林洪記水產

营业中

休息中

聽講呢間海鮮蒸鍋好正，所以一直都想試吓。今日終於有機會嚟試，果然冇令我失望！我對海鮮嘅要求都幾高。今次嚟到呢間餐廳食完感覺啲海鮮好新鮮，湯底又鮮甜。我哋叫咗個海鮮蒸鍋放題，有好多款海鮮可以選擇，啲海鮮好新鮮，而且出餐速度好快，唔使等好耐。例如花蟹，蟹膏好鮮甜多肉。扇貝勁大隻而且好鮮味。蟶子都好爽口。蒸完海鮮之後嘅湯底更加鮮甜，用嚟煮乜都係一流。另外仲叫咗個麻辣雞煲。雞煲好惹味，啲雞肉好嫩滑。我哋用麻辣雞煲嘅湯底嚟煮海鮮，又係另一番風味。

講起火鍋，林洪記係我嘅首選。佢又平又好食仲好足料，每次食完都覺得好滿足好飽。今次我哋一家大細去深水埗店，聽講呢間餐廳每日用新鮮海鮮供應。我哋就叫咗個麻辣炒雞煲，然後再食蒸氣海鮮火鍋。先黎到既係麻辣雞煲。麻辣雞煲好惹味，雞肉味好濃郁我相信係用新鮮雞，同埋啲配料都好入味。海鮮包括鮑魚、扇貝等。論新鮮度，海鮮絕對超過預期。我印象最深刻嘅係扇貝同生蠔。扇貝好大隻，好鮮甜。生蠔都好肥美，入口即溶。另外我先生叫咗個蟹黃飯。蟹黃飯好香，蟹味濃郁。我見到實物似乎仲靚過餐牌上面嘅展示圖片，的確好有誠意嘅出品。

今日同朋友去咗深水埗食海鮮火鍋放題，交通都幾方便。餐廳裝修唔算太豪華，但都幾乾淨企理。我哋叫咗個海鮮火鍋放題，加咗個龍仔飯，花甲牛肉籠仔飯，另一個黃金蟹皇飯。花甲牛肉籠仔飯好正！啲牛肉好嫩滑，花甲好鮮甜，啲飯粒吸收咗牛肉同花甲嘅香味勁惹味。另外既蟹皇飯都唔錯，啲蟹黃好足料，食得出係真材實料。海鮮嘅選擇都算多，有鮑魚、花蟹、大頭蝦等等。都食得出啲海鮮都好新鮮。我鍾意食鮑魚同大頭蝦。鮑魚好鮮美，口感爽又彈，大頭蝦好大隻蝦膏好豐富。除咗海鮮之外，啲肉類同蔬菜都唔錯。我鍾意食安格斯肥牛，牛羊肉肉質都OK，味道濃郁。蔬菜都新鮮，用黎配海鮮都好夾。

同男朋友去咗食火鍋，聽講呢間火鍋店喺香港都算幾出名，主打海鮮蒸氣火鍋。我哋早一日打去book位，好彩仲有位。我哋叫咗個海鮮蒸氣火鍋放題，首先嚟嘅係羊腩煲同埋炸響鈴。羊腩煲好正，羊肉好腍，羊腩煲配炸響鈴仲正跟住嚟嘅就係蟹皇飯，蟹膏好鮮甜，飯粒好軟熟，食落味道好配合！最後嚟嘅就係呢間店最主打既海鮮啦，有大花蟹、基圍蝦、大頭蝦、生蠔等等。啲海鮮好新鮮，用蒸氣火鍋嚟蒸，保留左海鮮嘅原汁原味我覺得咁樣一定係最好食既方法。

上次同個fd食飯，佢話帶我去食間正到爆嘅火鍋店，我梗係即刻say yes。去到餐廳，嘩，入面勁多人，勁熱鬧，好有氣氛。我哋叫咗個羊腩煲配海鮮放題。羊腩煲好快就上枱，啲羊腩口感岩岩好，羊湯濃郁，正到喊出嚟！我哋忍唔住食咗幾啖先記得影相。食完羊腩，我哋就用個湯底嚟打邊爐。啲海鮮勁新鮮，有花蟹、龍蝦、聖子樣樣齊。我個人比較鍾意食花蟹，蟹膏超多，鮮甜到痺晒脷；龍蝦新鮮彈牙爽口 聖子好香口又彈牙，我地當時食到停唔到口。另外，我哋仲叫咗兩碟蟹膏飯。蟹膏飯足料到不得了，蟹味濃郁，配埋羊腩煲同海鮮，簡直係天堂嘅滋味。呢度都真係超值，千幾蚊就有羊腩煲、海鮮放題同蟹膏飯，啲海鮮又新鮮，抵到笑。

