松屋日本料理 (已結業)

琴晚同5個同事去，6-8點，＄143一位＋10％好少野食，得3張紙俾你tick無帶子刺身，無甜蝦刺身，連鰻魚壽司，蟹柳壽司咁基本都無！叫三文魚刺身，唔知係咪因為我地早去，中午客食凈既邊位，應該要留黎做魚生飯既當刺身俾埋我地！叫左4轉4轉都係咁，唔新鮮又唔好食～燒物唔錯既，雞翼，雞串幾好味，但千企唔好叫咩芒果紅茶，蘋果綠茶，幾個同事每人叫左一杯，大家飲左一啖就成杯唔要唔怪得松屋呢幾年執左幾間，點解唔檢討下？話就話6－8，7點半就last order，7點8就羅張單黎叫你埋單，大佬，你仲有咁多吉台，出面又無客等，洗唔洗咁呀？！咁做落去你只會越黎越少客

小妹生日 朋友們貼心地係我想去好耐既松屋訂左位一行八人 四男四女 正值青春期既大家(這個說法有點牽強)梗有相當食力啦!我地先苦後甜啦~先講魚生!有d唔對路喎,,,三文魚一般,味道不夠濃,又不肥美,蒙眼吃的話應該吃不出是三文魚,但尚可接受 tuna魚有筋既!!!不妙 仲有少少冰味總之就唔掂啦!唔食好過食!再講野飲,我心諗,任飲應該唔會差得去邊掛,,但呢到既野飲認真唔掂.蘋果綠茶既綠係科學怪人腦漿既綠@@都係一罐罐既安全d其他野就正路啦!串燒真係好好食!燒牛肩肉又juicy又夠牛! 食得出係貴野呀!其他好似係雞翼呀,豬,羊都好出色,特別係個羊脾!我地成班食肉獸一手羊脾一牛牛肩肉,癲哂!普通既菇呀,瓜呀都燒得好正!夠哂水份,我到而家都諗唔到係點做到既,因為我好憎食菜都猛咁食呀!炸物!!!小朋友至愛!又海鮮卷呀,又炸餃,食到我地好興奮!手卷,sushi都唔錯,但畢竟唔係buffet既主打食品至於個烏冬真係好正呀,個湯底好甜,又係手打烏冬,牛肉仲好好味tim!所以小妹我都單刀食左兩碗甜品係四款不同口味既雪糕 食左咁多野,都夠皮啦!睇在超正串燒同烏冬份上過關!

一行十幾個人，放題是不錯的選擇，話曬唔洗怕share會有人唔抵。個個大食怪物，應該都可以回本！首先提提有個好似叫堅係有型san來接受了一個三文魚，應該是三文魚腩最肥的部分steam到出曬油，搞到很滑，食了兩小塊，幾好的。三文魚刺身，call了最少三大碟，都好鮮味，每個人食了無限多！但是最后一碟入口有點雪。吞拿魚刺身係大家食唔到三文魚時先食的，都ok炸蠔好味道，食了五六個芝麻雞翼，都是好食的，芝麻其實只是一點添味料，但是雞本身好味是重點羊扒係老左少少，但是本身愛食羊，都食了兩件這里的天婦羅有很多款，食了幾件蝦都幾新鮮的金菇肥牛麻麻地，牛太老牛舌，雞件，雞腎等等燒物都可以的，正常味道另一可嘉之處是有日本beer任飲，正！

boxingday出tst 影完相行完街都9點半朋友興起話要食放題 即打電話book之後飛的去去到未夠10點都俾我地入去 nice我地食10:00-12:00 $138加一刺生壽司好唔得 唔新鮮又唔靚三文魚舊舊都有根燒墨丸有咬口幾得意燒海蝦d肉好老 要自已剝殼好唔方便雞串燒雞串燒等等既串燒都好味蝦天婦羅熱辣辣 蝦肉爽口 好味推介芝麻雞翼同各ice-cream芝麻雞翼十分香口而且雞肉嫩滑 正雪糕甜度適中 good服務生不時問有冇漏單而且態度親切主動幫忙拍照又同我地吹下水 nice可惜的是環境殘舊anyway that is a happy boxing day!

