柳氏家 (已結業)

我地兩個人慶祝紀念日，適逢國慶日，遇到同胞，下午自助餐等左半小時左右⋯⋯因爲一坐下就至少60分鐘後離坐⋯⋯入去餐廳前，侍應問左我地60定90分鐘（查實60分鐘都夠），我地想慢活，所以選了90分鐘。認真覺得，食物款食不算多，不過補充得快，有肉有菜，一定唔會捱餓！食物味道不錯，醬油很配合！飲品款式接近10款！迎合我喜歡嘗試新鮮事物的口味！侍應係你面前表演，幫你炒好。不過，我地叫左兩倍年糕份量，份量仍然不多⋯⋯另外，個人覺得油煙有吸管吸走，都無特別大油煙！總結來說，性格比中上啦

係韓國食過柳氏家，過江龍黎左沙田開，好掛住韓國我就黎左食啦！可以叫辣同唔辣既雞，我就叫左辣既，再加飯炒。有待應幫我地炒的。雞食落去一D都唔辣同韓國食既辣相差好遠，真的有點失望！可能要迎合返香港人既味道啦⋯我見到有其他食客叫唔辣既，所以一點紅色也沒有！我地唯有自己加大量辣醬同泡菜！另外，出面有好多小吃係自助任食既，韓式粉絲，泡菜，年糕等等。。還有甜品我出去拿左一轉就沒有再拿了，因為很飽。同朋友食左每人$100左右，是便宜的！試過就好了。

食午市，138一位任食但係所謂任食上得勁慢食到好小 同單次（98）一位無分別。有四隻味比你㨂但係只可以食一隻味想食下隻味要再黎食。成碟都係䓤到底我黎食乜？垃圾 有待改善

《柳氏家》雖然話呢間野喺韓國開左百幾間.. 開到過黎香港，但.. 有分別始終就係有分別🤦🏻‍♀️是咪有太多打手？定我嗰日真係咁黑？ 傳聞：好好食呀！傳聞：要排隊排好耐架～傳聞：連放題區啲野食都好好味呀～（一去便知龍與鳳）😭😭😭我已經係嗌左佢推介嘅柳氏家辣炒雞... 但真係唔知食緊乜.. 小食都麻麻地，除左牛肋骨幾好唔錯，五花肉都ok.. 其他唔好提喇.. 至於甜品.... 更加唔好提喇！伏呀！！！！！

見宣傳片除左炒雞之外，自助吧熱葷有6,7款，午餐去食卻得果4,5款，亦冇片中牛肋骨、炒飯。一說之下原來只有下午茶先有得食。。午餐仲少食物過下午茶??我真係第一次見。。。還有，點餐紙上有飯或麵揀，我不明白，2個人還是只可以揀飯或麵吃?而且份量很令人懷疑1人份與2人份都一樣嗎? 1個人又一碟2個人又係一碟,都係一個飯碗咁多~份量少得可憐...成埋食物放係你面前，又冇人略為解說點炒，最後都係由職員幫手炒（哩樣係最值得讚，個個都好好禮貌且殷勤），咁不如直接煮好放出離。。。出面自助的食物又凍、又不能及時補上、薯條林到不如食薯蓉、湯都像水、所謂生菜包唔知做乜鬼。。飲品又分2邊，臨走先知。。。所謂88蚊，海鮮、芝士等要另外續樣加錢。。如果唔咪就得埋垃圾雞柳。。不過海鮮唔加好過加。。。成餐我覺得係啲芝士係好食。。講起芝士，我又真係唔係好明飯嘅芝士就廿蚊，麵嘅芝士就要30蚊，啲芝士靚啲架?！

之前睇FB介紹，終於去試下。其實又冇話唔好食嘅，不過我哋叫果盆就冇爐熱住食有d失望！此終熱辣辣會好味好多！入席前個待應就冇同我哋講可以㨂有爐嘅位，食食下先發覺原來可以要求，對於第一次去嘅客人來說我就覺得不太公平，除左一送上枱係熱辣辣之外，之後好快就凍，d面就一舊舊！小食d炸雞仲好味過鐵板果d。生菜包果個醬就非常好味喇，報告完畢～

