林記車仔麵

营业中

休息中

今日去了西灣河的香港電影資料館看戲 ，看完之後肚子餓，所以我們逛一逛附近有什麼好食的地方，在西灣河地鐵站的對面街市有一些食肆，第一間是這間林記車仔麵，雖然環境一般，但看到牆上有許多受訪的報導，心想食物應該不錯，所以就入了鋪入面，我們點了好幾款車仔麵例牌餸，豬紅、豬腸、豬手、魚旦、韭菜等，外表是平常不過的車仔麵，但放入口後味道也不錯，再加少少辣醬，惹味無窮。再看看牆上一些和明星合照的相片，其中一張是蔡瀾飲食節目，相片標示日期為2008年，我再問問這裏的負責人，原來店舖已有30年，對我來說，這裏雖然沒有裝修，感覺殘舊，不過卻保留這種傳統風味卻又是少見。我不是住這區，如果下次再有機會到這區，我會再一嚐這老店美味的車仔麵，感受一份親切感。

悠閒嘅星期日，同老公黎到筲箕灣睇戲。睇完戲，已到晚餐時間。難得黎港島，梗係要去西灣河嘅美食天堂<太安樓>覓食啦。「林記」住港島東區嘅朋友，應該無人會唔識，唔少明星，飲食節目都有介紹過，所以門口成日都人龍不斷。以前住港島區，曾幾何時係我宵夜飯堂。2餸$25，3餸$31，4餸$37車仔麵湯底重要唔在講，餸嘅選擇重要多。多。多。多。。3餸 - 豬紅，豬大腸，蘿蔔 配河粉平日嘅蘿蔔好好食，好清甜入味，今日有啲失準，有渣~ 豬大腸肥膏不多，豬紅好入味。嗜辣嘅我加多兩匙辣油，更加惹味。4餸 - 紅腸，齋，腩肉，豬大腸 配油麵豬大腸肥膏不多，紅腸，腩肉同樣好食，推介齋，索埋湯汁勁好食。

講起太安樓車仔麵，大家自自然然就會諗起佢，"林記" 都算係呢區平民食堂，三十幾蚊一碗三餸麵，味道唔錯嫁。不論午餐，晚飯，下午茶，就連宵夜時段呢到都人流旺盛，梗有幾個人排隊。呢度有堂食，店舖內外都有枱櫈，買完自行搵位坐。至於衛生指數，就唔好諗喇，總之無見過小強，但地板會有骨，同埋張枱比較油。今日叫咗個4餸河粉外賣，埋單四十有找。打開碗麵明明叫辣魚蛋，無咗 搵極都無，但係有美味齋 ～ 噢... 原來比錯咗，咁我要表示失落。豬手，夠淋 好膠 好粘，不過仲有少少豬毛，見到D毛，打咗個冷鎮，同埋搵咗把交剪，剪走咗有毛地方。豬紅，無咩特别。雞翼尖，咖喱香辣味，即係好味。食咗幾啖先記得幫碗麵影返張相留念。

西灣河太安樓林記其實唔使多介紹，有啲食評及雜誌都介紹過，佢平靚正，四餸都係$34-$37左右，多餸揀，但今次我想介紹我最鐘意食嘅牛脆骨，牛脆骨其實係牛胃對上的喉管，一隻牛已經好少，香港有得食牛脆骨嘅麵檔又唔多，如果燜得好食更加少之又少，估唔到林記會有，而且燜得恰到好處，入口好爽脆，shortshort聲又好咬口，如果燜得太淋會有霉嘅感覺；牛脆骨外表望落去好似一條氣管咁，有啲有白色一條條骨咁，如果大家去到林記或其他麵檔，不妨試吓！

