松記糖水店

营业中

休息中

上年行過海壩街見到荃灣竟然開左間松記...即刻去試下, 鋪頭都幾大, 坐得多人過常去佐敦個間...個時岩岩興食綿花冰, 未試糖百府, 見佢岩岩新出左呢個新產品, 放棄左至愛既 summer, 試左個冰.雜果綿綿冰芒果底第一次吃, 真係好似雪糕咁, 夠凍食到芒果味, 不過以佢 $33 既售價份量就少左d, 配花生碎亦都怪怪地, 搵次真係要去專門食冰既鋪頭試下

今日考完試 戈朋友話想食甜野所以帶左佢黎;今次我地叫左 summer X2 同埋榴槤pankacesummer今次佢比左好多奶我地 正榴槤pankace 好好味連我戈朋友本黎好驚食榴槤都食左幾淡

有近二十年歷史嘅松記糖水，於二零零九年三月於荃灣海壩街開設分店，自此荃灣海壩街一帶糖水鋪嘅競爭就變得白熱化，以前大排長籠嘅依家大不如前，一切都取決於本身嘅實力；每晚荃灣松記門外都大排長籠，店主好有心準備一部電視給等侯嘅食客解悶。今晚正值世界盃開鑼，食客明顯少咗，我哋見唔洗等位，就入去食返個甜品做宵夜。店內以年輕員工居多，環境光猛舒適，坐底落單後食物大概三分鍾後就陸陸續續送到：幻彩明珠 (Colourful Pearl) ($17)：餐牌上推介嘅甜品之一，用大明珠、黑珍珠、涼粉做底配上各種生果，再加上椰汁、芒果汁同花奶，材料十足，惟賣相較差，夏日炎炎必食之選，推介~~~熱紅豆沙 ($12)：越簡單嘅食品就能顯示出糖水師傳嘅實力，呢個紅豆沙甜度適中，紅豆軟硬適中，煲得好入味，正！擂沙湯丸 (Glutious Rice Dumplings with Black Sesam) ($12)：黑芝麻餡好正， “擂沙” 份量足，湯丸黏上“擂沙” 更好食，推介~~~由傳統到新式甜品，松記都有中上水準，價錢不貴亦係其中一個賣點，惟部份食品賣相未能做到宣傳相片質素；此店經常要花長時間輪候，要食最好避開煩忙

尋日(10-6-2010 Thur)侄女生日返o黎食飯,食完兩個蛋糕後又到呢間o既雜果涼粉,呢個係大嫂買返o黎o既.佢買o左四個,個個都滿滿的,淡奶另外一個碗裝住.打開睇,已經有芒果汁o係o度,生果有西瓜,蜜瓜,芒果,奇異果,重有珍珠,加埋淡奶食,大嫂就讚不絕口,我就因好飽,只食小小生果,都係芒果汁最好味.我重好記得佢開o左冇幾耐,我同男友去食時,芒果汁好少,問佢攞多少少就唔出聲咁加收$5.00o既經驗,不過今次佢o既芒果汁都有好多.

再試松記~今次叫左客綿綿冰? 唔係好記得個名... 加左"可可米" and 大珠珠~朱古力既愛好者..... 好味~ 冰得黎似雪糕, 但係又無雪糕咁硬... 下次試下個豆腐味先至得~另外叫多一客 "朋友介紹" CK so ... 一層餅皮一層cream一層芒果肉... 合成得黎... 都好配合~ 唔會一 擘擘 ... 朋友... 無介紹錯~

於「季季紅」晚飯後，雖然各人已吃了 Patisserie Yamakawa 的芒果忌廉卷蛋，但席間一眾男性友人仍嚷著要去荃灣的「松記」吃糖水，誰說只是女人有兩個胃，男人咪一樣都另有一個甜胃！以往在旺角上班時，間中也會和食友到油麻地的「松記」吃糖水，但自從轉到中環上班後，已很久未有到訪，而位於荃灣這分店更是頭一次光顧。一行七人約晚上九時半過後去到，這是吃糖水的高峯時段，店內當然坐無虛席，店員立時領我們到隔壁相連名為「趣苑」的茶餐廳坐下，食友們都在猜測這兩店是否同一東主或是合作伙伴，雙方互惠互利，把座位靈活地運用，務求盡快吸納全部顧客。管他吧，一到便有位坐又不用排隊，始終是顧客之福嘛。七個人當中竟然有四個點雜果三色涼粉，另三個就點 Summer, 看來我們嘗新意欲勁低呢。雜果三色涼粉 ($25) -- 這款甜品的份量其實頗大，一個甜品碗盛得滿滿都是新鮮水果，包括有芒果、蜜瓜、奇異果、哈蜜瓜等，色彩繽紛奪目。另碗內放上三種不同顏色的涼粉，除了黑色的傳統涼粉外，另有兩種分別是白色及透明色的涼粉，這兩款涼粉味道清淡得來帶輕微甜味，有點涼涼的像薄荷味的感覺。除生果及涼粉外，再加上適量的椰漿、芒果漿

