚丸、魷魚圈、炸饅頭、魷魚鬚、葡撻等，選擇真的很多甜品類各式的果凍、奶凍、布甸、蛋糕、豆腐花，應有盡有另外冰箱有多種口味的雪糕及新口味的甜筒，花多眼亂整體來說，此價格可以任食這麼多種類的食物，非常划算，讓人想再次光顧呢

一次過可以滿足不同朋友的口味。第一時間當然就係諗到cp 值高的-校長燒肉日韓料理！環境更加不用多講，因為裝修過之後餐飲提供款式琳琅滿目！令人不知從何進食好！一進門口就有種感覺-就係返學校！因為好多以校園班房名做主題！一開始就關注冰箱😅有好多不同的飲品，更加適合啤酒🍻不離手的朋友仔！寿司🍣刺身品種就比較少，每次只限每人三款二件。而燒肉品種就比較多選擇，諗到的肉類都差不多有齊，肉質口感都不錯。仲有火鍋🍲。意想不到竟然有點心食.......真係一次過滿足所有人。食飽之後，當然少不了甜品，因為品種多，只賞試左冰西瓜🍉同好有豆味的豆腐花！真係cp 值不錯的選擇。最後還可以泡返個喜愛的花茶，消耗一下丰富的自助晚餐。

之前次次經過都見到好多人排長龍的校長燒肉日韓料理，今日終於找到時間一試。今日預約約了第三段時間，差不多7點15分就可以入座。一張枱有共兩個爐，一個是火鍋用的，而另一個是燒烤用的。我們很快便出去取食物，餐廳是以全自助形式外出取餐，而職員都不時提醒要記得戴口罩出去取食物。而食物就大約分四個類別，有日式魚生壽司，生冷肉類菜類，熟食類和甜品類，一開始我們就試日式熟食再加韓式燒烤。我取了一些帶子，魚片和海蝦再加上一些壽司，例如三文魚和鰻魚等。魚生同壽司味道上都鮮甜美味，雖然說不上是頂級，但都算不過不失。而燒肉方面，有不同用了的牛，豬和雞件等可以選擇。由於非常容易燒焦鐵板上的牛油紙，職員都會經常主動幫我們換一張新。而我覺得比較意外的是餐廳竟然有提供長腳蟹，雖然蟹腳並不大，但鮮甜又帶點鹹味，十分好食。另外，飲品方面比較特別的是餐廳提供一些花茶讓客人自己沖，我是第一次見到，感覺好新奇。整體而言，味道不錯而且款式選擇多，最重要的是每人平均只需要二百多元，cp值極高。

星期六晏咗起床，想歎個游閒午餐，於是和朋友到「校長燒肉日韓料理」嘅元朗店，點咗午市燒烤火鍋刺身自助餐，由2：00食到3：30。樓上卡位闊落，飲品櫃嘅罐裝及紙包飲品，種類多不勝數，仲有日本清酒及梅酒自己斟，還有各款靚茶自己冲，真係啱心意。係日式壽司區，壽司林林總總，賣相吸引，要咗一份刺身，當中原隻大蝦，非常新鲜，食落爽口彈牙。旁邊冷盆都有幾款，例如青瓜雞肉沙律及中華沙律，清新味美。火鍋區食物超多，湯底亦有三款選擇，揀咗壽喜燒湯去灼肥牛，幾秒就得，肉質鮮嫩可口，加埋金菇，腐竹及鲜冬菇，大快朵頤。如果想飽肚，有韓式公仔麵及日式烏冬供應。此外，燒烤區醃好的肉類及食品更有幾十款，將雞扒、魷魚、雞腎片、多春魚及咖哩雞軟骨放到烤爐上，慢慢燒，慢慢食，一樂也。其他炸物、餃子或中式點心，即攞即食，好方便。最好試埋夏日消暑甜品，凍糕、布甸、啫喱、椰果及蘆薈，令人愛不釋手，食咗涼浸浸。

