板長壽司 (已結業)

位於葵芳地鐵站附近的板長，經常經過卻從未內進，因為板長的水準在近年越來越差，加上其他同類型的食肆太多，基本上都不開飯的考慮範圍中。這次的午餐是同事邀約，在多年後，又重新踏足。午市人流不多，繁忙時段也能直接內進不用等候。門口的電視推介著各式各樣和食料理，就是我午餐想要食的。入到去，看了看餐牌，傻眼了。想要吃的都售罄，熟食，小食全部都沒有，午餐只賣指定午市套餐及少量壽司。如果沒有，是否門口不應大大隻字寫廚師推介？真令人失望到極點。無奈只下點了套餐鯖魚定食，餐配味噌湯及沙律，份量足夠。大大一塊鯖魚，燒爐的火候控制的剛剛好，皮焦香而肉緊實，單單的鹽味提鮮，魚肉更鮮，油脂更香。單吃套餐有點寡，點了3款壽司，價格相對于元氣更為昂貴，但味道方面卻略輸一籌。連我最愛的芥辣八爪魚軍艦，這裡的水平也只是平平無奇。芥末不夠嗆，紫菜腍身，壽司飯太軟太濕。同事點的豚肉便當也平平無奇，而且份量超少，大概是想食客加點其他食物增加收入。總括來說，可一不可再。

食物OK , 但服務態度惡劣.期間侍應送上一碟生蠔, 本人表示從沒點過。起初以為錯派到我們到。過了大約數分鐘, 該店經理表示食品是我們同一個時間下單, 所有食品都是由系統顯示即叫即整, 無得取消。我們一家都不吃生蠔, 不禮貌地表示「如果唔要我都可以幫你去取消, 但為免再 ‘HI’錯製, 要收起部電子tablet！」就轉頭離去，態度惡劣。再好食都不會再去。

板長，一般都很難食，魚生如紙咁薄，但直至我遇上葵芳店佢唔喺兩大商場新都會同葵涌廣場內，反而位於對面出口百佳爭鮮巴士總站嗰邊，或者因為有少少隱蔽，當星期五晚pepper lunch都要等41張枱時，佢都唔使等位。剛好前兩日食完元氣快車，下午又食完傳統元氣，晚上再來板長，剛好作個比較。老老實實，真係唔太鍾意用pad點菜，一枱得一部大班人點菜傳閱好唔方便。板長啲pad又慢，成日lag機，壽司分類又差(你估三文魚腩壽司在廚師推介定築地直送?)，呢樣快車個pad較優勝。今次第二次幫襯葵芳店，唔使一分鐘就上菜，真係快過快車，員工都好快手好有效率有活力同有禮貌，抵讚。賣相唔錯，大大件又飽滿。兩件三文魚腩肥瘦有好大差別，好在朋友孔融讓梨選咗件瘦，hehehe。$10一件咁肥美新鮮，超值! 玉子壽司$6，唔係冰冰冷冷淺黃色嘅蛋，旁邊有燒玉子的痕跡，甜甜濕潤，抵到爛之選，只可惜板長無腐皮壽司，否則蛋同腐皮呢兩樣cheap嘢係我必點，唔係因為要填飽個肚，而係魚生純睇來貨靚唔靚，但玉子、腐皮、鰻魚呢啲要煮嘅，才見廚師廚藝同店鋪性格。炙燒三文魚旁有點蔥白，不只是為了美觀，與壽司一起進食，能減輕油膩度，增加清新感

最近朋友生日，咁岩又落大雨，唔想去太遠，就去左佢屋企樓下間板長吃壽司未到晚飯黃金時間人唔算太多，就2人座位都坐滿滿了，所以我地就被安排坐BAR枱，我地都幾LIKE BAR 枱既。然後，我朋友打算用佢地的生日優惠，生日有折，但係原本係要消費左一次夠300蚊去續左會先可以下次用呢個生日優惠，有點囧！不過無生日優惠都照食既，都係點左啲普通野，三文魚、甜蝦、甜蛋、油甘魚等等以前喜歡吃的甜蝦加蟹膏無左好失落三文魚好厚切，就黎大舊過舊飯，甜蝦仍然好新鮮、鮮甜，甜蛋仲有點微熱吃時最好吃熱食都有叫左蒸蛋，蛋入面有冬菇、魚蛋片、蟹柳，但不知為何總覺得有一點腥味？蛋蒸得有一點老板長自助倒水都唔出奇，很讚的是除了乾紙巾，也有提供濕紙巾，不錯。

紅雨下獎自己不用工作，本身又想去食譚仔，途經板長壽司，見有特價午市套餐，好試下先一夜干魚，冇諗過甘大條，師傅燒到剛剛好熟，連魚骨都燒到脆卜卜，好多魚汁，唔駛點佢既酸汁，原汁原味，正！套餐還包沙律~正常麻醬沙律菜，白飯~日本米太大碗， 麵豉湯～內裡有豆腐海帶唔太咸綠茶任飲

獨食板長，亂點幾件壽司過口癮。多間連鎖壽司店，只有板長質素較好，今次亦不例外，壽司米飯不會太實或太鬆，入口帶有微醋酸，加上新鮮的帶子、甜美的三文魚，沒有令人失望。火炙系列也不錯，入口帶有微溫，比起一般壽司更好味。

近排愛上食板長, 因為啲三文魚真係好新鮮. 今日收工就試下葵芳分店叫左普通同腩三文魚壽司, 兩種都壽司好新鮮,好吸引, 唯一啲飯吾實, 好易散, 另外花之戀外面三文魚好好食, 上面魚子超滿, 食完超滿足 , 呢間環境同服務都吾錯.下次會再食板長~

今日諗住食譚仔，好多人排隊等位，唔想等所以去左板長。點左特價飯食，我叫左“咖哩xxxx和牛定食”，太長，唔記得個名女朋友叫左"韓風三文魚飯”。兩個飯份量岩岩好，咖哩汁辣度適中，炸牛肉餅好好味，好似好足料^_^好滿足。另外，三文魚飯賣相不錯，三文魚同吞拿魚配飯都好好味，特別中意吞拿魚個味道因為她是貓咪^_^特別愛吃!“面屎湯”太咸了，飲茶仲正!!可能太好食，手機冇食到>_<

（（（可怒也）在Apps裏差不多把食評寫完，字卻無端端被消失變回0字，我沒心思再詳細寫多次））餐廳燈光較暗，座位不大寬闊，繁忙時段四人枱需要搭枱。進店後，店方會介紹客人自行用平板電腦點菜，壽司飯握得不錯，偶爾會發生一開二，飯質黏軟度適中；壽司面料中火炙鰻魚是最美味及肥美, 其他也不俗。秋刀魚照燒丼 $38 連麵豉湯, 一個便當盒的樣子捧上來, 只要打開盒子便聞到非常香的燒秋刀魚油香味, 一共有六件帶油腴的燒秋刀魚, 魚肉甘香濃郁, 無骨兼魚味十足。  配合珍珠米飯及淋上甜甜照燒汁, 其味無窮!