松記糖水店

营业中

休息中

食完晚飯就當然要例牌食返個糖水今次去松記食，見到裡面超滿，不過都好彩好快就等到位餐牌好多款甜品糖水，見到其中好多都有加芋圓鐘意食芋圓嘅我就當然唔會送放過呢個大好機會啦點咗個雪糕仙草芋圓雪糕可以有幾款選田，我就揀咗曲奇雪糕球。呢款甜品好正，超級豐富。最好嘅食法當然係等個雪糕球溶少少，然後再將雪糕汁撈仙草黎食。夏天食非常消暑至於芋圓佢有兩隻色隻味道。個人覺得黃色（地瓜味）味道較出同較香。兩款芋圓都好QQ好有咬口鐘意食好煙韌嘅朋友就會喜歡。同埋芋圓都加咗糖所以味道都偏甜整體黎講呢款甜品都好食嘅

20190629松記糖水店，好多年前係好好食，價錢平份量多今日突然心血來潮，天氣又熱，叫咗個外賣（幻彩明珠）以前嘅幻彩明珠，係水果+涼粉+黑珍珠+珍珠 而家嘅，係水果加一pack花奶+黑珍珠，好hea既糖水，完全無心機整出黎咁，唔會再幫襯

Google寫收1點，官網就寫收1點半，12點20分黎到話無晒嘢食，收工了咁就唔好寫收一點啦！！浪費人地時間特登過黎！！仲要態度好差！叫人自己去廟街睇下！以後唔會幫襯！

5個姊妹食完火鍋，本是各自回家，點知有一姊妹話好想食甜品，個肚咁就圓滿了，哈哈！又講得好啱喎！甜品是女士的喜愛❤重話請大家食添。想姊妹們都甜甜蜜蜜。😃😃便去”松記糖水店”食糖水，聽說這店很多款式㗎，大家坐下便看看食咩甜品，嘩，真的很多選擇，款款都好想食😋😃地方不算太不過好多客人，而且人客走了好快又有人坐下，未有空缺過，生意唔錯😊😀相信甜品一定好好食了。姊妹首選夏日消暑佳品:雪糕芋圓仙草凍🍨我們4位怕凍都係叫熱飲好啲🙆暖意精選:芋圓合桃芝麻糊，合桃芝麻加湯圓 ，紫米豆腐花湯圓，芝麻紅豆湯圓。糖水每碗埋相都好靚好吸引啊！味道又不算太甜，我呢碗豆腐花好滑啊！湯圓是芝麻湯圓，咬落去好多芝麻流出嚟再配埋紫米露味道好夾 ，仲有少許椰漿喺上面超夾呢？好多款式呀老友食呢一個 賣相真係一流不過佢想食綠茶雪糕就轉咗呢一個中間嗰個就係我食

We came here for HK desserts and was disappointed!! I lived in HK before so I know what legit HK desserts taste like ! almost everything was watered down...The black sesame ( 黑芝麻) tasted burnt and watered down and I love purple rice (紫米露) but so disappointed- barely warm and watered down...however, the mango pancake and the mango sago were good so if you really come here, only get those 2 lol

檸檬馬蹄露$28🍋佢個賣相係全menu最伏嗰個😂但食落反而我覺得係裡面最好食既糖水😯其實個味好夾一啲都唔怪，我諗純粹係面頭嗰幾片切片檸檬搞到好格格不入，誤導左人以為係黑料理🙈btw講多句，依間啲甜品overall都唔多掂🤭

晚飯後帶台灣朋友去食糖水行錯方向行行下去咗佐敦🗿唔緊要，去松記😊去到要等位，唔緊要😂照等！然後想養生少少食熱甜品叫咗紅豆豆腐花加芝麻湯圓🗿望住碗豆花都覺得有啲失禮🗿啲水多到一個點🗿好似喺個桶到撈啲尾水豆花出嚟咁完全冇嗰隻應該要有嘅firmness 🗿食落去都有豆味但係外觀扣咗好多分到紅豆可能因為成兜都係水嘅關係跟住一齊變稀完全冇晒紅豆沙應該有嘅氣概🗿食落反而有啲太甜不過算啦🗿都唔重要啦唯一可幸嘅係有兩粒芝麻湯圓都係有啲太甜不過論口感都算係咁嘅🗿台灣朋友表示食甜品好貴😂😂我表示唔計兩地物價嘅差距呢一碗真係好貴性價比完全唔得啊🔥🔥🔥

昨日同友人吃完晚餐，大家都話想食碗甜品先至圓滿 。佐敦附近有間松記，大家都話聽講好出名但係都冇食過，所以大家見時間尚早就打算去試吓。佢都門口有超級多人，排隊堂食嘅有，等拎外賣嘅都有！等左大約20分鐘，就有位坐。佢嘅餐牌上面，有晒照片，圖文並茂，睇起嚟非常吸引。我哋叫咗好多嘢食，有糖不甩啦，椰汁紫米露啦，芒果布丁，Summer ！但係唔好意思，非常失望，味道差不在話下，服務態度以及質素亦都非常一般。想補充一下，雪糕嘅味道似藥水味 。紫米露又唔好食。d明珠又唔好食，水果又唔新鮮。其實除咗糖不甩之外，冇一樣野係滿意🤷🏻‍♀️另外地方擠迫，坐得好唔舒服。總之，食完之後，大家都話唔會再去。大家估計應該係甜品店出名之後，就無法維持水準。