我知，港島人唔會唔識林記…男朋友細個都成日食，而家做左新界區代表，就好少過黎呢邊配料款式極多，價錢又唔貴，三餸30蚊起、四餸36蚊起~店內有位置可以堂食，但眼見都唔少人排長龍外賣~由於已經食左兩間手卷，都有5成飽，但因為太懷念，點都堅持一人食一碗！午餐肉鳳爪雞翼尖咖喱粗麵 $29肉丁酸菜牛膀咖喱油麵 $28每碗都附咖喱汁，如果唔要記得落單出聲。湯底非常濃味，所以鐘意清淡野嘅人唔洗試~雞翼尖都用咖喱汁煮，炆得又淋；鳳爪夠入味；午餐肉又係男朋友至愛，所以三扒兩啖食哂！其實咖喱齋都好食，下次再食過！店內環境就一般啦，空間唔多，加上碗麵熱辣辣，一路食一路標汗，爽！

三送選的是牛腩、蘿蔔和生菜，麵是油麵。湯很清淡，蘿蔔是小塊的也很清淡。牛腩期待好高，但是普通牛腩。麵還是不錯的麵。朋友的麵加了辣汁味道濃些好很多，總體是Ok；）

好耐未食過咁抵食嘅車仔麵！。蘿蔔：入晒味，大大舊。牛腩：唔係肉碎。水餃：超多韮菜。麵根：用上湯煮過，入味。河粉：正常！4餸$34蚊 平係因為份量夠，冇厄料！係好多地方呢個價錢真係冇呢D嘢你食！不過一點提示！食得呢D地道嘢，一定要爽快直接，唔好左問右問！

久唔久行過,都見呢間林記車仔麵幾多人食.叫咗魚蛋豬皮蘿蔔豬大腸油麵配咖哩汁,魚蛋唔係一口麵粉嗰種,豬皮幾爽脆,蘿蔔清甜冇渣,豬大腸就軟腍,湯入面嘅咖哩汁辣中帶牛腩汁甜香,飲完都冇乜口渴感.

呢間野睇報導話點好點好，尋日走去試下啦，點知完全中伏，啲阿姐連廣東話都聽唔明，是是但但嗌幾樣，豬肚，雞尖，菜（叫佢加魚旦完全聽唔到），上坐底後諗住後加串魚旦，點知條8婆話無一串串買（但我明明聽到隔離大媽落到order）豬肚無味，成碗麵啲湯唔咸唔淡，怪怪地唔似食緊車仔麵，得啲雞尖擺得入下口。。。。

據老公推介,,林記車仔麵有好多餸選擇～～有些都很特別,,一般車仔麵店都較少有所以今天去老公放工就試一試到達的時候都見有不少人排隊點食物幸好大部分都是外賣所以我倆堂食都不用等位但堂食的位子都很狹迫是供速食的食店,,不宜久留輪到我點的時候,,果真有好多餸選擇>0<！！點了油麵～餸則點了牛膀及豬肺！！加腩汁油麵的軟硬度剛好,,腩汁的味道都夠味最欣賞是豬肺這配菜很愛吃豬肺那種帶點爽的口感但要清洗是好麻煩的事～～這裡洗得都乾淨沒酥味！在這裡點豬肺做車仔麵餸也不貴但還是牛膀較能吸收腩汁XD 

同同事響太安樓附近做嘢，當然要去太安樓醫肚啦！見Openrice入面林記評分都幾高，就去試試啦。環境嚟講其實無乜特別，尚算乾淨，同普通街市車仔面檔無分別我叫咗個牛腩面餐加菜，兩個餸加嘢飲26蚊都唔算貴架啦，有食評話要飲吓個湯底，ummmm又唔係好特別嘅，牛腩都唔多夠鬆化，不過牛筋就唔韌，唔似平時香口膠咁要趙好耐，仲幾入味添 雖然大家話牛腩汁湯底好正，但可能我鍾意食濃味D嘅嘢，硬係覺得唔多夠味，都要加些少辣油先夠香，可能下次叫多汁會更加惹味啦總括嚟講，味道唔算好出色，但響而家物價仲升得快過火箭嘅年代，實在十分抵食。

