板長壽司 (已結業)

板長，日本連鎖店，由落單開始都用系統處理，食店自助手機點菜落單選擇，實在快捷又準確，免經餐廳人手處理，都已經係大吹勢！日式午餐選擇都不錯，有魚生飯又有熟食雞牛豬都有得揀！事日就試左南蠻雞定食和滑蛋豬扒丼，味道和份糧都正路，性價比較高。小食都不錯，推介奶油薯餅，內裡滑嫩外又脆口熱呼呼！

今晚想去黃埔食壽司，有兩大連鎖店，元氣和板長，元氣選擇多但經常缺貨，水準每放越下，唔知点解晚晚排百幾人！所以我去左板長，一定有位，水準經常保持新鮮。不過壽司款式就不多。今晚食得不太多，因為水準差左，軟殼蟹手卷炸槳多仲要細件，赤貝好細舊，睇相就知！！！餐廳最大問題就係點餐系統，如果你是會員，先下載apps ，登入後，全枱人都會攞你電話點餐，成晚個電話就傳來傳去，有咩來電，whatsapp ，message ，全部人都知！

有外國朋友到來，從尖沙咀海傍星光大道走到黃埔，表示要試試地道的壽司店，所以便走到民泰街的板長壽司，因為是中午12時半，店裏已有一半客人，我和朋友一行三已沒有卡位了，但兩張小枱的座位也很舒適。我和香港友人不約而同選了櫻花井套餐，有湯有飯只是68元，相當實惠。份量也足夠，魚生和魚子都很新鮮。但外阈朋友鍾情於A la carte, 選了三文魚手卷，吃了三個還要再添，點了兩set,可惜他還未飽，又不想點套餐，因為再想吃些飯，所以點了白飯一碗，店員非常坦白說明要20元一小碗，但朋友都想要，那小碗直徑只有3吋，真是名符其實的“小”碗。整頓午餐是272元，但20元一小碗白飯，和酒店中菜廳一樣呢。

行過路過 , 見到 板長壽司 於是便入去幫襯 , 食個 lunch 都好 ~本來想點個 鰻魚飯定食 來吃 , 但見有食客在品嚐燒鯖魚 , 於是筆者便跟風點一客來吃 ~鹽燒鯖魚 : 在半暖不寒的天氣裏，用 $48 的價錢可以吃到一條即燒的鯖魚(定食)，定食包括 沙律、味噌湯、燒鯖魚、白飯 ~上枱時看見碟上的鯖魚魚皮仍然因為受熱而漲起細細的泡泡，吃下去時，魚皮既薄又脆，皮下油脂溢出，而魚肉味鮮而滑，幾條刺骨也燒得脆口，鹹鹹味道加上魚油的香，把魚肉送熱飯 .... oishi ~ 本篇完 ~

本想吃個午市定食，但有些食材又非喜愛吃，左想右想，終於還是單叫壽司。火炙鰻魚壽司，厚厚的鰻魚塊先用爐烤焗，鰻魚焗到肉軟juice再淋上鰻魚汁，和壽司飯一大口吃著，很滿足呀！火炙三文魚壽司和三文魚壽司，佢標明用挪威三文魚，壽司飯size也不太細，而魚片放飯上能全覆蓋有餘，份量可想而知。蟹棒壽司，是小時候的情誼結，每次必叫，味道很少會出錯的。油甘魚壽司，肉鮮無筋，一啖全吃。龍蝦沙律軍艦壽司，小龍蝦肉與特色沙律混和，配壽司飯和紫菜一起咀嚼似撈飯吃咁。其實以往也常有光顧板長，但漸漸發覺食物質素下降，瘦幼的鰻魚又凍又硬也叫火炙鰻魚，經多次失望後已很久沒有幫襯了。現重臨此店，確實覺得水準是提升番不少了。

餐版的選擇不算太多，如果可以加多d炸物好似雞軟骨，牛肉串...壽司希望可以再多款d，例如三文魚加芒果粒壽司。特色拼盤刺身還算可以。稻庭烏冬麵太幼，口感比較似擔擔麵，唔似平時食開嘅烏冬。

話說果陣小妹出左bouns 所以就叫哂全家去板長食餐勁既😂😂😂食物水準 掂！飯係微暖 師傅握得岩岩好 所以夾起黎又唔會散 刺魚生果d都好鮮甜唔會話有陣味 連我媽媽怕食魚生都覺好好味❤️服務都係好好 我地食剩左d 想打包返屋企晏d再食 工作人員 即刻俾兩個盒我地裝起 又問我地夠唔夠盒 又好貼心怕我地裝唔哂價錢呢就唔洗多講喇 唔算好平 但呢餐飯我覺得係值既 野食新鮮 服務又好既餐廳 真係唔係剩好多 同埋 地點好就腳 黃埔站隔離炸😂😂

之前申請咗入會後，都有一段時間冇食過板長。咁岩男朋友生日，醒起有八折優惠，就去咗食。既然係慶生日當然食得豪爽D啦，所以兩個人叫咗成枱野食。最值得推薦係北寄貝刺身同油甘魚刺身，意料之外嘅新鮮。之後我地怕唔夠飽，又叫咗一個腐皮烏冬，佢係扁烏冬黎，都幾彈牙同幾入味，愛食熟食你都可以試下。

Friday lunch 唔知食咩好 周圍都好多人等位ar 行到民泰街板長 唔使等位直入 perfect! 12:40pm 到都8成滿座 la...第一次黎Hung Hom板長 環竟闊落幾舒服 服務員几有善落單用tablet 夠曬efficientLunch menu 選擇都幾豐富嫁 有魚生丼 拉面 烏冬etc. 我就揀左Tempura烏冬 等左around 10分鐘就有 Tempura新鮮即炸果然特別好味 ar 蹈庭烏冬都好好味 埋單連加一$79 抵 會再光顧