見肚餓，又唔想食太滯，就嚟咗呢間新開嘅食胡椒豬肚雞煲送飯。舖頭乾淨企理，坐得舒服。叫咗個雞煲之後，好快就上枱喇。雞煲香噴噴，胡椒味好濃，但又唔會太辣。豬肚爽口，豬肚處理得好乾淨，完全冇腥味，口感爽脆。雞肉好新鮮，食落去好滑嫩。雞煲配白飯，簡直係天堂級享受！將雞肉同豬肚夾落白飯度，再淋埋啲湯汁，真係食到停唔到口。最後，我仲用個湯汁撈飯食，正呀！呢餐飯真係好正，埋單都只係40蚊左右，抵到爛！下次一定encore！

我同我老婆去咗林洪記嘅深水埗店。新開張呢個餐廳環境唔錯同乾淨，坐位都的確係幾闊落既。我哋睇完Menu 好快就叫咗個海鮮火鍋放題，同埋跟住再加多個蟹黃飯同麻辣雞煲。呢個新出既蟹黃飯真係好正，蟹膏好香濃而且好香。咁佢地啲配菜，例如炸牛奶同青瓜果d，都好好食。咁另外講埋呢個麻辣雞煲，我覺得好好食。湯底超正，麻辣味好夠，但又唔會太辣。啲雞肉好滑同埋重雞味 (應該係新鮮雞)，好入味。食到好飽，埋單都係幾百蚊，下次帶埋親朋好友再黎過。

晏晝去左林洪記食咗個胡椒豬肚雞鍋。以為都係GIMMICK 野所以好奇試試，我都估唔到個鍋嘅份量十足，有差唔多成半隻雞TIM...仲有好多豬肚同其他配料。咁個d 豬肚都好彈牙，完全冇腥味。雞肉都好鮮又嫩，唔似急凍雞。湯底胡椒味濃郁好惹味。我將啲湯嚟撈飯，好耐都無食過咁正既湯飯！食到最後用剩低嘅湯嚟煮咗碗湯飯。個湯飯好鮮甜，暖胃又飽肚。我強烈覺得呢間既胡椒豬肚雞鍋真係超級抵食呀。呢個鍋嘅份量十足，味道又好，只係四十蚊左右，真係有意思！

每次海鮮癮起都會嚟呢度encore，原因好簡單，因為佢價錢公道、食材新鮮、店員服務好。今次我哋叫咗份麻辣雞煲，順便用嚟做海鮮火鍋。呢個麻辣雞煲帶有芝麻香味，好開胃。麻辣雞煲好惹味，雞肉好嫩滑。用嚟做火鍋湯底都唔錯，有麻辣嘅香氣，又有海鮮嘅鮮甜。朋友直情拎咗部分湯底嚟做湯，好似有啲自私，不過冇所謂啦，最緊要食得開心。啲海鮮好新鮮，同呢個麻辣雞煲湯底都算係絕配。另外一個朋友叫咗蟹黃飯，我見佢全部食曬，好似好滋味咁樣，下次都要試下呢個飯。

最近轉過嚟深水埗呢邊做嘢，中午過嚟呢度食晏晝飯，叫咗份無骨沙薑雞飯。見價錢唔貴，諗住平平無奇，食落先察覺有驚喜！佢嘅雞肉火喉掌握得好好，就好似圖片咁樣，咁嫩滑。雞肉啖啖肉，食落好有口感。沙薑味亦都醃得入味，啱啱好。仲有佢哋呢間嘅雞飯係跟埋嘢飲，都幾好飲。我比較過，佢呢間嘅雞飯比出面好多啲所謂海南雞飯專門店做得更加好。首先佢哋嘅雞肉用既應該係用靚料，所以食落更加嫩滑。佢哋嘅沙薑汁係自己調配，唔係用現成嘅，所以味道更加正宗。價錢方面，佢哋嘅無骨沙薑雞飯只係賣38蚊，仲包埋嘢飲，真係超級抵。

上次同我老婆嚟咗林洪記水產食海鮮火鍋放題，食到好滿足。其中一樣令我印象深刻嘅就係佢哋嘅蟹黃飯。蟹黃飯足料鮮味!!!!!!!!!蟹黃飯嘅份量十足，蟹膏好足料，每一啖都食到濃郁嘅蟹膏香味。飯粒煮得軟硬適中，吸收咗蟹膏嘅鮮味，蟹膏嘅顏色好鮮艷，睇得出好新鮮。我哋每人舀咗一大啖，蟹膏嘅香味即刻喺口腔裡面爆發。真係好正。不過我個人覺得佢哋嘅麻辣青瓜木耳辣咗少少，可能我平時唔食得辣。但係整體嚟講，呢個飯絕對抵得起呢個價錢。

