松記糖水店

营业中

休息中

近來可能是習慣了吃宵夜，晚黑一到鐘數個肚子就自動餓，然之後就去揾嘢食。今晚不想吃油膩的。松記雖然面積比較小，不過勝在糖水夠地道。即使去到的時候差不多11點，居然都要排隊。榴莲班戟，我真的是愛死榴槤吖!這款榴槤班戟榴槤味都好濃郁，不過吃完一大個之後就覺得很甜，雖然話甜，但是我還是將佢食曬。由於是宵夜，所以不打算吃太多，最後點了一個豆腐花。豆腐花爽口，嫩嫩的，好滑。專登嗌老細不要太甜的，但是可能吃完了榴槤班戟，所以豆腐花吃了幾口就吃不下了。環境什麼的就沒什麼特別，至於價錢方面，都幾抵食，一點都不貴。

叫了芒果明珠，芝麻糊豆腐花加湯圓，點知湯圓極度難吃，又唔熱芒果明珠，芒果發黑，D明珠都從未食過咁難食本以為松記有一定水準，點知... 極度失望和朋友失望而回，以後都可免試

應該係我唔識揀，結果揀左啲咁伏嘅。。第一次食松記，等左15分鐘左右就入到，唔算耐。望左陣menu就叫左3款都有皇冠(推介)Logo的甜品，分別係 芒果斑㦸、紫米露+豆腐花、紫皇卷。食物好快送到，一開始最驚訝係個芒果斑㦸  因為得一舊，不過係一大舊，係平時食啲嘅兩三倍，味道正常，冇咩特別。之後食紫皇卷，佢鋪頭有張poster介紹佢，係紫米皮包住地瓜蓉再連水晶珠一齊食。諗住有介紹，冇死啦，點知。。。。好伏。冇咩味，紫米皮又唔煙韌，地瓜蓉又怪怪地，水晶珠係椰汁冰底，好似水咁嘅味，即係冇味，三樣加埋，我地食左一人一啖就想放棄  之後，紫米露+豆腐花。嘩！我第一次食唔甜嘅糖水，冇甜味，只食到原食材的味道，中晒伏  最後，只食晒芒果斑㦸，其他兩樣都剩左喺度  我可以話，有皇冠logo都咁樣，唔通我真係咁好彩揀中全店最伏嘅食物？！

同朋友食完韓烤, 好想食D甜品潤下, 然後同朋友一路行一路看看有咩糖水店, 上OPENRICE搵到呢間松記, 嚟到好彩還未需要等位.我叫左一碗腐竹雞蛋糖水, 腐竹都煮到爛晒, 原隻雞蛋, 唔算好甜, 都OK, 不過唔夠熱, 如果熱D滑D仲好味. 朋友叫左一碗芝麻糊豆腐花, 佢話芝麻糊好水, 唔似糊, 冇咩味道的, 好淡呀. 麻麻地, 所以佢都食唔晒, 豆腐花就OK的.

越食真係越差，食咗都有超過十年，以前時常嚟食都無問題，其實加價都預咗，點知叫花奶另上居然要另外加$1都算，落錯單仲要唔想換，仲要好似係客問題，一肚氣，真係以後都唔再嚟

好少專登嚟佐敦搵食，次次食飯都去尖沙咀多，不過總有例外！今日喺尖沙咀食到飽，見意猶未盡就提議不如散步佐敦再食個甜品？尖沙咀去佐敦都係十幾廿分鐘姐，天氣舒服嘅情況下係幾ok架！行到松記見有位即刻入去坐啦！食到慣，我都係揀返最出名嘅summer，誓要捉緊夏天的尾巴嘛！Summer食材：大量時令水果墊底，包括西瓜，蜜瓜，芒果…等等，另配兩球雪糕，我揀咗曲奇同朱古力食法：我最鍾意一啖雪糕連一舊水果一齊放入口，又爽又凍又甜，好滿足呀！