最近好hit 既韓國燒烤店，當然要試下佢！🙆🏼午餐時段(每位)60 mins HKD 88（炒雞）/HKD118(炒雞+海鮮)*90mins HKD138（炒雞）/ HKD178(炒雞+海鮮)*晚餐時段(每位)成人 HKD198（炒雞） 238(炒雞+海鮮)*/ 長者小童 HKD138 （炒雞）178(炒雞+海鮮)**未加一任食小食，甜品+ 任飲汽水海帶湯較淡，冇乜味，不過要解渴解辣確實唔錯極之推介 #醃黃瓜 #泡菜 #魷魚 好正，微辣得黎個汁又幾惹味😋#牛肋骨 原本以為冇乜特別，但佢d用煮到好稔又炸雞炸得幾酥脆，皮薄肉嫩（唔油先至係main point) ，幾香口👍甜品都有意外收穫😍佢d藍莓芝士蛋糕好好食，食洛好creamy 粒粒藍莓係面夠囇足料主菜： #味噌蜜糖炒雞 配雙倍芝士，年糕 炒飯特別追加海鮮 +HKD 30 每位炒得幾香，加左雙倍芝士個下真係十倍滿足感！雞肉炒入味好juicy。若兩個人食都太多，宜帶大食既朋友😌大大個鐵鍋，俾你炒下兜有得玩下其實都幾抵食

柳氏家係香港沙田開設首間分店時，已經好想試。因為韓國試過，真的很不錯！ 今日終於同朋友黎到，食午市90分鐘套餐（＄138）。套餐係可以無限追加炒雞，亦可到自助區取美食 飲品及甜品。入座前，店員會詢問要哪種口味。因為朋友不太能吃辣，點了烤肉味炒雞。 我們選了韓國拉麵，本身是調好味道的，不會太乾。炒雞肉與雜菜拌炒，大蔥帶出甜味。雞肉味道欠缺，雪藏味好重😫 亦有原味、芝士和紫薯年糕，芝心年糕好正自助區頗豐富， 燉牛肋骨、泡菜炒五花肉、雜菜炒粉絲和辣炒年糕等等今次仲有蜜糖芥末炸雞、炸餃子 蜂蜜牛油薯條。薯條即炸 熱辣辣 ❤️ 

一個悠閒既下午和B先生去沙田找東西吃行下街，今次黎到柳士家，下12時左右去到已經有20人左右等位中，不過因為buffet 有限時間時段食，所以等得唔算耐，大概15分鐘內就等到。半自助式好夠食，自助部份有牛肋骨、粉絲、炒豬肉、韓式前菜、炸雞、薯條等。重點係野飲、甜點、雪榚都係任食。炒雞部分又配炒麪或飯，仲有白年榚和紫薯年榚，大蔥等，有辣有唔辣，任君選擇。用餐時間有60分鐘或90分鐘選擇，也可加海鮮！簡直係超值好味！

星期四晚8點幾2個人係沙田搵食，唔知係咪新開張不久，竟然要等半小時才入到😓鍋底叫左柳氏家辣炒雞，對我而言，真係唔太辣😓😓（利申：平時譚仔食小辣），雞肉的份量ok每位+$30叫海鮮，可指定唔要某種海鮮，如青口，減少浪費，幾好！之後免費追加左1次海鮮食韓國野，點少得拉麵😂，呢個唔使加錢另加$30要鍋邊芝士，呢個絕對唔值得加，芝士較杰，根本點唔到，之後換鍋時沒有再給1個有邊既鍋，雖然職員替我們摌起芝士放係碗度，但感覺已不是那回事，最後把芝士放在鍋裏一齊炒算了自助區既食物和飲品款色味道都ok