今天和闺蜜走到佐敦，突然觉得口渴，二人就来到这家很出名的松记糖水店来解解渴啦。我因为想喝很清凉的东西，便点了西瓜西米露而闺蜜则点了暖暖的芋泥紫米露。但是甜品上来之后确实有些失望，可能因为不是当季水果，西瓜不甜反而有些味道寡淡，下面的西米露味同白开水...这道紫米露倒是不错，香醇可口感觉也很暖胃。总之松记这次甜品不过不失，没有想象中的那么惊艳啦😔

食咗N年松記，多數去美居中心對面的鋪經過見到松記，心思思走入去食我愛吃的乜糊物糊仲係晚餐時間，D人未食甜品住！我地一人一份menu係咁揭，揭咗陣大家不約而同話點解冇乜選擇又貴D嘅？？係喎！堅冇單點，熱嘅一係雙拼或加兩粒湯丸，凍嘅加多D雪糕，所以整體感覺係貴晒！好啦～ 冇辦法同無需要之下都要叫個合桃糊湯丸和SummerSummer多生菓又有兩款自選雪糕，老公就係一向like生菓多的甜品！此summer生菓也新鮮又甜，芒果汁底加奶亦吸引好味！而我怕熱都愛吃熱的「糊」，合桃補腦，唔太甜，但好似稀咗少少，芝麻湯圓足料但凍凍地熱唔透性價比不及ssp區，下次再別區都要比較一下才決定食邊間先得

雖然松記很多分店，惟獨愛幫趁此分店，始終，覺得此店坐得最舒適，甜品水凖最穩定，最好吃😋Hello 是至愛，炎熱夏天的最佳選擇，材料豐富，再加添花奶，提昇味道，價格實惠熱芝麻杏仁糊，即做，需等候10-15分鐘，但值得等，熱辣辣的上枱，芝麻糊及杏仁糊各一半，樣子靚，每一啖都滲透芝麻的香味，正，正，正，杏仁糊幼滑，不過結，不過甜，味道適中，因為頗熱，所以，能慢慢品嚐真味道...與其他品牌甜品店比較，我覺得此店水凖至佳，是用心去做值得推薦

今次試一下佐敦的分店，希望會吃到不一樣的品質。不敢挑戰，只點了傳統的木瓜糖水跟我每次都會點的芒果紫米露。木瓜香氣撲鼻，甜度適中，不錯！因為實在太熱了，加了球雪糕，不錯的，但十一元有點貴。芒果甜，紫米露應有的水準。只是，店面真的太小，空調也不足呢

松記分店越開越多，始終我最鍾情summer呢個甜品Summer@曲奇雪糕配上朱古力雪糕係絕配。另外，唔知點解今次無問加唔加奶🤷🏻‍♂️雪糕溶咗更加creamy🤩Summer有好多材料，真係食得好滿足。不過由細到大都係食開長沙灣天悅果間，明明果間客仲多仲忙，咁多年服務態度都係咁好🙁但今晚8點嚟到佐敦呢間得兩三枱客，D員工態度都可以咁差....

食完晚飯咁就梗係唔少得個糖水啦！每次食松記都會叫呢個Summer。佢係用大明珠(類似係大粒d 嘅西米)同埋生果做底。生果有哈密瓜，蜜瓜，奇異果，西瓜同埋芒果。我諗係由於成本嘅關係，芒果剩係得一嚿，而西瓜就有成三至四嚿咁多生果上面再加兩球雪糕同埋兩條黑白配。雪糕可以揀係朱古力味，雲呢拿味，曲奇味，綠茶味，芒果味或者係榴槤味(榴槤味每一球要另外加$5)。個人好推薦曲奇味！雪糕好滑，唔會好甜，溝落啲大明珠到超好味！

食完飯仲係口痕，咁啱行過呢間糖水店，我地又懶得再搵，所以就快快入去食～記得好耐以前食嘅時候佢好多甜品都好好味好高質，不過今次就好失望。榴連雪山$28 就咁睇佢好似好正常好精美吧？事實上佢賣相唔差但味道好普通，榴槤味唔算好濃郁，D湯水都似係太watery令到榴槤味處於淡淡地狀態，得個冰字同埋D珠珠嘅口感囉。鮮果雪糕窩夫 $46好彩呢個窩夫都算交到功課，賣相都係好打卡嘅。上檯嘅時候佢都飄來濃烈窩夫味嘅，切開都唔會淋，雖然咁樣講好廢，但佢係有陣雞蛋仔味，姐係蛋味濃郁，仲帶甜味，雖然唔知道佢個綠茶雪糕係什麼牌子，但個雪糕係好味的。不過整體黎講連埋之前幾次去食，我都覺得佢水準差咗，唔係難食，不過真係純粹食得落肚，如果有得選擇我就唔會去，除非真係經過。