柊亭料理 (已結業)

因買左iBUY uBUY coupon, 加上今日是最後一日限期, 所以點都要來食。當日才發現coupon 註明要預訂, 就打去, 點知要8:30pm才有位, 原本想食7:00pm, 但冇辦法下唯有8:30才吃(仲要係坐bar 枱)8:30 pm到達, 坐於門口的bar枱位置, 食店面積好細, 只有10-20張枱, 唔怪得咁快就full booking。問左waiter 後, 原來要每人消費$200才能使用coupon, 就開始點菜吞拿魚腩壽司: ($180/ 2件), 唔新鮮, 難食, 有雪味, 冇魚味簡直價錢與質量不成正比例, 比普通sushi 店的味還要差!!!特上什錦壽司盛: ($280/ 12件), 超普通既壽司, 冇咩特別, 最好味係那3件軟殼蟹沙律卷, 好味!!蜆肉麵豉湯: ($28/ 碗), 冇特別網燒雪花牛扒: ($148/ 份), 牛扒冇牛味, 唔夠熱, 一d雪花都冇.......芝士焗軟殼蟹: (68/ 份), 好好味, 又抵食食左成$600(減左coupon), 都唔係好飽, 最大問題係唔好食.....失望

星期六一點鐘, 冇乜人, 所以唔使等位.試了這裏的兩個 set lunch.1. 鹿兒島咖哩豬扒定食....咖哩"結"o左少少, 豬扒唔係咁好食.....2. sushi set 烏冬家食. 壽司好好味. 海膽新鮮 (不過都係唔及今村o個o的咁好味)另外再 order 多一客海膽壽司同埋碎蔥toro壽司 (正~~~) 再加多個三文魚刺身 ($35)

到場時, 由於人流唔太多, 亦因為Book咗位, 所以唔駛等.食品不錯,夠食同新鮮.環境okay, 晚飯來說是不錯.因為去ubuyibuy.com買咗特價Coupon, $99可買$200Coupon,所以$600扣咗$200.叫咗個2人套餐約399度, 再加Saka 300ml 約$140

柊亭的刺身出名很新鮮，這裏環境很幽靜，很寬敞，二人可以坐四人桌，滿桌子的食物也不覺得逼。 餐廳的布局也滿是和風，到坐下，店員便立即來送上小吃三款，讓你可以一面點菜，一點吃小食開菜。 食物 胡麻腐皮野菜沙律：野菜很新鮮，汁很酸微微，很好吃！份量雖然不太多，但質素很值得一讚。 特上雜錦壽司無得彈！ 蒲燒鰻魚不清楚蒲燒鰻魚是什麼蒲燒，但鰻魚的汁很香濃很甜！鰻魚外脆內軟，口感特別，不像一些店舖煮的乾乾那樣，很驚喜！麵豉湯餐飲特上什錦刺身：特上雜錦壽司有海老，魚類和三文魚，感覺非常非常之新鮮，入口即融，吃到陣陣鮮甜味！日本吉列炸黑豚豬扒這個普通，跟DONICHI的是無得比，但不失鬆軟.三文魚子海膽飯新鮮的海膽一點也不腥，換而代之，是海水的鮮甜。 咸菜餐廳予人潔淨高雅的感覺，價錢雖然很貴，但如此有情調和食物質素，一試無妨。

環境:前幾日先上過黎, 上次講過喇, 好舒服, 不過, 留意到今日轉左 D Music, 之前唔知點解用 D 日劇主題曲, 娘到死, 而家轉左 D 純音樂, 有 modern 又有 japan classic, 唔錯!!!!!服務:依然好! 幾 nice, 同幾勤力 serve 客人食物:因為岩岩先食完晏比個客捉上黎既關係, 只係要左個"厚燒玉子" 同 "面豉湯", 我個客就叫左"鹿兒島咖喱牛肉飯"厚燒玉子: 凍上, 正, 食得出係自家燒既, 唔似有 D 只係買現成的, 有誠意! 不過, 凍上既厚燒玉子有 D 唔慣, 不過, 呢D 冇咩人叫既野都預先 stand by, 好有 heart !!!! 但係, 蛋味略嫌淡左 D, 唔知係蛋源問題定加糖既份量問題, 要改進!!!面豉湯: 幾特別, 一般出面都係海帶豆腐, 但呢間用左蓮藕, 山藥, 甘荀同豬肉, 味道更鮮之餘仲更有質感!!!! 抵讚!!鹿兒島咖喱牛肉飯: 我偷食左一啖, 哈哈, 咖喱幾香, 牛味足 $78 set lunch, 抵! 我個客未食晒都仲話幾飽添!!! 不過, on side 上好奇怪, 日本咖喱唔係應該上落飯度咖咩

