松記糖水店

营业中

休息中

好普通~~可能我食紅豆沙冇咩特別

同翠茜姐行街街，即使之前食既pizza hut仲未落格，但難得黎深水埗，點都要黎呢度食糖水。今次我依共舊食幻彩明珠同芒果流冰，翠茜姐就要楊枝甘露同雪米"米茲"，認真飽飽~味道唔駛講，當然平靚正。行過新開既橙黃色"松記"，入面得小貓34隻，相反綠色字既松記就人山人海。

終於試了松記喇!打電話去問近邊個地鐵站,原來o係長沙灣果邊!行左一陣就到,但係我地已經好餓了!唯有用佢黎充飢啦!叫左"幻彩明珠"<$14>,好食,d生果好fresh!加上芒果汁,呢個配搭好match!d大西米好煙un!好好食!男朋友仔叫左summer<$16>,佢話d 雪糕都好滑好食!......overall,呢間野可以encore!!!!

今晚十一時多還人山人海,過一條街的新分店也這麼多人嘩,原來真係好抵,十多元便食到這麼多生果,款式也蠻多,又夠特別,別處食真的要二十多三十元呢其實亦是來來去去幾種生果/大西米/黑珍珠/涼粉等做出不同配搭,勝在又平又落足料,大家都話好抵食今次先試了海底椰黑珍珠$14,不錯呀,下次會再來試其他款式(試過咁抵的甜品後,好難再幫襯別家了)

hahaahhah終於有人陪我黎open rice排名第二的松記食糖水, 而且水準的確不錯, 超級滿足!!!!1. 幻海珍珠:::呢個係必試ga la,好鍾意d珍珠(大西 米),,好q呀!!!!正,,,,不過唔夠凍,,同埋佢地所俾 的花奶似係cream多d,,奇怪2. summer:::其實個雪糕幾好味bor,,而且仲全靠d雪糕 先令到糖水夠冰涼ja3. 鮮雜果紫糯米:::普通,,都係唔夠凍全部糖水用上新鮮生果而非罐頭,,而我同男朋友兩個人食三樣糖水都係$44,,超級抵!!如果我屋企係近松記而唔係b 仔就好lu~ps原來由深水涉地鐵站行去都幾遠,,建議係番長沙灣A2出口行去啦~

附近有一間又係叫松記, 我同朋友差點去錯SUMMER真係消暑好味既甜品, 超鍾意食! 難得只係賣$14!!!! 抵食!不過, 我只係要買電腦野才會去深水埗. 如果佢近我屋企, 我一定日日去食呀

朋友仔有要事黎深水步一趟，我只好捨命陪君子啦，順便搵下呢區有咩好食。炎炎夏日，加上下午茶時段，糖水舖當然係不二之選。黎到我地即刻叫個幻海明珠($14)、summer($16)同芒果沙冰($18)。所以野都平靚正，不過幻海明珠唔夠凍，相反芒果沙冰就凍得滯，即使食完幻海明珠先飲芒果沙冰都可以令人為之一震!!下次再黎呢區，一定要試下其他甜品。

食完劉森記之後, 心思思想食松記.下午12:30去到, 才知它1:00才開, 但食意已決, 於是苦等半個鐘.叫了蘆薈清涼爽加奶($16)有蘆薈粒粒, 煙韌大西米, 爽爽水晶絲, 口感豐富, 奶味香濃, 消暑良品.此店遲些會搬礼新元州大廈.

