松記糖水店

营业中

休息中

榴槤水晶涼粉第一次食評就咁比左松記，岩岩食完晏晝，想食個甜品啦，點知伏到咁，好耐沒黎松記食甜品，咪試下榴槤水晶涼粉，一見佢放落枱果下，真係想講句，唔x係呀伏到咁，一坨細細的榴槤肉，成舊屎咁，本來都想試完榴槤水晶涼粉，再試埋個 榴槤班戟，但係比個涼粉嚇到，真心無下次

我地一行4人食完飯見仲早 就去佐敦松記食糖水 我地因為坐近收銀處 所以有一女仕企係收銀處幫我地落單 我地一共點左5樣食品 點知其中一個食品本身係要紫米露 佢結果到左西米露 咁我地就同其中一個員工講黎錯左 誰不知幫我哋落單果位女仕一臉不屑既眼光同語氣咁同我地講 話我地同佢講要西米露 唔係紫米露 但我地4個人都肯定我地係講紫米露 但最後佢都幫我地換左食品到齊 我地一路食一路吹水 我地自問都唔算食得好慢 其中一位朋友未食完 剛才收銀果位女仕 又大大聲企係我地旁邊 同門口等位既客人講 要等多一陣 其實好多人都食完 留返一隻碗係枱面 唔肯走 大姐呀 我地唔係專登留隻碗係枱面嫁 而係真係未食完嫁 最後我朋友用幾秒時間食埋佢 立刻走人比返張枱佢我地大家食完飯後 想搵間糖水舖食下野吹水 都要比人咁趕法 以後都唔會再返嚟幫襯囉如果開糖水舖 唔比人食得比較慢既話 唔該係門口寫明食用時間限幾耐 而唔係咁樣指桑罵槐

今晚Honey要加班工作，趁空檔，和他吃個甜品，他再回去工作。天氣漸涼，他選擇了喳咋配湯圓 $32這個不錯，喳咋好多豆，不太甜。湯丸，皮薄餡靚。我貪吃，天氣轉涼，但看到圖片有雪糕，就叫燒仙草芋圓雪糕 $36這個就不太好。紅豆好硬，燒仙草ok。但是，兩款芋圓都好硬好實，而且超甜。不好吃！地方是企理的，但服務態度就……

芒果涼粉：涼粉不香又硬冇彈性，仲要加咗好難食嘅 cream, 從未食過咁難食嘅芒果涼粉，咁容易整嘅甜品都可以整得咁難食，仲要唔平，非常失望！海底椰雪耳雪梨：淡而無味，當水飲咗佢就算

⋆⁺₊⋆.松記糖水店...呢間糖水鋪依家開到幾乎周圍都有ㅋ不過都依然好多人排隊～.經典系列 - 𝙎𝙪𝙢𝙢𝙚𝙧/ $38 /🥨🥨上面個2球雪糕有好多唔同味比大家揀(•̀ᴗ•́)و雪糕加埋雜果～可以話係回憶的味道ㅋ不過整體就中規中矩啦～［滿分5個🥨］...⌫ 松記糖水店 (佐敦)佐敦白加士街23號地下.#佐敦咔嚓@by.kacha

諗住松記有好多分店，應該有質素，點知未食過咁難食嘅嘢，榴槤班cake，食咗一啖後，立刻放低，榴槤超級唔新鮮，有啲怪味，份量細，價錢相對貴，又難食，榴槤似係隔夜，另外仲有叫既楊枝甘露和杏仁露，我地都係食左一半都冇就掉左，用心做同Hea做糖水，好容易分別到，明白疫情生意難做，但都希望用心去做，但感覺唔到，我諗以後都唔會再食呢間😩

海鮮晚餐過後，成班朋友意猶未盡，好想食下甜品，又搵到位泊車，記憶中嘅松記係好好食，我哋就決定幫襯一間陪住我哋成長嘅甜品屋喇，但係今日真係好失望好失望，食物質素一般，服務態度好差，舖頭入面嘅冷氣同雪櫃冇分別，向服務員反映咗，冇較細過冷氣，見到隔離枱嗰位男士都係凍到震，大佬，你唔係學食神嗰招：專登開大個冷氣趕人走咁老土呀麻⋯⋯never mind, 我以後都唔會再嚟，一定冇下次，連我哋嘅下一代都話唔想再嚟，好恐怖！

一向是去深水埗的老店，老店的甜品可說是價廉物美。曾光顧位於青衣的分店，售價較貴，但甜品不如老店好吃。這晚光顧佐敦分店，同樣價錢比老店貴，幸好食物質素和老店相若。這晚點了鮮雜果涼粉和榴槤西米露加芋圓。鮮雜果涼粉：上次在老店吃，只售$24 ，這分店要售$32，幸好雜果都鮮甜，涼粉爽彈，加上淡奶，味道和老店的一樣好。榴槤西米露加芋圓：一攪動西米露，我就聞到濃濃的榴槤香。西米露甜度適中，內裏有榴槤果肉，芋圓Q軟，質感不錯。