荃灣店松記是比長沙灣總店貴兩三元的，不過人龍依舊。我們拿了號碼紙就等叫入座，想不到他們竟然帶我們到旁邊的麵店，我想應該是兩家店協商了，果然懂得做生意呢。我照舊點了幻彩明珠，男友叫了雪山，朋友點了蜜瓜豆腐花。當店員問我們要不要花奶，我就要求另上(一向在油麻地或長沙灣店都是這樣叫的)，誰知他竟然一口拒絕，頭也不回就走了。其實食物跟其他店的都差不多味道，不過服務態度真的差勁，下次要吃松記還是到其他分店。

每次必叫summer 個2條黑白配係好好味可以浸住D汁黎食極之推介!另外 幻彩明珠 , 紅豆杯杯冰 又一好選擇!價錢相宜,份量又多~我個人最鐘意係明珠. 好煙癮!!!!可以加明珠加4蚊!

紅豆杯杯冰好爽食完好開心好抵最好ge糖水店

夜晚，丫哥車我去荃灣遊車河，泊低架車，去左松記食糖水，叫左芒果西米露，雪糕黑珍珠，同紫米奶皇湯丸，芒果西米露我無食，唔知咩味雪糕黑珍珠，雪糕有四隻味揀，都幾多選擇~雪糕好滑，黑珍珠都好透紫米奶皇湯丸，一碗五粒，外表好靚，食落個皮好薄，奶皇好濃，好味，個糖水好重薑味，好辣下XD

提早左陪丫媽去到冇哂人 好多位 正`我地\叫左留連pankcake 同埋雪花冰 同埋紅豆沙黑珍珠戈pankcake入面有好多留連正雪花冰 份量大 右埋下面啲生果同焦糖同花生碎 好好味但系戈紅豆沙黑珍珠真系吾得 食落去好似飲水緊 咩味都冇

琴晚同左d fan去左呢間店食糖水,之前都想來,但一見到排隊等入去o既人龍就唔想入了,但琴晚早左,大概9點到去到,都仲有位.叫左個西瓜滑冰,老實講真係幾滑,而且好足料,成口都係西瓜肉,好好味,而且大大杯都係$15,好過走去茶餐廳到飲杯檸茶.

食完晚飯, 例牌要食甜品. 我想去松記食CK酥, 便一眾八人拉大隊來到松記.等咗一陣, 總算在店門外搭好枱, 坐底揀嘢食, 一看到餐牌就心郁郁想試其他,後來都係揀番CK酥, 朋友仔就揀其他甜品, 只評吃過甜品1) CK 酥 $28如無估錯, CK酥並不是用真正的酥皮製成而是用米紙烤烘的, 前者成本較貴,製作仍麻煩, 口感較實和鬆, 而且重牛油味; 後者便宜和容易制作, 脆度高於前者,但沒香味. 雪糕是普通雀巢雪糕. 配料是芒果, 忌廉和啫喱, 實際上, 個人覺得價錢和質素相比, 稍貴了點. 不過難得一次就算了2) 合桃糊 $14(?)偷吃友人的合桃糊, 滑算滑, 但合桃味不重, 實屬麻麻, 勝在不太甜, 較容易入口.

與先生吃過晚飯, 再散一散步, 想吃個糖水為今年復活節假期畫上完美的句號。荃灣糖水店舖眾多, 先生極力推介這間!入去細看之下, 的確是比其他店客源不絕, 幾乎坐滿!我們二人點了幻彩粒粒 $26好多生果, 中間有舊士多啤利味的冰, 二人食極也不完糯米茲西米露 $17糯米茲係好香濃的荔枝味, 真係好似食緊荔枝咁!不過得兩粒, 剛好與先生一人一粒!我們二人撐著肚皮離開, 好飽! nice!

同朋友路經荃灣想食糖水, 反正未食過松記, 咪入去試吓啦, 自己叫咗個雜果晶燕 (係用D 海藻粉整到好似燕窩咁), 店員話係配椰汁...朋友叫咗個芝麻撞奶...睇就唔錯, 食落我個碗一般, 雜果只有幾舊, 仲係一D 都唔甜唔新鮮...椰汁只有一小碟, 仲好稀....朋友個碗好差...稀又無味, 咁本係用粉開的...同我係紅磡另一間糖水鋪食的完全兩回事...加埋店員態度一般, 後悔入咗呢間野食...