呢排天氣真係好熱下午時分特別想食凍野叫左個椰汁冰燕個menu講到食落去好似真o既燕窩當然梗係無真o既燕窩咁幼滑不過以$16食到燕窩o既口感都算係抵食架啦美中不足係個冰燕好細碗最終叫多個紅豆大菜糕食落去略嫌硬左D好在紅豆有嚼頭搭夠

一直想試但冇機會今晚終於特登揸車去試心唸"松記"個名咁"舊派"以為出名食芝麻糊紅豆沙d舊式甜品去到先知搞錯試左兩個招牌甜品-幻海明珠, 什果+大粒西米+涼粉, d西米好煙靭-哈囉, 大粒西米+涼粉+什豆+椰汁糕, 好特別, 好鐘意d紅豆味-糖不甩, 都ok, 幾煙靭價錢仲要勁平, 頭兩樣都係$14, 超抵

第一次去食,食咗個燉蛋白,但食過一次之後就無咗囉,名稱己忘了,因是冬天的特別推介,但之後食過佢哋既愛心甜品,因為俾佢既買相吸引咗,叫咗先至醒起,但都差不多食完,而另一值得推介係佢既"薑汁蕃薯糖水",糖水唔會話好甜,但啲糖水夠辣,好味,

食完貴州人，去松記食番個冰凍甜品，來降降溫、消消暑。我食了個Summer，兩球細細的雪榚，淋上一層香濃的芒果汁，再有少少的大西米及雜果，我最欣賞西米，煙韌煙韌口感唔錯，而雪榚都幾難食，一定係好平、唔靚的牌子，不過當作臨時消暑甜品都算ok的。老公就食了椰汁紫米冰冰，淋上芒果汁，再加一球雪球，材料十分豐富又大碗。可能凍紫米味道較淡，俾芒果汁及椰汁蓋過。

一心諗住去Mega Box發記糖水，因為九龍跟本就無發記所以好開心就同家人上星期日去.........點知人多都不在話，服務簡直不之所謂，要排隊唔緊要最差就係跟本唔知係邊度排，law完no.居然行到去坐位時，有人客話個位係佢，原因係亂，都唔緊要我一心要食佢的糖水點知黎到有一碗得一半好似比人食過咁，個碗就大，我當時問一個中年似老板的男人，佢回應（好串咁講係呀我地隻碗係特別訂做仲好貴，我地不嬲都係咁小，仲有lee兩碗多左啦）當時我真係無反應，我同家人話我地一定唔會再去，真係好不知所謂！話時話就算唔係咁的服務，我地都係覺得真係唔係咁好食姐！

今日天氣好熱行去銀行個陣經過於是入去嘆下冷氣食番碗凍野啦唔知係咪坐左係門口附近完全feel唔到有冷氣涼浸浸o既感覺叫左一碗哈囉食落去覺得無以前咁好食首先係芒果汁同花奶太少雜豆又煮得唔夠「淋」涼粉同椰汁又整得太大舊好彩價錢無升到下次會考慮食番summer起碼ice-cream唔會差得去邊

小菜王之後, 基本上係飽唔到, 唯有再下一城, 去松記. 頌揚仔一家人, LS媽媽, 姊妹J先行告退, 剩下我們9個人過來.來到師八點幾九點, 人極多, 但都係等了一會就有位. 最後係分了兩臺. 小弟只能報導自己坐的那一臺的戰況.6個人, 大家分吃了7樣甜品.幻海明珠: 9分, 當然繼續要了這款掛頭牌的甜品. 只分吃了小小西瓜, 西米同涼粉, 冰涼的感覺. 食完一堆炸到飛起的食物, 最佳的解藥.什果琉璃: 8分, 學弟兄M話齋, 什果琉璃同幻海明珠無乜大分別. 當然, 6個人分吃兩個差不多的甜品都不足為過. 這個什果琉璃沒有了涼粉, 變了一粒粒琉璃, 口感上都係比較喜歡幻海明珠.Summer: 8分, 兩球雪糕加上什果, 面頭再舖上兩條朱古力條, 其實跟平日吃開的雪糕新地差不多, 熱辣辣的天氣食凍冰冰的甜品, 當然美味.突然又想到佐野的新地.芝麻糊+ 湯圓: 6分, 弟兄L要的一味, 芝麻糊繼續係一般, 麻麻香濃, 口感都係一般, 吃不到那粒湯圓了.六寶湯圓: 9分, 6個人食六寶, 當然係1人1粒. 揀了奶皇味, 依然好正, 不太甜同膩, 加上好薑的糖水, 很不錯.芒果班戟: 7分,