無乜出街既幾個月努力裝修阿囡間公主房，終於完工了，佢有個安樂窩，我地都開始得閒返少少。最近食燒肉放題心癮好強，周末執完一輪屋，諗起不如一齊去食，近近地就去校長燒肉啦，搬左新店好幾年都未去過，一於試下。晚市分左幾個時段唔同收費，我哋揀咗7-9pm，成人每位$218，小童$138，其實話平唔平，不過好耐無食過燒肉就食好d啦。未夠鐘門外已有等侯既人龍， 可能大家都困得太耐喇，終於可以出來食放題，感覺難能可貴。入座着要先量體温同用酒精搓手液清潔雙手，座位之間隔着白色膠板，而且出去拎野食一定要帶口罩，衛生都做得唔錯，食得放心。燒肉放題除左肉類，仲有好多好多選擇，根本就似酒店自助餐咁豐富。 刺身壽司嘅款式十分多，都好新鮮同整潔，refill都夠快。另外有沙律冷盤、炸物如章魚小丸子、炸魷魚圈、 炸雞粒、炸薯角，好吸引呀。燒肉同火鍋配料嘅選擇十分多，肉類同丸類都各佔咗十幾樣， 另外仲有蔬菜、菇類，任食任拎，真係好想每款都試下。刺身係即叫即切，都好新鮮衛生，三文魚夠肥美，油香不俗，帶子亦帶黏稠，鮮味非常。其他仲有原隻赤蝦、 螺肉等，都好新鮮光潤。燒肉種類眾多，不過我就專攻牛同豬，牛仔骨係回本之選，仲有肥

位於元朗西裕街嘅校長燒肉日韓料理，黃金時段可以兩小時內任食韓燒，火鍋，同埋日本野，包埋甜品同飲品，週末價錢成人只係$218 ，剛好今日朋友生日，可以獲全單八八折。餐廳大約分為好幾個區域：壽司刺身區、燒肉區、火鍋區、熟食區、甜品區、同埋飲品區。刺身有三文魚、吞拿魚、希靈魚、蟹棒、玉子、帶子同埋蝦，每次只可以攞三款。刺身新鮮肥美，食落爽口，令我地相當有驚喜。燒肉區有各式各樣嘅肉類，最令我哋驚喜嘅就係雞翼竟然有成三款味道，全部都醃得好入味，除此之外，仲有雞扒，雞軟骨，秘製叉燒同埋蒜蓉牛油粟米。熟食區有炸物，東南亞式蔬菜及肉類，仲有中式點心添呀，燒賣同小籠包更加係必食之選，如果唔係因為胃部容量有限，每款都想試吓呀。火鍋湯底有三款，我哋今日試嘅係豬骨湯，肉味香濃，加入蔬菜同埋餃子後，真係非常美味。甜品區除咗有蛋糕，布甸，果凍，仲有多款雪糕，連最近推出嘅棉花糖蘋果味甜筒都有，又點可以唔試吓呢？飲品方面，除咗有普通罐裝同紙包飲品之外，仲有花茶專區，等客人可以跳出自己喜愛嘅花茶，食完咁多油膩嘅嘢，可以消滯。因為朋友今日生日，所以享有全單八八折優惠，食咗咁多嘢，每人平均都唔使$200 ，都算係性價比高。

今天朋友晚上約了去元朗食飯！她揀了一間食放題的餐廳。位於元朗西裕街地點不太難搵。如果揸車去也較方便。附近都有方便的停車場，也可以泊車在附近的街邊車位。由於餐廳分時段入座我們選擇了7.3的時段入座。餐廳的門口樓梯裝修也很特別放了一個巨大的 Ironman的公仔. 頗有趣。我們入餐廳前店員也為我們探熱，由於疫情關係，餐廳也很細心，每逢出去拿食物的時候要戴上口罩，令到大家享用食物的時候也很放心。食物也很多元化，有很多新鮮嘅壽司供應，有三文魚，鰻魚、玉子、熟蝦，也可以向店員order三文魚，生蝦刺身的。餐廳提供燒烤也可以選擇火鍋一同享用。價錢也很公道不算太貴，可以有兩小時用餐時間。食物也提供很多選擇有燒烤區、熟食區、刺身區同火鍋區給客人選擇。甜品也可以自己調校很多款式。當然也有美味的雪糕櫃及非常之多選擇的飲料。餐廳也有一項給當月生日優惠，只要當月生日可以全單享有折扣優惠。

朋友一直推介呢間校長燒肉，話好多野食，所以就決定去試一試啦，結果發現餐廳包羅萬有超級抵食，下次都決定同朋友再去食！！！！呢度嘅飲品已經好多選擇，連平時放題好少有嘅啤酒都有，真係超正，啱晒鍾意飲酒嘅食客！！！呢度除咗韓燒邊爐仲有好多唔同嘅熟食，我最鍾意嘅就係點心，出面酒樓食一籠點心價值都唔平，所以呢度有任食嘅點心真係超值！！！呢度嘅甜品同人有超多同埋超高質，緊有一款啱食客，啱晒鍾意食甜品嘅女仔，仲可以好好打卡一番🤣🤣🤣🤣