林昌記 (已結業)

香港小食之一魚蛋，這種街頭小吃好多地方都有得食，但很多人都不知道最好吃的魚蛋是哪裏，而今日我行開葵芳廣場，就見到你了，林昌記。林昌記我從紅磡店已經幫襯，一到紅磡火車站，就會去食佢既白魚蛋，魚肉成分比一般魚蛋高，八成是海魚肉，真材實料。現在林昌記已經發展到有原味魚蛋、咖哩魚蛋、香辣魚蛋、燒賣、牛魔王、蝦子炒麵及魚肉湯了。白魚蛋 - $10/7粒白魚蛋魚味很濃郁，入口圓渾飽滿，彈牙爽口，加點林昌記自家製辣椒油，更惹味。…查看更多

黎到葵廣當然係要瘋狂食小食掃街啦，今次就試左呢間叫林昌記既小店啦。佢位於葵廣入面既美食巷入面，下午時段，店面好似冇咩人排隊，所以我試下啦。 我地買左一份白魚旦，佢既魚旦睇落一點也不特別，又不是炸的，上面鋪著辣椒油，睇落好平淡。但原來食落都唔錯喎，佢魚蛋彈牙，味道清清地，不經油炸食完完全沒有熱氣既感覺，而佢加既辣椒油又唔會好辣，反而為平平無奇既魚旦加上少少點綴，聞落香香地同加強口味，真無唔錯喎，推介！…查看更多

成日都同朋友講，葵涌廣場真係一個好神奇嘅地方，有得食有得買，依幾年仲越開越多小食店同茶飲店，根本就係一個小食激戰場。為左過口癮，我去左好友推薦嘅林昌記食魚蛋，好友表示林昌記係佢最鍾意嘅魚蛋之一，我最初仲諗有無咁好食🤔 結果一咬就明白喇，真係好彈牙喎！再加上咖哩汁，香而不太辣，一碗大咖哩魚蛋轉眼間就俾我地食晒喇。上網睇番，原本林昌記嘅白魚蛋係自家製，用上八成魚肉打成，所以粒粒都圓碌碌，爽口彈牙。除左魚蛋，葵廣嘅林昌記仲有牛丸、蝦子炒麵、海鮮燒賣同埋其他分店屬於隱藏menu嘅海鮮炸角架!!! 另外值得一提係店主嘅服務，裝我地碗魚蛋嘅時候碗邊有咖喱汁，店主有專登抹返乾淨個碗邊先俾我哋。雖然係一個小小嘅舉動，不過都睇得出店主有照顧到客人😊…查看更多

葵芳多街邊小食就冇人唔知，但花多眼亂，食咩好？肚嘅位置有限，咁緊係要揀黎食啦🤣。好耐之前都已經聽過林昌記白魚蛋，估唔到葵芳有分店😍，立即買黎試。///白魚蛋1. 白魚蛋超彈牙👍。2. 佢嘅精髓在於佢嘅辣油，香而不辣，正💯！3. 個辣油點解可以咁正？好想買佢個辣油返去食呀🤤。…查看更多

個人真的喜歡吃這一間的魚蛋，他是10分彈牙，白色的雪白的一粒，吃下去不會吃到太多的脂肪。今天特意來試了他的牛丸，每一粒牛丸也非常紮實，用了充足。最值得一讚是他的湯底，非常入味，很想把整碗湯也喝下去。平常很喜歡把魚蛋買回家烹煮，最喜愛的魚蛋就是他。…查看更多

呢間嘅魚蛋超好食估唔到連葵廣都開埋分店呢間舖嘅嘢食選擇冇紅磡，旺角嘅分店咁齊全喉嚨有d痛，本來想食炸海鮮三角，但忍住咗叫返碗大嘅白魚蛋就算，20蚊一碗魚蛋入口彈牙，食落確實有魚味唔會好似食麵粉，粉漿咁，不過呢間fing水fing得唔夠(食過嘅應該明我講咩😂)可能得呀姐一個看舖，唔得閒fing多2下d水溝稀咗d辣椒油辣椒油就一貫香口不過辣妹嘅我嫌唔夠辣如果佢有出加辣版就正！整體上合格有餘！等喉嚨痛好返再食炸嘢！…查看更多

講起葵廣既魚蛋，除左一樓個間名星小店，林昌記都係我既最愛之一。話說我好耐之前經過尖東，誤打誤撞發現到一間主打魚蛋既小店人頭湧湧，經店員推薦下，我食左人生第一碗食炸蛋(炸魚蛋+千島醬)，真係相當驚艷，估唔到一粒平平無奇既魚蛋都可以令人回味無窮。最近行葵廣發現呢度都開左林昌記，而且食物款式更多，我當然要黎試一試。我最愛係原味魚蛋，雖然魚味唔算突出，但口感相當彈牙。而且一定要試佢地既辣醬，香為主，辣為輔，好好食。之前亦試過佢地既魚肉湯，加蝦子醬後香味升級，更加惹味。不過魚蛋黎講，都係尖東個間較為優勝，而且尖東個間可以自己落辣油，自己控制份量，自由度更高。…查看更多

