柳氏家 (已結業)

與朋友共三人初試這家新開的雞肉（╹◡╹）♡座位不算多，午膳時間大概等半小時至一小時。有服務員輪流為客人炒雞，確保食物熟透可食用。放題區美食種類略少，但味道不錯。若溫度能維持則更佳。飲品選擇亦有不同種類，包括汽水果汁。三人只能剛好吃下炒飯及肉類，選擇標準分類配菜稍嫌太多。甜品選擇亦有待改善，蛋糕種類單一(´･ω･`)選擇了草莓味雪糕，味道一般。60分鐘時段其實足夠，但若想試吃更多，不妨選擇90分鐘。總括而言，主食值得推薦，若甜品方面加以改善，則能更令人滿意(((o(*ﾟ▽ﾟ*)o)))

今日朋友來吃呢間吃飯，等左好耐，由7:00開始等，等到好眼訓，終於等9:15終於入座了，好累喔。。。炒雞終於來啦！跟住開始失望了，d炒雞比想像中差，d雞肉好少，基本上4個人每人3-4件就無曬了，要再fill，炸雞好乾，好似擺左好耐。其實基本上晚市係超級不值，如果去其他韓國餐廳吃一份炒雞都係$200，但係係呢間，1個人都$200了，仲未計加一，如果吃得不多既朋友加多人來既話，真係係吃前要唸清楚先了。

當同伴問我，有否興趣到這才開幕幾天的韓流新店趁趁熱鬧時，我倏地想到「柳宗元」這個名字。這個聯想，當然與姓氏有關；而翻查這唐宋八大家之一的生平，又找到彼此間的一些關連。不過那些話，吃飽再說。我還以為，才中午左右，該不愁無位子吧。然而新城市廣場的立地條件，加上媒體曝光的強大吸睛能力，讓我的幻想成了空想。欲電話訂枱 (不知用 OR 的 Table Map 會否訂到？)，得到「已訂滿到五天後 ...」的O咀回應，唯有到現場等 walk-in 席，碰碰運氣。同伴先發取票後回報「等廿幾個冧把，估計最快點三」，才明白現今城中眾民對新鮮事的熱衷程度。邊等邊八卦，了解一下這「遊戲」的「玩法」。桌上有隻「大鑊」，以盛載和烹調這兒的耍家主菜：鐵板炒雞。每鑊都附飯或麵，放下去一齊即炒 (唉，最近這又變成敏感辭彙！)，或吃了部分雞才加進去炒；也可付錢另加海鮮 (蝦、青口、魷魚) 和鍋邊的芝士。雖然格局很 inviting，但食客參與的程度其實不高，因為店員上桌時會同時負責炒。除了這主菜 (除$88的60分鐘午市set，其他價位的都是無限追加)，旁邊還有冷菜、熱食、甜品、韓國飲品和咖啡的自助櫃位，自組而成一頓豐富

垃圾！試過電話book但不成功，終於今日等成個鐘先入到去。第一，入去先知張枱冇爐唔係即炒，早知唔黎食....第二，拎左幾轉野食，坐落見等咁耐唔問都唔知原來要等廿分鐘先炒起。第三，拎左幾轉野食成枱碟都冇人打算收碟。第四雞黎到先至知冇加芝士，失望至極.....食左兩口已經想走...第五，自助吧野食好小選擇，兩味肥牛，一味肋骨，一味年膠，幾款炸野，尚算新鮮既...成兜野食左20分鐘又乾又凍，味道同韓國食差天共地，今次真係貼錢買難受....

開張都唔夠一星期，見報導得咁勁講到好吸引，咁啱星期六行開沙田又等緊人食晚飯便靈光一閃攞張飛先，7點半攞飛，最後到十點才能入坐，而十點半就last order了，都唔緊要啦，等左咁耐冇理由唔入，況且呢度都係得一味野食啫，要order多轉都唔太難。一入去櫈都唔坐就出去攞野食先，出面有三十多款韓式食品，當然有炸雞啦，仲有炸魷魚鬚，炸野味道ok啦，仲有啲韓式牛肉、抄豬肉、炒粉絲等等，同出面一般食開味道差不多，都算好味嘅。有海帶湯同大醬湯，我試左海帶湯，好多海帶，淡淡地，好夠熱。飲品方面好多選擇，原來忌廉溝鮮奶係有咁多口味，有香蕉味、蜜桃味、蘋果...上主菜了，本來我㨂飯，但來錯了麵，餐廳職員都好好話整錯左，另外再炒個飯比我，不過試左兩啖飯之後，都係食麵啦，估唔到麵好食過飯。原來年糕係有三隻款，其中入面有隻係蕃薯味年糕，幾得意喎，咁夜先食其實真係食唔得幾多，眼見隔離左右都食剩好多。我食完先發覺原來入面嘅枱真係有得自己炒架，可能我地晏入坐掛，被安排坐最出面嘅枱，而枱面上冇爐，炒辣雞係廚房炒出黎，所以啲菜仲未淋同埋好快凍左，可以自己炒下應該會更好味。最後食埋雪糕先，都有十款八款味㨂，好味道，不過點解