是日囡囡生日，去完海洋公園就BOOK咗9點食松屋8點9個字去到，經理哥哥見有枱俾我哋早少少入整晚都好爆場，食到十點幾仲有人不斷入評一評食物先：刺生 - 今次明顯有改善，好新鮮，三文魚厚切好正壽司 - 甘蝦壽司YUMMY燒物 - KEEP住高水準-至愛翠玉瓜、冬姑同茄子-多春魚咬開果時，D春仲標緊煙，熱辣辣超正-鯖魚如果加多少少汁嚟燒會仲好D-燒墨丸同鱆魚小丸子又係必食之選-燒雞腎乾身彈牙，加少少七味粉食仲正-燒海蝦大大隻，有蝦味兼彈牙-試咗串燒蒜頭，正到無朋友，同時當晚亦無人肯正面同我傾偈炸物嚟講首推海鮮卷，炸蠔就太厚粉甜品前傻更更地叫咗個蒜香玉子牛肉炒飯嚟到原來係一大碗但係炒得又香又乾身，最後都食咗八成甜品既雪糕真係無得頂一定要試菠蘿，有好多果肉其次綠茶都好正唔好意思，因為掛住食所以無影到相...>.<

系我話：人不能懶，一懶下來就什么都不想做，不想做的時候，需要做的事情也會被擱置，所以今天逼迫自己一定要把這篇食評寫出來。 昨天生日，想食buffet，花了幾天的時間才選中這間店（講真喇，其實初初過時系揀金田唧，不過提前兩日去book臺都book唔到，失望之極= =）不過后來事實證明我選擇是對的，book定咗系5:30-8:00果場（148/人，另收＋1）五點兩個字已經到左度，不過未入住，只好系門口度等，五點四個字正式open. 行過長長的過道式的食飯臺，我地被帶到靠近廚房的卡位（好像附近只有我們這臺系卡位@@）坐下之后，服務員就熱情的開始介紹“游戲規則”我同BF慢慢選食物，廚師也很熱情的出來介紹焗三文魚是這里的必吃食物，正在我們興致勃勃地選食物的時候，主管哥哥（不知道是經理還是主管）指著桌上的wasabi說是綠茶雪糕，叫我們試一試口味，我那BF笨到家，竟然相信他的話，夾起一坨就往嘴里送，OMG，下一秒佢已經嘔返出o黎，全場人哄堂大笑=.=，可憐的BF。 選定食物之后開始我們的first round,上菜之神速，以至于都不知道往嘴

我一再強調，我對食冇咩要求，唔難食就可以...唔難食就係我o既底線。而我個人亦對放題冇期望。今次因為同事睇左食評而去，去到是全場爆滿，但個人認為是沒有太多選擇的放題。基本上只有 5 套單面的點菜紙，壽司/刺身、串燒、揚物/熟食、飲品及雪糕。一坐下來，就有個比較話得事o既人話送呢樣送果樣!任點任食的情況下，都點了很多大路的食品，日本菜當然少不了刺身，質素不過不失，不新鮮，但不難食，始終不需烹調，好難會難食。三文魚算是可以。甜蝦亦爽口。其他的都不太好，吞拿魚口感十分失望。劍魚腩沒有油香，咬落只有水流出，比較腥。鮑片則是一般的。壽司/刺身這個環節，好壞參半，算是收貨。手卷，軟殼蟹手卷，內餡是不俗的，軟殼蟹仍脆，可是紫菜已經稔了...吃時感覺很差...揚物之中，炸蝦天婦羅是不錯的，正常水平，唯炸漿比較厚，但不難食。炸蠔卻令我十分反感，蠔不新鮮, 有腥味, 炸漿厚, 吃了一隻就放棄...炸海鮮卷，感覺不到海鮮的餡，算吧，但實在是太油了，式夾起時尚有油在流出，不是滴出，是流出的...熟食我只點了燒牛肉飯，一入口，有好強o既燶味，一口都吃不下，我真的覺得自己十分折墮，平時成日話人食唔晒 d 野，今次

