柊亭料理 (已結業)

第一次出POST, 多多包函^^今日6月第1日, 又係出糧日, 所以同同事去食餐好既, 上到去好多人, 好彩一早訂左台, 唔係要等位了, 座低叫了一個SET - 網燒澳洲雪花牛扒定食, 7成熟, 個醬汁好好味, 有驚喜, 仲有叫了一個小食 - 炸三文魚皮, 係其他同事叫的, 雖然我唔食魚皮, 但其他同事係咁話好似紫菜咁, 幾好食, 攪到我都試了一少片, 加埋沙律醬覺得都OK好食WOR, 炸得好脆...最後還叫了一個刺身, 的刺身切得厚厚的好有口感, 同埋的刺身擺設好靚@@, 最後最期待甜品 - 奶凍, 點知....黎左o者喱....有的失望>.<, 問返waitress原來成日唔同, 今日係o者喱...等我下次再去過先得

一行幾人去左朋友介紹既柊亭食 lunch, 睇下係咪真係咁掂, 叫左幾個 set, 加壽司刺身, 等左一陣已經開始上菜, 賣相好得好有心意, 影左d 相比大家 share 一下, 值得一提既係個"萬"魚定食, 好好味, 之後再試朋友既 澳洲綱花牛扒5成熟, 又係好好味, 好淋, 要點d 醬油先食, 仲正, 壽司刺身用料好上盛, 好新鮮, 好厚肉,哈哈... 抵呀, 仲有個海膽, 好鮮甜, 好想再食..yummy.....yummy......

唔係第一次去食, 就係因為上次同成班同事食完覺得樣樣野質素幾好, 所以今次仲特登同老公去食...點知...- 大家都係叫定食 (其實佢地lunch都係得定食order), 我嗰份就好快到, 老公嗰份就足足等左20分鐘, 期間個supervisor雖然好醒, 見我老公枱面冇野, 都主動同我地追, 可惜係追完一次又一次, 個廚房都係冇反應囉! 攪到老公望住我食, 我嗰d係魚生同壽司又唔可以放得太耐....- 我食晒連餐飲甜品都上埋先醒起點解我冇湯同前菜, 本來都以為可能真係冇架呢, 冇理由呢度會咁架麻....點知搵個supervisor問一問,...佢都O嘴...."乜我地冇上比你呀??", 佢即刻話上番比我, 但甜品都食緊啦, 無啦啦又飲番個湯又唔想囉....最後冇要到.最後個supervisor同我地講左好多次sorry, 話佢都好唔好意思, 話一陣會開會講, 比左個8折我地我個conclusion係樓面既service點好都好, d野食質素幾好都好, 個廚房咁樣, 都扣晒分啦! 希望佢地真係會改善吓囉!

一行四人食lunch，要了兩款lunch set。網燒和牛和柊亭set。網燒和牛絕對貨對辦，小小肥膩的和牛配上炸得很脆的蒜片，真的不錯。柊亭set有兩款sushi、一款roll、甜旦、sashimi同小sashimi飯。旦比較出色，其他魚生就不過不失。總結算是中上的。問題就是服務了。不知是生手還是不夠人，沒有人加茶，叫了埋單之後又等了至少5分鐘。我們眼見其他人有甜品，也不記得本身set有沒有甜點，就問侍應生set是否包甜品呢。他沒有回答，我們過了5分鐘再問他，他才回答叫我們等待。之後就送來了四杯清酒味jelly，附上一句'贈送的'。我們也莫名其妙，要知道根本我們就不是要求甜點，是因為我們吃完之後久久也沒有人來替我們落單叫茶和收盤，我們才主動叫侍應跟進。如果，服務可以改善，柊亭真的是不錯選擇。

又黎食飯啦，呢度就黎變成我的飯堂啦。Lunch 有 special $35 / 5 塊厚切的三文魚，超新鮮肥美。今次掉轉我試網燒雪花牛轉稻庭烏冬。Please refer to previous entry for pics.七成熟的牛幾 juicy 但都有少許 un 但 acceptable。Udon 就熟得濟幾淋...不過同經理說有甜品送嘛，結果有 vanilla 奶凍少少杯。好滑好好味啊！原來這裡無凍飲 offer 呢，唔掛之得個個都熱乜乜。為左雪花牛，會再黎飯堂的。