喺韓國食過，今次首次來港當然要一試，十一點半去到已經有唔少人，11點55分開始叫入坐，入到去地方闊落企理，我地點一小時88蚊任食再加30蚊爐邊芝士，等主菜同時就不停食任食區食物，炸雞，牛肋骨，炒粉絲，炒豬肉不停供應，夠熱，味道唔錯，飲品選擇都多，但食咗半個鐘主菜仍然未有，時間只淨30分鐘，同職員講，原來漏單，不過職員都好有禮貌話補番時間俾我地，主菜終於到，好大兜，職員幫手煮，好熟手，雖然落咗醬料，但雞肉同拉麵味道偏淡，但芝士就超咸，不過夾埋啲雞肉食就唔錯，而且份量夠多，食到一半有職員叫我地埋單，於是同另一職員再講你地漏單我地怕食唔切，不過職員好有禮貎叫我地慢慢食，一定會補足夠時間俾我地，呢方面真係值得加分。 最後食埋雪糕，雪糕味道尚可，但我嗰杯未食已經有少少溶，不過我都食晒，好彩最後冇事，總括都唔錯，會再一試。

去韓國必食既炒雞原來叫柳氏家，韓國分店得韓文。香港第一間分店開係新城市廣場7樓，平時閒日明明呢度冇乜人，呢間餐廳開左搞到呢度多人到爆炸。好不容易咁入座之後，餐牌有4款雞選擇，我就叫左柳氏家辣炒雞，味道同韓國完全一樣，仲擔心黎到會跌watt! 除左炒雞係一樣，其實香港都同韓國幾唔同，香港可以任食炒雞外，出面buffet 檯既野都係任食，連牛肋骨、辣豬腩肉、湯、泡菜等等，最驚喜連炸雞都有得食，野食任食，飲品同甜品都係任拎，好多韓式飲品好似出面都未見過 呢間既裝修比韓國分店型好多，店員好似有韓仔，但好似唔覺有韓妹，有埋既話我應該會黎多d

星期六下午，排三小時，午市變晚市，已谷氣兩人一鍋，只能選同款炒雞，味道算特別，午市價錢晚市食用便算合理任食前菜，約八款是泡菜類，味道一般兩款湯，一款冇味，一款得個辣邙另外炸雞炸魷魚，愛炸既應該滿足另五花腩，我食完僅餘幾塊，30分鐘內冇見refill, 搞錯牛肋骨不錯，又係要"搶"甜品無食，飲品算多元化，另一邊有熱飲但待應無提，本身唔知簡而言，唔洗排，$88才會食老公話，就如韓式大家樂，但美心等候時間，入到都唔係好事。

最近韓國鐵板雞專門店柳氏家，去左沙田開香港第一間分店，於是又同屋企人去試試。新城市七樓大部分餐廳一向唔爆滿，不過脅韓國、雞肉、人氣、新開張等tag的柳氏家，呢日當然人頭湧湧。誠心奉勸大家一句，新張期間真係唔好試「味噌蜜糖炒雞」。根據傳媒講，呢個係韓國專為香港人而研發既新口味。但有圖有真相（張相係上檯未攪過之下拍攝），真係嚇一跳：冇味，賣相差，唔夠熱。冇味噌味，冇鐵板FEEL，賣相求奇，最慘隔離檯檯上檯都熱到出煙，呢盤只係僅僅暖。味道的話，好肯定你睇YOUTUBE都煮得好過佢。重點：晚市每位$198。放題食物質素反而好。牛肋骨好稔，炸魷魚好味，豆腐雪糕堅有豆腐味。最重要係個甜醬炸雞，味道好，而且經理添新鮮貨，好過任食果味「味噌蜜糖炒雞」……如果兩味雞既味道調轉，今次評分不致如至。要讚係店員服務ＯＫ既。