影片
电话号码
55272279
营业时间
今日营业
11:30 - 14:30
17:30 - 22:00
星期一至日
11:30 - 14:30
17:30 - 22:00
以上资料只供参考，请与餐厅确认详情
经常会去香港仔街市上便熟食中心食晏，主要系食鱼，谂住食得多便转吓口味，见openrice上面依间树兰仔一个负评都冇便试吓啦，叫咗个牛脷蛋饭，一出嚟见都靓仔，d牛脷中间粉红，应该好好味，点知一食落，真系好唔掂，非常非常之靱，十足一块十成熟牛扒，赵都赵唔到，只好赵几赵便夹硬吞落肚，公平d讲，佢d蛋饭系ok好食，杯无糖豆浆都好好饮，相信个厨师系有heart，只系唔识烧牛脷，会比多次机会佢，睇吓人人都赞嘅义烧得唔得
继续阅读
香港仔街市市政大楼揾食，楼下喺街市，2楼有熟食中心，都几多嘢食，有人食海鲜，我睇中「树兰仔」嘅蛋包饭。真有意外惊喜，自制叉烧的［叉烧蛋包饭］首先造型好靓呀！肥瘦平均，颜色亮丽，我唔系㖞，咬入口非常松软；滑蛋都好得，十分滑溜。第二款是［牛舌龙虾汤泡饭］，牛舌够厚，龙虾汤真系好好味，原来用龙虾汤泡饭系咁好食嘅，龙虾汤味道好好，应该系自己煮。不过我就学到嘢啦，等我自己买罐罐头汤喺屋企试吓会唔会有几成好味！牛油鸡翼，皮脆肉嫩，可以的。全部餐包无糖豆浆，不过我哋加$3转柠檬茶。
继续阅读
香港仔街市完成翻新工程后，外貌内貌都干净整齐。2楼嘅熟食市场井井有条干净卫生，令人食得安心。今日专程来试试，各舖各有特式，小炒，粉面…。见一间有滑蛋包饭系列，小食店少有，于是乎试吓。蒜香牛油鸡即叫即做，香味朴鼻而来。入口一阵蒜香味道，够晒入味。自家制叉烧滑蛋饭卖相不错。滑蛋表面上还有少少蛋浆，嫩滑程度好，配饭一流。叉烧是自家制，蜜味浓厚，肉质软熟，肥瘦适中，好味。午餐时段凡惠顾滑蛋包饭系列送无糖豆浆，👍。
继续阅读
香港仔市政大厦装修完咁耐 都系第一次上嚟听闻呢度嘅熟食中心好企理 又多餐厅 当然要来试试啦～喺芸芸众多嘅餐厅里面 树兰仔感觉最有特色主打蛋包饭 不过唔想食蛋包饭可以转沙律菜底或者想食汤饭的话 仲可以转龙虾汤泡饭添唔想食饭 仲有新推出嘅意粉类选择㗎！留意返即叫即做 制作需时🕐叉烧龙虾汤泡饭 叉烧系餐厅自家制作用上五花肉 肥瘦相间 食落渗有少少油脂但唔会腻甜甜地 有焦香 龙虾汤好浓稠 有鲜味 仲有啲樱花虾干 够香口又令到个汤更重虾味香茅猪扒蛋包饭 个鸡蛋炒得好滑 但冇好油腻嘅感觉香茅猪扒香茅味浓郁 而且够晒厚切饭底就落咗少少甜豉油 成个组合好匹配另外仲点咗蒜香牛油鸡翼 个蒜香牛油汁好惹味鸡翼大大只 腌得好入味 里面仲保持到肉汁炸虾饼一份有四件 外层系吉列嘅脆口 里面嘅虾滑好弹牙 套餐仲送豆浆添
继续阅读
香港仔街市嘅熟食档都开咗好耐啦！终于扚起心肝同朋友过嚟食吓试吓，今次拣咗「树兰仔」，因为比佢送既无糖豆浆吸引咗，加上我又钟意食滑蛋饭，所以就拣咗佢啦！不过因为系午饭时间嘅关系，又系星期日，太多订单，都等咗30分钟，职员话平均等15-30分钟，所以下次都系打电话预订先啦！咁我哋就用呢30分钟揾位，好彩都好快揾到！自家制叉烧滑蛋饭 $63叉烧是食到烧焦咗嘅味，是我最爱吃叉烧边边烧焦的那种味道，如果你唔钟意嘅话就要同师傅讲声啦！滑蛋好滑啊！饭上面都有啲豉油汁，令整体更好味。蒜香牛油鸡翼5只 $30牛油味好香，可能炸嘅关系，鸡翼比较细只炸蚝4粒 $35粉浆炸到非常脆而不油腻，上枱时仲热辣辣的虾饼4件 $30虾肉扎实唔松散，沾上沙律酱更开胃无糖豆浆 (跟餐送)就算冇糖都好够味，豆味浓郁，必饮👍🏻
继续阅读