板長壽司 (黃大仙中心北館) (已結業)

一路都有食開板長，貪佢味道唔錯，用料又幾新鮮，間唔時就有特別d嘅刺身食，之前試過秋刀魚刺身都幾特別，不過呢期推介嘅好似係鏗魚，個人無太大興趣，所以就無叫到啦。咁今次就叫左佢會員推介嘅三文魚壽司拼盤，咁多舊都係105蚊，真係幾平。我地三個人食，每人一人一舊啱啱好，認真唔錯。不過我自己覺得三文魚壽司瘦左少少，如果多返d脂肪會更加好食！另外，我地重叫左牛油果沙津，不過無影到相。。。。。。有d令人失望，佢d牛油果係牛油果醬咁，無一粒粒嘅果肉，濫竽充數。不過其他食物味道都幾好，重叫左炸雞，好香口好脆，有檸檬同沙津醬跟，平衡返個口感。

曾經好多人慕名而去板長壽司,板長&板前名氣都十分不俗, 但近呢幾年彷彿人氣下滑咗好多,星期五嘅晚上都唔使等位就可以入座, 內裏仍有四分一座位係空嘅。我哋一行4人 叫咗4份晚餐,家人獨愛天婦羅烏冬,就只有我係叫和牛玉子丼,另外叫咗一啲小卷(蟹柳小卷&青瓜小卷)。天婦羅烏冬,烏冬偏幼身,屬於稻庭烏冬,有兩隻炸蝦,另有番薯冬菇南瓜各一件,承惠$7x一客。番薯好甜,蝦都炸得鬆軟,係略嫌細隻咗少少,冬菇同南瓜就正正常常,整體不過不失。至於和牛玉子丼,由於menu上顯示嘅和牛非常之生,我就問waiter可否要求廚房改為較熟程度既和牛,侍應都好好,佢話ipad落單之後可以同職員講想要既和牛生熟度就ok呢間分店嘅waiter服務都幾好,整體都幾有禮貌。和牛丼上台真係畀相片較為熟成,玉子做得不錯,和牛切得薄薄,堆滿成碗飯,分量相當充足,不過牛嘅質素就一般,欠缺咗和牛嘅牛香。整體晚餐質素不過不失,算係唔會令你有所期待但亦唔會係好差。

新蒲崗果間板長執咗，就少左去板長今日黎左黃大仙呢間板長試下，以前食過㗎板長ok㗎，啲食材都好新鮮，但今日唔知點解呢間真係好差啲魚生好唔新鮮好乾身，好似擺咗係度好耐仲要無蓋冚咁，叫左好發款壽司覺得正常㗎都係得三文魚同油甘魚壽司，可能係平價壽司差極都唔會衰得去邊，其他貝殼類壽司同魚類壽司都唔新鮮食唔到鮮味好失望，叫咗一碗櫻蝦稻庭烏冬除左鹹，就食唔到其他味，如果以呢個價錢去食咁㗎質素真係唔值，無食一排真係差咗咁多，希望唔會步元氣㗎後塵

曾經係板長fans, 但今日呢餐真係令我幾失望呀。覺得近年板長既出品追唔上元氣。以前覺得元氣冇板長咁好食，而家真係唔同講法啦。自己一個人食唔得多，求其點左幾件食。其實唔算難食，只係好普通。三文魚冇魚油香味，整係得個肥。吞拿魚就有少少腥，食落有渣，口感好一般。玉子壽司就正正常常，但如果個玉子溫度可以keep到暖暖地就更好啦。個蝦就真係失望，首先佢食落唔甜，口感都唔爽。三文魚子都ok, 食落都仲有卜卜聲。希望板長可以未來有進步，追得上其他壽司餐廳啦。😊

OT後要食餐好d， 去左食板長壽司!9點左右到達，職員通知10點last order, 時間都多，即入坐底叫壽司食天婦羅蝦熱🔥，好正鮮北寄貝味道鮮甜， 都有好多片，不落醬油都可以每次黎到都一定要點<甜蝦牛乳白湯>， 叫得甜蝦一定以為湯裏有原隻蝦?? 錯啦!!碗湯有濃濃鮮甜蝦呆， 唔會話好重奶味，甜甜地! 仲有粒湯丸 咬口正!食左甘多壽司飲番碗湯䁔下胃叫左多款壽司，因太肚餓原因，淨係影左劍魚腩壽司，油甘魚壽司 (有分柚子醬和黑松露醬)， 一口帆立貝壽司，槍魷魚壽司等...<劍魚腩壽司> 充滿魚脂味, 真係必必必推介呀 <芒果蟹子沙律> d菜絲同蟹柳絲都切得好幼, 芒果好大粒同好甜

