松屋 (仁信大廈)

营业中

休息中

<抺茶心太軟紅豆伴雪糕，$50>呢個抺茶心太軟值十萬個讚，從來都無食過咁好食既心太軟。抺茶心太軟好流心，抺茶漿好濃郁，但完完全全無苦澀味。平時食抺茶心太軟我會將部分雪糕(大概細半球)去溝淡抺茶漿，呢個完全唔需要！唔溝仲好食！<北海道牛乳燉蛋白加紅豆，$40>呢個燉蛋白好香滑，都有好濃郁既奶味，不過質感上好似稀左少少。<薄荷葉芒果沙冰配芒果肉，$17(半價)>六點後惠顧甜品可享半價優惠叫飲品，我就叫左杯芒果沙冰試下。呢杯沙冰加左薄荷葉，入口好清涼舒服，夏天飲應該會好消暑解渴。好期待下次再黎！佢既梳乎厘同窩夫都好吸引！

是日星期五，女友經過一週辛勞工作後，見到facebook介紹呢間甜品店話好想食，就趁今日帶佢黎啦。餐廳主打疏乎厘，心太軟及窩夫，咁當然要試下啦，但兩個人食唔到三樣嘢，所以決定要疏乎厘同窩夫，下次有機會先試心太軟。香蕉朱古力窩夫 :雪糕揀咗曲奇，賣相都幾吸引，雖然窩夫係即叫即整，但上檯時感覺唔係咁夠熱，同埋比較軟身唔夠脆口，建議餐廳可以烘耐d。北海道牛奶疏乎厘(原味) :雪糕揀咗抹茶，疏乎厘上檯時傳出陣陣香味，雖然望落好厚，但中間好多都係空氣，入口香滑，味道唔太甜，幾好味。餐廳做緊優惠，影甜品相再打卡就送雪糕一球，可惜食完後我地已經好飽，無機會用呢個優惠了。

中學的時候一直都很喜歡放學後和同學到附近吃甜品，雖然這間是新開的，但也想要來懷念一下呢～價錢都是比較平民的～這間店是比較家庭式的，店員都很親切，他們如果有空的話也會陪你聊聊天啦哈～紅豆很大顆很甜，雲呢拿雪糕和曲奇雪糕都很綿，甜度剛剛好，加上黃豆粉很香，吃完飯之後來吃個甜點真的超滿足。草莓醬也是手作的，酸酸甜甜的而且非常足料，草莓很多啦哈～抹茶味很濃，微微苦苦的很香呢，軟軟qq的口感非常好。奶油也是手打的，稍微稀了一點，但奶油超級濃超級香。

平日來西營盤都會去甜品堂吃紫薯心太軟，但最近來的時候發現甜品堂沒有了，取而代之是走日式風格的甜品店松屋，這裡沒有紫薯心太軟，卻有綠如森林般的抹茶心太軟，成功擄獲我的歡心。日式蕨餅抹茶心太軟伴抹茶雪糕小山園抹茶粉製作而成，心太軟呈現沉穩而醇厚的濃綠色澤，上桌時已聞到抹茶香氣。當我用叉子一刀切下雪糕與心太軟時，讓人垂涎欲滴的模樣出現了，看這內餡緩緩從心太軟內湧出來，想克制自己的食慾都難吧。抹茶的流心比我預期的還要多，心太軟的抹茶甘甜濃郁不甜膩，加上雪糕與心太軟冷熱交融，香氣久久不散，好吃得我停不了口。至於旁邊的蕨餅亦相當不錯，滿佈甘香的小山園抹茶粉，頗有彈性，與心太軟可是不同風格的抹茶甜品。北海道牛奶梳乎厘伴曲奇雪糕非常迷人，重點是不斷晃動的梳乎厘，口感怎麼可以這麼濕潤鬆軟，只用新鮮雞蛋，牛奶，麵粉調製。不愧北海道牛奶焗成的梳乎厘，熱呼呼的比梳乎厘還更梳乎厘，好厚好厚卻完全不會塌陷，一吃就讓人眼冒心心，太厲害的滋味，微微甜香又滑溜。