一早相約好朋友在這天一邊烚吓野食，一邊訴苦生活和工作的辛勞。個人認為呢間分店最好，交通方便出餐又快，叫咗蒸氣焗海鮮火鍋，叫左佢哋最高級嘅系列有龍蝦、紅點蟹、帶子等等。啲海鮮嚟到嗰陣都好新鮮，睇得出係新鮮無得呃。龍蝦好大隻，肉質彈牙，鮮味十足。紅點蟹都好肥美，蟹膏好鮮甜。帶子都好大粒而且好鮮嫩。我哋用蒸氣火鍋嚟蒸海鮮，蒸完海鮮之後嘅湯底有好明顯既海鮮鮮甜味道，用嚟煮粥都真係一流。四個人食咗成兩個鐘，食到好飽。我覺得真係抵到爛！

我同班親人總共六個人，叫咗個海鮮火鍋放題。啲海鮮嚟到嗰陣都好新鮮。蟹黃飯真係好正，食得出好多蟹膏，好濃郁蟹嘅味道。青瓜都好新鮮，用嚟打邊爐一流。我哋用蒸氣火鍋嚟蒸海鮮.. 有紅點蟹、扇貝、大頭蝦、龍蝦等等...可以保留海鮮嘅原汁原味。蒸完海鮮之後湯底甜，用嚟打邊爐真係一流。我哋仲飲埋啲啤酒，海鮮配啤酒真係一流。埋單千幾蚊左右，我覺得算係超抵。而且店員雖然唔太多， 但勝在夠快同算友善，動作都好快手。

預早 whatsapp 去長沙灣店訂位，但店布前一日 confirmbooking,主動前一晚再 WhatsApp，店第二朝晨日居然話長沙灣店冇電暫停營業，唯有問係咪可以去深水埗店，搞左半日先知可以去深水埗店食，少少嬲豬適逢寒流，勁多人打邊爐，店細細，枱又唔多，好多客要係門外等位。我地坐門口二人枱，門常一開一門，真係好有「風」味一坐即刻低上左個煲，但完全唔知要落單定食海鮮先？飲品女係自己拎？醬油係邊拎？一堆問號。之後上左碟海鮮，好豐富，有花蟹 。大頭蝦、帶子、蒜蓉大元貝、蟶子 街生蠔、紐西蘭青口 &X0醬6頭鮑魚。不過張枱唔夠位隻碟半天吊QR code 落下d火鍋料同熟食，點知原來每次只可以點 8樣，又冇講明，結果單亂晒龍。秘蒸海鮮款款都好新鮮，唔洗點調味，而鮮海蝦丶白蜆、蕃薯蜆、大頭蝦丶蟶子&脆鯇片可任點，唔錯冷盤有涼拌雞腎、涼拌雞翼尖、涼拌青瓜、涼伴木耳&明太子蕃茄，所有涼伴放埋一埋零賣相，味道其實係唔錯既。明太蕃茄一排，正！肉類有一口牛、田雞、安格斯牛肩胛、牛舌牛五花、豬五花&清遠雞肉，只點左牛舌&牛肩胛，肉質都ok其他火鍋料都好正路魚蛋、牛丸、貢丸、芝士丸、蟹子丸、墨魚餅、招牌

喺鄰住買見到介紹呢間餐廳既蟹粉飯套餐，成為89蚊，見到佢介紹片段都幾好，碗蟹粉都唔少同有一定份量既蟹肉，重有兩碟仔前菜，所以就買左套票。點知去到間餐廳，就覺得有啲伏，中午入到去，餐廳環境真係唔係太乾淨，都唔緊要，一坐低見到隔離食緊個火鍋套餐，啲食材真係好唔掂，迷你死蝦，重有啲仿蟹柳，賣相好一般，心諗.... 我黎個蟹粉飯會點.....?等左10分鐘到，兩個蟹粉飯套餐上枱了，真係好失望，用匙羹搞一搞碗蟹粉，只見到幾粒蟹膏同蟹肉，大部份都係麵粉整成既黃色獻汁，心裡既寒一寒，試左一啖，真係難食到核爆，根本無蟹粉味，只得啲咸味，碗飯又煮到好爛，跟餐既前涼伴木耳青瓜，又係難食，自己整重好食過佢，重有個炸鮮奶，凍冰冰同含哂油，連炸野都做得唔好，成個餐都係垃圾食物，比錢我都唔會去食。今次係我第一次寫食評，因為真係覺得受騙，所以真係要寫出黎比人知，呢間餐廳啲野食真係好垃圾。前兩星期去過深圳食蟹粉飯，人地收98人仔，真材實料，味到一流，連兩小碟都超水準，白飯任添，服務非常好，所以真係唔好怪港人北上消費，香港餐廳真係好好檢討。