影片
更多
2024-07-01
120 浏览
講到燒烤一定係炭火燒烤最有風味，黎咗旺角呢間高級韓燒店，採用明火炭燒令燒出黎嘅肉都有陣陣炭香。因為餐廳抽風做得唔錯，亦唔會好大陣油煙味。韓式前菜都有好多款，好似泡菜、芽菜、菠菜、薯仔沙律、海帶、蘿蔔等等，酸酸辣辣，非常開胃。燒海鮮拼盤 $588 海鮮拼盤入面有是日嘅新鮮海鮮，我哋今日就食到啖啖肉嘅扇貝、爽彈鮑魚、鮮甜貴妃蚌同沙白。燒嘅時候可以加d蒜蓉牛油，牛油同蒜香更加能夠帶出海鮮本身嘅鮮味。韓牛西冷 $1080今日嘅重頭戲就係呢塊韓牛西冷，油花分佈極之均勻。店員幫忙將西冷燒到5成熟，剪開就見到中間帶粉紅色，睇見已經流晒口水。入口肉質超腍嫩，而且肉入面完全冇筋，做到入口即融嘅效果，點少少海鹽食肉味就更加出。慶州黑毛豬盛盒配生菜 $388選用嘅係黎自韓國慶州嘅黑毛豬，盛盒有用水果醬油醃製嘅豬梅肉、豬五花、煙靭豬皮、爽彈豬腸同爽嫩豬頸肉。其中嘅豬梅肉醃得非常入味，食落仲帶少少水果嘅甜味。雪梨水冷麵 $95天時暑熱我哋另外仲叫咗碗水冷麵，冷麵非常幼滑，冰冰涼涼，仲帶有雪梨嘅清甜味。食嘅時候仲可以加d芥辣或者醋食添。青瓜青擰/西柚乳酸梳打 $42@飲品方面叫咗兩杯唔同口味嘅梳打，青瓜青檸味道清
韓式前菜都有好多款，好似泡菜、芽菜、菠菜、薯仔沙律、海帶、蘿蔔等等，酸酸辣辣，非常開胃。
燒海鮮拼盤 $588
海鮮拼盤入面有是日嘅新鮮海鮮，我哋今日就食到啖啖肉嘅扇貝、爽彈鮑魚、鮮甜貴妃蚌同沙白。燒嘅時候可以加d蒜蓉牛油，牛油同蒜香更加能夠帶出海鮮本身嘅鮮味。
韓牛西冷 $1080
今日嘅重頭戲就係呢塊韓牛西冷，油花分佈極之均勻。店員幫忙將西冷燒到5成熟，剪開就見到中間帶粉紅色，睇見已經流晒口水。
入口肉質超腍嫩，而且肉入面完全冇筋，做到入口即融嘅效果，點少少海鹽食肉味就更加出。
慶州黑毛豬盛盒配生菜 $388
選用嘅係黎自韓國慶州嘅黑毛豬，盛盒有用水果醬油醃製嘅豬梅肉、豬五花、煙靭豬皮、爽彈豬腸同爽嫩豬頸肉。其中嘅豬梅肉醃得非常入味，食落仲帶少少水果嘅甜味。
雪梨水冷麵 $95
天時暑熱我哋另外仲叫咗碗水冷麵，冷麵非常幼滑，冰冰涼涼，仲帶有雪梨嘅清甜味。食嘅時候仲可以加d芥辣或者醋食添。
青瓜青擰/西柚乳酸梳打 $42@
飲品方面叫咗兩杯唔同口味嘅梳打，青瓜青檸味道清新得黎又解渴，西柚乳酸味酸酸甜甜都唔錯。
。
。
柞木炭家 (旺角)
旺角彌敦道700號T.O.P This is Our Place 5樓501號舖
。
。
张贴