早幾日去灣仔開會, 周圍都係人, 行過 QRE Plaza, 咪睇下有冇位食個晏囉.之前多數都係黎飲野, 開飯比較少, 求期就上左去 28 樓環境都算唔錯, 好似幾 fusion 咁, 夠 classic 之如又幾光猛, 人唔多, 有位, 即上 lunch 唔想煩, 食 set lunch, 睇落都唔錯, 有10幾 set 揀, 算係咁, 灣仔 wor, 唔迫係散叫已經比十分啦, 哈哈. 我揀左滑蛋牛肉丼!!!!! My favourite!!!!好多人食日本野都睇 sashimi 新唔新鮮去評好唔好食, 講真, 要新鮮有幾難, 熟野先見真將!!!!!開飯一上枱, 眼見好似好熟, 一食, 原來外熟內生, 正宗滑蛋, 係細細個跟屋企去日本食既味道!!!! 牛味足, 絕不馬虎!!!!! 再加一啖 Miso Shiru, 正呀!!!!份量剛飽 (本人乃肥仔一名) 唔多唔少, 不過, 如果可以跟埋個 dessert 就 perfect 喇!!!!十個有:

今日同事約埋我食飯、佢地揀左食日本菜、本來我都唔想去呢間嫁因為早幾日上openrice睇左新果編食評，有d怕，其實我幾個月前都有黎試過，仲幾好添，不過我見佢幾編食評都咁、心諗可能差左啦！不過同事話早二日食過冇問題所以就上左去、話時話幾個月冇上去，呢度d擺設靚左好多，好似去錯地方咁、我地一行五個人點左：什錦壽司配湯烏冬定食，粒切魚生飯定食，吉列黑豚豬扒定食，雪花和牛扒定食，仲有個叉燒拉麵tim@@我地點左菜7-8分鐘左右就有得食啦、d侍應同我上次黎ge時候有d唔同左，不過我個人覺得比以前招呼好左，D野食好靚，我地個個都好滿意、尤其係我果個粒切魚生飯、比上次黎食多左好多料、我個人認為真係好抵食、魚生粒又新鮮！食完飯仲有個壽司旦糕呀~~~嘩!好特別,好靚呀,仲好好味TIM~~~~(好開心呀~~原來班友同我慶祝生日)食完仲有個呍呢嗱奶凍Tim,之後我仲多口問下waitress幾時會有雞蛋布丁食，(我地睇到上一編食評話有)好想試下、因為我同事成日黎食都食唔到、點知個waitress同我地講佢係度做左十個月都未賣過雞蛋布丁、不過佢話會幫我地同公司反映下、希望下次黎食真係有啦！仲有好在我地今日有訂枱

今日午餐同同事慶祝生日，同事推介此餐廳的午市刺身，說又大碟又好吃。一向愛日本菜的我當然樂於嘗試。因預先訂座，故不用等位。一打開餐牌，同事說跟他先前吃的不一樣，原來此餐廳星期一、三、五跟二、四、六的餐牌是不一樣的。我們點了相同的魚生海鮮飯定食，每位$108，差不多價錢，試過在不同的日本料理店吃的魚生飯都相當不錯，心想也不會差到哪裡去。由於人不多，座位還算舒適，餐亦不需久等便送來。一眼望去，已有點失望......先喝面豉湯，碰上手，碗竟然是不熱的! 儘管喝下，只是微暖，難道放了很久？魚生飯的海鮮幾乎全是便宜貨，三文魚和魷魚，少許三文魚籽，一尾蝦和赤貝一塊，超~~~薄切! 第一次見價錢與食物如此不成正比的日本料理! 其中一片三文魚近乎是碎。飯味道合格，量不算多，但竟然不夠餸，最後要靠吃伴菜 ------- 一小碟的漬物把飯吃完。平日食量少的同事也說吃完不飽。甜品(雞蛋布丁？)味道還可，但明顯焗過了火，上層又實又厚，份量是迷你的。飲品糖和茶擺明非自家品牌，沒包裝可言，茶是立頓，糖是太古，誠意欠奉。儘管同事曾讚賞此店，恐怕我不會再幫襯。比它便宜，同在合和中心附近的另一店，質素比它好多了。至於服務