自從港島線延伸至西營盤後，黎呢區嘅機會就越來越多。 早前係網上見到有關呢間小店嘅報導，見到佢地嘅甜品賣相精緻，所以打算黎試下。入門口果時見到有客人食緊日式定食，果時先知道，原來除左有甜品之外，仲有晚餐食嘅，等我下次都試下先。小店提供各式各樣嘅甜品，梳乎厘同埋窩夫嘅選擇尤其多，所以我地就叫左北海道牛奶梳乎厘同埋香蕉朱古力窩夫黎試下啦。北海道牛奶梳乎厘伴雪榚：梳乎厘睇落好大個，但其實好多都係空氣黎啫，不過蛋白就打得好滑，入口非常creamy，可惜就無咩所謂嘅北海道牛奶味。雪榚方面可以揀雲尼拿，抹茶，曲奇或者朱古力，我地揀左抹茶，濃味嘅雪榚配淡淡嘅梳乎厘，味道都幾夾呀。香蕉朱古力窩夫伴雪榚：由細到大都覺得朱古力同埋香蕉係絕配，所以今日都揀左呢個組合，窩夫雖然賣相唔錯，但係入口有少少淋，建議可以再烘多一陣，咁就perfect啦。雪榚方面，今次揀左曲奇，整體配搭相當唔錯。雖然等候需時，但係店內環境舒適，唔太嘈，可以同朋友一路傾計一路等甜品上檯。新將期內將食物相upload 上指定社交網站加打咭可以獲贈雪榚一球架，不過可惜食完以上食物都已經好飽，真係再食唔落啦。

平時食甜品整日都要去銅鑼灣及尖沙咀排好長隊先食到，仲要價錢好貴！但係估唔到依家係西環自己住既地區，唔使專登搭車，行幾步路就可以食到自己想食既窩夫，梳乎厘，仲有心太軟，實在太正啦！仲要價錢唔貴，而且師傅即叫即整，真材實料！👍🏻👍🏻👍🏻😋什果雪糕窩夫，岩岩新鮮整出來窩夫，食落口仲暖暖地，皮脆內軟，有好香的蛋味，伴隨著新鮮的水果粒同埋忌廉，真係勁正！😋😋😋師傅話呢度既梳乎厘同出面唔同，因為蛋白唔係預先打定，係即叫即打即焗，所以疏乎厘好香軟彈滑，唔會好快向下塌，入口即溶香滑。仲有多種味道選擇：原味，朱古力，抺茶及紫薯，適合唔同人既口味！心太軟更是該店招牌推薦，有次來食，見過有個客人完全唔介意唔流心，都要外賣拎走😳。因為D朱古力味真係好濃厚，而且又唔會太甜哦！真係好值得試下！依家松屋已經成為我每星期必去的地方😄

抹茶味好香好濃，但又未至於有茶既苦澀味，味道啱啱好。最欣賞係配以抹茶蕨餅，配抹茶心太軟一齊食真係好match。看得出師傅嘅用心之作。睇餐牌已見到師傅推介，賣相也十分吸引，愛紫薯和梳乎厘的我不能錯過，值得推介！香滑梳乎厘加香軟熱辣辣的紫薯簡直係絕配，加上香濃朱古力雪糕，食得出師傅的心思。大愛紅豆的必食這個雙色雪糕球加香軟兼大大粒嘅紅豆店外有錶位，方便駕車人士。有午餐和晚餐供應，價錢相宜，下次一定要試一試。

小店嘅舖位距離地鐵站就比較遠少少，不過甜品真係超高質啊！雖然地方就比較細，但都算幾整齊下，有時同朋友坐喺度傾吓計都唔錯㗎1️⃣日式蕨餅抹茶心太軟伴抹茶雪糕呢個甜品裏面一次過可以搵齊三款唔同嘅抹茶甜品，個人就覺得比較抵食。首先蕨餅方面，入口有少少黏口，而且本身蕨餅已經說動左，所以入口都有少少透心涼嘅感覺。雖然蕨餅上面嘅抹茶粉就有啲少而且有少少濕咗嘅感覺，但係抹茶味都仲有嘅，而且蕨餅本身仲可以食到好香嘅黃豆粉味添！相信呢個甜品本身嘅另一個重點就係個心太軟啦！心太軟切開其實都幾流心下架，而且心太軟整體嘅抹茶味都幾重下，但未至於話去到有回甘嘅效果。而且心太軟嗰個海綿蛋糕都有返一定厚度，所以個心太軟表面唔會話好硬。個人覺得都算係一個高質嘅心太軟。最後就要介紹埋佢哋個抹茶雪糕架，雪糕嘅質感比較似Gelato，而且比較值得一讚嘅係佢裏面唔會有一粒粒嘅碎冰喺度。另外抹茶味都好香，一問之下先發現原來佢哋係用咗京都丸久小山園抹茶粉，而且佢哋嘅雪糕仲係自家製嘅添，所以抺茶味先會咁香。2️⃣紫薯梳乎厘伴雲呢拿雪糕不過相比之下小編就覺得呢個紫薯梳乎厘就真係普通左少少啦。雖然梳乎厘嘅蛋白真係打得好靚好滑，但小編食落就覺得