平時口痕都鐘意去板長食番幾件壽司。今日去黃埔逛逛街，見到間板長，無咩人。所以就入去食番幾舊喇！ 😁😁意外地發現黃埔板長質素好似比較好一些。前排去了觀塘分店，質素就麻麻了！喜歡叫佢既大蝦食。大蝦的蝦頭先炸一炸，暖暖的。仲有啲蝦膏係入面，幾好味。而大蝦也好爽口，鮮甜。另外叫了豉油漬三文魚，味道都不錯！😁不會太咸。同佢本身已經有豉油係面燒過，所以唔洗再沾豉油就可以！柚子油甘魚反而就無咁靚喇，唔夠新鮮。三文魚壽司亦很鮮。幾靚。食得很滿足！希望呢間板長可以keep住好水準。唔好差啦！👍

一心唸住去用我生日8折既優惠劵時 職員同我講已經過咗期 當時真係感到無耐 由於要係生日月份嗰時用 我只不過遲咗三日好唔抵不過無辨法 都照食啦其實每次黎都係嗌 同樣既野 已經黎過無數次芝士飛魚子軍艦 (芝士同飛魚子溝埋係絕配)海膽軍艦 (入口即溶）鵝肝壽司 (唔會太油 大大件 我至愛)雜錦天婦羅 (外脆內軟熱辣辣)牛肉烏冬 (湯底濃 份量多 烏冬比之前好食 改良咗 之前個烏冬粗好多 硬身啲 今次食好食好多 口感滑啲）仲有漏咗三文魚腩壽司忘記影又係超好食 有時晏咗就賣晒架啦

要食壽司嘅其實今時今日有好多選擇，但有時都會食下板長，貪佢夠就快，水準穩定。記得以前細個食板長都要排好耐隊，依家就唔使lu，甚至直入都有位。選擇方面，感覺上壽司種類選擇好似愈來愈少，或者可能注重多咗喺料理或丼麵等範疇。我揀咗嘅壽司請參閱我張賬單，今次專登試左佢哋依期推介嘅吞拿魚赤酢壽司，味道不錯，老實說，其實我唔太了解咩係赤酢，不過舌頭最中肯，其實就係醋味比較濃多少少嘅壽司米，如果唔鐘意既話可以轉返做普通米。我每次食壽司都一定會叫魚背壽司同埋吞拿魚沙律軍艦，前者係我食過既壽司店當中，依度食既質素屬於不過不失，但魚背本身油脂味濃，所以我仍然食得開心至於軍艦方面，包住嘅紫菜爽脆，食落有口感，唔似有時啲店舖紫菜都琳琳地。整體依餐都滿意，板長算係水準平穩既壽司店

29/05 下午4:30。一行四人到板長壽司吃下午茶。因為下午茶時段的關係，店內只有兩枱客，加上我們共三枱。當時店內只有一個壽司師傅和兩個服務員。我們坐下後便用平板電腦點菜，大概10分鐘後，侍者端上我們點的壽司和午餐，然後再施施然地攞左四隻碟給我們。我們看一下隔離枱，發覺我們枱沒有豉油碟，於是便叫服務員拿豉油碟。到呢個位已經覺得服務員好hea,可能因為下午茶，無咩人關係，居然連最基本既餐具都無準備好。之後，有另一個戴口罩的服務員行過，我們便請他幫我們加茶，佢每杯茶都斟到好滿，可能想儘量斟滿啲唔使又要再斟多幾次，最離譜係有一杯直情斟瀉晒，但係佢都冇諗住抹返。於是我就請佢抺返張枱，佢好唔情願咁抺，抺完之後，仲掟返條抺布落工作枱。最後係由店長向我們道歉，offer請我們食甜品道歉。我告訴店長，唔需要，因為我唔係為R野。只希望顧客可以得到基本，應有的服務。

第一次去食板長，水準真係唔錯。鰻魚壽司既鰻魚好厚身，一咬落去食到鰻魚彈身得黎都唔會太硬，口感非常好醬汁亦都足夠，味道香濃仲叫左好多壽司食大蟹棒壽司既蟹棒味道好足蟹棒比飯大兩倍好正！玉子壽司係我最愛玉子夠厚身，而且甜度剛剛好，外型扎實唔會一夾就散開火灸三文魚都唔錯，唔會燒到好燒身，不過可以再燒多d三文魚壽司都係水準內，雖然唔係厚切，不過肥瘦適中炸蠔好香脆入面既蠔好新鮮，味道不錯黑豚肉烏冬黑豚肉份量足夠，每一片都好肥美，味道香濃幼烏冬好彈牙，煮得剛剛好最鐘意個底既白蘿蔔，蘿蔔吸哂湯既精華，有自己既甜味又有湯底既香濃。

其實呢條街嘅鋪頭有好多都幾平幾抵食，當有一間唔使排隊其實大家都知咩嘢事啦！一係就太貴唔抵食一係就唔好食叫咗個壽司套餐，個湯竟然可以淡味。沙律啲菜一食就知唔新鮮到主角八件壽司賣相已經唔得，仲要有兩塊係最平嘅三文魚。飯醋落得唔夠.睇見都唔開心食得咁不滿意我梗係要再追加啦！下次都係單點算啦，貴啲但質素好啲。因為唔夠滿足所以我再叫多件＄25嘅 matcha蛋糕,普普通通啦！但我唔明點解仲係有啲冰囉，未完全解凍，食得冇咁爽！