今日去QE覆診完，就專程去松記食佢哋嘅榴槤甜品榴槤雪糕班戟、榴槤雪山（加榴槤肉）、榴槤奶凍，埋完單見到個流心芒果件流心蛋糕嘅相幾吸引，所以就後加咗個流心芒果蛋糕（加錢將芒果雪糕專做榴槤雪糕。榴槤班戟的榴連肉香甜榴槤味齒頰留香、榴槤雪山的西米清甜唔會太甜搶咗榴槤的香甜、榴連奶凍就更是一絕、流心榴槤蛋糕的朱古力流心蛋糕由於問即叫即焗故此口感好好（故此最好預留時間等候）。總括嚟講以上幾件榴槤甜品算係好好味。

以前在湾仔店吃过，水准不错。今天途经佐敦白加士街，下午五点多时见到里面有少量客人，趁在六点关门前进去吃糖水。看到他们的菜单，无论是传统糖水，或者是新派的甜品，都有不少款式供应，价钱也不算贵。看到餐单上的芝麻糊是推介，就点了一碗。稍等了三分钟就到了。芝麻糊应该不是冲剂那种，不会过甜。吃到是自磨那种口感，入口有少许甘味，还可以咬到芝麻碎，芝麻的香味浓郁，真材实料，味道很不错。埋单22元，价格适中，再经过时可以再光顾。

近排天氣開始涼，天氣一涼就好想食多啲野，食完晚飯行咗陣街，有少少肚餓，即刻上去食個甜品先🥰不過而家嘅甜品舖真係好貴，食個甜品都差唔多人均$100左右所以行咗陣都係去返老字號，松記甜品算啦<Summer$34>黎到松記一定要叫返我嘅最愛-summer 雖然話而家係秋天，但係我都真係忍唔住要食返兩球雪糕雪糕可以自己揀口味，最衰今日冇晒曲奇味，雪糕好好食再加埋雜果，食完成個人都開心晒<鮮雜果西米露$43>男朋友叫咗一個鮮雜果西米露，份量同埋味道都好好食，不過我都係鍾意自己個Summer多啲

今晚同朋友在佐敦打完邊爐，好想食碗涼粉才回家，所以提議拉隊去白加士街嘅”松記”食糖水。突然有位友人話上個月尾剛來過一次，說水準已經大不如前，不如改去”佳佳”。食過嘅朋友都好清楚呢兩間舖頭嘅糖水種類有什麼分別。”佳佳” 係米芝蓮級數嘅糖水店，水準一定有保證，但選擇款式只限於傳統中式糖水。”松記” 有刨冰，雪糕，班㦸，酥皮及生果類型，凍食選擇較多。由於一心想去食涼粉，所以苦苦哀求朋友比多次機會去松記食多一次。花生湯丸上枱時不是很熱，只係暖暖的，幸好湯丸味道不差，完全熟透，薑湯味道也不太辣，友人滿意。榴槤雪山榴槤雪糕還可以，但西米未熟透，整個糖水甜味不夠，食完雪糕之後，餘下在碗內嘅材料，全部冇味道😣感覺令人失望。涼粉配綠茶雪糕我同其中一個朋友都係食呢款甜品，綠茶雪糕有濃厚嘅綠茶味甜度適中，涼粉雖然有咬口但味道有點點怪，總係在咬開涼粉粒後都有小小”拮脷”感覺🥴所以只好放棄了半碗涼粉。原本以為只係我個人問題，或者剛打完邊爐味蕾反應過敏，點知坐隔離嗰個朋友都係食剩大半碗，只係清咗D綠茶雪糕，大家一講起，佢同我嘅感覺一樣，所以⋯⋯🤐雖然四碗糖水加埋都唔算太貴，但水準確實係下降咗好多，相信今次應該係

一間歷史悠久嘅糖水舖,居然連芒果壞嘅都可以俾客人，珍珠仲要係未熟嘅，連咁簡單嘅糖水技巧都做唔到，一碗仙草雜果芋圓都可以做到咁差，都可以做到咁差完全唔知可以點生存!吾會再有下次.

今日喺附近行街行到有啲肚餓，所以就去咗松記食少少甜品。嗰度環境都唔錯喎，不過嗰度冷氣有少少凍嘅關係，所以我就點左熱嘅番薯糖水配芋圓。番薯糖水食落肚嘅時候，暖到入心。雖然番薯糖水係一種傳統嘅甜品，但係我覺得都好考技巧。番薯嘅份量好足，又夠粉。其實我主要係想食芋圓，聽朋友講呢間有芋圓好好食，所以就嚟咗試吓。果然名不虛傳，芋圓非常之煙un ，又有幾種唔同味道。整體來講，我好鍾意食呢間嘅番薯糖水配芋圓。望落去嘅外觀都好靚番薯有三大舊。糖水的薑味都好適中所以我每次經過嗰度都一定會去食😁😁😁

松記我敢講自己真係由細食到大 讀書既時候成日放學同一大班同學仔去食 大個左之後都仲keep住成日去食除左因為佢真係好好食之外 加上價錢經濟實惠 糖水款式選擇又多 最重要因為食開有感情今次叫左鮮雜果鴛鴦涼粉同埋擂沙湯丸 一如以往既味道 一如以往既美味 水果一如以往咁新鮮咁足料大份除左鮮雜果鴛鴦涼粉同埋擂沙湯丸之外 如果拿唔定主意諗唔到食乜的話 我非常推介佢地既幻彩明珠同埋Summer 呢兩款甜品都係我由細食到大的P.S. 好欣賞佢唔似有d食店咁因為出左名/開多左分店而變得冇咁好食 同埋價錢都依舊咁合理 有乜理由唔再繼續支持wo!