2018年5月30日 (星期三) 12:04pm 35°C 店內裝潢以時尚為主，樸實為本，設置梳化卡位，感覺舒適和優閑。 環境光亮整潔，餐具乾淨。 以先進科技產物來點餐，直接傳送去廚房，捨棄傳統餐牌，變得更方便快捷，值得一讚！ 早上本人去了黃大仙祠廟參拜祈福許願。在中午時分，路經此餐廳，被門外張貼的特價午餐吸引，因為有本人至愛的魚生丼飯喔 人數：2人 HK$150 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 三文魚親子丼定食 - 三文魚塊塊厚切，肉質軟滑，味道甜美，完全沒有冷凍感覺和雪藏味道。魚籽新鮮爆脆，滲出海洋氣味。三片青瓜清涼爽口，適合炎炎夏日。碗內的珍珠米十分軟綿，一點都不乾硬，在拌勻魚籽及青瓜片後進食，感覺爽口清新。同時，配合刺身一起吃，味道更是一流！【推介之選】❤❤❤ 蔬菜沙律 - 酸酸甜甜，清涼爽口，開胃之選。 角切魚生三文丼定食 -

等元氣等唔到，提著一大堆行李專程跑來黃大仙食板長，間店明明有位，但就係唔俾你入，好啦我等啦，你慢慢執檯咯，早又唔執，張檯明明乾淨嘅。店員又問係唔係會員，我話係，甘就唔俾ipad點餐，what？我一定要用你板長app先可以點餐？新手機又無下載，唯有再down一个，个垃圾Wi-Fi竟然又限制登入人數，好咯，我用流量咯，點知原來連會員優惠都無，我辛辛苦苦用個爛鬼軟件搞佐十幾分鐘仲落唔到單又無折扣得滴爛鬼積分，你講俾我知我要你地個會員把鬼啊，哇真是激氣啊，一個個店員企係到裝飾來嘎？連落單都落唔到，真係垃圾到爆炸，飯都食唔落，甘差嘅態度，一世都唔會再幫襯！

今日lunch 經過黃大仙。見到有板長心思思又想食壽司，就一條友入去享受下喇！☺閒日lunch好彩唔多人，唔洗等。環境都幾舒服，呢間都幾大間，好闊落。被安排坐卡位。而家板長搞自己電話dl個app.自己落單！提供埋wifi,都幾方便既！仲可以儲積分用黎扣錢洗。我既lunch黎喇！！叫左我最鐘意既柚子油甘魚壽司。😋做緊優惠，8蚊件。質素幾好幾靚。 個人覺得油甘魚真係好襯柚子！食落特別甘香！！令到佢會更鮮味！😍😍三文魚壽司就普普通通喇，唔夠肥美。d紋唔夠靚。火炙左口魚：食落暖暖地，都唔錯。咬落魚油流出。幾鮮火炙三文魚亦都唔錯！加左d沙律醬，更香，更好味！三文魚都夠大塊😬豉油漬三文魚壽司，我都好喜歡吃！！食落有d根位，好煙韌！得板長先有得食。可惜價錢愈黎愈貴。同三文魚壽司一樣價錢😢呢間質素，都算ok!

今天和家人吃午餐，不用擔心荷包出血，當然就去板長吃個痛快。板長壽司採用平板電腦點餐，方便快捷。我叫了一個蒲燒鰻魚飯定食 ($108)，除了鰻魚飯還有味噌湯，蒸蛋，沙津和前菜，菜式非常豐富～先喝熱湯。味噌湯裡有常見的海帶，沒有豆腐，但有冬瓜。味道一般，就當是溫暖腸胃。沙拉很好吃，有生菜也有三文魚粒，就是吃完會意猶未盡，畢竟分量很少。接下來就到主角登場啦！鰻魚飯色澤鮮豔漂亮，珍珠米粒粒精緻，叫人垂涎三尺。鰻魚肉質肥厚，葡燒醬汁沒有蓋過魚的鮮味，紫菜絲和芝麻粒使鰻魚的味道更立體，配以優質的米飯，教人食指大動。最後以蒸蛋作結。雞蛋非常滑嫩，但有點過鹹。幸好裡面的蟹柳出奇地可口，挽回不少分數。板長比起其他連鎖壽司店，例如是中價的元氣或是平價的爭鮮，自然是貴些。不過，一分錢一分貨，板長的質素的確是最好的。(而且假日也不用排隊 XD)

