茶檔

一步入呢间茶档，空气中已经飘嚟阵阵嘅牛油香同炸物嘅诱惑。第一招牌点心，绝对系餐蛋菠萝包🍍，吃落嘅感觉真系得意极啦！菠萝包外皮酥脆、牛油香扑鼻，里头嘅午餐肉厚实多肉，炒蛋又滑又香，食一啖就觉得真系够晒滋味！嚟到主菜，生脾饭配蒜蓉汁确实惊喜到我，觉得啱晒我啲口味！鸡皮嘅香脆跟住啖啖肉汁嘅流出，再加上蒜香味重嘅蒜蓉汁，够晒味，真系太正喇👌。但呢，芝士猪扒煎蛋捞丁就略为逊色啲，猪扒稍硬，不过芝士汁真系非常滑溜咁澎湃，同煎蛋捞公仔面个完美配合仲可以弥补返啲。结束呢餐美食旅程，茶档一个细细嘅惊喜变成满足嘅一餐！无论系食味上定系服务态度，都令人有再嚟嘅冲动👍。喺繁忙嘅香港街头，发现咁嘅食府，的确系件开心事！…查看更多

🍜 茶档 🔥够晒镬气既茶记 - 茶档港式装修 几有香港味道虽座位较窄 但胜在夏天都够冷气唔会热到say Hi Hi 葱油瑞士汁鸡髀饭见到已经流晒口水啦鸡髀腌到好入味 鸡肉又几Juicy个饭都几大碗配埋个葱油同瑞士汁真系好好食如果再多啲汁同葱油就好啦另外叫左个茶走都几好饮奶同茶味够香又唔会涩口Btw 价钱唔算好平记忆中好似$60但胜在质素有保证同够大份呢啲叫一分钱 一分货啦一定够饱(о´∀`о)所以本阔啲都几钟意食呢间…查看更多

呢一间我净系食过一次，叫咗个干炒牛河，讲真火候好足够，味道都好好食嘅，但系我真系食唔到啲咁油腻嘅嘢（真系超油，每一条河粉都系油到令立立）食完冇几耐，肠胃都真系顶唔顺。如果平时食得比较清淡嘅朋友都唔建议去食，一时三刻肠胃唔会接受到…查看更多

精选早餐 ～ 出前一丁餐一丁面餐可自选两𩠌，选择咗猪扒同红布肠。煎猪扒做得唔错，外表煎香微焦，要挑剔的话两片红布肠稍为薄了点点、如果可以厚番啲啲同煎脆边就更加分！丁面同落单哥哥要求食爽、面上枱后入口要求嘅生熟度合格、足见楼面同师傅配合度足，无论落单、煮面、传菜等都又加分！简简单单港式丁面早餐卖$39 蚊街坊价钱同质素系香港地今日嘅物价系合理。港式奶茶合格茶记小店食嘅系师傅心机同人情味，在连锁快餐店系你揾唔到嘅原素，支持小店！…查看更多

每次嚟到香港仔，都好想帮衬快乐茶档，不过由于佢收得早，所以一直都只系望门兴叹。寻日六点钟嚟到，终于有机会光顾。由于时间尚早，唔太肚饿，于是拣咗个怀旧常餐。厚多士牛油几多，亦烘得够热够脆，好香口；火腿蛋奄列份量唔多，炒蛋亦略嫌太老，幸好味道正常。重点系个沙爹牛肉面，一上枱见到沙爹汁嘅颜色就知道系我钟意嘅味道。试一啖，果然带甜味，虽然花生味欠奉，但酱汁嘅浓度足够，牛肉份量亦非常多，整体唔错，而可以拣福面就更加 very good 啦❤️。…查看更多