突然好想食放題, 所以上OPENRICE搵地方試新野我俾哩百幾個笑臉引左去 喊都冇謂服務:我地2個人, 去到9:45PM(每位$15X加一), 門口侍應話10:00場(每位$133加一)FULL晒我地話等啦,可能D人NO SHOW呢,15MIN之嘛,又唔餓... 佢話同事剛打去CONFIRM左BOOKING,唔會有位剩, 強烈提議我地即刻入坐...咁好啦...入左去(哈哈哈 咁最後食完 我地見到好多位10:00根本冇人入坐被騙啦~~~)其他侍應做事爽快 態度良好衛生:佢地安排左個角位俾我地, 檯冇抹乾淨, 檯面同地下都有食物碎+垃圾我地坐角位,即係面對住一道好多污漬既牆咁...我真係食唔落...好彩佢肯換位俾我!好少少, 不過地下一樣很髒食物質素:食物種類不多, 但飲品都算多選擇, 出菜快炸芝麻雞翼, 牛舌串燒, 粟米串燒, 燒羊架係幾好味既魚生...毫無鮮味, 好重雪味, 我食過最難食既魚生就係今次!刺身鮑魚同貝類, 我寫2件, 佢俾左10幾塊...雖然唔好食,但我地唔想浪費食物, 食到反白眼D甜蝦...OH NO...唔好ENCORE...炸物都實在太多油喇 滴晒油咁第一ROUND

為了慶祝今天十八歲生日我的朋友決定跟我一起去松屋起一頓晚飯跟朋友談話時正好說到自己生日一位侍應剛好聽日就來跟我們說上兩句而且介紹一些招牌食品如焗三文魚 焗蠔 雞串等等這三種東西可以說是誇張焗三文魚用筷子是不能夾起來的可想而知到底有多滑加上少許檸檬汁味道一流焗蠔那芝士加上蠔的味道在百多元的自助餐中可以說是稀有雞串燒得剛剛好5人吃了20多串加上其他相比起來只是有少許遜色的食物最後加上一記芝麻雪糕芝麻雪糕不得不提芝麻雪糕吃起來當真有芝麻的香味不像平常外間能吃到的芝麻雪糕才不過一百六十元就有這樣的水平當真非常超值

因男友生日於是帶左佢黎依度慶祝,其實都抱住試下冇防既心態黎, 因為之前我都搵左好多間日本既任食,但見d食評好似唔多好咁, 於是就選擇左依間啦我早2日已經book左台,因為星期日既關係,我決定食 5:30-7:30個場, 因為平好多家,,haaaa去到我地早左15分鐘,不過都俾我地入去呀, 超好啦坐位近上菜位,正啦, d waiters 就介紹點order野食, 飲品初初我地叫左三文魚次身,唔知咩貝既次身, 仲有幾款, 都唔錯,不過係細件左小小0者 之後我地一連串叫左好多炸物, 串燒, 攪到我地個喉嚨好快就已經開始發熱啦and than我地仲order左 牛舌, 軟骨,炸餃子,炸蠔, 食食下已經變左食串燒咁,狂叫. 仲有我最欣賞佢地既beer 係 朝日beer 真係好正丫, 我地都叫左黎飲, 飲左冇咁熱氣整體我都好滿意, 男友更鐘意啦. waiters last 1 hours 之前已經再double check有冇欠野食,如果有就幫我地跟,幾好招呼. 唔錯,生日,or 一大班人黎食都唔錯. 不過就要準時交台.

幾日前男朋友生日 , 專誠早左半個月就訂位食呢間<松屋>! 點解會去? 就係因為睇完<開飯喇>既食評 , 個個都話好 , 咁就試下啦~但試完反而無心目咁好 , 可能希望愈大掛~值得稱讚的地方:1.向門口等位果時 , 個哥哥仔都有禮貌咁叫我等等~ 8:00pm都可以準時入席! *唔會持住爆場就心煩氣燥 , 串嘴*2. 一入到去坐低 , 有個四眼哥哥仔問我地係咪第一次黎 , 之後就慢慢講解食物既叫法 , 邊d要加錢 *表現良好*3. 食物真係叫幾多 , 比幾多 , 無漏單 *伙記好合作 , 無側側膀*4. 洗手間都算係乾淨 ………………..可以改善既地方:1.入去同埋走果時 , 好似無乜歡迎光臨 , 多謝咁拜拜之類既說話..*一句講哂無乜賓至如歸既感覺*2.魚生選擇真係唔多~質素一般…*不過放提既魚生我都唔會抱咁大希望*3.地方有點迫.. 4.好可惜食唔到佢地既焗三文魚 , 焗蠔..呢間野唔係話好好 , 又唔係話太差 , 不過不失啦!