上一次同事嚟食lunch個同事話好爆幾好味咪信一次嚟試吓囉,不過我就選咗夜晚嚟試吓.可能唔知係咪我哋早嚟得一兩枱人.初初都驚驚地啲嘢食好唔好味呢?咁我同朋友就叫咗個刺身拼盤,吉列黑豚豬扒(個同事推介我食)加多個鵝肝碢飯(日本菜都有鵝肝碢飯)刺身拼盤:大大話話都有成8,9款款式算不錯幾新鮮鮮美,最好就係有海膽加埋飯同紫菜上埋一齊食(出面有啲冇架嘛),細心吉列黑豚豬扒:算個同事冇介紹錯,一流個皮超脆又唔厚粉(有啲好鬼厚粉)啲肉又有肉汁.總之一流水準!鵝肝碢飯:以為西餐先有啫,食落又有風味唔知係咪個汁關係,問吓個待應原來話個汁係秘製嘅.

我本人覺得"柊亭" 可以算是cwb,灣仔一帶新食點 * 不過我竟然唔記得左影相!!世界杯決賽當晚咁arm朋友book左同一幢大廈29樓 Habitat 睇波所以就決定不如近點兒食晚飯 - 之後就揀左柊亭第一次食, 所以我會揀d 保守食物...例如刺身, 豬扒定食 個豬扒超脆, 唔似得出面果d 店既超厚炸粉!! 果d 係我最憎的! 另外, 肉又唔"鞋"..幾ok! 刺身: 所有刺身都好新鮮~ 但係特別要推介一下個帶子!!! 因為真係超甜! 配上青瓜一齊食, 個味道好特別~ 而朋友仔就食左和牛漢堡... 個汁唔錯..幾特別, 而漢堡扒厚度適中! 推介 最後, 我想講既係..SERVICE又唔係其他食評咁講到咁差個個都好有禮貌

友人預計自己將會發生開心事... 所以就請本宮預祝... 因為天口好熱，排都係食日本o野多，友人話要食好d，本宮不敢怠慢，即刻去search下有咩好食... 終於book o左，要坐bar 檯，冇問題~ 仲好啦~ 2個人講o野夠晒私隱~有lunch set，當然叫啦~ 友人叫o左什錦刺身拼什錦壽司定食，而本宮就叫o左粒切魚生飯定食。本宮個粒切魚生飯定食，真係好好食，刺身好新鮮，尤其是paul哥 (八爪魚)，同平時果d唔一樣，係好新鮮，冇腥味。d壽司飯好好食，酸同甜味配合得好好~友人話什錦刺身拼什錦壽司定食都好好食，平時友人係怕食生o野，驚唔舒服，但今日一反常態o向o度食晒，連佢平時唔食o既海膽都食埋~ 睇o黎佢好滿意噃... 不過~ 佢食o野比我快，佢又唔係好飽，俾佢用眼超o既本宮d o野食，令到本宮好驚...希望快d友人又請多餐~http://hk.myblog.yahoo.com/ultrabearhk/article?mid=701

見OR既食評好好, 所以試下。但係我由訂位開始就已經O哂 , 簡直是氣飽的一餐。O咀事件一:上星期訂位, 留時間姓名電話, 好正常。問題係第2日佢打黎confirm, 竟然說座位滿了, 要坐加枱(大排檔摺枱)&路口位. 嘩, 有冇搞錯? 梗係唔得! 訂左位突然話冇位, 要人坐路口, 當D客係乜? (結果取消左booking; 要坐路口, 我寧願去逼金鳳!)O咀事件二:尋日再試訂位, 侍應說明要搭枱, okay. 今朝又打來說沒位, 要坐bar枱. (!!!? )其實問題不在是否要坐bar枱, 我本以為上次係個別事件, 但原來是佢地一貫既做法: 客人的訂位, 他們喜歡取消就取消, 喜歡改就改! 作為一間收費中上既食肆, 理應明白尊重客人的重要性。但柊亭明顯做不到這點。O咀事件三:訂左1pm, hold 枱5min. 12.55pm 在lift內收到追call問是否真的來? 對此食肆服務又再加添反感. 可能我隻錶慢左, 如果幾分鐘誤差真的很緊要的話, 下次在confirm booking時應該要對一對錶囉. O咀事件四:每分鐘都看很緊要的食肆, 在我們下單後45分鐘都冇上菜.