如常的日常，在好奇心驅使下就叫了松記外賣。這個芒果琉璃，名符其實是芒果跟琉璃。芒果有2，3大片於琉璃下，整碗比例是3分2琉璃，3分一芒果。把芒果醬混合後，充滿期望嘗試第一口之後卻換來啖啖的失望。失望的是這味道是來自芒果醬的，混合後，味道被稀釋了。每每一口，淡淡芒果味漸漸的流走，然後卻只剩下咀嚼著沒味的琉璃。其實可以分為這樣：芒果 （是好吃的）、醬、沒味的琉璃。想不到什麼原因要把它們放在一起也不顯得特別好吃。

我同呀媽中午係附近睇完場戲, 成肚爆谷唔想食正餐, 就去松記食個糖水消消暑依家食個糖水閒閒地都三四十蚊, 無三四十 都要廿尾雖然佐敦松記近年都有加價, 但加幅唔算大, 可以接受, 依然便過唔少糖水店松記最旺場應該係D人食完晚飯直落糖水果陣佐敦松記坐位算舒服, 冷氣好勁, 仲有洗手間 我地兩個一坐低就例牌叫個幻彩明珠, 話說我由佢19蚊食到佢依家好似26蚊左右幻彩明珠多奶, 真係爽到呢!!  cream奶, 好滑呀! 水果依然係滿瀉有水果例如係奇異果唔當造佢係唔會賣, 幾好! 幻彩明珠底有涼粉西米等, 真心透心涼!!!!水果新鮮, 所以唔洗點落糖水, 幾正!!!另一樣必叫就係榴槤班戟啦!! 榴槤勁香, cream 又係好滑! 層綠色皮都好香呀,雖然唔sure係咪榴槤做,但兩者夾埋軟綿綿, 好香滑!!! 爽爽爽!!!!又叫左薑汁丸子, 有六種味, 做底的薑汁好濃味! 讚個餡有芝麻, 紅豆等等, 好足料好滑至於木糠布丁就唔多掂啦, 純粹係威化餅口感, 布丁個味道唔岩我, 太淡

食完晚飯同朋友去松記食甜品第一次黎佐敦依間松記環境比較逼~坐低見到好多人都叫曲奇雪糕球+木糠布甸(我唔記得左個名堂)個賣相又好似幾好就叫黎試下啦~點知就伏左.....雪糕都係普通既曲奇雪糕所以無乜特別但我無諗過木糠布甸都可以整得咁難食實過石頭鑿都鑿唔開..........有啲coffee味(好苦)口感一啲都唔滑好似食泥咁我食左2啖就放棄左.............完全唔值$26下次都係叫番啲西米露啊summer啊依啲穩穩陣陣既算..............

寫到第109篇, 點都要寫到松記糖水, 由第100篇開始, 我想寫10篇'俾笑面的', 接著寫10篇'俾OK面'的, 再之後10篇寫'俾喊面'的, 完成這個編排才隨便再寫, 這是我的planning; 好, 朝著目標快快開工, Let's Go, GO Go go~ 自從'閉關'之後, 已經一年多沒去松記, 以前我們常去深水埗和佐敦的店, 松記款式真多, 樣樣都好吸引, 每次看完餐牌後, 望著餐牌為為食但越多選擇越難揀, 選擇困難証的我, 十次有十次都是叫'幻彩明珠', 真搞笑......"出關"以後, 最想去的店一直都是松記, 沒有'之二', 今日終於有時間到來, 坐低, 照例睇一輪餐牌, 但今次從頭到尾都只打算吃幻彩明珠, 23元????  不是吧???  開了時光機重返3年前?  怎麼還有23元一客如此豐富的甜品?  九龍城區的甜品店賣那些近似款式的芒果類甜品全都要三/四十幾元了, 而且試了好幾間都真是價錢俾多了但質量只屬普普通通, 所以專程去松記是值得的, 以後都不要那麼懶!!  今日的幻彩明珠是否一如以往呢?  '久別重逢'確有點期待, 幸好它一上枱我就知不會叫人失望, 因為