之前寫左篇，成個禮拜都未登，局住寫多篇原先諗住同朋友去食吉壽，但見好多食評都話呢度好，所以決定一試！我地食八點時段，去到好多人，環境比較嘈吵，最慘朋友講野比較細聲，成日要估佢講乜，聽死我！講返食物，種類都算多，刺身新鮮，尤其三文魚同馬刀貝，正！點菜紙雖然只得甜蝦壽司，但可在隔離註明走飯，咁就有甜蝦刺身喇！熟物方面都有好多種類，值得推介有燒冬茹，燒番薯，牛頸隻，多春魚，羊扒，雞軟骨，炸蠔，天婦羅等等(其實好多都好好味，真係講唔哂)最後當然係雪糕啦，最正係綠茶雪糕，綠茶味好香，紅豆同之麻都唔差，不過真係太飽，想叫多杯可惜食唔落

我見呢度有咁多好評就去試吓啦，我同朋友食5:30嘅時段，每位$133 + 10%。魚生都算新鮮嘅，以呢個價錢都算ok啦，但唔會令我食完想再食囉，我成晚都只係食左兩件三文魚、一件吞拿魚同兩件劍魚腩。而其他食物都麻麻地，個炸蠔，我都唔係好食到有蠔，只係食到外面嗰層炸粉。蝦天婦係一啲味都冇，燒蕃茄煙肉又燒得唔夠火喉，燒完出嚟嗰塊煙肉都係軟淋淋嘅，個燒雞亦又乾又冇味.....總之我覺得成晚只得一樣野好食，就係炸蕃薯。我同朋友食完後都真係唔明點解有咁多好評？

香港有多少家日本料理標榜自己做的是正宗日式串燒.我也數不清我試過了好幾家都幾好. 一家是跑馬地燒鳥亭.一家是銅鑼灣南亭.但是價錢不便宜還是覺得這裏比較好一些.起碼價錢不會是太離譜.我一共來過三次.第一次慕名而來我對放題從來沒有任何好感.對食物的要求是貴精不貴多這裏選擇不太多 但難得的燒烤食物水平甚佳,廚師手藝不俗今天又再來這店,每次來這裏串燒呢樣係指定動作識食的人都知道,吃串燒最緊要新鮮，烤爐要夠高溫，這樣才可封鎖肉汁串燒有鹽燒和汁燒之分,師傅會根據食物的性質而決定用哪種方法燒鹽燒最考師傅的功架，因要即場撒鹽，分量要控制得宜，肉不新鮮一吃便知食客可向師傅指明要鹽燒(日音事屙也KEE)或汁燒(日音架呢也KEE)燒牛舌厚薄適中,外脆內軟以鹽簡單的調味,火喉同樣控制得好,鎖住牛舌本身的肉香這裡特別一讚是羊架,燒得剛剛好.師傅用鹽燒哪種方法簡單的調味倘可保留了肉汁.真係超水準.每次係必然正選特別愛食串燒既我.一口喝著冰凍的啤酒.實在有種天上人間之感覺**日本人習慣吃串燒前先喝啤酒,當然也視乎個人喜好**至於一品料理水平就見仁見智.最好不要抱任何期望除了羊架. 個人認為燒牛粒和炸蠔做得很好炸蠔酥

之前其實都去過幾次啦,我又鐘意食日本野, 所以去完再去囉前兩日又同幾個同事去食放題,食黃金時段7:30直到10:00放題包括甚麼食物,有刺身、壽司、串燒、一品料理、應有盡有來到我就二話不說,當然唔少得既就係大大盤刺身啦賣相很精緻,有三文魚、鮑魚、劍魚、馬刀貝等三文魚水準唔錯夠新鮮一定要試的有軟殼蟹手卷,手卷唔太大件,紫菜好脆黎哩間之前一心帶幾個同事來吃串燒,串燒基本原則是現做全晚柯打了十次有多(數過插在筒內的竹籤，起碼有60枝)個人覺得最好味是雞軟骨同羊扒.雞翼也不錯燒粟米好香牛油味, 燒蕃薯甜至於一品料理最好的要算是蝦天婦羅好爽口脆脆的,唔多油真係好正其他食品就有炸生蠔、金菇牛肉卷熱辣辣上最欣賞佢地服務，冇得彈，那晚還送了六隻焗蠔給我們全晚的焦點焗三文魚,顏色好靚,啊又香又滑又好味飯後甜品的雪糕也很好味芝麻味極濃夠滑另外我們坐門口位很不舒服但服務員反應很快，而且態度亦好好，值得稱讚對我來說,自助餐之精髓在於新鮮及款式多這家完全達到我的要求了!整體真係好滿意