有同事介紹去柊亭開飯, 抱住一試無妨既心態, 結果係喜出望外! 食物方面, 味道同賣相一流, 一睇就知師父有花思; 份量亦都啱啱好, 唔會浪費師父心機; 特別欣賞吉列黑豚豬扒定食, 本以因為吉列豬扒一定會好"溜", 但跟個酸梅醬就又另外一種風味! 服務方面, 侍應態度積極友善, 就算係lunch最忙既時候都冇影響服務質素, 值得一讚 自己對餐廳既環境有一定要求, 但確實係唔錯: 環境衛生, 色系較溫暖, 簡單; 坐位寬闊, 亦會播放日本流行樂; 而且餐廳明顯有花心思係細緻既地方, 例如會放盆栽係枱, 用無縫筷子等等總括而言, 柊亭係值回票價, 可以成為日常飯堂之選!

這間坐落QRE高層既餐廳，lunch閒閒地要$100落樓，但仍每日坐無虛設，有見及此，同朋友們一而再，再而三既光顧，試盡魚生熱食set lunch。 經過三次造訪，大概找到其成功原因：魚生不錯．炸物出色．環境舒適 環境舒適，唔會有壓迫感，坐位好舒服，每枱都有鮮花擺設，令你好relax既食一餐。而Lunch set 似係梅花間竹咁轉，星期一、三、五，一套、星期二、四，另一套。Lunch set 有四個價格：$78、$88、$98、$148，另加一。有Miso、少食、餐飲及送mini jelly一杯。星期五到訪所試過既lunch set： 蔥吞拿魚蓉飯：吞拿魚品質中尚，呈淺粉紅色，因飯同魚蓉芳相約，每口飯都有魚蓉 但因份量偏少，可能唔夠男士們食。而且有少少筋。整體ok~ 和牛漢堡定食：煎既 和牛漢堡外型唔討好，而且和牛品質唔高，有蘇味，份量亦少，兩塊和牛漢堡，一大碗飯，用飯質飽你。唔值，唔建議試。 吉列黑豚豬扒定食：終於比我食到好脆又企身既吉列炸漿！豚肉品質幾好，厚返d更吸引！而點吉列豬扒既醬亦特別，唔太嗆喉。惟碗飯就太軟同濕。 薄燒和牛定食：再次試和牛，總括而言，呢隻和牛唔得。此定食同

對於fusion沒有好感，所以平時甚少試。尤以日式fusion而言，因為自己對日本料理的食物標準，對於一些地方是有近乎頑固的執著。不過「甚少」又不等如「絕不」，如是日,老朋友生日,就上左黎呢樹。一世人食得最豪晚餐暫時哩講肯定係哩次喇，7個人食咗$3600，即係平均每人五舊幾水，難得一毫子都唔使出，因為公司請，地點係老細揀，做得老細梗係揀食好嘢啦，就係咁，攔左呢呢間。今餐認真豐富，老細嗌嘢毫不手軟，絕對唔使睇價錢，啱食就叫，我哋都係7個人啫，叫咗成9樣嘢，有幾樣嘢仲係叫雙份式式或者人頭數，如果唔係就唔夠分，有人無得試。個度我見一個午餐平平哋都要成百，貴嘅就去到成14X，我哋依個晚餐食咗成幾千蚊，加上老細同經理相熟，所以小食同甜品都係送嘅，甜品仲隨我哋叫幾多，雖然免費，當然唔好失禮人，都無唔蝕底咁狂叫，除一人一客雪糕外，都只係多叫幾款哩一齊試吓！一落枱老細即刻叫左2個$680既什錦刺身同一支SAKE,個SUPER見我地叫左2個$680既什錦刺身同一支SAKE都好識做送左4款佐酒小食俾我地.1.蕃茄沙律:同一般既沙律好唔同,冇沙律菜,佢地用左青瓜,壽司旦,同青瓜,用料幾得意,個汁酸酸甜甜咁,