松記糖水店

营业中

休息中

今晚同媽子食左....椰汁冰燕, 擂沙湯丸菠蘿班戟, 幻彩明珠盛惠五十一元~~~ 正~~~估唔到連個廁所都咁乾淨, 讚^^

松記糖水我食左好多年喇, 最鐘意都係招牌既幻彩明珠, 都係覺得長沙灣個間好味d而且又好平, 相對相似既糖水舖, 佢真係平好多呀, 而且又大碗宜家佢仲成日出新款, 我覺得最好味最抵食都係呢間

第一次去個時好多人等位, 本來都無所謂當叫到一個號碼時，冇人應...o個個人走個卦個店月竟"破口就媽"聽過幾好食又點，即閃！長沙灣大把糖水店！尋日男朋友經此地竟去買外買，本來諗起，都對碗野無興趣食落都OK.....只係服務態度扣左一大半分不過唔係啲店員關係我都會成日去而家冇咩興趣專登去，經過嘛食囉～寧願走遠D, 去深井

我是在石硤尾上班的。上星期五心血來潮, 先打電話去松記訂了9碗甜品(其中5碗是馳名的幻彩明珠), 然後駕車去取。車程不過十分鐘, 去到松記時, 我停了在門外, 醒目的店員已知道我是先前打電話落柯打的客人, 直接取貨到我的車旁邊交收, 整個過程不用2分鐘! 由於我在電話已聲明想知道每碗的價錢(因為要向同事收錢), 松記還仔細地在每個碗蓋上寫了價錢, 真係唔該晒!九個同事個個食完都好滿意, 全單$12x, 抵!

係多人左ｄlor同埋ｄ位好迫不過真係好抵食^^

傻小子，唔好意思，要你等位又無好環境比你吹水．如果唔繁忙，D 靚女一定比你慢慢吹水，但有時太多人等位就好難做，你都有等位的時候，係咪想快速坐下來食碗心水甜品，貓咪每人品味不同，綠茶湯圓唔合口味，希望芝麻湯圓可以令本店加分．豆沙－－你的名字是本店的湯圓餡好容易誤會，（豆沙）又係同一句對不起，好多謝咁多街坊，朋友，熟客仔支持松記，十多年的努力全賴你們敢言我又改善，要等位的問題有待改善．每星期一至四下午二時至三時，晚上六時至八時都是非繁忙時間點坐都得啦，但九時以後你們都明白，以本店的靚女工作之快速，等大（４－６人）１０分鐘，２人就兩分鐘就有如果星期五，六，日就多等３分鐘就一定有位，元州街的圖書館和保安道的圖書館一樣要行十分鐘．

我去過幾次，但係次次都幾乎要等= =''我想問下大既什麼時候冇咁多人?因為我是專程去食的>.<''從觀塘那邊特地去丫>.<''雖然有一些人也是這樣．．可是也請你告訴我，什麼時候沒這麼多人..就恕我較mean吧，麻煩你...還有啦，我想問一下貴店跟元洲街的圖書館近不近?請盡快回覆唷^^麻煩你...以下就是我的小小感想..我覺得貴店的店面挺別緻的..但容量可能有點不足= =''我比較傳統，愛吃紅豆沙..我覺得挺好嘛，是我吃過最好吃的..不太sweet 和杰..而且來得好快，d 店員都好nice~希望你地可以keep 落去la~

食過松記都無數次~~第一次覺得唔好食~~兩個人叫左一個雲石豆腐花+綠茶湯丸~~個湯丸個皮完全無綠茶味~~咁我都算喇~~點知個糖水就勁甜~~都係無綠茶味~~個豆腐花都ok既~~幾香芝麻味~~

我係長沙灣返學.放學都成日同班朋友去食糖水吹下水去左好多次覺得價錢合理.d野都唔錯但係最大問題就係要等位等好耐.同好似成日有人吹你走咁. 但講真就真係唔錯

歌地亞,多謝指教,綠茶皮用得太多綠茶會苦澀所以在湯水中加綠茶會比較好, 服務態度會注意.一粒雪你是芝麻餡的擁護者,有新餡(紅豆)試比意見啦!.掠拌雞絲伴蜜桃汁,你太過獎了,多D 比意見,因為水準有時都會下降,全靠你們提出問題立即改善,但水果就很難控制,如果唔甜,唔知賴邊--買手--水果供應商--入口商--產地--農夫--天氣--唔合時等等如果差DD多多包容....!順便賣廣告本店已推出芒果班戟,試啦.....

