影片
招牌菜
睇咗食评专登山长水远试过生什河，一般街坊食品，冇唛突别！没有想象中惊喜，返而杯柠茶，有6，7片柠檬，非常有柠味，环境卫生真的一般，不要有太高期望，住附近可以当一般大排档，远就悭返脚骨力！
继续阅读
翠屏邨 - 林记生什。响未搬出观塘之前, 我以为牛栢叶本来应该系黑色嘅。我自细系翠屏邨长大, 每次同屋企人出街一定系去翠屏街市熟食中心嘅林记食早餐, 所以生什, 我细细个就听过呢个名喇。到后来搬咗, 再大个啲, 我食匀全港我都唔知边度有生什食, 最后趁今日有事过海, 先顺路返嚟翠屏邨, 重拾返呢种久违嘅滋味。林记座落响翠屏邨街市2楼, 以前呢度系只有旧式三块叶ge风扇, 夏天嚟ge话都咪话唔热。时代变迁, 呢度已经装咗冷气, 不过餐厅环境依然只系一般, 感觉都系有D污糟。不过旧式街市嚟讲, 呢方面唔可以期望咁高。讲到今日ge主人生什, 其实so called生杂, 配料有牛肉, 牛润同埋黑栢叶, 再配港式河米面。以前觉得黑栢叶好丑怪, 但系而家最挂住嘅就系佢。佢俾出面ge普通白栢叶唔同, 更加爽口弹牙, 唔会发水发到好涨好假同埋一阵碱水味。唔钟意果阵黑色"衣"ge朋友其实可以搣走佢。啲牛肉好鲜, 唔会乸到烂晒, 又唔会腌到好咸, 非常好味; 牛润...我每次都走咗佢嘅。汤底本身系清汤, 冇乜特别, 不过今次叫米粉其实蠢咗, 因为令到本来已经好清ge汤再淡味咗, 下次叫返面底会好d, 再上一次嚟果阵食面个爽度都唔错。另外配咗杯冻柠茶, 茶味几够几浓, 唔会好似出面果啲茶记咁淡茂茂。历经廿年岁月, 林记个门面仲系冇乜点变, 个汤仲系咁清, 清到一定要加啲豉油。好食到不得了? 其实称唔上, 只系因为只此一家, 我遍寻google神, 都揾唔到任何生杂嘅介绍, 所以更加觉得珍贵。其实, 有故事嘅菜式, 真系最好味。
继续阅读
近排洗多左，所以就黎到翠屏邨街市睇下有咩平野食可以医肚，结果就黎左林记快餐粉面档一试，食物价钱真系几平下，我叫左一份肉酱意粉，而同行友人就要了一客鸡翼拼薯条既套餐。环境来说由于系街市内既关系，地板都比较湿滑，行过都要比较小心，但以餐桌及餐具都比想像中洁净。食物方面就略为逊色，肉酱既味道不够浓，鸡翼煎得不错，有不少肉汁咸味适中，唯薯条可能已炸了一段时间，上菜时已经不热，但埋单计都只系大约$50，这个价格尚可接受。
继续阅读
其实呢间铺头由细食到大,到而家都系长期帮衬呢!!虽然无乜特别, 但系价钱真系几抵!!今日就介绍下呢个快餐,除左个饭之外, 仲有杯野饮添!!非常抵食, 由于快餐日日唔同...有时会无咁好食,撞啱今日有咖喱, 行运呀!!D牛腩都好松软, 因为佢地做牛腩粉面起家!!所以D牛腩有一定质素, 可以放心!!呢度做街坊生意, 多饭少饭随你喜欢!!而且D伙记都几好倾架!!简直勾返起好多童年回忆添...
继续阅读