這裡的 restaurants so far 只有 2 間去過，同埋頂樓的 habitat lounge。遊完 lift 河一輪後，決定去食日本野"木冬" (讀音都係冬) 亭。open rice 之前說服務差，有點擔心，turns out 呢度 d 服務幾好，仲同個姐姐有傾有講講左好耐野。平時如果師傅試甜品的話有機會請客人食架，點解我地去呢日無呢？柊亭 set lunch - 蛋卷超好味，三文魚勁新鮮、三文魚子飯好好味呀，portion 都幾 arm 我。好彩無飯轉 udon (+$10)，如果唔係會唔夾。另外同事要的網燒雪花牛有種入口即溶的感覺，超好味。環境清靜乾淨又坐得舒服。一定會再黎。

之前聽同事講呢度有間日本餐廳唔錯，不過lunch一定會全場爆滿咁o岩拍拖經過，見1:45pm應該過o左peak hour，所以決定碰一碰運氣上到去見到依然係爆滿，不過好多張檯都埋緊單所以等一陣就有位經理推介我o地食柊亭定食同豬扒定食我個柊亭定食上菜先，咦~? 唔錯bor~刺身同壽司都好新鮮，三文魚飯都好足料，絕對值呢個價錢男朋友個豬扒定食都好好呀，豬扒脆得o黎唔會炸到乾晒，仲係好juicy好得意地有個日本生菜 / 椰菜做配菜，經理話有助下火，咁就唔會太熱氣，都幾周到bor~至於service方面都幾殷勤，不過可能o岩o岩peak hour o黎啦，如果d 侍應多返d笑容就perfect喇我見佢o地都幾dum本去裝修，每張檯都有一小盤鮮花好有日本餐廳o個種簡約但fine dining o既感覺呢度o既侍應係會用萬潔靈好俾心機地抹檯，我非常appreciate呢一點完全放心將d o野擺o係檯面，見客都唔驚整污糟d文件而失禮呀~有時間同經理傾兩句，先知道原來呢度夜晚係會有個日本廚師坐鎮o架下次要夜晚過o黎試o下日本人o既手勢，睇o下會唔會好過今村！

一班同事由中環乘車到來，只有一個鐘(1pm-2pm)吃飯，時間緊迫，但偏偏上菜奇慢，兼錯漏百出，侍應經常拿錯食物到別檯， 1:15pm到達餐廳，1:40pm時食物才到，還要忘記給筷子、前菜及麵豉湯，經幾番催促提醒，所有東西才齊全，堪稱為史上最混亂的餐廳。吃罷整個套餐已過2:15pm，所以如果趕時間，切忌到此店。其實此店乃其中一位同事推介，但她上次坐28樓的座位，並沒有上述問題，而今次則坐於本為屬同一集團的酒吧、只為午膳開放的29樓，服務質素頓時欠佳，但平心而論，餐廳的食物質素確然是不錯。我點的雜錦壽司配手打烏冬套餐，壽司非常新鮮，烏冬還好，但上菜時已微暖，懷疑是遲了拿過來之故。麵豉湯則過分鹹，可能是放了太多麵豉。最後還有跟咖啡/茶及綠茶雪糕，約$100一個餐尚算抵食。但奇怪是當大家喝完整杯茶，侍應才施施然奉上雪糕。因此，雖然服務質素不知所謂，念在食物質素良好，環境開揚(尤其喜歡resort-feel 露台)，總評還是給了OK的。

一直留意左好耐，呢間餐廳幾時會開呢？終於有日Lunch，同一班好同事，衝上去試新野食~~~一上到去，lift門一開，大家都在訝異，雖然店子不算得叫大，但內裡的裝修唔錯~既光猛又整潔。午餐定食都幾多款式，而且價錢與同區日式食店差不多~而我點了銀鱈魚西京燒定食。前菜前菜是醃小青瓜。爽口度夠，不過只是微酸，如果酸一點就好了~沙律加了和風沙律醋和芝麻的沙律，很清新~銀鱈魚西京燒一看上去，好似好好味啊~~~燒得好靚~~~魚皮部分脆脆的，但魚身好軟滑，而且醃得好好，味噌的香甜溶入魚身之中，好吃到好想添飯~~~份量又剛剛好~麵豉湯當初以為是一碗普通的，但發現有蜆啊~~~~大家都好似找尋寶藏一樣開心~~~XDDD味道倒是不錯~定食原來還有餐飲的~叫了杯咖啡，還不錯~後來一位看上來是女部長的(？)，送甜品給我們啊~~~~~~YEAH~~~是奶凍啊~~~~ \(^v^)/(此事女同事們欣喜若狂~~~XDDDD)奶凍奶凍有蜜瓜和咖啡2種味道，我選了咖啡味~~~有香濃咖啡味道，整個甜品又有奶的嫩滑~~~而且不太甜，好好吃啊~~~~此時大家心中有數……同事們，下次再來吃吧~~~~XDDDDD