11月16日,下午五時半去完坤記買糕點,好少踏足這裡的我,當然唔放過到好評如潮的松記糖水試試啦,因為人生路不熟,又懶醒,唔睇清楚地址就亂行,以致天氣稍涼都行到有汗出,好不容易才找到要找的店子.本來未到之前,一心想食這裡的湯圓,不過到達之後,實在太熱了,所以先叫了個鎮店之寶,幻彩明珠~~嘩!!碗糖水滿到瀉,而且仲色彩繽紛,面層是滿佈的生果,芒果,奇異果,蜜瓜,哈蜜瓜,生果好鬼甜,而明珠,其實是指大粒西米,個人認為比細粒更加好吃,煙煙韌韌的,十分討好,而下層是頗多的黑珍珠,吃落個口感幾Q,至於涼粉,個人不吃的,所以不能給評語,成碗食完,都唔會太甜,唔錯!!十四塊錢,個人認為是物有所值!!食完碗咁色彩繽紛既幻彩明珠之後,都有D猶疑,好唔好再叫一碗呢,雖知道,唔夠兩個鐘之後,就要與食家共晉晚餐了,再三思考了,唔理了,難得來到,食左先算啦,於是再叫多碗芝麻湯圓,先喝一口薑湯,正,薑味好重,入了喉嚨,仲有少少辣添,合晒我河車,而湯圓,是真正的皮薄餡靚,外皮薄而且略帶口感,咬了一口外皮,內裡的芝麻餡已經蜂擁而出,都算有芝麻味,淨吃都幾甜,不過喝一口薑湯,便已經可以中和甜味了,十蚊有找,就已經有五粒,

三色湯丸-奶黃特別但唔夠芝麻滑.芝麻夠香,花生裡面仲有白芝麻粒. 個糖水底好重薑汁味, 過辣.馬蹄露海底椰-好好味!清新得o黎夠潤,又唔會杰撻撻! 值得一試.什果冰燕-話到明係植物類食品,平平地,口感真係有七成係燕窩.幾爽.紫米奶黃湯丸-都係d奶黃餡唔夠滑.

尋日下晝第一次去呢度，入去之前，經過青山道間松記，嗰度雖然大好多，但係得幾個人幫襯，同呢度相比，真係差好遠。入到去，幾乎坐滿晒人，環境有少少擠迫。打開menu，見到d甜品有好多種類同選擇，花多眼亂，最初唔知揀乜好，到最後，叫咗哈囉同埋綠茶奶皇湯圓。哈囉嘅配料有涼粉、椰汁糕、雜豆、粉圓同埋芒果汁。成碗都好夠料，d粉圓大大粒，好有口感。至於綠茶奶皇湯圓都唔錯，湯圓唔算大粒，不過個湯圓皮做得最好，皮薄餡多，我反而覺得d糖水嘅綠茶味仲多過d湯圓。總括來講，呢間係一間好出色嘅甜品舗，價錢大眾化，希望佢哋可以保持水準，同埋留意一吓 d 服務。

bibilala 對不起,你都聽見石油價格上升令所有副產品價格都向上,塑膠器皿來貨好貴,所以收費對不起請原諒.大佐,已寄出禮品.仲有本人覺得服務都幾重要所以遲D有名字咭給樓面,如果她們有好表現,多多鼓勵,做得唔滿意,你話點..........?

好累無去松記啦，因為怕肥麻。忍耐左好耐，今日去買左個"彩色世界"($16)返屋企，眼見份量好似比堂食少D，食落比以前甜左D，不過都好好味。但係我外買時要求奶另上，樓面姐姐話要加多$1，奶另上以前都唔洗加$1，好似搬左之後先要加。最後，我用左手$18帶走"彩色世界"