掃街，食街頭小食，當然要食魚蛋。本時都聽過朋友講，林昌記魚蛋好食，話連飲食男女都有介紹。當然check下有點勁法。嘩！！睇過下有幾點1）夜市賣十萬粒魚蛋2）食評話原味白魚蛋已經有味又彈3）辣椒油香而不辣4）炸魚蛋好食5）新燒賣好得而又剛好去葵廣，就去試下。。。。。。嘩，冇人買？極度冷清唔係ma,雖然一早估到雜誌的介紹多數係俾錢的，但食評都係？？？網上多人講的，竟然7點幾的時間，一個客都冇。。。就行去望下，難怪。。。原來什麼都冇。。。勁多暫停唉，牛丸。。。燒賣。。。離我而去八卦問下阿姐？好賣到冇貨？真係唔問好過問，答案嚇左一跳。竟然係冇貨一段時間嘩，一間食店可以冇貨一段時間。。。勁唯有食原味魚蛋不用10秒，我要的魚蛋就出現左。阿姐問要唔要辣，我話要，佢就幫我落。吓，辣椒油竟然唔俾客自己落？怕我食佢一罐？？？算，試下魚蛋先，白色的，和平時食的黃色魚蛋不同，似香港仔魚蛋。佢哋聲稱係98%魚肉。一咬，嘩，水煮魚蛋？冇味的，又話，魚蛋本身有味？又話油浸？走油？點解食落完全冇味，又唔彈牙。辣椒油又唔辣，又冇辣椒的香，淡而無味。唉，極之失望。為左唔做大嘥鬼，快脆食左去。結果發現當初的感覺是對的，係水煮魚蛋。因為個碗入面勁多水，難怪冇味，又唔俾客人自己落辣椒油。最神奇的係，這間奇特的分店，有搞學生優惠。但竟然不是附近的學校。而是1）鄧兆堂中學 （元朗）2）寶血會上智英文書院 （石硤尾）3）何文田官立中學 （何文田）4）石籬天主教中學 （石籬，都叫近d, 大約半個鐘巴士）真奇怪…查看更多

林昌記既白魚蛋真系好好味😋極度推介 ...............加左辣仲好食，其實我誤打誤撞見到葵廣有，明明準備食晚飯都忍吾住買左。平時經過旺角附近，都會專登去食😋😋😋推介…查看更多

次次去葵涌廣場掃街都會過嚟食一碗咖喱魚蛋，標榜自己不加色素，原汁原味嘅鮮炸魚蛋，彈牙有魚味，細細粒一啖一粒啱啱好，可選擇咖喱或香辣，我就鍾情咖喱醬😋嗰醬比較濃稠，但咖喱味不會搶咗魚蛋嘅魚味，食落去有少少覺得加左薯蓉落去個咖喱醬到咁下次你掃街都要繼續食佢…查看更多

大學時期在尖沙咀吃了一回「林昌記」，非常欣賞他家的辣油。當得知葵涌廣場開了分店後，一直想找機會重拾回憶。今次是在晚飯時間抵達葵涌廣場，正值大家醫肚時間，每家小食店都人頭湧湧。但唯獨筆者的目標——「林昌記」水靜鵝飛，難道00後都不認識這家有名的小食店嗎？筆者直接點了一客香辣魚蛋。看了一眼餐牌，除了招牌的魚蛋外，食店還有燒賣、炒麵等其他小食的。一杯小的香辣魚蛋有6粒，店員先放魚蛋再淋上2小匙辣油。魚蛋完全沒有彈牙口感:(，魚肉香味也欠奉。雖然放了辣油，但絲毫吃不出香辣味。吃罷6粒後，一絲魚味辣味也感覺不到，令人失望呢:(。當放下盛魚蛋杯子的一刻，筆者似乎明白為什麼每家店都滿是食店，而「林昌記」卻⋯⋯…查看更多

同fd黎葵廣掃街 竟然見到有林昌記😀😀 應該係新開雖然係foodie但都未食過呢間嘅魚蛋 fd話辣油好正魚蛋又濃魚味期待滿滿地試啦😎我地點左 辣油魚蛋 大 $20 一齊share食 因為成日有排食驚食唔到其他鋪頭😛😛一份有20粒 林昌記魚蛋似潮州白魚蛋 非油炸 感覺健康少少哈哈🤣🤣魚蛋淡到好似水煮左一日 無味嘅😭😭😭 平時街邊小店或者龍津仲好食只係好彈牙 係咪咁啱唔新鮮 可能比機會再試 辣油係香但一d都唔辣😔…查看更多