食完晚飯係附近行下，見到呢間甜品小店就入左去試試。坐得幾舒服，環境温馨🏠我同friend分別叫左抹茶梳乎厘伴曲奇雪糕 ($58) 同 北海道牛乳燉蛋白 ($35)想食梳乎厘好耐，終於有人陪我食❤menu上面每一隻味都好想試，結果揀左抹茶味配曲奇雪糕🍦等左30分鐘先有，上網睇有其他客人試過等十個字。等左15分鐘個陣，店員解釋第一次整得唔係太完美，問我趕唔趕時間，再整第二次俾我。雖然等待時間比較長，但係睇得出老闆好用心煮食👍梳乎厘一上枱已經好香，質感鬆軟，面頭曬滿甘香既抹茶粉，入面都係深綠色，食落抹茶味濃郁💚曲奇雪糕軟滑，比較重奶味(我好唔鍾意食冰感雪糕)😋至於燉蛋白，蛋白好滑身，唔會過硬或過稀。食落有蛋香味，上面仲有一粒士多啤梨做點綴🍓臨走既時候有個family入左黎，聽佢地問仲有冇晚餐先知道原來呢間餐廳都有賣飯😂早知我就唔洗食隔幾條街個間難食既車仔麵啦🙈

甘啱去開個頭附近搵個friend，就諗住同佢食個糖水傾下計。其實個陣都幾夜，所以真係好難得呢間仲未收。一坐低，老闆就介紹佢哋呢度最出名嘅主打，就係綠茶嘅甜品同埋個紫薯梳乎厘。嗰陣有啲肚餓所以就嗌咗個綠茶窩夫，我個friend就嗌咗個梳乎厘。熱辣辣嘅窩夫食落口仲有少少脆嘅感覺，我最鍾意係佢配嗰個綠茶雪糕，同出邊一般嘅綠茶雪糕有少少唔同，好香綠茶味食落去好滑。老細話佢哋係用高級啲嘅綠茶粉，所以食落去綠茶味會香濃好多。食個陣再夾埋啲紅豆，cream，仲有個窩夫一齊食，有冷有熱，勁有口感。個梳乎厘啲蛋白打得好滑好靚，梳乎厘下面真係有一層紫薯，個紫薯勁甜勁香，好味到食到我個friend都冇得食咁滯哈哈個曲奇味雪榚又係同普通個啲雪榚有啲唔同，好甜好滑。哈哈呢度啲雪榚真係幾好味最後仲嗌咗個生朱古力食，佢同日本果隻Royce 朱古力好似，食落去入口即溶，我本身都好鍾意食Royce，所以對呢隻朱古力簡直大愛。學生黎食晚市有折啊！快啲黎支持下呢間小店啦！雖然我已經唔係學生...

夫婦二人齊心合力經営一間甜品店，睇到已好甜蜜，再食甜品就更加甜上加甜。店子小小裝潢骨子。原來店主在日本餐廳己有多年經驗，在水準上應該毋庸置疑。甜品都有分季節性的，冬天紫薯特別甜美，紫薯梳乎厘配雪糕就是我心水。等了十分鐘左右終於上場了。好美的造型，黃金的表面灑上紫薯粉末，色彩撞得完美。梳乎厘好挺身，蛋白味香濃，像綿花入口即化，內裡隠藏紫薯茸，軟糯香甜。整體甜度適中，不過膩，紫薯迷要試下啦！有美味甜品當然要有一杯茶來襯托一下。熱呼呼的綠茶好暖胃。最初幾口覺得比較清淡，但再嚐到尾聲那苦澀甘香特顯出來了，口腔內的回甘久久不散。在嚴寒之日能享受到一件美味甜點和甘香的茶實在太窩心了。

We went totally random after dinner and it turned out to be a very great dessert place! We ordered chocolate lava cake and Hokkaido soufflé, the chocolate cake was classic good, and the soufflé was amazingly great with soft creamy texture and right sweet level. We also got to chat with the owner, a very lovely person who has very pure idea to make great quality dessert. Highly recommend!