又到太安樓, 今次食車仔面, 有位坐, 但都有人排隊。有好多選擇, 但列表有點混亂, 所以都係睇住面前的餸去點。結果點了車仔面必選的油面底, 油面煮得剛好, 唔會太削或太硬, 餸有白蘿白,豬腸,豬耳。白蘿白夠甜,唔苦唔臭, 軟硬度適宜, 豬腸鹵得夠入味, 同埋應該事先做了功夫, 唔會浸到林晒, 唔錯, 豬耳最出色, 夠爽夠入味, 但有點肥膩。車仔面最緊要個湯底, 湯底加了腩汁,所以好香又唔太咸。另加了$7要了個炸魚皮, 原來係超級市場賣的即食包裝。3餸加罐可樂加魚皮共$3x。

同同事行完山，路經西灣河，同事就介紹有檔車仔麵係太安樓入面好好味，問我有無興趣﹖一向為食既我當然要試下啦，就行入去搵呢檔車仔麵。係搵車仔麵檔既同時，可能係午餐時間，亦見到好多食店出面排長龍，佢地都係出名既店舖，終於都俾我地搵到車仔麵檔。去到時都已經有五、六個人排緊，不過果幾個阿姐都好快手，由煮麵，放餸，收錢到送埋去個位度，差唔多一分鐘serve一個，所以係果短短五、六分鐘入面，我要係一個滿佈唔同既餸既爐邊去揀我想食既野，確實好有難度，因為太多餸可以揀。當我重諗緊$35三餸一麵定$41四餸一麵既時候，阿姐就問我要咩，我最後就揀左油麵、豬大腸、豬紅、豬手同九菜。堂食環境始終一般，店內坐位都有限，不過就係咁先似以前既“那渲麵”既感覺。阿姐係門口加左將枱俾我地坐，就開始嘗試呢碗咁多人來排隊既車仔麵（坐低之後，條龍已經有十幾人排緊）。油麵都算彈口，但豬大腸同豬紅非常入味，又“林”，份量都算多，相反豬手無咩特別，不過個湯就好濃味，自己就覺得濃左少少，但味道好正宗，完全係以前街邊可以食到既流動車仔麵。同事就要左粗麵、豬大腸、雞翼尖、豬皮、蘿蔔同菜，每樣餸都好入味，尤其係蘿蔔，而且粗麵都好彈牙，所以係

有時候，太古城冇野又有時間就行去下太安樓買午飯，太安樓，窮人天堂，那裡的美食多又平，係港島東的奇魄。車仔麵係西灣河太安樓的精髓，林記遠近馳名，又平又好食，外賣最適合，堂食環境就普通，如果而家咁熱就真係唔係幾好。蘿蔔魚蛋牛丸豬皮豬手雞翼冬菇魷魚牛栢葉大腸豆腐紅腸牛肚牛肺蝦腸生菜韮黃韮菜豬耳鳳爪午餐肉司華力腸，粗麵幼麵河粉油麵米粉公仔麵你從未見過的強勁內容，總找到你喜歡的食物，係冇呢排最hit高街麵霸嘅雞子，如果你好重口味，呢度就唔可以娛樂你了。不過價錢真係好平，高街麵霸五餸六十元到，呢度四十蚊兩蚊有找。今日選左五個餸，蘿蔔，魚蛋，生菜，蝦腸，冬菇加最愛粗麵。湯頭是經典的車仔麵味道，雖然有點鹹，加一點辣更好滋味，粗麵盡吸盡那些湯頭的精華，不過麵底就有點散，可能事前剪過，但無阻其美味。蘿蔔較淋身，唔係大大舊的那種，細細舊也很美味。魚蛋沾上咖哩，辣勁十足又彈牙，好食。冬菇炆得入味，回甘的味道加上煙煙韌韌的冬菇，吃得好味。生菜當然新鮮，份量也多，喜歡那青青草原般的感覺。蝦腸係小時候我最喜歡的食物，小學係麗閣邨食兩蚊條，在外面都冇乜機會再食到呢種食物，食一條感覺最良好，不過呢度剪到一舊舊，就差少少

This is one of the most popular stalls in this residental complex famous for its cheap eats and I was intrigued since they served one of my favorite local food - cart noodles! With so many choices to choose from, it was hard to decide but you get plenty of time to do so while in line. I don't like ordering verbally though as you get intense pressure from the people behind if you can't make decisions quick enough so I'd prefer picking items on paper like my favorite place Sun Kee in Causeway Bay.