松記糖水店

营业中

休息中

我響附近自修室溫書既<br />有時都會一班人落去食<br />係幾好食既<br />不過其實其他都係咁上下啦<br />門面都光猛<br />比起其他同區糖水鋪實在係最好選擇既<br />至少感覺上都乾淨d啦<br />係咁啦

近來太忙,無見一陣子就有咁多食評,好不容易才看完;簡單講多謝各位支持我會保持水準又有D食評都幾複雜,都唔知点答一匹布咁長,你哋真是好奇,又唔喺當事人又咁肉緊簡直松記你哋都有份!如果想知道真相可到www.chungkeedessert.com.hk的簡介中尋找答案,真與偽並不重要,最重要是你們心目中的松記是質素好價錢合理和多特色糖水店,你哋咁鍾意表達意見可以到松記論壇,可以在chungkeedessert.com.hk到時可以更進一步和你們接觸因為只是本店的論壇唔會有其他雜店的評語,只有本店你們可評論品質,服務,價錢,環境,提昇本店的質素最後多謝你們有時間就到松記論壇見,再見.

三,四年前開始食, 一直到今時今日都係咁好味最愛楊枝甘露, 雜果布丁...生果一定新鮮! 買手功不可沒!

今次已經係第四次去美居對面果間松記, 其實邊間係正宗有咩分別丫, 最緊要抵食啦~ 我今日係第一次黎搬左去隔黎果個新松記~~~好味, 保持舊鋪水準, 唔會因為咁多人黎而水準低左~

水準很平均,經常創新來吸引顧客,難怪咁多客人驅車前往該店惠顧啦!況且價錢好合理,糖水名義上應該係甜,但係佢做到啱啱好吓就好抵讚喎!加油!松記

雖然都有ｄ後生女做侍應，但係services 都唔係好好．．．ｄ亞姐呢．．．你叫佢．．．佢剩係話得得得，之後就無影無蹤！＞＜激死人喇！

幾好食丫~d 伙記幾好~

轉角果間一早個名已經響左!並唔到M記對面果間先做響!不過最緊要好食!個人睇法元洲街果間糖水就會甜D,服務態度就好D青山道果間糖水就冇咁甜(個人鍾意冇咁甜),服務態度就極差,問多兩句都唔耐煩!

其實我覺得食糖水既野,邊間好食就去邊間,使乜理佢邊間先係正宗,你話係咪!(不過元州街果間O個老細成日都話自己係正宗,唉!講真呀!呢D野任佢講嫁啦,你問我我都會話自己先係正宗!)少少意見,請多多包涵

雖然轉角位已經摺左果間松記是松記的第一間店, 但做出名堂的,卻是M記對面那間(元州街).我在兩間店都幫襯過.確是元州街果間好食.之後青山道又開左間,我咁啱响元州街果間食完個幻彩明珠,於是去後面街青山道果間買左同一樣野(但佢地個名好似唔係叫幻彩明珠)番去比屋企人食.我同佢地都異口同聲認為元州街果間d生果新鮮d,d味道調校得好味d.其實都無謂再論邊個正宗邊個唔正宗0勒,總之大家食過覺得邊間正既下次咪繼續幫襯囉,係咪~ ?

尋日特登同男友去食，叫左什果琉璃，好好味呀～０的琉璃好爽好正，結果仲買多兩碗俾阿媽家姐食，不過成＄２０有０的貴，仲有嫌幻彩明珠唔係咁夠凍

我係網上面見到食評都唔差所以今日專登帶我女友去食由於我都係第一次去所以做定資料搜集結果去到行左反方向......之後先知行左幾個街口仲未見到M記女友開始話累...仲話食許留山算...最後去到M 記對面搵到個掛左出街既松記招牌但係間鋪就吉既....徘徊左一陣問左人先見到... 係幾間鋪隔離.......真係玩死(我知搬左但唔知幾遠..)行左半個鐘終於搵到LA....... 去到拿拿聲叫左最多人讚既幻彩明珠同哈囉兩樣都好咪但我覺得哈囉好多料但係就無咩汁攪到好似個口好乾(可能行到身水身汗掛)個幻彩明珠就好正~~!好多生果同大碗最正係佢黑白珍珠既配撘最後叫左碗雲石豆花---不過痳痳地女友話苦我就覺初入口好滑就之後好"鞋"服務方面就ok la 唔太差總結:非常好下次一定帶埋朋友再去!!P.S. 松記不如掛個大招牌出黎at 同埋拆左個舊招牌好誤導-.-

近排要騰去長沙灣，去多左幾次松記，試左佢地個「芒果琉璃」同「哈囉」（我見果度ｏ的人猛叫「哈佬」，但我偏偏讀成「蝦咯」，嘻嘻！）。哈囉可以話係一個「大雜會」，有咋喳ｏ既豆類材料（最開心有微豆）、杏仁豆腐、黑珍珠．．．一次試咁多料都算幾抵食。琉璃個口感幾特別，咬落去係「爽」，不過我地都係鍾意咬落黑珍珠裡面粒種籽果種口感多ｏ的。正當猶豫買琉璃定係黑珍珠回家比太上老君食之際，細問店員始知琉璃係海藻粉造成，而黑珍珠屬種籽類別，於是決定買後者較為適合，話哂「天然」o的丫！

五寶湯丸：奶黃做餡的三款湯丸個皮不夠煙韌，粉了一點，但芝麻及花生餡的二款湯丸都好好味，我諗我下次會剩食芝麻或花生做餡的湯丸，好食好多。紅豆沙黑珍珠：原來此黑珍珠不同彼黑珍珠，我以為是珍珠奶茶的黑珍珠，而且紅豆沙比例少了點，又被黑珍珠溝稀哂，此糖水令人有點失望。埋單廿幾蚊，價錢好合理，會再幫襯，但下次會試其他，今次是自己叫錯野食，相信其他糖水會好味D。我係去佐敦店的，店員都幾殷勤友善同好笑容，但太多偈傾，同埋傾偈時都好大聲，食一食糖水知道哂人地D家事。

正店已用椰樹註冊做logo, 而家搬過左幾個舖位, 地方大左, 等位仲有plasma大電視睇tim~