影片
星期六晚，同屋企人去湾仔南洋酒店二楼食自助餐。去到后，发觉佢地装修左，仲改左名-叫Grill Cafe 君好扒烧西餐厅。同之前既"柏斯餐厅"既自助餐好唔同，主要系食西式铁板烧，有好多牛扒同海鲜放系度任你拣，拣完即刻比厨师铁板烧。我叫左羊扒同银雪鱼，用日式烧汁炉端烧，味道好正，食完再叫左大虾、西冷、鸡扒、沙爹，除左西冷孰左D，其他都好味。另外，佢地D冷盘都好丰富，有长脚蟹，翡翠螺，冻虾，龙虾仔，鱼生/寿司-除左三文鱼同吞那鱼，仲有好多款。每人送一客酥皮龙虾汤，龙虾肉都好大块，汤虾味好浓，正！！甜品counter 都几好，仲有即场做火焰焗雪山，折左二百蚊一位，都OK。
继续阅读
食记 (9)
同good friend贺寿,就同佢去食佢钟意0既buffet.拣下拣下就唻呢间试.先讲食物.热盘: 芝士焗蚝(我一共食0左6-8只,劲多芝士,直头系饮芝士,劲好味,劲多人拎但又不停refill,但食得多好滞),青口,炒菜,炒薯,咖喱羊肉(算”林”),炒饭(无乜料,普通),海鲜薯茸(呢个好味又多料,有蚝及虾,friend都话唔错,味似pizzahut千层面,因为有浓茄酱),炸洋葱圈(好鬼油及热气),炸虾饼(配甜酸酱好味道),豉汁鸡,切牛扒,天妇罗(太多人拎,我出去几次只拎到一条虾,另有炸蔬菜),炒蟹,蒸鱼(楼下有食家话通常自助餐0既蒸鱼都系0鞋,绝对同意,好在呢度都唔错,算滑)冷盘及其他:沙律2-3款,青口,冻虾,意式矮瓜(味道好怪),海蜇(其实几爽,但加埋麻油就更好),火腿肉肠(有一款好特别个样似烟肉类似火腿0既食物, 以前未食过,几好味㖞),酸斋(一款,真系斋0左d),烟鲛鱼,鱼生,寿司,冷面,0者喱,雪糕(牛奶公司桶装四个味,有朱古力酱,碎糖等配料,另有包装雪糕/雪条,如鳯仙,小波子,迷你甜筒等,要赞侍应哥哥主动帮我挖雪糕,雪糕实在太硬),忌廉酥饼(面头朱古力酱几好味),芝士饼(我个胃真系受唔到cheese cake,就算个friend话唔错),黑森林蛋糕,朱古力毛士,芒果布甸,面包布甸,面包,忌廉什菌汤,中式汤火配料:丸类,肥牛,蚝豉,菜(由于只望过一次,都唔知仲有咩)订位时已通知无生蚝(无所谓,我都唔食0既),但包火,我0地拣蕃茄汤底,但其实我0地挂住食出面d 0野,仲边得闲打边炉0丫.仲包餐饮两杯,2个人有九折,其实都几抵食.环境不错,同利景差不多.至于服务,系收碟慢同无人斟水.
继续阅读
4-11-05，Fri 7:00 PM ，一家大细吃自助餐，想坐耐D 。见柏斯餐厅平平地，$158 +10% ，4 人以上有85 折，包餐前及餐后饮品，所以就去帮衬。依家做紧东南亚美食，不过就没有特别，也有寿司、刺身、冷面等，不过平价自助餐多数唔多好食。烧牛肉麻麻，天妇罗都Ok ，但蒸鱼就几好，又大条，其他食物和甜品则非常普通。以这价钱，都算OK 。
继续阅读
今晚我同两位朋友去左柏斯餐厅食自助餐,一去到见只需$148一位,已经好开心,上到餐厅内更开心,因为地方比想像中大,人也不算很多,唔算嘈杂.食物方面都唔错,种类唔算少,服务员都唔差.甜品都几好,不过可以多些种类.最后仲有餐饮,总括而言样样都好好.星期二至四去仲有9折,所以最后只要$138就得,我觉得好抵,好开心.^^"
继续阅读
- 自助餐黎讲, 算好平- 地方好细, 所以比较逼- 食物款式大路, 选择不多(一分钱一分货啦)- 甜品几好
继续阅读