同朋友行過無端端又想食糖水但，但又想平松記真係平民大眾既首選，真係大份又抵食人入到去我叫左份summer,配綠茶同曲奇雪糕，黎到個碗糖水大大份，都只係廿三蚊，仲可以包有雪糕食，真係算係咁份summer裹面除左有兩球雪糕，仲有大珍珠，然後用芒果汁同煉奶調味，酸酸甜甜，味道真係岩岩好係夏天名符其實既消暑良品！極力推介

松記的糖水種類好多呀，值得一讚！我和友人足足揀了十分鐘，之後就點左個芝麻豆腐花同黃金酥配曲奇味雪糕!先講芝麻豆腐花的賣相一般，但吃下不過不失，味道不算太夾。而足足等左15分鐘的黃金酥都未有驚喜，感覺上牛油味太重，但整體okay!個人認為值得再試埋其他種類

晚上同朋友仔食糖水，等咗一陣就有位喇，D人一走，店員就好快速執枱叫我哋坐底，我哋安排咗出面的位置，一坐底二人即叫榴槤班戟同Summer。Summer 揀咗芒果同曲奇雪糕，雪糕下面放咗D透明珠珠同生果。芒果雪糕幾好食，芒果味好濃，透明珠珠亦好彈牙。榴槤班戟我同朋友都幾鍾意食榴槤，覺得個班戟好淋，榴槤味好香，食完成口都係個陣味，好正，不過D Cream多咗少少，少返D就好了。整體幾好，夜晚嚟呢到食糖水都不失為好選擇 

吃過晚飯，雖然已經十分飽，但我們尚有個甜品胃未有好好照顧，於是再到附近的松記糖水。晚上九時半的松記依然人山人海，我們拿了手寫的籌便站在門口附近等待。豈料比我們遲來的一群人(約十個)竟在其中一人詢問後馬上可以入座，後來居上！ 我當然不服，問問那個寫籌的嬸嬸，她忙得不可開交下未及回答，另一個像是老闆的男人立刻問我們會否介意坐在門外。既然不用再等，坐街也不要緊。我們吃了～ 馬蹄露黑珍珠($18)：賣相令我們意外，原來那些黑珍珠是很細小的，有點像火龍果呢！感覺十分滋潤，不會太甜。 南北杏雪耳燉木瓜($21)：又一滋補之選，份量偏小，用料足夠，味道有點淡。 芒果益力多雙色冰($39)：天寒地凍我依然想吃刨冰，點了雙色冰，選加了Oreo碎、爆珠和士多啤梨汁。雙色冰的高度比預期遜色，益力多味足夠，芒果味不夠濃郁，冰的質感頗綿，爆珠多，可增加口感。不建議加Oreo碎，因朱古力味薄弱。整體而言，松記的中式甜品價錢吸引，物有所值，可惜生意實在太興隆，店內十分擠迫，服務亦有改善空間。我們只點了三款食物，當中的馬蹄露黑珍珠遲遲未來，要再向極忙碌的店員跟進。下次要看準時機，在非繁忙時段才光顧。

相信松記對於香港人黎請都唔會陌生，而我都幫襯左好多年。今年天氣雖然凍，但都冇阻我黎食。登登登登，睇下我同女友一齊叫左兩個summer，由19蚊食到而家26蚊，底部用了什果托底，再配以兩個雪糕球及兩條朱古力脆條組成。客人仲有得揀落唔落奶。至於雪糕球可以揀選綠茶，芒果，曲奇，芝麻等。說說味道，水果新鮮，雪糕我特別喜愛曲奇及紅豆。可惜現在以綠茶取代了紅豆。綠茶本身味道唔錯，不過感覺相對易融，口感也比較cream。順帶一提，此店約大半年前裝修過，現在座位相對好坐。