黃大仙 板長壽司作為一個日本控🇯🇵點可以唔成日去食日本野架呢❤️炙燒三文魚🐟壽司🍣真係超級無敵霹靂好食吖🤩三文魚經過炙燒後入口即化，魚油香氣在口中久久不散，加埋沙律醬就perfect 哂啦，簡單又好吃😎💕 評分：😈😈😈😈😈

以往視板長壽司店為食堂，可惜食開的分店不是結業就是質素每況愈下，令我開始有點放棄再光顧的念頭。誤打誤撞下首次來到位於黃大仙中心的分店，決定再給它一個機會，哈哈！欣賞這分店環境較舒適，卡位不少，而且非常闊落，坐得舒服！而且可能商場人流不多，所以餐廳亦沒有像其他分店般時刻爆滿，多了一份寧靜，也不會有用餐時間限制。店員態度有禮及殷勤，也不忘向我們推介是日限定的蟶子，果真好吃！三文魚是我的最愛，各款製法的三文魚壽司幾乎都有點，當中火炙三文魚較佳，醬油漬三文魚則中規中矩，最失望是最原始的三文魚不是鮮甜肥美。

黃大仙開左間板長。想食壽司又可以多個選擇喇！！！😃諗咁叫咩壽司既時候。有個職員走來介紹我地食下牛油燒聖子，話幾好味喎！就聽下佢講，試下喇！😉個賣相有幾唔錯喎！佢將聖子拆肉再拎出黎燒。好香牛油味！😁再試下加點檸檬汁。再將個鮮味帶左出黎！真係介紹唔錯喎！😄再試下佢d壽司喇！三文魚都唔錯，幾靚。食落都幾鮮！但再叫第二轉就無咁靚了！火炙三文魚，唔夠暖，如果可以暖d,就會好好味！😁豉油漬三文魚，價錢愈來愈貴，升到上去同三文魚一樣價錢😨😨但都幾好味既！唔會話好咸！整體上，呢間板長比起其他分店，更好味。保持到水準。希望次次黎都可以keep住個水準啦！😀

其實魚生壽司想好食好容易就係食材新鮮同埋飯粒 ok就已經好好食秋刀魚秋天當造冇得輸雖然師傅切得唔夠多刀但係秋刀魚油油潤潤十分美味夠曬肥美魚味夠重如果真係要係雞蛋裏挑骨頭佢嚿壽司實在係太多飯但係力度扼得啱啱好反而呢間個赤酢飯好似唔夠酸味所以造就咗個海膽吞拿魚腩 三文魚子丼 就好好味啦食材非常新鮮唔通真係銅鑼灣嗰間特別難食成日搵啲唔夠料嘅妹妹仔去 做其實我詳細睇過啲食評呢間嘢應該好多好評至係但係可能人哋要100分先至會畀好評咁唯有叫你哋加油啦

講到係香港出街食晚餐，板長都可算是快攪正之選‧因為自己都鍾意食日本野，如果想快唔想咁貴又唔想等咁耐位，選擇真係唔多，所以板長係我經常幫襯既一間。佞左咁多次都冇分享過，今次影左食物相，順便介紹一下。個人認為TUNA係香港好難食到好味既，因為日本果D實在好食同新鮮太多~但今次係板本點左幾款TUNA SUSHI同手卷，都令人喜出望外! 可能撞晒今次返貨D食材質素上盛。另外，板長既炸物一向係我必點之選，由其推薦雜錦天婦羅，炸得唔油又唔會好厚粉。仲要一提既係佢既燉蛋, 比另一大品牌元X果D滑同足料好多!! 如果有得揀, 個人絕對會揀板長!

由於早餐食得太heavy，所以午餐唯有食輕量啲，刺身加壽司應該係不錯哪嘅選擇。平日又加上12：00前就到了，不用等位。友人問經理今日有咩新鮮刺身，經理就介紹左鮮北寄貝，池魚，生蠔，油甘魚。所以就試左其中一二。