响沙田行街，见有D餓就去揾野食，路過見到間韓國野，睇睇價錢oK喎，跟住就試下，排咗15分鐘右左，入座前揀定食乜，坐底5分鐘上菜，有專人幫你煮，等食時候就出去自助吧拎野食，全部都係現成食得嘅，大慨有十多款野揀，飲品都有十多款，但員工冇表情扣分，食物oK，環境乾淨，整體8o分。

預早十日BOOK定位,想人少D食得舒服D,平日晚六去食.早前玩柳氏家遊戲,幸運地中左免費兩位任食餐.我地兩個為食貓又可開心嘆番餐,真係要多謝柳氏家睇過其他人寫的食評,都知道這裡有熱盤,主菜炒雞配飯或麵,甜品,雪糕,飲品,湯等等,真係超豐富.圖片如下:滋味滿足的一餐

雲呢拿雪糕，奶精味，成份完全冇雲呢拿炒雞加麵，完全唔知食緊咩，咩味都冇蛋糕......咸既完全失望，價錢一般$198一位，反而自助餐熟食如炸雞，炒粉絲比正餐好食

星期一嘅晚上同住響粉嶺嘅閨蜜食新開嘅辣炒雞自從兩年前嘅寒冬晚上響韓國食過辣炒雞之後，就一直對呢種食物念念不忘，好想再響香港品嘗！可惜香港雖然有好多韓國菜餐廳，但就甚少賣辣炒雞嘅地方難得遇到，當然唔好執輸啦我地兩個準時7點去到，仲以為時間尚早，應該會有好多位。點知去到果時，接待員就同我地講，如果要坐d由店員響我地面前新鮮即席炒雞嘅位，已經full左咁我地唯有退而求其次，坐d已經預先煮好，再捧出來比我地食嘅位啦，所以就唔洗等位，即入我地食嘅系signature嘅柳氏家辣炒雞。見一大碟雞熱辣辣出緊煙，個樣好吸引啊！可惜食落果個味，同平時響超市買嘅果隻韓國辣醬完全無分別，唔難食，不過味道唔特別，我自己響屋企都煮到！加上個鐵板無keep住加熱，搞到d食物好快就凍左所以$198一位就有d貴啦，好彩個價係包埋其他食物任食嘅，例如泡菜，韓式炒年糕，炸雞等等，仲有飲品任飲，整體質素都ok所以總括而言，可以一試，不過唔好太大期望覺得可以食翻響韓國嘅味道！

萬分失望!!!!一行3人食lunch90分鐘時段..餐廳內10枱人都不夠..*任食熱食放左好耐：炸雞，餃子，薯條已經淋晒，5花腩同炒牛肉係個煲度熱住已經出晒油....*野飲唔凍：staff加野飲係加係面..好難先係最入位置拎到罐凍既..*任食辣炒雞：先唔講味道..Staff幫我地炒..只係望住盆雞..同埋不停同其他staff傾計..期間d油彈到周圍都係，佢都冇留意..直到彈到我..痛到我嗌左一聲出泥，佢就望1望我..但完全冇進1步行動或同我講過一句野.......只係即刻放低走去同一個女仔(負責收錢的)既staff講左d野..唔知係味報告定..怕我會投訴....其實我個刻完全冇諗過投訴...因為唔想影響成餐飯既氣氛...*第2次炒雞我見到隔離枱有個鐵圈圍住..我就係佢未炒之前問佢我地可唔可以要個圈？佢話得辣炒雞先有..我地order既係「味噌蜜糖炒雞」所以唔會有..我就解釋話因為你地頭先個staff炒雞時已經彈到我好痛..佢就同我講聲唔好意思然後即刻走左去.....*成餐飯由我俾油彈到個刻開始，我地個枱就俾成為左全間餐廳staff既焦點..做咩都會望住晒我地..其實如果咁怕人會投訴,點